كل يوم في بلد وانتي في مكانج(تقارير مصورة منقووولة)

[دلوعة أبوي**]

اليوم السابع عشر
2010-5-7 الجمعه
orange county الحلقه الاخيره​

اول شي قبل لا ابدي هذا الجزء حبيت اشكر الاداره على تعاونهم معاي وجزاهم الله خير على اللي قاعد يسوونه وحبيت اشكر بعد اخوي kakashi9 على مساعدته لي في الصور

بسم الله نبدأ .... اليوم ان شاء الله بكون تكمله ل disneyland وبعد يوم الراحه اليوم قررنا نروح الى ديزني لاند وكان موعد خروجنا الساعه 9:30 .. وصلنا وكان المكان مزدحم ويوم وصلنا وصفطنا السياره وهالمره حفظت وين موقف السياره والدور علشان مايصير فينا مثل اخر مره

وبعدها رحنا الى الحديقه الثانيه وكانت فاضيه لسبب ان كل الناس رايحه الى الاولى وبعطيكم نبذه عن الحديقه الثانيه اللي اسمها disney land adventure park ,وهي اصغر من disney park وتتكون من 5 عوالم abugs land .. Golden state .. sunshine plaza .. paradise pier .. hollywood picture backlot وكل عالم فيه العاب ومطاعم وهذي خريطه الحديقه

وطبعا احنا حاجزين التذكره مسبقا وهي ان نروح حديقتين ليومين وهذي صوره من بدايه الحديقه

وبعدها ذهبنا الى اول عالم وهو hollywood picture backlot وهذي صور عنه

وهذي صوره لرسمه عجيبه تبين معالم هوليوود صراحه فنان اللي رسمها

ولعبنا في هذا العالم لعبنا لعبتين وطبعا نبدي بالسهل وكانه لعبه اسمها Monsters, Inc. Mike & Sulley to the Rescue وكانت عباره عن مركبه تمر في قصه الفلم وكانت للاطفال بس حلوه .. وبعدها وصلنا الى اللعبه الثانيه وكانت هذي وجهتنا

The Twilight Zone Tower of Terror هذا اسم اللعبه وطبعا واحنا رايحين زوجتي تقولي لايكون لعبه خطره قلت لا هذا اتوقع معرض هوليوود

واحنا نقرب تسمع صراخ ناس من فوق قلتلها هذي اللعبه اللي يمها

المهم وقفنا بالدور وماكان زحمه لأن مثل ماقلتلكم ان اغلب الناس رايحين الحديقه الاولى ودشينه اللعبه وقعدنا بالكراسي داخل غرفه وكان لازم نلبس حزام الامان بالكرسي وهني اعرفت زوجتي ان اللعبه ماهي سهله وطبعا انا قمت استرجع ذكريات لعبه الجندول اللي وقف فينا

اللعبه عباره عن مصعد يصعد فينا ويفتح في كل درو ويكون فيه قصه تصير في الادوار وفجأه ينزل بقوه او يصعد بقوه صراحه حده ممتع والحمدلله ان زوجتي بعد استمتعت فيه

وبعدها خلصنا هذا العالم لأن باقي الالعاب اللي فيه للاطفال وكانت وجهتنا الثانيه اهي

وكان هذا العالم للاطفال ودخلنا فيه bug`s life theater وكان عباره عن عرض 4D بس جميل احلى من shrek 4D اللي في universal وهذي صور للمكان

وبعدها ذهبنا الى عالم paradise pier وهذي صوره عنه

ولعبت انا في هذي اللعبه وكانت حلوه اتوقع الصوره راح تعبر عنها مايحتاج اشرح

اللعبه حلوه وسريعه .. وبعدها لعبنا لعبه toy story mania وهذا كان مستقبلنا عن البوابه وكانت زحمه يعني بعد 45 دقيقه دخلنا

 

[دلوعة أبوي**]

وكانت اللعبه عباره عن مركبه وفيها مسدسات وكل شوي تطلع لوحه وفيها اهداف لازم نصيبهم وكل هدف له نقاط من 10 الى 100 على حسب حجمه وبعد نهايه اللعبه يقول كل واحد كم مجموعه و الtop 5 باليوم .. صراحه لعبه حلوه وفيها روح المنافسه طبعا مايحتاج اقول منو فاز

وبعدها خلصنا من هذا العالم ورحنا الى اللي بعده وكان golden state وكان هذا في انتظارنا

وهو ولعبتنا اليايه وهذا استقبلنا هناك

واللعبه عباره عن مركبه دائريه يركبون فيها 5 وتدور وتمشي بين الماي .. اللعبه ممتعه بس سبحنا فيها بالماي .. وبعدها لقينا خوش مكان للصلاة وكان خلف اللعبه وهذا المكان

وبعد الصلاة قررنا ان ناكل وكانت وجهتنا الى ..

