كيف تعتنين بسرتك الجديده وجرحك بعد عمليه الشد

[dectora 7elwa]

أب ،،،

تسلمين عالرفع وان شاء الله توصلين هالمرحله بالسلامه

 

[dectora 7elwa]

الحمدالله صارلي شهر وخلصت من ميبو والحين بديت احط كريم اخفاء الأثر اسمهdermatix
اهو بالأصح جل مو كريم ولازم أحطه مرتين باليوم صبح وليل لمدة شهرين
والجل سعره في بعض الصيدليات ب12 ونص و13 وفي ب11ونص (حتى الصيدليات على كيفهم يحطون الاسعار)
آنا أخذته من صيدلية جمعية بيان ب11 ونص
ترى العلبه صغيره طبعا ماراح تكفي حق شهرين يمكن يكفي اسبوعين بالكثير
على فكره لازم تنظفون سرتكم شوي شوي بعود أذون عشان لا يطلع منها ريحه آنا دايما الدكتور يقولي جذي
وموتنسون المساج حق بطنكم والمشي اليومي على الاقل نص ساعه
واتمنى اني كفيت ووفيت بالشرح

وأي استفسار آنا حاضره حبايبي

كفيتي ووفيتي حبيبتي
واضيف مطاره الماي الدافي للبطن المتحجر هم مفيده

 

[dectora 7elwa]

نجمه البحر تتهنين بالنيو لوك يارب
انتم اسابقون ونحن اللاحقون
انه عندي الحكه موووووصج بفخوذي
خصوصا من ورى
ودي ٢٤ ساعه اهمز ريولي واحكها

انه بشوف السبت اروح مراجعتي واكتبلكم اسامي الكريمات
وتعبنا انشالله مايروح هدر

بانتظارج يوم السبت ان شاء الله

 

[++The DuchesS++]

اب اب اب
ومنكم نستفيد

 

[om-3abood]

السلام عليكم ...أنا توني مسويه العمليه من 10 ايام ..فتاق وشد العضل والشد البطن ...للحين تعبانه ..بطني وارم صوب وصوب لأ
البس الكورسيه 24 ساعه ..سبحت مره بس ..وسرتي وارمه ....عندي مراجعه الأحد ..

 

[dectora 7elwa]

الله يطمنا عليج
شلتي البربيش عقب كم يوم

 

[om-3abood]

الله يطمنا عليج
شلتي البربيش عقب كم يوم

شلت البربيش الأول سادس يوم والثاني ثامن يوم مع انه مليان بس قالي لازم اشيله راح يسوويلج التهاب
اليوم رحت له قالي عيشي حياتج بس للحين انا احس بتعب وارهاق ..........
بسأل سؤال..محرج شوي وما قدرت اسأله الدكتوور ...متى اقدر امارس حياتي الخاصه مع زوجي؟؟؟
انا حيل خايفه واحس للحين ما أقدر.......................:eh_s(22)::eh_s(22)::eh_s(22):

 

[dectora 7elwa]

اخذي حبوب حديد
وفيتامين سي تنشط الصبح احسن شي
بالنسبه لسؤالج الثاني بعد 3 اسابيع:050103nbh_prv:

 

[om-3abood]

اخذي حبوب حديد
وفيتامين سي تنشط الصبح احسن شي
بالنسبه لسؤالج الثاني بعد 3 اسابيع:050103nbh_prv:

الله يجزاج خير .اليووم بجيب فيتامين سي ..شكلي موو ثلاث اسابيع شهر احس اني موو متهيئه ..الحمدلله كل يووم اتحسن //وعلى فكره انا مسوويه العمليه عند دكتوور حلمي صج دكتوور يهبل بكل النواحي*

 

[MiSs_PiNkOz]

الله يتمم عليكم يارب

بس بنات بسئل جم سويتوا الشد واي مستشفي واسم الدكتور يعني ابي اعرف جم كلفتكم ؟

 

[om-3abood]

انا سوويتها بالبابطين وكلفتني سعر الكورسيه بس ..

 

[ام فطوووم]

حياتج الزوجيه ممكن اتمارسينها بعد اسبوعين
من غير شر انشالله
هذا كلام الدكتور واللي يسمحلج فيه
الا عملية الصدر السليكون مايقرب الا بعد شهر

 

[shakshuka]

انا مثلكم شديت بطني بس الجرح وايد كبير مظايقني شكله واشتريت لزقه السيلكون قالي عنها الدكتور 17من صيدليه جمعيه الروضه استخدمتها بعد عشر ايام من العمليه طبعا ما تكفي طول الجرح فاغسلها وكل 8ساعا ت احطه جهه. واحسه لمت الجرح وصغرته بس شكله مضايقني

 

[سـكـر زيـادة]

انا مثلكم شديت بطني بس الجرح وايد كبير مظايقني شكله واشتريت لزقه السيلكون قالي عنها الدكتور 17من صيدليه جمعيه الروضه استخدمتها بعد عشر ايام من العمليه طبعا ما تكفي طول الجرح فاغسلها وكل 8ساعا ت احطه جهه. واحسه لمت الجرح وصغرته بس شكله مضايقني

حبيبتي ، شنو لزقة السيلكون هذي ؟

وممكن صورة لها ؟؟؟

 

[dectora 7elwa]

يابنات ممكن تستخدمون scar gel
مفيد لازاله الاثر والعلبه تكفي شهرين ينحط منه مره باليوم بالليل
اذا دكاترتكم نصحوكم بشي ثاني ذكروه عشان الكل يستفيد

 

[الجووورى]

الجرح يصير من وين لوين خاطري اسويها بس متردده

 

[dectora 7elwa]

الجرح من عظم الحوض الايمن لين عضم الحوض الايسر

 

[الجووورى]

وي عبالي بس منطقه السره

 

[LuLiTa]

سؤالي داش عرض بس شنو الكريمات اللي اتوخر اثر الجروح ؟ خصوصا اذا كان الجرح نوعا ما عميق ؟

 

[خليجية وكلي فخر]

ﺍﻟﺴﻼ‌ﻡ ﻋﻠﻴﻜﻢ*
ﻛﻴﻒ ﺣﺎﻟﻜﻢ ﺟﻤﻴﻌﺎ ؟ ﺗﻤﻨﻰ ﺍﻟﺸﻔﺎﺀ ﺍﻟﻌﺎﺟﻞ ﻭ ﺍﻓﻀﻞ ﺍﻟﻨﺎﺋﺞ ﻟﻤﻦ ﻋﻤﻠﺖ ﺍﻟﻌﻤﻠﻴﺔ*
ﺑﺼﺮﺍﺣﺔ ﺑﺤﺜﺖ ﺑﺎﻟﻨﺖ ﻛﺜﻴﺮﺍ ﻭﻟﻢ ﺃﺟﺪ ﻣﺜﻞ ﻫﺬﺍ ﺍﻟﻤﻨﺘﺪﻯ ﺍﻟﻤﻠﻲﺀ ﺑﺎﻟﻤﻌﻠﻮﻣﺎﺕ ﻭﺍﻟﺘﻔﺎﺻﻴﻞ ﻭ ﺍﻟﺘﺠﺎﺭﺏ ﺍﻟﺨﺎﺻﺔ ﺑﻌﻤﻠﻴﺎﺕ ﺍﻟﺸﻔﻂ ﻭﺍﻟﺸﺪ,
ﺃﻧﺎ ﺃﺧﺘﻜﻢ ﻣﻦ ﺍﻟﺴﻌﻮﺩﻳﺔ ﻋﻨﺪﻱ ﺃﺧﻮﻱ ﻋﻤﻞ ﻋﻤﻠﻴﺔ ﻭﺣﺎﺑﻪ ﺃﻥ ﺃﺳﺄﻟﻜﻢ ﺑﻌﺾ ﺍﻷ‌ﺳﺌﻠﺔ ﻧﻴﺎﺑﺔ ﻋﻨﻪ ﻭﺫﻟﻚ ﺗﺄﺩﺑﺎ ﻣﻨﻪ ﻭﻣﺮﺍﻋﺎﺗﺎ ﻟﺨﺼﻮﺻﻴﺎﺗﻜﻢ ﺃﺗﻤﻨﻰ ﺗﺘﺤﻤﻠﻮﺍ ﻛﺜﺮ ﺃﺳﺌﻠﺘﻲ
ﺃﺧﻮﻱ ﻋﻤﻞ ﺍﻟﻌﻤﻠﻴﺔ ﺍﻷ‌ﺭﺑﻌﺎﺀ ﺍﻟﻤﺎﺿﻲ ﻗﺒﻞ ﺃﺳﺒﻮﻉ ﺗﻘﺮﻳﺒﺎ ,ﺍﻟﻌﻤﻠﻴﺔ ﻋﺒﺎﺭﺓ ﻋﻦ ﺷﻔﻂ ﻟﻠﺠﻮﺍﻧﺐ ﻭﺍﻟﻈﻬﺮ ﺑﺪﻭﻥ ﺟﺮﺍﺣﺔ ﻭﺷﻔﻂ ﻟﻠﺒﻄﻦ ﻣﻊ ﺟﺮﺍﺣﺔ ﻷ‌ﺳﻔﻞ ﺍﻟﺒﻄﻦ ﻭﺗﺜﺒﻴﺖ ﺍﻟﺴﺮﺓ ﻣﻦ ﺟﺪﻳﺪ,
ﻭﺧﺮﺝ ﻣﻦ ﺍﻟﻤﺴﺘﺸﻔﻰ ﺍﻟﻴﻮﻡ ﺍﻟﺘﺎﻟﻲ ﻭﺳﺎﻓﺮ ﺇﻟﻴﻨﺎ ﺑﺎﻟﻄﺎﺋﺮﺓ (ﺍﻟﺪﻛﺘﻮﺭ ﻗﺎﻟﻪ ﻋﺎﺩﻱ ﺗﻘﺪﺭ ﺗﺴﺎﻓﺮ)
ﺑﻌﺪ ﻣﺎﺷﺎﻝ ﺍﻟﻠﻲ(ﺍﻟﻌﻠﺒﺔ) ﺍﻟﻠﻲ ﻳﺼﺮﻑ ﺍﻟﺴﻮﺍﺋﻞ ﻭﺍﻟﺪﻡ .
ﺃﺳﺌﻠﺘﻲ ﻫﻲ :
1/ﻫﻞ ﻃﺒﻴﻌﻲ ﺃﻧﻪ ﻳﺸﻴﻞ ﺍﻟﻠﻲ(ﺍﻷ‌ﻧﺒﻮﺏ) ﺍﻟﻲ ﻳﺼﺮﻑ ﺍﻟﺪﻡ ﻓﻲ ﻧﻔﺲ ﺍﻟﻴﻮﻡ ﻭﻋﻠﻰ ﻣﺎﺫﺍ ﺗﻌﺘﻤﺪ ﻣﺪﺓ ﺑﻘﺎﺅﻩ؟
2/ ﺷﺒﻜﺘﻪ ﺑﻌﺪ 15 ﻳﻮﻡ ﻣﻦ ﺍﻟﻌﻤﻠﻴﺔ ﺇﻳﺶ ﺭﺍﺡ ﻳﻜﻮﻥ ﻭﺿﻌﻪ ﺑﻌﺪﺍﺳﺒﻮﻉ ﻣﻦ ﺍﻵ‌ﻥ ﻫﻞ ﻳﻘﺪﺭ ﻳﺘﺤﺮﻙ ﺑﺸﻜﻞ ﻃﺒﻴﻌﻲ ﻭﻳﻔﺮﺩ ﻇﻬﺮﻩ ﻭﻳﻮﻗﻒ ﻣﻌﺪﻭﻝ ﺍﻟﻘﺎ ﻣﻪ؟
3/ﻳﺒﺪﺃ ﺩﻭﺍﻣﻪ ﺑﻌﺪ ﺍﻟﻌﻤﻠﻴﺔ ﺏ 17 ﻳﻮﻡ ﻣﻦ ﺍﻟﻌﻤﻠﻴﻪ ﻫﻞ ﻳﻘﺪﺭ ﻳﺮﻭﺡ ﺍﻟﺪﻭﺍﻡ ﺑﺸﻜﻞ ﻋﺎﺩﻱ؟
4/ﻣﺘﻰ ﻳﻘﺪﺭ ﻳﺸﻴﻞ ﺍﻟﻐﺮﺯ ﻣﻦ ﺍﻟﺴﺮﺓ؟...ﻃﺒﻌﺎ ﺍﻟﻤﺸﺪ ﻻ‌ﺑﺴﻪ ﻣﻦ ﻭﻗﺖ ﺍﻟﻌﻤﻠﻴﺔ ﺇﻟﻰ ﺍﻟﻴﻮﻡ ﻭﻗﺎﻟﻪ ﺍﻟﺪﻛﺘﻮﺭ ﻻ‌ ﻳﻔﻜﻪ ﺃﺑﺪﺍ ﻣﺎﻏﻴﺮ ﻓﻜﻪ ﺍﻟﻴﻮﻡ ﺍﻟﺜﺎﻧﻲ ﻣﻦ ﺍﻟﻌﻤﻠﻴﺔ ﻭﻧﻈﻔﻠﻪ ﺍﻟﺠﺮﺡ ﻭ ﺭﺟﻌﻪ ﻭﻋﻨﺪﻩ ﻣﺮﺍﺟﻌﺔ ﺍﻟﺴﺒﺖ ﺍﻟﺠﺎﻱ.
ﻣﻼ‌ﺣﻈﺎﺕ : ﻣﻦ ﺍﻟﻴﻮﻡ ﺍﻟﺮﺍﺑﻊ ﻧﺎﻡ ﺑﺪﻭﻥ ﻣﺴﻜﻨﺎﺕ ﻭﻳﺘﺤﺮﻙ ﻋﺎﺩﻱ ﻭﺍﻵ‌ﻥ ﺍﻟﺤﻤﺪ ﻟﻠﻪ ﻣﺎﻳﺤﺲ ﺑﺄﻱ ﺁﻻ‌ﻡ .

ﺃﻋﺘﺬﺭ ﻋﻠﻰ ﻛﺜﺮ ﺃﺳﺌﻠﺘﻲ ﺟﺰﺍﻛﻢ ﺍﻟﻠﻪ ﻛﻞ ﺧﻴﺮ