كويتيات انا عمري شقا واقول انا ماتوقف عضويتى بل انسحب من المنتدي ؟؟

[ربي محتاجتك]

حياتي انتي
ان شاء الله سوء تفاهم

 

[ياحُبِي لِلكويت]

الله يوفقج وانتي الكل يشهد لج بالاخلااق بالمنتدى ان شاءالله سوء فهم والله يهدي الجمييع ,,,

 

[الكويت ضي عيني]

موضوعى هذا للتوضيح فقط وليس المشاركه ...

بالنسبه للاخوات اللى مستغربين من قصة ايقافي ولاانتبهوا للى كتبته احب اوضح الموضوع بشكل اوضح

انا دشيت موضوع حاطته وحده موطبيعيه وكل يوم نك ومواضيعها دائم ضد الوافديين وسبق نشرت كذا موضوع

حوله بقصد اثارة الفتنه والتطاول على عباد الله وقلت للبنات انها مو حاطه موضوع للنقاش لا حاطته للسب

واللعن والتطاول ... طبعا اغلطت بالكلام وصراحه وجهة لها كلام قاسي م حرتى وخاصه انها سبق وتطاولت علي
منقبل وكان ردى صجى قاسي بس اشوف انه من حقها لانها تستحق هذا وآنا مو متأسفه عليه ممكن الانسان
يفقد اعصابه ... ثلاث اسنين بالمنتدى وعارفينى وعارفين اسلوبي وردودي ومستواي وكان هذا جزاى الايقاف
من أجل انسانه او مخلوقه بهذا المستوى النحدر ؟؟؟؟؟

شئ مؤسف ..... نعم اخطأت ربما لكن مو الغلط اللى تخلونى فيه حالى حال تلك العضوه المريضه

ميصير جزاى نفس جزاها

لكن على العموم الخساره بالعمر مو بعضوية منتدي ..... وهذا للتوضيح لبعض الاخوات

 

[نوره 99]

مدري ليش الاداره ماتقبل تجديد الدماء
المفروض كل فتره يتغيرون المشرفات عشان يشتغلون بحماس
من جد المنتدى هنا بعد مايخلص السب والشتم وتمتلي القلوب يحذفون الموضوع ويوقفون المخطئ والمخطئ عليه
وهالشي يتكرر دايما مو مره ولا ثنتين

 

[توتا الكتكوته]

كل بلاويكم قطيتوها على المشرفات خافوا ربكم مثل ماانتم لكم وقت تشبكون فيه

همن اهما موجودين يعني منتدى في اكثر من 20 قسم اهي صحيح مسؤوله

عن قسمها بس في اختراع اسمه تبليغ

حسافه ما شفت موضوع الي صار فيه الهوشه لاني ضد الوافدين بعد


ويفضل موضوع التوديع لخروجج من المنتدى بعد ازالة الحظر عن عضويتج


​

 

[JANAA]

حبيبتي عمري شقا ليش تطلعين لا حبيبتي ترى تخلين النفوس المريضه ربي يشفيهم ويهديهم ينبسطون لا حبيبتي يا جبل ما يهزك ريح واكيد بنت الكويت مديرة المنتدى مديره راقيه وطيبه ومحترمه يمكن ما فهمت الموضوع بالضبط بس اكيد راح تفهمه والله يكون بعونها شنو تلحق من مواضيع ربي العالم فيها

حبيبتي انا حزنت كتير انك انسحبتي من المنتدى ولما شفت نك العضو ام كوثر موقوفه لا حبيبتي لا تنسحبين وتذكري دائما رسولنا الكريم اشكثر انهان وانظلم وتعب علشان الدعوه الاسلاميه فاين نحن منه

حبيبتي الله يجعل كل كلمة حق قولتيها بحق خواتنا الكويتيات والعربيان بميزان حسناتك وربنا العالم اشكثر بنات كويتيات اصيلات ما بيحبوا الكلام الفاضي لأن تربيتهم واخلاقهم اخلاق النواخذ كويت الماضي لا تسمح بالمهازل والتطاول على الجنسيات الاخرى لأن عندهم عقول فاهمه كل شي فلا تنظري لمن هم دون المستوى الفكري والادبي

حبيبتي انا من اشد المعجبين فيكي ربي يزيدك من عنده ايمان ويزيدك فرح وسعاده بالدنيا والاخره وجنات الفردوس

بنات كلنا الي بالمنتدى لازم نتحد ونكون على قلب واحد ليس معني ان بنت من اي جنسية غلطت او سوت اي شي غلط فنحكم على الجميع لا بالعكس فالخير مازال بامة محمد ليوم القيامه

 

[أحلى البشر]

نصيحه صغيرونه وعالسريع
حبيباتي اي موضوع فيه هوشه او خلافات او طق مطاق ترفعوا عنها حطي فوق تحت وطلعي المشرفات عيزوا يحذرون وينبهون لاحد يرد في مواضيع الهوشات لاحد يرد بمواضيع الشباب وغيره وغيره حرام عضوه قديمه ومعروفه بأخلاقها وادبها تنزل نفسها مع هالاشكال شفتي موضوع تافهه وفيه هوشه فوق تحت الله لايهينج والمشرفات اول مابيشوفون بينحذف وبس

 

[دلوعة حسّون]

ان شاء الله يكون سوء فهم
ما شفنا منج إلا كل خير والله​

 

[Beyoncee]

والله مو خوش خبر
آنا ما أعرفج الا من كتاباتج وعرفتج انسانه راقيه وحساسه وبقمة الاحترام
خساره والله الى صار
أتمني ترجعين بقرارج والله يشهد انتي شمعة المنتدي ما نرضي بطلعتج ولا بانسحابج

 

[ترانيم القصيم]

لا لا لا لا لا لا

ما نرضى إنك تنسحبين و تتركيــنا .. أفاااااااااا يا ذا العلم !!

ما نرضى ما نرضى :eh_s(2):

ما أقدر أحكم على الموقف آللي صار لأني ما شفته ,,

لكن بتكلّم من منظور إنك أخت عزيزة و غاليــة ,, :eh_s(2):

و أحبك في الله محبّة شديدة جدًا و يعلم الله وحدهـ إن ما تعبّر عنه حروف في رد :eh_s(2):

لا تطلعين الله يخليّك حبيبة قلبي :eh_s(2):

لا تطلعين وربي ما يهون علي ,, قهرني قرارك مرّة ,, ليـه تنسحبين ؟ ليه تستسلمين ؟

أنتِ لك رصيد طيّب بالمنتدى ,, و كلّنـا نحبّك و نموت فيك و نعزّك ,, :eh_s(2):

شوفي يا الغاليـة من قال لك إنك توقّفتِ توقيف مؤبد ؟

يمكن مؤقّت ثم ترجعين بعدين ,, الله يخلّيك لا تنسحبيــن فديتك ,, تكفييين و تكفى تهزّ رجااال :eh_s(2):

>> تو قالت لي وحدة من البنات إنك توقّفتِ و جيت أركض ركض :eh_s(2):

 

[soso.]

بالنسبة حق العضوه حركات والأسامي الثانيه اللي ذكرتوهم فآنا متأكده 100%

انهم رياييل واسلوبهم مبين وداشين المنتدى خصيصا عشان يسوون مشاكل

وفتن إذا شفتوا أي اسم غريب ومو طبيعي فلازم تعرفون ان


صاحب هالإسم ريال أما بالنسبة للسب والشتم لاخوانا العرب والمسلمين فاحنا

مانرضى على هالشي وآنا أتضايق لمى أشوفهم قاعدين يسبون اخوانا العرب

سواءا المصريين او غيرهم نتمنى من الإداره انها توقف عضوية أي


وحده تسب وتشتم الجنسيات الثانية لأن هالشي أولا مايرضي الله وثانيا تشويه

لسمعة الكويتيين وترى فيه يهود يعرفون عربي ويدشون بين العرب ويسوون

فتن انا ماصدقت هالحجي إلا لمى شفت بعيني واحد من اسرائيل قاعد


يسوي فتن باليوتيوب ويتحجى عربي عدل وكانوا يحذرون منه وبالنسبة للأخت

الغالية عمري شقا فأتمنى انج تتراجعين عن قرار ترك المنتدى لأن الكل يشهد لج

بالطيب والأخلاق الراقيه والإيقاف ماراح يأثر عليج وعلى سمعتج لان كل

عضوات المنتدى يعرفون أخلاقج الكريمة فأتمنى انج تتراجعين عن قرارج.

 

[نهى الأحمد]

لا لا لا لا لا لا

ما نرضى إنك تنسحبين و تتركيــنا .. أفاااااااااا يا ذا العلم !!

ما نرضى ما نرضى :eh_s(2):

ما أقدر أحكم على الموقف آللي صار لأني ما شفته ,,

لكن بتكلّم من منظور إنك أخت عزيزة و غاليــة ,, :eh_s(2):

و أحبك في الله محبّة شديدة جدًا و يعلم الله وحدهـ إن ما تعبّر عنه حروف في رد :eh_s(2):

لا تطلعين الله يخليّك حبيبة قلبي :eh_s(2):

لا تطلعين وربي ما يهون علي ,, قهرني قرارك مرّة ,, ليـه تنسحبين ؟ ليه تستسلمين ؟

أنتِ لك رصيد طيّب بالمنتدى ,, و كلّنـا نحبّك و نموت فيك و نعزّك ,, :eh_s(2):

شوفي يا الغاليـة من قال لك إنك توقّفتِ توقيف مؤبد ؟

يمكن مؤقّت ثم ترجعين بعدين ,, الله يخلّيك لا تنسحبيــن فديتك ,, تكفييين و تكفى تهزّ رجااال :eh_s(2):

>> تو قالت لي وحدة من البنات إنك توقّفتِ و جيت أركض ركض :eh_s(2):

غاليتي ترانيم


انا معاج بكل كلمة قلتيها

وانسحابها خسارة للمنتدى

لانها تملك قلم نابض ومبدع دوماً


والله يسامح البنات اللي ينزلون مواضيع استفزازية للعضوات وتخرج منهم كلمات خارجة عن ارادتهم


وان شاءالله رح ترجع وكلنا خوات هني باذن الله

 

[الحنين في قلبي]

ماعليه حبيبتي في بعض الناس لازم تترفعين عنهم عشان مايصير الحوار متدني وماتوصلين لنتيجه عندي التطنيش احسن حل

 

[جورجيت]

عزيزي عمري شقا

لن اتطرق عن خسارة المنتدى لمثلك لأني ادرك أنك بنفسك تعرفين ذلك في قلوب الأغلبيه هنا .. ولن أتطرق أيضاً عن أصل ما حدث لأنني أؤمن تماما ً بأن اصلاح الآخرين ليس مهمتنا..

لكن أستغرب جداً لمثلك أن تقرر هذا الأمر مهما كانت الظروف وأعني جيداً بالظروف الممكنه ..

سننتظر منك قرار اعادة النظر الجاد في هذا الامر .. انسحابكِ سيضايق احبائك هنا فرفقاً بهم يا غاليه.. *

 

[فيونكه..~!]

.
.

صرآححهْ أنصصدممتْ لمآأَِ ششفت نككٍْ ومكتوب عليه ة عضضوهَْ موقـوفه ة ٍَ

انآ أقول طنششي هآلبنآأت اللي دآأخلين عششآأنَْ يسون آلمشآأكل وآلهوآشششًْ

لآنهم أسآأسسَْ دآخخلين ٍَْ .. للمشآأكل وآلهوآششش ًٍْ

.
.

 

[ابدا يالغالي مانساك]

مو فهامه السالفه حبيبتي
بس الي اعرفه ان انتي خووووووووش عضوه وحيل تعجبني موضيعج
وجودج مهم بينااا وربي يوفقج ان شالله

 

[مجنونه هواهـ]

....................

 

[الاميره نوسه]

رررررررررررررررررررررررررفع

 

[نونه العنونه_H]

الكل يعرف اخلاقج وردودج الحلوه..

 

[Ice Princess]

سامحيني اختي مع اني ما اعرفج لكن ما احب اي وحده تطلع من المنتدى لانج منا وفينا

شوفي على موضوعج انا حاسه فيج ساعات اشوف مواضيع فيها قلة ادب وسبت وتطنز وفتنه مثل ما قلتي

حتى ساعات اكتب موضوع تدخل وحده عرض وتقعد تتطنز شسالفه ؟؟ شاكو داخله وشهالنفس الدون

فبديت ما اشارك بمواضيع وايد علشان احاول اتفادى هالاشكال
ويالله انلحق

ويا دووووب نفتك منهم

كنت اسمع موظفه وموظف بالدوام يتكلمون عن المنتديات النسائيه كشكل عام
تقوله ادخل بنك جديد واطفر البنات واموت عليهم من الضحك اشلون ينفعلون
ويقولها انا اطالع واشارك واسوي روحي وحده وابيع لهم ملابس ماركه تقليد

شوفي يعني ما تدرين منو قاعده تكلمين بالاساس فالله يبعد عن هالاشكال

وانشاالله ماكو الا الخير ولا يضيق خلقج حبوبه