على سالفة اسم أسيرة السحر بموقع الساحر ما غيره اللي تقولون عنه, آنا سويت سيرج, وهذيك اللي اسمها أسيرة السحر لبنانية أو سورية, بالله شيابها للي عندنا!
أقول بنات, شفيكم على أقل طاري أو جذبة خقيتوا؟! ليش مو مصدقين لهالدرجة؟
وانتي يا اخت لولوة خافي ربج على الكلام اللي تقولينه, تقولين لو تقرا قرآن جان مافيها شي, إذا الرسول صلى الله عليه وسلم انسحر واهوا الرسول اللي ماكو أتقى منه ولا أعرف بالقرآن منه, ليش تستنكرون البشر يصير فيهم مثل هالشي! وبعدين من قالج يا حلوة ان علاج السحر والمس هين أو سهل, في ناس يقعدون 20 سنة يعالجون بروحهم ويا يطلع أو ما يطلع..ليش مستغربين منها ومستعدين تجذبونها بأي لحظة كأنها ياية من كوكب ثاني أو اللي تقوله من الخيال, لا حبايبي في سوالف بعد أجيد من اللي صارلها بس انتوا اللي ما تدرون شالسالفة
ما سمعتوا عن الامام والقارىء أحمد العجمي؟! شلون انسحر المسكين وبالغصب طاب من السحر اللي فيه, يقولون حتى شكله تغير من هالشي, وصوته لو تسمعونه في اليوتيوب تغير قبل كان وايد أحلى
للأسف أثروا فيه بشكل كبير بهالابتلاء اللي حاشه, واهوا معنه طاب لما الحين يعاني من آثاره.
