لوكان لج الخيار...شنو بتختارين

[RaAaRy]

اي شي ما اعيش معاه ولا دقيقة ماراح اتحمل طبعن وحدة تشاركني بزوجي ...
هذا اللي حسيته لما تخيلت الموقف الله لا يقول ان شالله

 

[نوره حبيبة أبوها]

اختار الطلاق طبعاااااااا

 

[@ام ضاري@]

كلن يموت بيوومه ياقلبي

اما اني اقبل على شريجه لاوالله اروح بدري والله يسهل دربه بالنهايه هو الندمان

 

[خااااص جداااا]

الله لا يجيب هاليوم ...........هو حاط فباله الزواج يعني ماراح يرده شي بس انا لازم تكون عندي كرااامه وازعل جم يوم ويراضيني وهنيه اخذ حقي منه واتشرط واقعد علي قلبه هو وياها ولا اخليه لها بارده مبرده طبعا هالكلام اذا فيه عياال بس اذا مافيه عيال ....ماقعد عنده دقيقه واشرشحه بالمحاكم وانتفه تنتف وماوقفت الدنيا عليه اخذ غيره عشره مايهم ..بس المشكله لا صرتي ام لازم تضحين عشان عياالج

 

[جنااوي]

شوفي حبيبتي بما انج فتحتي الموضوع راح اقولج الصج مو الضحك
انا وحدة ما اسمح ابدا احد يشاركني بزوجي مهما كانت الاسباب حتى لو كان السبب قصور فيني اطلب الطلاق قبل لا يملج على غيري واذا سواها من وراي وبعدين خبرني فاعرفي ان قيامتة قامت
اولا : اسوي نفسي عادي جدا -لاني بطبيعتي اكابر- واعرف المقرودة اللي ماخذتة منو
ثانيا: اجمع خواتي وناخذ عصي ونهجم علية اهو وعروستة
ثالثا :ارفع قضية علية واحط خالد العبدالجليل محامي الدفاع.
بس اهم شي ابرد جبدي واريل بدالة ريل

اشرايكم فبني$$$

 

[BURBERRy]

اطلب الطلآق​

 

[نور78]

الزوجة الثانيه والله يهنيه ويسعده وانا بريح بالي اشوف عيالي وماااشتتهم وحقي عند الله مايضيع وصدقوني مارده للاولى

 

[غلاتي غلا]

اول شي الله لايقوله انشالله:yaaaaaarb:
ثاني شي مستحييييييييييييييييييييييييييييل اقعد انا وياه وفي شريك ثالث معانا نو وي:j013:
عاد انا دايم اقوله لو تسويها تطلقني واذا الله رزقنا بعيال تاخذ عيالك عندك
عاد يقولي تخلين عيالج عشاني تزوجت؟؟
اقوله انت شفت حياتك انا بشوف حياتي هههههههه قويه بنت ابوها_03BA:

لا بس حرام ما ادعي عليه بالموت لاني انا اللي اموت فيه:friends:

 

[maadaa]

الله لا يبب هالساعة , و الله ما ادري ما اقدر احكم على موقفي الحين أكيد حزتها لي تصرف معين

 

[ملح الكويت كله]

أنا تطلقت ورفضت تجي علي شريجه مستحيييييييييييييييييييييييييييييييييل أقبل

عورتي قلبي أم عبدالله .. والله يعوضج خير بولدج وتشوفينه شايل شهادة من احسن جامعه بالعالم وتاليها جابع ابشته معرس قولي آمين

 

[كوارين]

لااااااااااااااااااا



ماحب اتخيل جذي

 

[hang_out]

ما اقدر اتعب مخي ونفسيتي وأفكر بهالموضوع اللي يقمت القلب
لا تفاولون على نفسكم.. والله يخليلنا ازواجنا انشالله ولا يفرقنا عن بعض قولو آآآميييييييييين

 

[بمبة المفترسة]

موضووع مكرر وايد ملينا منه
وكل المتزوجات يقولون بنتطلق وماشفنا شي
اغلبهم يرضون بالامر الواقع كلام في كلام ماسمعت واحد تزوج على ملرته ومرته الاولية طلبت الطلاق نادر جدااا
فكلام البنات هني موصحيح

 

[قمر^خالد]

اخليه ياخذ الثانيه علي بس عقب مايطلقني^ واللي مايبانا ما نباه ^هع هع

 

[حنوووونهـ]

الطلااااااااق الطلااااااااااااااق الطلااااااااااااااااااااااااق
حراااام مابي ادعي عليه بالمووووت اطلب الطلاااق وكل واحد بطريجه ..
بس لا حبيبي مستحيل يسويهه ياعلي فدى عمرة ...

 

[بنت باباتي]

ولا واحد ما ابي مخي مو قادر يتخيل الموقف

 

[saratee]

انا لاحظت من الردود ان بعض الحريم ماشالله عليهم عندهم استعداد انهم يكونون زوجات ثانيات والبعض ما ترضي بالشريكه لكن لو خيروها فهي مجبوره ترضي لأجل الحب لكن هل فعلا الاعصاب تتحمل طول الوقت افكر فيه شيسوي معاها :0bee2e8d89:

 

[saratee]

موضووع مكرر وايد ملينا منه
وكل المتزوجات يقولون بنتطلق وماشفنا شي
اغلبهم يرضون بالامر الواقع كلام في كلام ماسمعت واحد تزوج على ملرته ومرته الاولية طلبت الطلاق نادر جدااا
فكلام البنات هني موصحيح

يمكن كلامج فيه نوع من الصحه ....لاني انا ما افكر بالطلاق لكن الانفصال الجسدي لابد منه وبصراحه يعني لو صار لي هالشي راح اعذبه بالصد والهجران ما ابيه يجيسني بس ما ادري هل هذا يجوز شرعا...

 

[درة أهل الطولات]

مرفوووووووووووووض

اتركــــــه احسن

 

[واحشني زمانك]

ادعي علي بالموت ولا سمني بس لا تقارفني دخيل الله وتغيب
طاري الزواج يابعد عمري همني شلون اعطي وحدة ثانية اغلى حبيب
هههههههههههههههههههههههههههههههههههههههههههههههههههههههههههههههههههههههه
رحت اييب شغلة من داخل وريلي قرا موضوعج والردود
جان يتلني من اذوني يقول لي تتزوجين واحد ثاني هاااااااااااااااااااااااااااااااااااااااااااااا
جان مو امصع رقبتج انتي وياه
قلت له كا انت بتتزوج
جان يقولي يالمينونة مو انا اللي قلت
ما اقدر اافارق قيفتج تعلمت على حنتج
قمة الرومانسية ريلي لووووووووووووووووووووووووووووووووووووووووووووووووووول

:dddds::dddds::dddds: