لو صار لج هالموقف شنو راح يكون ردج وافعالج .. هام جدا ناطره ردودكم

[(شروق)]

السلام عليكم ،،،

حبيبتي كلمي عمتج وقولي لها شنو المشكلة لما آخذ وقت أطول أفكر فيه على راحتي وأستخير أكثر من يوم أو 2 أو 3 ،
قولي لها كافي علي تجربة والحين هذي آخر فرصة لي ، ليش أقط نفسي بتهلكة ، دام إنكم تعرفون الولد زين ويستاهل خلاص عطوني وقت أفكر على راحتي !!!!!!!!!!!!!
ويمكن الولد فعلاً زين وانتي ما تدرين ، استخيري واقري سورة البقرة يومياً وصلي استخارة ونامي كل يوم على هالحالة وقولي حق عمتج شنو صار معاج ، إذا ارتحتي شرطي عليهم شقة بروحج وقريبة من أهله مافي مشكلة بس قولي لهم أبي أعيش بروحي عشان آخذ راحتي أكثر ...........

والله يتمم عليج​

خلاص مافي نصيب واهلي كلموهم ماتبي البنت بآخر لحظه واساسا شرطه اهو اسكن عند اهله لأن مايقدر

يبتعد عنهم بحكم شايل البيت حبيبتي كل يوم اصلي استخاره كل يوم اقول ادعيه الشعور قلقه متضايقه

حتى اشتري ملابس حق ملجتي مو فرحانه اسولف مع اختي عن ملجتي بغير نفس حتى قلت مالي خلق اروح صالون

واوي شعري عطوني افكر 10 ايام وانا عندي وقت اقصير لأن ابي زواج طول العمر مو شهر وشهرين او سنه وسنتين

ابي استقرار

 

[Pwincess]

عادي حبيبتي انتي استخرتي و تقربتي من ربج و للحينج مو مرتاحه ف خلاص يعني .. و كل قسمه و نصيب و ان شاء الله اييلج الاحسن منه و انا صارت فيني مرتين لوووووول ثاني مره انزفييت صج لان كان واحد من الاهل و الحين اهو تزوج بس للحين ما يكلمني و لا يطالعني لان كان يدق و انا اسكره بويهه اخااف ! :$ و ان شاء الله خييره :d

 

[الشهد كله]

الله يعوضج خير إن شاء الله
:yaaaaaarb::yaaaaaarb::yaaaaaarb::yaaaaaarb::yaaaaaarb:​

 

[مهاوي البحرين]

اختي لا تزعلين ولا شيىء

اختي هذا زواج مو لعبه

مدامج استخرتي ولا ارتحتي هذا اكبر دليل ان هذا الزوج مو من نصيبح

وربي يسخرج الريال الصالح اللي يعوضج عن كل شيىء قولي امين

 

[*peace*]

ويييييييييييه عمرج 23 بس؟ عبالي 30 او فوق توج حبيبتي ولااااااااااااااااااااحقه على رزقج صدقيني

انتي استخرتي وخلاص خووو غصب الزواج

حبيبتي عادي شنو يعني تفشلتوا هذا زواج مو لعبه ومااااااااااااافيه مجاملات مالج شغل ولاتتفشلين

 

[(شروق)]

ويييييييييييه عمرج 23 بس؟ عبالي 30 او فوق توج حبيبتي ولااااااااااااااااااااحقه على رزقج صدقيني

انتي استخرتي وخلاص خووو غصب الزواج

حبيبتي عادي شنو يعني تفشلتوا هذا زواج مو لعبه ومااااااااااااافيه مجاملات مالج شغل ولاتتفشلين

مااادري اشلون اواجه اهلي واكلمهم واقنعهم ومايشلون عني شي ويحطون هالامر عادي :0bee2e8d89


ويضل الحب والموده بينا مايخذوه فكره مو حلوه عني

 

[~ام خالد~]

انتي مو غلطانه واذا ما توفرت الراحه لج الحق بالرفض
وكل شي قسمه ونصيب
وما وقفت الدنيا حبيبتي الديره متروسه رياييل باجر اييج اللي احسن
وترتاحين له والله يوفقج
ويسخر لج الزوج الصالح اللي يهنيج ويسعدج

 

[ansana_85]

كل واحد ياخذ نصيبه في هالدنيا ولا زم اهلج يعرفون ان هذا نصيب

صحبح الموقف صعب هذا نصيب وتوفيق من الله ماتدرين

يمكن خيره له او لج

المهم تعلمي من هالموقف والحياه تجارب مصاعب واجهي بحكمه وهدوء

ولا تخلين الحزن يسيطر عليج واهلج يحبوننج مااعتقد في احد يبيع اهله

 

[.]

لا موغلطانه..

اهلج المفروض من اول ماقلتيلهم مو مرتاحه يخلونج تحاولين مره اذا ماكو يتعذرون من اهل الصبي..

مو حزة الحزه ..

المهم هالشي مو من نصيبج..

واكيد خيره لج..

والله يعوضج يارب..

 

[ansana_85]

انتي مو غلطانه ومع رونه وارتاحي