لما تقطين زوجج بحلج رفيجتج .. لا تصيحين وا عليه وا على حالي ..مدندنيات(10)

[حبي لكـ وهـم]

معاج حق بكل كلمه قلتيها الزوجه المفروض ماتقول اسرار حياتها وبالذات زوجها الا اذا تبي نصيحه فتقول موقف معين بسس


ويييه ياكثثر الناديااات بالديره



اسلووبج ماشاءالله رووعه تسسلمين حبيبتي عالطرح

 

[مدندنه]

كلامج صح الف بالميه انا صار لي موقف مع صديقتي انا وزوجي غرامنا السفر وبخاصه دبي نسافر لها اكثر من مره بالسنه وكنت اقول حق رفيجتي انا وزوجي نيمع مع بعض عشان نسافر ونستانس ويوم من الايام اشوف رفيجتي متضايقه وتبجي وقالت انها ودها تسافر وزوجها يقول لها اذا تبينا نسافر نسافر على حسابج وقعدت اواسيها والا اشوفها تصارخ بويهي تقول لي شنو فيج زووود عني زوجج يسفرج ويدلعج وبصراحه انصدمت ومن بعدها صارت علاقتي معاها عاديه وسطحيه

مو مفروض نثق باي وحدة مهما كانت قريبة .... مادامها غريبة

الله يوفقج

 

[Killer^Girl]

غبيه الي تثق بالناس وتنشر غسيل بيتها بكل مجلس

 

[الصعيريه]

ياكثرهم
والمشكله مايجي عقب هالسوالف الا الندم وتخسر الطرف الثاني (الزوج)
انا لاوصلت حدي ومحتاجه افضفض عند إختي لاااغير

ويعطييج العاافيه ياقلبي

 

[^^نـــواره^^]

عفييييييية عليج

خووووش موضوع الصراحة

المفروض الوحده ما تييب طاري ريلها لا بالزين ولا بالشين

ان مدحت حطوا العين على ريلها

وان ذمت انقدوا عليها وعليه

 

[coralia]

مشكووورة

 

[gala q8]

اي والله .. المفروض مو كل شيء ينقال ,, إلا للام فقط احس انها اهيا المناسبه للمواقف هذي ولا مو اي ام ,,

إلا إذا كانت تهدي ربهه لبنتها مو تزيد الطين بله ,,

ويعطيج العـآفيه

 

[الطيب_كله]

احذر عدوك مره وصديقك الف مره

 

[خوخه بارده]

ابـــ ابـــــــــ

 

[موت وميلاد]

كلام رائع وعين العقل

 

[*حبيبة جراح*]

تسلميييين على النصييحة ​

 

[زوجة عزيز]

والله محد ابليس غيرها الخاينه يوم سووت فعايلها قالت ابليس شاطر الله يراويها اللي سوووته بالمسكينه ان شاء الله حسبنا الله ونعم الوكيل فيها

 

[كويتية نايس]

يعطيج العافيه قلب واتمنى من البنوتات الاستفاده

 

[ماحب اتدلع]

لاتقلبين المواجع ذكرتيني عندي وحدة تقرب لي اعتبرها اكثر من اخت وعلى طول اتحجى عن ريلي فجأة والا اشوف احلام غريبة بين هالبنت وريلي وشبة يومي قلت شكو كل يوم احلم جذي ليش عاد واحلام تعور القلب صراحة ودققت بتصرفاتها والا اشوف شي مو طبيعي ماكنت حاسة فية يعني وقت الي تعرف اني بطلع والا طالعه تدق على شقتي مع انها تدري اني طالعه وتسأل فلانة موجودة؟ واااي حارتني لي الحين
لا وكذا مرة آخذها تطلع معاي ومع ريلي لم دققت شفتها تتعطر وقت الي بيمرنا وتتزين انا على بالي بس جذية لا وتضحك بصوت وتنعم الصوت الي زي الصخلة وصرت من اذكر اسمه تتغير ملامحها
نصيحة صج صج حتى لو كانت اختج لاتقولين لها شي عن ريلج
وعسى ربي يبرد قلبي فيها الي وانا والد في بيت اهلي دقت شقتي بعد وهي متأكدة اني في بيت اهلي واحيانا ريلي يسأل عنها يقولي مااشوف تكلمينها نفس قبل واااي تعالوا شوفوا ويهي حزتها مع انها اقل من العادية يعني تشابه عبد الناصر درويش استغفر الله ولي الحين مادري شنو نهايتها الحمد لله ربي نبهني والا انا بغبائي كل مرة وماخذتها ياسوق ياصالون مالت
احذروااااااااااا

 

[مشتاقة الى الله]

الله يجيرنا يارب من هالمواقف

 

[الريم اللعوب]

الله المستعان دنياااا تخوووف

شكرا صاحبه الموضوووع

 

[غير كل الناس]

قصه واقعيه​

 

[yam_yam]

موضوعج روعه

 

[فواصل]

فعلا هاي اللي حاصل في مجتمعاتنا مب شرط في الحياة الزوجية

حتى كل الطلعات و الزيارات يكتبونها البنات في النت ! وفي البيبي بعد !

العين حق

انا صادني موقف و السبب اني اكتب قصة حياتي من اصبحت لين النوم وعقب خلاص لان في بنات شاطرين في تنقل السوالف وهاي الحقد و الحسد عند البعض (انا قلت البعض مب الكل)

هاي حياتي بشكل عام عيل شلون اللي تتكلم عن حياتها الزوجية بكل تفاصيلها !

و المرة اللي تتكلم عن حياتها الزوجية بشكل علني ما احترمها لان الاسلام حرم هالشيء

حتى صديقتج المفروض ما تعرفينها على ريلج لان عقب ما تدرين يمكن ينعجب بها

وانتي ما تدرين


الله يهدي الجميع


والله يعطيج العافية على هالطرح المتميز

 

[مفعمه بالحيويه]

يمكن الزمن كفيل بأنه ترجع علاقة ناديه وزوجها مثل أول واحسسن

سورة البقره بصوت الشيخ احمد العجمي
وانتم تصفحووون
والله رااااااااااااااااااااحه فظييييييييييعه

هذا الموقع
http://www.althkr.com/16.html

ملوكه من زمااااان وانا ادوور طريقة الاستماع لـ سورة البقره فالنت

الله يجزااااااااااااااااااااج الف خيرر اختي