لحقوووني يا بناات مادري شصار بقطوي

[الوجه القمري]

هاي
طبعا انا كلمتك بموضوع عن القطو الي يابه اخوي بنات القطو شزيينه اينن يلعب ويطامر امس يو عندي رفيجاتي وحدهم استانسو عليه وكل وحده قبل لا تطلع تقول على يوم ابيه بخليه عندي قلتلهم اووكي وكلموني بالمسنجر قالو شحلاته الحجي الساعه 4 الفير الساعه 9 الصبح القطو وانتي بكرامه قاعد يسهل ويعاطس ويكحكح الساعه 2 الظهر قعد يرجع اهوا تقريبا توه دش شهرين قعدت ابجي بجي مو طبيعي ولما وديته الطبيب قالو مافيه حراره وزين وقزوه ابره عن الترجيع ولسهال ووريتها اكله قالت اي نظيف هالاكل ويصلحله واهوا بغرفتي وغرفتي مو بارده تتوقعوون شفييه ترى انا مااعطيه حليب تكفييين لحقوو علي والله مو مقصره معاه ليش حضي جذي هذا ثاني يوم عندي حتى اسبوع ماصاااله

 

[ZoooQa]

ليكون سبحتيه ؟

 

[دمي مـטּ ذهب]

اذا كان صغير لازم تعطينه حليب

وهم احتمال عين والله

ان شاء الله يصير زيييييين

واتمنى البنات يفيدونج اكثر بحالة الاسهال لأني ماعرف حق القطاوه

 

[الوجه القمري]

لالا والله ماسبحته لانه صغيرر وخفت عليه قلت بعدين اسبحه

 

[Alesar]

عين شنو حتى القطاوة يعطونها عين:dddds: ما دري بس اهتمي فيه وراجعي الطبيب البيطري اذا ما تحسن

 

[AmOoNa-]

القطاوه الصغار ساعات يصير فيهم اسهال اذا تغير نوع الاكل عليهم

 

[بحلوقة]

الله يعيينج

انا عندي 5 وماشالله عليهم مايخلون شي ماياكلونه حتى الكلينكس ياكلونه

ووحده منهم ياها امساااك ):

اسالي الدكتور عن الاكل اللي يناسبه

يمكن يكون من الاكل

والله يعافييه ان شالله

 

[ღ كحلاء العين ღ]

؛
الـــســلآمـ عـلـيـكـمـ و رحـمـة الله و بـركـآتـه

إذا الدكتور قال عنه زيـــــن و ما فيه شيء امكن فيه عين ,,,

ترا عادي العين تصيب كل شيء ,,,

قال رسول الله صلى الله عليه وسلم : " إن العين لتدخل الرجل القبر , و الجمل القدر "

فأذا ما تحسن حاولي تاخذين غسولـهـمـ ,,,
و الله يشفيه يا رب ,,,

و مــع السلامـــــة ,,,
|~|

 

[احلا قطووووه]

لاصج ممكن تكون عين شفيكم مستهنين بالموضوع العين تموت وتخرب حتى الاشياء البسيطه مافيه غير انج تاخذين اغسالهم وتسبحينه فيه ..جربي انتي موخسرانه شي...ترى العين حق ومذكوره في القران..حرام عليج تخلينه جذيه جربي بليز علشـــــــان قطوتج ...ورديلي خبر ناطرتج...؟؟؟؟؟؟

 

[a7la-86wa]

العين تسبب
تغير الاكل يسبب
تغير الجو من حار لبارد يسبب
تاكدي منهم ورديلنا خبر

 

[Al-Farasha]

يمكن عين ربعج
اقري عليه

 

[lojeeen]

ما تشوفون شر ان شاء الله
حبيبتي من وين انتي شريتي القطو لو شريتيه من بيت اسألي صاحب القطو شنو كان يوكله عنده هاذا شكله حاشته صدمه من تغيير الأكل و المكان عندج
حاليا خليه يصوم عن الأكل و خليه داخل قفص كبير أو كرتون و معاه التراب و الماي و خليه ينام على جريده و فرشيله ملابس قديمه قطنيه

و قوليلي انتي شنو اكلتيه بالبيت و كميه الأكل اشكثر كم وجبه تعطينه باليوم ؟

 

[3w!Shni]

ويييييييييييييييييي

حظي

انا هم قطوتي جي

وحده شقول حسبي الله عليها ..

قالت ان شاء الله يموت

وثاني يوم صكه اسهال حشاكم

مع انه لا زال يلعب

بس انا اعطيه نفس اكله و الدكتور قال زين ومافيه شي

طعموه 3 مرات

ومافيه لا عدوى ولا حرارة ولا هم يحزنون

وحالي مقل حالج طقيتها مناحه

عمت عينها حتى ماذكرت الله

وانا من ذاك اليوم و انا منقهره منها اقول لو اهي السبب ربي يجازيها الشقول

عمت عين العدو

الحين خايفه يموت و انقهر و ينشلع قلبي

بنات الاسهال يموته؟؟؟؟؟؟



المشكلة ماقدر اييب غسولها ولا وضوءها لان الله ياخذها مو بالكويت

 

[catloverq8]

ويييييييييييييييييي

حظي

انا هم قطوتي جي

وحده شقول حسبي الله عليها ..

قالت ان شاء الله يموت

وثاني يوم صكه اسهال حشاكم

مع انه لا زال يلعب

بس انا اعطيه نفس اكله و الدكتور قال زين ومافيه شي

طعموه 3 مرات

ومافيه لا عدوى ولا حرارة ولا هم يحزنون

وحالي مقل حالج طقيتها مناحه

عمت عينها حتى ماذكرت الله

وانا من ذاك اليوم و انا منقهره منها اقول لو اهي السبب ربي يجازيها الشقول

عمت عين العدو

الحين خايفه يموت و انقهر و ينشلع قلبي

بنات الاسهال يموته؟؟؟؟؟؟



المشكلة ماقدر اييب غسولها ولا وضوءها لان الله ياخذها مو بالكويت

لاحظوا نسبة الدسم ( الدهنيات ) بالأكل المعلب
مالازم يزيد عن 2%
و أيضا الأكل لما ينحط جدامه شيلوه بعد نص ساعة و تخلصوا منه
لأن جونا الجميل البارد اللطيف يساعد على نمو البكتيريا و السالمونيللا بسرعة فيسبب للقطط تسمم عبارة عن ترجيع و إسهال
حتى الحليب لا تعطونهم إلا خالي الدسم و يفضل النوع الخاص بالقطط و ينشال على طول إذا ماكمله القطو حتى لا يسبب لهم تسمم
الأفضل نحط لهم الدراي فود ( البسكوت ) الخاص بالكتنز
منها يقوي الأسنان و يساعد على طلعتها و أيضا ما يخرب بالحر و الأهم ما يسبب إسهال لأنه مناسب لهم
بس لا تنسون الماي النظيف الفريش كل يوم جدامهم

 

[3w!Shni]

اسوي الي قلتي عليه

بس يختج حتى الطبيب مستغرب يقول عجيب ما وقف الاسهال؟؟؟

ميرسو اني وي ^^

 

[&مـيـاسـه&]

مثل ماقالوا البنات اخذي غسولهم وسبحيه فيه
وحاولي تقصرين ع المكيف عشان الكحه وطبعا ع طووووول غيري الفرشه اللي تحته او غسليها وعقميها واذا عندج مره>>شبي فحمه وحطي المره عليها >>>تقتل البكتيريا >>مفيد له ولكم عشان ما تنعدون وهم يقتل البكتيريا
ااااااااه قلبتي علي المواااااااااجع كانت عندي قطوه 4سنين وجم شهر وهي معاي واول ماجبتها كانت صغيرووونه حتى شعر الراس ماطلع ااااه ولمن قررررب عرسي وديتها سوق الحمام عشان يربونها ناس غيري >>>غصبن علي جنهم خذو قلبي >>امبيه قلت قصة حياتي سوري بنات بس مشتاااااااااااااااااااااقه لها

 

[lojeeen]

كلام catloverq8 صحيح
يمكن انتي تعطين القطو كميه اكبر من حاجته ترى القطاوه بهل عمر ياكلون بدون توقف لما ينتفخ بطنهم و يتحول لأسهال
قنني له الكميه ملعقه كبيره من الأكل المعلب وجبتين باليوم يعني بس ملعقتين أكل كل يوم و الباجي بسكوت و ماي

 

[ام-نونو]

قطوتي صار فيها نفس الشي شربيها ماي وشكر احسن حل لمن وديتها الطبيب قزها ابره و قالي شربيها ماي وشكر وصارت زينه :dddds: نفس اول

 

[Aboosah]

طمنينا عليه قلبي معورني عليهااا

 

[M.&A. Stuff]

امممــ..الله شوفي ياختيــ....اناا قبل صاار جذيــ يقطوتيــ.....

"صاار فيه انيميه حاده" من كثر الترجيع والاسهال تكرميــن....

بس انتي لاتعطينه حليب نهاائيـا"....لانه يسبب تكسر بالدم,,,

وعطيه دراي فوود..للي بسنهــ...


وان شاء الله يصير زين..