مطعم boudin للخبز واول شي كان في جوله اشلون يسوون الخبز وبعدها كلينا فيه وريحنا شوي وبعدها مشينا شوي ولا نشوف هالفرقه

وبعدها اتجهنا الى لعبتنا الاخيره واحلى لعبه في ديزني برأيي وهذا الطريق الى اللعبه

وكان زحمه على اللعبه تقريبا 45 دقيقه على ماوصلنا وكانت فكره اللعبه كأنكم راكبين باراشوت وتدورون على كاليفورنا كلها صراحه قمه في الابداع واسم اللعبه sorin over california وما اتوقع انها موجوده في اي ديزني اخر لأنها تتكلم عن كاليفورنا

وبعدها خلصنا الالعاب الحلوه وكانت وجهتنا الى العرض .. فيه عرض نفس اللي في الحديقه الاولى بس لشخصيات ثانيه اسمه pixar play parade وهذي صوره للناس المتجمعه

وطبعا موقعي احلى موقع بين الناس كلهم وكان تصويري فيديو واغلب الشخصيات كانت تسوي حركات امام كاميرتي

وهذي صور من العرض

 

[دلوعة أبوي**]

وبعدها خلص العرض الاكثر من رائع وبعدها ذهبنا الى الحديقه الثانيه لأن كان في وقت كافي

 

[دلوعة أبوي**]

وبعد ماوصلنا الحديقه الثانيه ولا العرض اللي رحناله توه بادي قلنا انشوفه مره وحده وهذي صور عنه

وبعدها الحدث الاهم اللي احنا راجعين الى الحديقه عشانه وهو الالعاب الناريه وهذي صور واحنا باتجاهنا الى العرض واخذ مكان مناسب

وبعدها بدأ العرض الجميل صراحه وهذي الصور تعبر عن جمال العرض

وبهذا انتهى العرض وكان جميل جدا اللي ماكان ودنا يخلص

وبعدها طلعنا من الحديقه وتوجهنا الى السوق الخارجي لديزني وفيه محل كبير عن ديزني وبعد التسوق فيه ركبنا القطار اللي يوصلنا الى المواقف وبعدها ردينا الفندق بعد يوم حافل وكانت الساعه 11 صلينا وعلى طول نمنا لأن في الغد بكون فيه مغامره وانتقال الى مكان جديد وتابعونا

وهذي اهداء لكم

 

[دلوعة أبوي**]

اليوم الثامن عشر
2010-5-8 السبت
سان دييغو الحلقه الاولى​

بسم الله نبدأ ... اليوم كان وقت خروجنا من نيوبورت بيتش الى سان دييغو .. وانطباعي عن المنطقه منطقه هاديه وفيها مجمعات كبيره وحلوه وقريبه من ديزني وانصح اللي بروح كاليفورنيا لازم يسكن كم يوم فيها
سوينا شيك اوت وحطينا الحقائب اللي كل منطقه يزيدون وحده المهم كان موعد خروجنا الساعه 10 وذهابنا الى سان دييغو وكان يبعد فندقنا تقريبا ساعه ونصف وطبعا كان خروجنا مبكر على الشيك ان وقلنا ان نستغل الوقت ونروح مكان من الجدول المخطط له مسبقا وكان اختيارنا الى

وتنطق المنطقه بلاهويا وهي منطقه ساحليه جميله وكان يوم سبت عطله عندهم فكان المكان مزدحم ومالقيت موقف قعدت الف المكان 5 مرات الى ان لقيت موقف .. وصارلنا موقف ويا هذا الموقف وكان في سياره بتطلع وقفت وراها انطر ولا بعد شوي بالحاره الثانيه وقفت وحده تنطر بعد تبي تصفط بالموقف قلت والله ماخليها تصفط انا ياي قبلها وناطر وصارلي 5 مرات الف وادور مومستعد ادور مره ثانيه واول ماطلعت السياره على طول صفطت ولا البنت اللي كانت بالسياره عصبت وقامت تصرخ علينا قلت حق زوجتي خليها تصرخ على كيفها احنا ما سوينا شي غلط اهي الغلطانا .. وهذي بعض صور المكان وهذا بتجاه الشاطيء

وبعدها رحنا صوب الصخر وصوب الامواج وهذي الصور

وفي شوي حلو هناك وهو الامواج في مكان توقفون فيه ووراكم البحر ومن قوه الامواج ممكن يسبحكم وهذي لقطه حاولت اني اصورها

 

[دلوعة أبوي**]

وهذي صوره للقوارب الصغيره ( الكاياك ) بس كان الجو جدا حار فماستمتعنا وايد بالمكان لحرارة الجو

وفي حديقه تطل على البحر لكن ماصورتها وفي ايضا شارع مشهور اسمه prospect وفيه مطاعم حلوه ولكن مثل ماقلتلكم الجو ماكان يساعد ولو الجو حلو جان قعدنا فتره طويله في المكان لانه ممتع
وبعدها قررنا نروح لمكان كنت مخطط له مسبقا فيه مناظر حلوه وقلت للقارمن ان يوصلنا بس الله يهداه وهقنا ودانا غلط

ويوم وصلنا المكان اللي ودانا اياه القارمن ولا فيه بوابه يانه واحد وقال انتو بتزورزن منو قلنا بنصور ونطلع قال لا هذا مكان خاص قلتله احنا يايين من الكويت وودنا نشوف المكان لأن قالوا لنا ان فيه مناظر حلوه اهني فهم وصراحه يحليله تعامله ويانه جدا ممتاز وقال شنو اسم المكان اللي تبونه قلت mount soledad ضحك وقال لا اهني سكن خاص ووصف لي المكان ورحنا له بعد ما احرجنا القارمن وبعدها وصلنا الى المرتفع وهو شهير بالصليب وفيه صليب كبير واحنا صراحه رايحين للمناظر وكان يبعد عن شاطيء لاهويا 10 دقائق وهذي المناظر لسان دييغو من الاعلى

وهذي صوره شاطىء لاهويا من بعيد ومع زوم

وهذي صوره للحديقه الموجود فيها الصليب وفيه مواقف بس محدوده وبدون رسوم وكان في احتفال فوق لمجموعه من ضباط البحريه

وبعدها قررنا نروح للفندق وعمل الشيك ان وكان يبعد عن فندقنا 15 دقيقه وكان فندقنا هو

Hotels in San Diego | San Diego Zoo | Sea World Hotels | Days Hotel - Hotel Circle, San Diego, CA

وكان موقعه بجانب مجموعه من الفنادق واحنا صراحه عجبنا موقعه لبعده عن زحمه الdowntown وقربه من المطاعم وقربه من الخط السريع وهذي صور للغرفة

الفندق عباره عن قسمين قسم مفتوح اللي يكون موقف السياره امام باب الغرفه ومكان مغلق يعني نفس الفنادق العاديه واحنا سكنا في المكان المغلق وكان فيه تحتنا ماكينه للمشروبات الغازيه والماء و الحلويات .. معامله الفندق ممتازه بس يعيبه مدخل الفندق ضيق للدخول والخروج بالسياره وعندهم تذاكر لكافه الفعاليات في سان دييغو مثل sea world and san diego zoo وتقييمي للفندق

الموقع 4.5/5
الخدمه 4.5/5
النظافه 3/5
السعر 5/5​

الفندق جدا عادي يعني اتوقع في احسن منه بس سعره جدا رخيص تقريبا 23 دينار باليوم بس انا عندي رمادا احسن منه
وبعدها صلينا وريحنا شوي لأن بعدها ورانا مغامره جديده ليلحين ماخلص اليوم

 

[بخـــارى]

يعطيج العافيه حبوبه

 

[om_dodo]

نايس

 

[أم أنور]

امبيه اينن تقريير امريكااااااااااااا بليييييييييييييييييييز كملي ناطرتج
ويعطيج العافيه

 

[دلوعة أبوي**]

تابع​

بسم الله نكمل .. بعد الراحه ركبنا السياره وانطلقنا الى وجهتنا اليايه وهي

وهذا المكان عباره عن محلات ومطاعم على البحر نفس sharoline village اللي في long beach بس هذي احلى بوايد عندي وكانت تبعد عن فندقنا تقريبا 10 دقائق وانصح اللي بروح يروح في نهايه الاسبوع وبتشوفون العروض هناك وهذي صوره عن الطريق وهذي المواقف وهذي صوره سياره عجيبه هناك

