للي استفسرو عن ابرة الخشم !! شوفو شصار برفيجتي :(

[منانا]

لا حول ولا قوة الا بالله الله يشاافيها يارب

 

[عروسه 99]

الله يشفيها يارب

 

[عطراللافندر.]

يسلمووووووووووو ع الافادهـ...

 

[Dreamy G!rl]

رد : للي استفسرو عن ابرة الخشم !! شوفو شصار برفيجتي

الله يشافيها يارب
السائل اللي بالابره مخلوط مع مادة لها اضرار
الغلط واضح من الدكتور و دليل ان حاول يتحاشى الموضوع
انا طقيتها الحين حق الانحراف و صارلي اسبوع بس خشمي حده منتفخ
للحين ما شفت شي

 

[@يسرى80@]

الله يشفيها

 

[سواري الليل]

الله يرفع عنها ويشفيها يارب

والله والله خلقت الله احسن

بس وين اللي يفهمون تلاقون البنت حلوه وتقوم ترقع بروحها ليمه تصير جيكره

كسرت خاطري رفيجتج

انا اقول اذا تغسل وجها بماي زمزم لانه شفاء من كل سقم سبحان الله
والله يشفيها

تكفين طمنينا عليها

 

[ذات الهمة العالية]

الحمدلله االذي عفانا عمري مافكرت بعمليات التجميل - بس لامتنت شوي والا بشرتي تعبت شوي قلت يووووووه ليش جذي وتحطمت اذا شفتت الممثلات واهما غلاف صوره منقش والصوره اللي داخل اكس شكل بلا معنى - عقب اشوفلي وحده وجها ماينبلع وصابره على خلقة ربي وانا موعاجبني اللي عندي استرجع واستغفر واقول اللهم بارك لنا فيما اعطيتنا وارزقنا من حيث لانحتسب - بعض الحريم اقعد معاها وجها الحمدلله على الخلقه بس اموت عليها وتشدني وتلفت انتباهي بحلاوة لسانها وحضورها فعلا الجمال مطلوب انثوي بحت بس بعقل وحدود ومن غيب تغيير في خلقة ربي

انا مو واعظه وولا شي بس " فليقل خيرا او يصمت " وهذي كلمه طيبه الحمدلله على العافيه كل اطرافي كامله نعمي من ربي كامله خلاص حووورفي بروووووووووووووووووووحج بس بحدود العقل والدين

استغرب من اللي يسوون عمليات

وحده بفريجنا لاحول ولاقوة الا بالله مسكينه اهيا فيها عيب خلقي صدري كبير حيل وصدر صغير حيل ب
بشكل جدا جدا ملحوظ - دشت تسوي عمليه وقالو حلال لانها تصحيح ماغيرتي هذا شي عادي ومسكينه ماتت بالعمليه والشي كان جد بسيط !!

هل ربي عاقبها .؟ هل اللي سوته حرام ؟ ماندري بس الله كتبلها هالشي ؟ لحكمه سبحانه

مثل ماخلقني وخلقج وخلقنا كلن في صوره انشأها سبحانه لحكمه !!!؟؟ سبحان الله

ولاتلقوا بايديكم الى التهلكه

بس شنو نقول ماكو قناعه مع انه القناعه كنز لايفنى

ولو انهم وقفو عند " رضاء الناس غاية لاتدرك "

جان كان لهم خيار اخر لانه لاتجي وحده وتقنعني انه سوت عمليه لرضاء داخلي ولنفسها لا هذي قلة ثقه بالنفس شنو معنى اني اصير حلوه بعمليات مو الناس عارفه شنو انا بس جني رسمت صوره وحطيتها جدام وجهي واواجه الناس فيها لانه ورا هذه الصور جدار هش وانسان ضعيف !!!

اسفه للاطاله بس والله يحزنني الكم الهائل اللي لمن ادخل العروس اشوفهم امبي لاااا ليش جذي نسخ كوبي بيست عن فنانات والله والله انه مره وحده مقلده كيريام فارس طبعا ناسخه وجهها كوبي بيست استغفر الله العظيم لا وماسكتت بس جذي لا البدله طريقة الشعر يالله حتى الرقصه والله مابالغ شي يهووووول


حبيبتي صديقتج الحين مالها الا كتاب ربي خل تدعي انه الله ياجرها في مصيبتها ويبدلها خيرا منها واههم شي اتوب عن الذنب اللي سوته

حبيباتي اذا وحده بتعلق على كلامي وتقول اشدعوه !!كيفها مشكلتها اني ماتشارك معاها في نفس مستوى الفكر والثقافه والاحتكاك بالدين لانه هالشي معروف حررررام

وشي يريح ضميري اني اقول اللي قلته

واسال الله العظيم رب العرش العظيم ان يشفيها
واسال الله العظيم رب العرش العظيم ان يشفيها
واسال الله العظيم رب العرش العظيم ان يشفيها
واسال الله العظيم رب العرش العظيم ان يشفيها
واسال الله العظيم رب العرش العظيم ان يشفيها
واسال الله العظيم رب العرش العظيم ان يشفيها
واسال الله العظيم رب العرش العظيم ان يشفيها


امين يارب العالمين

:aha::aha::aha::eh_s(21):
تسلم أيدك اللى كتبت
مع أنى كنت اسأل عن هالأبرة لميلان الحاجز الأنفى
بس ردك روووووووووووووووووووووووووووووووعة
وأنا معاك بكل كلمه

 

[caramil]

رد : للي استفسرو عن ابرة الخشم !! شوفو شصار برفيجتي

سواء كنا على مستوى عالي او منخفص من الثقافه..
مايختلف اثنين على ان الانثى دايماً تبحث عن الافضل لما نتكلم عن الجمال
ماكو احد ينكر ان الجمال الداخلي و الثقافه والمستوى الخلقي اهم ما في الانسان
بس الشكل الخارجي واجهه ..انا ياما شفت ناس ما ارتحت لهم استغفر الله مع انهم زيينين بس
هم الشكل يلعب دور ..يعني لحد يطق الديانه ويقعد يسوي روحه كلش..تاكل اكااال ويوصل وزنها الف و ماتهتم بشكلها
وتقووول الجمال الداخلي اهم..هذا كلام الجياكر..هذا غير الزوائد اللي بالجسم والكروش..
الكل يدور على الكمال والكمال لوجهه سبحانه..واللي تقول المغيرات لخلق الله..
لا تحطين مكياج و لا تحطين عجينة الحاجب اللي قاصين عليكم فيها و لا تتتعطرين ولا تتزينين وتمي مثل ما انتي
وشوفي منو بيتقبلج..حتى ريلج بيشوتج فنقر.. وبالنسبه لسالفة الابره 8 بنات اعرفهم امسوينها
وكلهم ماصار فيهم شي وتغيرت اشكالهم للأفضل و الخشم ضعف وارتفع..صاروا ثقه اكثر..

هذا رايي..اما بالنسبه لرفيجتج انا اقول خل تشتكي على هالـحمار ..وانشالله ياخذ يزاه..

 

[Dreamy G!rl]

رد : للي استفسرو عن ابرة الخشم !! شوفو شصار برفيجتي

كراميل صدقتي صراحه
في بنات طاقين الديانه ع الاخر و اهمه اصلا مو فاهمين شالسالفه
يعني وحده مسكينه كاتبه انا مابي اسوي عملية بخشمي خايفه و خشمي في عيب بطق ابرة الخشم
وحده سطرت لها الحجي و حطتلها حديث لعن الله المغيرات لخلق الله
يعني اذا انتي مو فاهمه شالسالفه اشحادج اتردين ع الموضوع بالله !!!
البنت قالت فيها عيب خلقي ما قالت بسوي تجميل كامل يخليني اصير جميله و يغير شكلي
عيييييييييييييييب خلقي
يعني رجاءً اللي بترد لا اتسوي روحها احسن من الشيخ و اطلع البنت فاسقه و رايحه فيها
في بنات يحطون استفسارات و مواضيع و اهمه واثقين و سائلين شيوخ و الحمدلله

اما بالنسبة حق بعض كلامج اختي كراميل انا اقول التزين و التجمل بحدود يعني مو في اللي ما يرضي رب العالمين
تتعطر بين الحريم و الا بين محارمها لكن تتعطر بين الرياييل الاجانب ليش ؟!!
ترا التعطر رساله حق الريال الاجنبي !
و شكو المكياج بسالفة التجميل ؟؟!! المكياج جم ساعه و ماسحته لكن التجميل دائم و ان كان 6 شهور و اكثر
و بعدين ربي ماحرم شي الا في حكمه يعني التجميل حق الصاحيه و اللي ما اتعاني من عيب خلقي ليش اتسوي
في مضره لها اكثر من الفايده !!

 

[نــوره]

الله يهوون عليها ويشفيها

 

[احـــ فراشةـــلى]

بنات انا قتلكم من قبل ان ماكو شي اسمه ابره خشم والبنات ماصدقوني
انا سائله دكتور تجميل بنفسييييي والله قالي هاذا حجي فاضي وخرابيط يبون يبوقون فلوسكم
يعني شلون ابره تصغر الخشم بنات فكروو؟ فكرو فيها طبيا شلون شنو اليه عمل هالابر؟؟؟؟
جان محد سوا تجميل وتحمل العوار

بس الحمدلله والشكر في بنات مومتعملين بما فيه الكفايه وهاذي اخره الجهل

 

[مكاييل]

الله يرفع عنها يارب

 

[Diva-Q8]

رد : للي استفسرو عن ابرة الخشم !! شوفو شصار برفيجتي

سلامتها رفيجتج
بنت خالي غازه الابره هذي عند دكتور عاطف للتجميل في بوحمره كلنك
اللي اعرفه اهي ماتصغر الخشم اهي بس تنحفه تذور الشحوم اللي بالخشم المتفوخ وترفعه 25% مواكثر اهي غزت ابرتين ماتغير خشمها بس تعدل وايد كان متفوخ ونازل ارتفع من جدام وصار احلا هذا اللي شفته بعيني محد قالي او سامعه من احد !

 

[شوشو العنزي]

مسكينه واعليه الله يشفيها
مشكورة حبيبتي عالتنبيه

 

[Nafnooofa]

لا حول الله .. الله يشفيها انشالله .. انا سامعه بابره الخشم اللي ترفع الخشم اذا كان نازل .. بس ابره تصغر الخشم اول مره اسمع فيها

 

[caramil]

رد : للي استفسرو عن ابرة الخشم !! شوفو شصار برفيجتي

احلى فراشه حطي باليوتيوب ابرة تصغير الخشم وشوفي بعينج شلون تكون..

اهيا عباره عن ابره تسحب الدهون و تضعف شكل الضغروف و ترفع الخشم من خلال حشو الاماكن المخنفضه يعني اللي
خشمها غاطس يرفعونه من خلال ابره فيها سوائل تجميليه مؤقته او نحت الخشم من خلال سحب الدهون ..فهمتي الحين ؟؟

ثاني شي

حبيبتي dreamy girl انا اللي اقصده ان في بنات يحرمون كل شي كل شي ..الله مامنعنا من التمتع بالحياة بحدود الحلال والحرام
وفقاً للضوابط الشرعيه وسنة النبي..لكن البعض تقعد ترك بمكانها جنها ديايه وتخيس على نفسها وتهدم بيتها
لأنها فاهمه الدين غلط..وتعطي مواعظ تسمم عقول البنات ..والمشكله كل البنات بالنسبه لها فاسقات ..شدعوه عليج؟

الحمدلله عارفين ربنا ووعارفين حدود الشرع..مافي مانع من التجميل الغير مبالغ فيه والمقبول شرعاً..
لكن يختي كلامهم يغث والله مو فاهمين شسالفه وفاهمين الدين غلط والدنيا غلط ويحسسونج احنا اللي اسكت..

ياليت تفهمين كلامي عدل..المكياج والعطر هذيل امثله على كلامي مو موضوع اساسي..مجرد مثال..
وانا عن نفسي اشوف ان التعطر بره البيت مافيه شي ومافي دليل شرعي ينفي هالشي معظم هالاحاديث مشوهه ومحرفه
او قد تكون غير صادقه..وعموما لا نقلب الموضوع شرعي وهالشي اكبر مني ومنج علشان نفتي فيه
لكن هذي قناعتي ..و وجهة نظري ..والاختلاف بالرأي لا يفسد للود قضيه..

احترم رايج عزيزتي..تقبلي كلامي برحابة صدر..ومشكوره للمره الثانيه

ملاحظه : الضغروف = الغضروف لووول بس كل ما ابي اعدل البدليه ينقلب الكلام

 

[RoSe PeRFuM]

رد : للي استفسرو عن ابرة الخشم !! شوفو شصار برفيجتي

الله يشفيها يارب
خالتذر ان الله يشفيها ودايما خالتحط زيت ميبو.. والاحسن اذا تقدر تطلب كريم الحلزون

 

[دغيسه]

رد : للي استفسرو عن ابرة الخشم !! شوفو شصار برفيجتي

الله يشفيهااا يارب

 

[Donatilla]

Upupup

 

[وردة الكاميليا]

الله واكبر ديرو بالكم يا بنااااااااات وعلية عليها:krkrkr: