للمتزوجات وعن اللقافه :)

[غلالالدنيا]

ماعرفه بس اتمنا البنات ايفيدونج

 

[دندرمه]

أنا مستغربة من شغلة وحدة كل وحدة تدخل وتقول انا صارلي متزوجة 5 سنين وماعرف انا صارلي متزوجة صارلي 10 سنين وماعرف حتى لو كنتي متزوجة 100 سنة مو شرط تعرفون سوالف الكريمات والادوية الي تقوي العلاقات الجنسية ...

لووول يحليلكم كلشي تبوون تعرفونه وكلشي تبون تجربونه ولا وتستغربون شلون بعد هل سنين ما جربتووه يمة منكم تبون تجربون كلشي بشهر واحد ...خليكم على طبيعتكم لا كريمات ولا يحزنون

واختي الي ستفسرت عن الكريم مو كل كريم مضمون وحتى لو قالو انه في ناس مجربينه وماصار لهم شي بس مو كل مرة تسلم الجرة في ناس ما يتأثرون بهل الادوية وفي ناس لأ "اجسامهم" ماتتحمل جذي كريمات

وشغلة أخيرة حبيت انوه عنها: عناوين المواضيع الي تنكتب بهل قسم أتمنى انها تكون خالية من الزيادات الي مالها معنى وانا قصدي
المتزوجات الي الي يكتبون مواضيع ويحطون العناوين مثل جذي :

يالمتزوجات تعالوو وبلييز مانبي ملاقيف ......للمتزوجات فقط البنات برااا من غير مطروود .....وووو وغيرة من العناوين الي محاضرتني الحين :\

(( ترى كل ممنوع مرغوب )) انتو عبالكم انكم بتحذرونهم بس قاعد تشدونهم أكثر وأكثر حق مواضيعكم

يعني بس الي تزوجو صارو اهم الي يعرفون بكل شي في امور الجنس!!!!!!!!

ترى مثل ما في حريم متزوجين ويعرفون بكل شي ترى هم في بنات مو متزوجين بس اسمالله عليهم يعرفون كل كبيرة وصغيرة ....ترى خلاص احنا سنه 2008 مو عام 19وحطبة كلشي تغير ولو تسألين اصبي بو 8 سنين عن الدورة الشهرية بقولج شنو اهي ...
يعني يمكن في دكتورة بينكم بس مو متزوجة يمكن في مرة ام 33 سنة بس الله ماكتب لها نصيب بالزواج بذمتكم جذي بتردون عليها اذا دخلت ...يا خواتي يا متزوجات كبرو عقولكم شوي ...ولاتصير تصرفاتكم بهل شغلات تصرفات جهالة والبنت المومتزوجة اهي اعقل منكم

انا مابي اسوي فتنه بالموضوع انفرز أحد بس الصراحة انا من زمان متضايقة من هل موضوع ولقيت الفرصة اتحجى فيها وسامحوني على الطوالة

وعلى فكرة انا وحدة مو متزوجة بس الحمدالله ثقافتي وخبرتي بالحياة اتعادل 10حريم متزوجات وبرد على موضوع الاخت بكل ثقة ومصداقية بدون ما ادخل الشك بردي

واتمنى من صاحبة الموضوع تقبل ردي بكل مودة واحترام لانه هذا هدف المنتدى انه نرقى بخبرتنا مو ننحدر للأسوأ

تحياتي

 

[احلى من الحلى]

مافهمت ليش حطتى الموضوع اهنى ؟؟؟؟؟؟؟؟؟؟؟؟؟؟؟؟؟؟؟؟؟؟؟
يعنى لازم اشوف
عموما انا رديت عليج اهناك
بس حبيبتى اهنا اهنيه نفيد ونستفيد يعنى انا مااعرفه يمكن احد غير يعرف
وكل واحد حر بالى يبى يكتبه

 

[نفيشه]

تم اغلاق الموضوع لانه اخذ حقه الكافي بالنقاش
الرجاء من العضوات الكريمات عدم الخروج عن الموضوع
وابداء الراي بدون تجريح باي كان فهذا الامر مرفووووووض
وللادارة الحق باتخاذ ماتراه مناسبا لقلسم من ناحية العناوين او المواضيع

مشرفة قسم الحياة الزوجية نفيشه