صباح الورد عالغاليات
حبيبات قلبي طبعا مثل ما وعدتكم اني اكتب لكم طريقة اكلي اللي راح اتبعها خلال شهر وابتديت فيها من امس
طبعا الكثيراسألوني هل متبعه ريجيم معينا او لأ؟؟؟؟ الاجابه لأ
والنتيجه الوزن شبه ثابت والخصر اهوا اللي يصغر
شبه ثابت بمعنى انه ينزل كيلو او اثنين لا يعني لي نزول بتاتا (( كيلو او اثنان خلال شهر ... هذا ما قصد )) ابصراحه يا حلاتي بالفصحى :dddds:
قررت اتبع نظام صحي هالشهر واشوف واتشوفون معاي شنو التغيرات اللي تطرأعلى الجسم شكلا ووزنا
يالله بسم الله نبدأ
الافطار : (( الساعه 7 صباحا )) (( تناول حبة من خميرة البيراوار المركزه قبل الاكل بنصف ساعه ))
1- بيضه تنطبخ بأي شكل كان + خياره + طماطه + ربع خبزه + كوب حليب خالي الدسم مع شاي وسكر فواكه ملعقه صغيره
أو
2- جبنه أي نوع كان المهم اتكون قليلة الدسم + خياره + طماطه + ربع خبزه + ملعقه وسط زيت زيتون مع ملعقة طعام زعتر + كوب حليب خالي الدسم
الضحى : (( الساعه 10 )) تناول كوب من النسكافيه بالكوفي ميت اللايت ومحلى بسكر الفواكه
الغداء : (( الساعه 1 ظهرا ))
1- كوب ارز سواء كان مشخول او مجبوس او محمر او معدس اللي يصير + كوب مرق أيا كان + قطعة لحم حمراء او قطعة دجاج او قطعة سمك
او معكرونه أو أي شيء احبه واتمناه بس باعتدال حتى لو كان وجبه من ماكدونالدز
المهم اني آكل وأشبع
ومن بعدها اتناول حبة كالسيوم مخلوطه بالمغنيسيوم والزنك
المغرب :
كوب نسكافيه + حبة كتكات ابو اصبعين او بسكويت ابو النجوم (( غرااااااااااااااااااااااااااااااااامي )):eh_s(6):
وبعدها بساعه ابدأالرياضه والمساج
العشاء يكون الساعه 9 مساء ؛:
وهو عباره عن كوب لبن خاااااااااااااااااااااااااااااااااااااااالي الدسم وحبة فاكهه أيا كانت بس آنا امنسقه يوم موزه يوم تفاحه يوم برتقاله يوم خوخه يوم بطيخ يوم رقي وهكذا
ودمممممممممممممممممممممممممممممممممممممممممممممممممممتم
_03BA:
أكل صحي اميه بالاميه
ولا ننسى شرب الماي قبل الاكل بساعه وبعد الاكل بساعه
ويمنع منعا باتا تناول الماء اثناء الطعام
ويمنع منعا باتا تناول المشروبات الغازيه الا مره وحده بالاسبوع
بس ها علشان ما تملون اذا طلعتي مع زوجج او اهلج او صديقاتج وقعدتي بكافييه (( لا تطلبين اللامعقول
لا طلبي بس ابسنع ))
كوب كوكتيل + قطعة كيكه فقط لا غير
واذا رديتي البيت لا تتعشين
وخليلج وجبه وحده فري بالاسبوع تاكلين فيها اللي تبين (( بنات قلت وجبه مو اليوم كله فري انتبهوا :eh_s(6): ))
اتمنى البرنامج يفيدني وراح ابلغكم بكل التطورات اللي راح اتصيير
وطلبت جهاز جديد ابشركم وراح يوصلني عقب باجر
اهوا هزاز وسونا بنفس الوقت وراح اصوره لكم واقولكم طريقة استعماله
شريته مو عبط أو هبل لألألأ طبعا
شريته بناء على نصايح بنت خالتي اللي تستعمله وفعلا ياب نتايج معاها
انتظروني بنتايج الطعام الصحي وانتظروني بصور الجهاز الجديد_03BA:
