كم مره تستطيع ان تسامح من اخطا في حقك؟؟ دشواااا

[برنسس أوراق]

اليوم يبت لكم موضوع يديد وإن شاء الله القى تفاعل ويعجبكم..بعيد عن الهواش اللي شفته بالمواضيع الثانيه


جم مره تقدرين تسامحين إنسان غلط بحقج؟؟

وايد احيان يكون جرحج من اقرب الناس لج
(أختج..رفيجتج..اخوج..ريلج..خالتج..او بنت عمج..او اي احد يقربلج)


يغلط بحقج مره وتسامحينه..وايي يعتذر وتقبلين عذره وتسامحينه

>>

>>

لكنه

نفس الشخص

>>

>>

ايي مره ثانيه ويكرر نفس الغلطه وياج وبحقج

ويحلفلج ويقعد يقسم بالله انه ما يرد يعيدها




يمكن انتي تسامحينه من طيبة قلبج او حسب شخصيتج وتفكيرج

ويمكن لو وحده غيرج ما ترضى ولا تسامحه لانه تعود يغلط ويلقى احد يسامحه
فبيقول عادي


وهني ايي السؤال

جم فرصه تعطينها لشخص تعود يجرحج؟؟
وجم مره بتسامحينه؟؟
وصار لج هالشي ولا لأ؟؟


فتحوا قلووووبكم بنااااااااااااات


>>

انا بالنسبة لي اسامحه مره بس مستحيل اسامحه مره ثانيه حتى لو كان اقرب الناس لي
عشان يحترمني


وأنتووووووووووو
​

 

[عيش و مرق]

حسب قرب الشخص يعنى امى وله ابوى مستحيل ازعل شلون اصلا حرام هذول الوالدين اما الباجى لا اطق بريك

كل واحد يلزم حده حتى لو زوجى يعتمد على حسب علاقتى معاه اذا خربانه اساسا لا والله ما اتحمله من البدايه اهده واذا احبه واهو زين

اتحمل شسوى بعد

 

[كراميلا مرة]

انا بالنسبه لي بسرعه ازعل وبسرعه ارضى
حتى لو ماعتذروا مني بس حسيت انه معاملتهم حلوه معاي ومتحسفينه على اللي سووه ارضى
بس هم مانسى الجرح اللي انجرحت منهم بس بدون حقد

 

[عاقلة بزمن ضايع]

انا اسامح بس ما انسى وع حسب علاقتي بالشخص يعني

اهلى لهم خط احمر​

 

[أحبج يمه]

آنا أسامح كذا مرة بس ما اقدر انسى


ولا ننسى ان الله يسامح إحنا ليش ما نسامح

 

[اللوتس1]

ممكن اعفي مليون مرة



الاتحبون ان يغفر الله لكم

 

[MayOumii~]

..

,,

جم فرصه تعطينها لشخص تعود يجرحج؟؟

-فرصة وحددة فقط لا غيييير...واذا سواها مرة ثانية ما يشوف شر غيري وايد يقدر يجرحهم..."إلا الكرااامة"


وجم مره بتسامحينه؟؟

-اسامحه بفعلي بس بقلبي مستحييييييل اثق فيه مرة ثانية


وصار لج هالشي ولا لأ؟؟


-اي للأسف مرة ومرتييين سكت والحين تعلمت أعطي فرصة وحدة لان في ناس ما تنعطى ويه..

..

,,

 

[HoT CHocoLaTE ~]

اتوقع بس راح اساامحه بالكلام عشان ينذلف من وجهي
ولا ف قلبي مااكله خره ،
بذات اذا مشكلللللله مافوقها فوق بعد كلش ماطل بويهه

ها اشراايكم فيني ؟؟!
لعاانة الدنيا جوواتي < بداخلي ،،

 

[روونــا]

جم فرصه تعطينها لشخص تعود يجرحج؟؟
فرصصـه وحده ..

وجم مره بتسامحينه؟؟
علا حـسسب غلاتـه .. اذا احبه حيل وما اقدر استغني عنه مرتين بس ..

وصار لج هالشي ولا لأ؟؟
اي صصآر وسآمحنآا ومشت الأمور والحمدللـه



يآبنـت الحلال اللـه يسآمح ليش احنآ ما نسسآامح ..!
تسسلمين علا الموضوع ياقلـبي

 

[أسيرة بدران]

آنا متسامحه وبسرعه أسامح زعلي مايطول بس ما أنسى بسرعه

 

[PO PO22]

والله ان احب اساامح النااس وما احب اشيل بقلبي على احد

ربــــــــــــي يسامح ويغفر وانا العبده الضعيفه ما اسامح


اللهم انك عفو تحب العفو فاعفوا عنا

 

[آخـر إْلـعنقود]

الرسول صلى الله عليه وسلم قآل


المؤمن لا يلدغ من جحر مرتين

انا بالنسبه لي اسامح اذا قرآبه دم .. لان مهما كآن هذي صله رحم ..

واذا كآن من غير الاهل .. اسامح بس ما أأمـن له ..

مره اكيد .. مرتين .. ثلآث .. يمكن خمس الى حد اقصى .. > سموحيـه فديتني :eh_s(22):

وحصلتلي موآقف وآجد واسآمـح وارجع .. بس ماني الاولـيه لآ رجعت

 

[الحلللوه]

اصلا الكل يصدر منه الخطا عشان كذا لازم مانعامل الناس كانهم ملائكه بتقولون لا ما اخطي اقولك بالعكس اسمعي مني واحكمي مومرات نكتب كلام او ندخل في نقاش مع الاهل تصدر منا كلمات جااارحه او افعاال منا كانك تتقصدين وحده اوتبغين ترفعين ضغطها وبعدين خلااص عندك الموضوع انتهى لكن اللي انجرحت ماتنسى وتبقى مقهووره ويمكن تقوولك ويمكن لا فانا من وجهه نظري دام احنا نخطى لازم نتعلم التساامح مو لشئ لوجهه الكرييم .صلو عالنبي

 

[برنسس أوراق]

اكيد الاهل غير

ويعطيكم العافيه عالمرور والرد

 

[كرستينآ]

انا اسامح بس ما انسى

 

[أسيرة بدران]

اهداء حق الي صعب يسامحون>> لو الحياه بطولها طعم سكر ماكنت أحس بذنب غيري وأسامح هذا كلامي لو مزاجي تعكر ،،لاتصير مالح بالهجر وأنته سكر سامح مافي أجمل من الي يسامح

 

[منو مثل الكويـت]

على حسب معزته بقلبي

 

[بشوررة]

انا بالنسبه لي اي اسامح خصوصا اذا كانو غاليين علي مايهون علي اشوفهم جدامي زعلانين
اي جربتها وعطيتهم فرصه بس لاسف .. جرحوني حيييييييييييييل اكثر من اول واطعنوني بعد بظهري واظلموني
بس الله يسامحهم ... بالدنيا والآخره... طبعا هذا نك اختي يعني مو اهيه اللي كاتبه ...

 

[ايمان_مشرف]

انا
استمتع
بالمسامحه
واهلي اسامحهم مقدمااا
تخطي فيني الناس واستعذب خطاياها
احساسي اني اسامحهم طواعية ....
يطير بي فوق هام السحب وأعلاها
حفظني ابوي معلومة اساسية ....
أكارم القوم تعفو عن دناياها
وعلمني انسى الردا وازين النية ....
ولا اشوف الأوادم من زواياها
الـوجه بالـوجه والنيه إلهيــة ....
واللي بيدور على الزله بيلقاها
من تجربة عمر وابحاث اجتماعية ....
يستحقر الناس من يكشف خفاياها

 

[_زينه_]

اسامح بس ما انسا