للمتزوجات اللي صارلهم اربع سنين وفوق

[مناير احمد]

والله الحياه مثل الامواج انا من يوم ماتزوجته طالع نازل مشكله حتى على اتفه شي بس بعدين تعدل الحمدلله والامور مستقره بس ساعات تنفجرين من الضغط الله يوفق الجميع لما يحبه ويرضاه

 

[زوجة عزيز]

الله يعينكم بلوه والله

 

[!الجادل الصعب!]

ابدا م تقارنين حياتج و وضعج وتقيسينها
علا حياة غيرج .. كلن له ظروفه و وضعه الخاص
جربي شوفي الاخطاء والخلافات وحاولي تحلينها
من جذورها ..4 سنين تعتبر بداية عشره يفترض تكونون
فهمتوا بعض حتا لو ما اقتنعتوا في بعض ..

 

[منـــاي]

انزين اذا ثلاث سنين و نص ما يصير اجاوب ؟ لوووول

 

[om Firas]

متهاوشين حاليا عشان جذي بنطم بدون تعليق

ههههههههههههه نفس حالتي :eh_s(2):

 

[قويت انسساه]

--


آذآ صصآر لي آربـع سنين أن شالله آرد عليييييج


... خخخخخخخ

 

[*مطبخ الذواقة*]

العشرة تخليج تتعوديييين على الشخص حتى لو من غير حب ....


​

 

[منـــاي]

واي بنات اشلون تتحملون يعني عادي تعيشين و تقعدين و تنامين و تقومين مع واحد ما تحبينه ؟

انا كنت اتوقع ان اذا كملت الثلاث سنين راح تكون حياتي مثاليه ونتعود على بعض و خلاص

بس الواقع غير راح احط تقدير يديد واهو عشر سنين لوووول الله يرزقنا طولة البال ويحنن قلوبنا

 

[ندوش الشوش]

هههههههههههه
مناي عجبتيني قاعده تصبرين نفسج

اهي السالفه مو تعود
اهي السالفه تعودتي علي شخصيته وردات فعله السخيفه والعصبيه علي اتفه الاسباب
وبعد العيال اللي بينا تخلينا ننطم ونبلع

الله كريم


ويعوضنا كل خير
ويجملنا بعيونهم ويجملهم بعيوننا

 

[أم ركووووووو]

انا صارلي ثلاث سنين و٤ اشهر
اول سنه مشاكل وتخيلي ماخذين بعضنا عن حب وتوقعت ماقدر اكمل حياااتي
بس الحين ربي لك الحمد مع العيشه ويبتله اول بيبي كل شي قام شوي شوي يتغير بس ها
في ليما الحين طناقير بس اعديها عشان تكمل الحياة

 

[سندس 90]

شمعنه اربع سنيييين؟؟

 

[somalian girl]

انا صارلي خمس سنيين بس احنا عايشين يعني لا متزاعلين ولا متحابين والحياه ممله لكن لامفر.

 

[modern]

مثلي مثل ام فوزي الحمدلله بعد المشاكل استقرينا