وهذي صور القريه هناك وهي عباره عن محلات ومطاعم

وهذا محل كلينا فيه برد عجيب

 

[دلوعة أبوي**]

وبعد هذي الجوله بين القريه الحين نروح الى الممر اللي يطل على البحر واللي بكون فيه العروض وفيه حديقه صغيره وهذي صور بعض العروض

وهذا قاعد يركب صخر فوق بعض بطريقه عجيبه بس الله يعينه اذا كان فيه هوا

وهذا ميكي والصوره معاه ب دولار طبعا ما اتوقع احد بصور وياه ويمه واحد اسمر دمه خفيف يقول نكت ماقصر على ميكي طلع فيه 1000 عيب يقول ميكي مومضبوط made in Taiwan

وهذي قاعده تقص على الناس وتقرى افكارهم وطبعا قبل هذي اللي قاعده كان واحد قاعد كسر خاطري حده كان متضايق اظاهر قالتلا اخبار موزينه ومصدقها بعد اهو

وهذي طيور للتصوير معاهم بدولار

وهذا عرض قمه في الروعه واحد شايب يسويه شوفوه

وبعدين ...

وهذي صوره بحيره صغيره في نص القريه

وهذي عجوز يحليله عايشه الجو وقاعد تطير طياره ورقيه وقمه في الاستمتاع الله يهنيهه

وهذي صور الحديقه مع الممر اللي على طول البحر

وهذي صور للبحر والقريه من بعيد والجسر المؤدي الى coronado island

المكان روعه وفي عروض بعد ماصورتها في ساحر وفي فرقه وهذي صوره للغروب قبل خروجنا من المكان

وبعدها شفنا في وقت قلنا نروح الى مجمع قريب من الفندق يبعد 5 دقايق وهذا موقع المجمع

Fashion Valley - San Diego, CA 92108 | Simon Malls

مجمع حلو ويكثر فيه الخليجيين .. وقلتلكم صارلي موقف مع العرب هناك مريت على خليجيين قاعدين سلمت عليهم ماردوا السلام بس شافوني كأني عدو لهم وهم موقف ثاني كانت زوجتي داخل محل وانا واقف انطرها بره والى يمرون خليجيين ويشوفوني وبدون لايسلمون ووراهم على طول واحد امريكي مر جان يقول هاي صراحه اقول السلام اولى للعرب لأن من دينه .. يضيق خلقي لما اشوف هالمواقف .. المهم نكمل موضوعنا هذي صور مواقف المجمع وصور عن المجمع

وبعدها رجعنا الفندق للصلاة والنوم بعد يوم حافل بالفعاليات واراكم انشالله في حلقه جديده ومغامره جديده

 

[دلوعة أبوي**]

اليوم التاسع عشر
2010-5-9 الاحد
سان دييغو الحلقه الثانيه​

بسم الله نبدأ ... اليوم انشالله بكون يوم للتسوق بعد يومين حافلين بالطلعات وكان اليوم اختيارنا الى اوتلت قريب من المكسيك يعني لو تطوفون اللفه مالت الاوتلت تروحوت المكسيك وكان خروجنا من الفندق الساعه 11 تقريبا وكان الاوتلت يبعد عن الفندق تقريبا 20 دقيقه وهذا موقع الاوتلت

Las Americas Premium Outlets

,هذي صور الطريق

شوفو شي من بعيد يرفرف

وطبعا اليوم احد فكان الاوتلت زحمه ووايد مكسيكان اتوقع ايونه مشي وهذي صور المواقف

وهذي صور بعض المحلات طبعا اول ماوصلنا رحنا الى الinformation لأخذ الكوبون

وبعدها رحنا الى مطعم مشهور بالبان كيك واسمه I HOPE وصراحه البان كيك عنده عجيب بس حسافه ماجربت البان كيك بالنوتيلا وهذا الموقع للمطعم وصوره عن واحد من طلباتنا بس ماكان حلو وايد بس الطلب الثاني كان لذيذ الى درجه مامداني اصوره

IHOP

وبعدها خلصنا من التسوق والحمدلله ملينا بطونا بالبان كيك قررنا نرجع الفندق للراحه وهذي صور الطريق

وبعدها نزلنا اغراضنا اللي شريناهم وريحنا شوي بالفندق وصلينا وبعدها طلعنا الى وجهتنا اليايه وهذا منظر للفندق وبتشوفون الغرف على اليمين واليسار هذيله الغرف اسعارهم اقل

وكان مشوارنا الى جزيره جميله اسمها Coronado island وهذا صور الطريق والجسر الموصل الى الجزيره

وهذي الصور من فوق الجسر

وهذي الصور بعد ماوصلنا الجزيره

وبعدها صفطنا السياره ونزلنا وكان الجو عجيب ومغيم والمكان اسمه Coronado ferry landing والمكان فيه محلات تذكار وكافيهات ومناظر خلابه لسان دييغو واتركم مع الصور

 

[دلوعة أبوي**]

وبعدها توجهنا الى البحر المطل على سان دييغو وكان الجو بارد بس عجيب

وهذي قوارب عجيبه كان ودي اركب واجربهم بس الجو بارد مايسوا اطيح بالماي واستمرض

وهذا منظر سان دييغو

وبعد شراء من محلات الهدايه قررنا الرجوع الى الفندق وهذي اللافته ودعتنا

وبعد ماركبنا السياره شفنا الوقت مبكر قلنا ندور في سان دييغو وهذا الطريق وبتشوفون وين رحنا بعدين

وهذي وجهتنا

gaslamp quarter كانت وجهتنا ودورنا موقف ونزلنا نتمشى بالمنطقه وهذي صور المكان

 

[دلوعة أبوي**]

المكان كان موحش صراحه مادري يمكن لأن يوم الاحد ماعجبنا وايد وبعدها ركبنا السياره وانطلقنا الى وجهتنا القادمه لكن هذي المره ماراح ننزل بس بالسياره

طبعا المكان مشهور بالمطاعم الايطاليه وطول الطريق على اليمين والشمال كله مطاعم صراحه ودنا ننزل ناكل بس كان زحمه وايد وقررنا نكمل الى الوجه القادمه

old town مكان شكله عجيب حسينا انه ونيس بس تعبنا وودنا نرجع لأن اصلا هذي الاماكن ماكانت في جدول اليوم وبعدها ردينا الفندق وهذي علامته

وبعد الراحه على طول طلعنا الى المطعم لأن حاشنا اليوع ماكلينا شي من IHOPE وكان المطعم مخطط ان انروحله من ضمن الجدول لكن المطعم اللي رايحيله كان امامه مطعم عور قلبي صراحه وكان

بس للأسف ماقدرت اكل منه لأني ملتزم بالجدول والمطعم اللي بالجدول بس ماتحسفت لأن المطعم يسوه وهذا المطعم

المطعم عجيييب عجيييب عجيييب ايطالي حده روعه بس لازم اتنبهونهم انكم ماتابون شي في wine لأن يستخدمونه وايد والبيتزا مالتهم وايد قويه .. وبعد هذي الاكله الدسمه ردينا الفندق للصلاة والراحه ليوم جديد ومغامره جديده في ربوع سان دييغو

 

[دلوعة أبوي**]

اليوم العشرون
2010-5-10 الاثنين
سان دييغو الحلقه الثالثه​

بسم الله نبدأ .. اليوم انشالله بكون مشوارنا الى ابرز معالم سان دييغو وهو ال sea world وكان موعد خروجنا من الفندق الساعه 9:30 وكان يبعد عن فندقنا تقريبا 10 دقائق وكان الفندق يوفر توصيل الى معالم سان دييغو ومنها ال sea world بس قررنا ان نروح بسيارتنا علشان مانلتزم مع احد وناخذ راحتنا وكان حجز تذاكر الحديقه عن طريق الفندق وكان سعر التذكره 67 $ وكانت الحديقه تفتح من 10 الى 6 في الايام العاديه .. وهذي صوره للطريق

وبعدها وصلنا الحديقه وهذي صور البوابه طبعا المكان فاضي لان رايحين في ايام الاسبوع

واول مادشينا الحديقه اخذنا خريطه وجدول العروض علشان نقدر نرتب امورنا داخل الحديقه ونقدر نروح كل العروض واول شي لفت انتباهنا عروض خاصه مثل انكم توكلون الدولفين او تصورون ويا البطاريق فكان اختيارنا الى اطعام الدلافين وكان موعدنا الساعه 1 وياهم ..

بعد ما شفنا الجدول كان اقرب عرض هو ال sea lion الساعه 11 وهذي بعض الصور للحديقه وصوره للخريطه

وهذي صور العاب للاطفال داخل هذا المكان

وبعدها وصلنا الى العرض وهذي صور عن العرض العجيب

وهذي حركه بهلوانيه بالهواء

وهني قاعد يرقص اسباني

وبعدها طلع العملاق

وهني يودعنا مع انتهاء العرض

انطباعي عن العرض جميل جدا جدا جدا

 

[دلوعة أبوي**]

تابع​

بسم الله نكمل ... وبعدها كان مشوارنا الى نجم الحديقه وكان يبدأ الساعه 12:30 قررنا نسرع الى المكان لأن مكانه بعيد عن عرض الفقمات و العرض لازم نختار مكان ممتاز وهذي صور لقيناها بالطريق

النخل شكله عجيب من بعيد

وبعدها وصلنا العرض وهذي صوره المسرح والمكان اللي قاعدين فيه والعرض اسمه shamu

وطبعا قعدنا في الصفوف الاماميه وقالوا لنا ترى الصفوف الاماميه تتبلل ماي قلت خلاص بس مكانه سادس سطر يعني ماراح نتبلل وايد بس انا خذيت احتياطاتي وشريت هذا ولبستا والحمدلله اني شريته وهذا اللبس الواقي عن الماء

وبعدها ابتدأ العرض وهذي صور من العرض

وهني قاعد يحيينا

والحين حان موعد البلل وقالوا علشان يبللكم بالماي لازم ترفعون ايدكم وتنادون شامو شامو وكان جدامي زوج وزوجته من الجنسيه الهنديه والزوجه حدها متحمسه والزوج يقولها لاتنادينه لأن راح يبللنا وايد وهي تقول عادي المهم وصل شامو حق المدرج اللي على اليمين بس كان مناداتهم خافته شوي وهو اللي يناديه بقوه يرش عليه ماي وايد وهذي صوره عن المدرج اليمين لحظه سبوحهم

وهذي اللحظه اللي بعدها المدرج الامامي صار فاضي

طبعا الماي بارد ومالح والهنود اللي كانوا امامي واكرر كانوا امامي لأن بعدها غيروا مكانهم تبللوا وايد واغلب المدرج الامامي ترك موكانه موقف عجيب الحمدلله اني ماخذ احتياطي من الماي وهذا الختام لهم

انطباعي عن العرض وااايد حلو بس اذا ابتقعدون في الصفوف الاماميه لازم تلبسون اللي انا لبستا ويبيعونا داخل العرض وطبعا زوجتي اول شي كابرت ماتبي تلبس بس بعدين شريت لها واحد وحست بالفرق بعد ماشفنا الزوجين اللي امامنا شنو صار فيهم

وبعدها طلعنا على طول لأن موعد ال tour اللي ماخذينا الساعه 1 وهذي صوره التذكره

وكان عدد الgroup تقريبا 10 بس واول شي رحنا الى الدولفين وهذا اللي استقبلنا

وهني قاعد يسولف ويانا واتوقع يشرح عن الجوله

 

[دلوعة أبوي**]

وهي يخلونا نوكل الدولفين ونمسح عليهم

وهي كسر خاطري ودعناه وحسيت في الحزن يوم فارقناه خاصه وقتها العرض مالهم مغلق

وبعدها رحنا الى اطعام السلاحف

استراحه محارب

وبعدها عطونا خس علشان نوكلهم

وبعدها ودونا الى السمج الطويل السام مادري شنو اسمه قالوا منو الشجاع اللي يتبرع يوكل السمج .. طبعا مايبيله كلام مافي غيري شجاع

وهذي لحظه اطعام السمج

وبعدها خلصنا الtour وكملنا رحلتنا في الحديقه وكان العرض القادم اهو Sesame Street presents Lights, Camera, Imagination! a 4-D movie عباره عن عرض افتح يا سمسم بس 4D وكان وقت العرض الساعه 2:45 وكان عندنا وقت كافي انه نروح مكان ثاني فكان اختيارنا الى الترفليك وهناك التذكره شامله فقط العروض ومو شامله الالعاب



وهذي اللعبه والمناظر اللي تمر عليها

وهذي صوره اتوقع لعرض جديد

وهذي صوره للحديقه من فوق والمواقف

وبعدها رحنا الى مكان في نجم البحر وممكن تمسكه وتصور وهذي الصور

 

[دلوعة أبوي**]

وطبعا في العاب مالعبناهم لضيق الوقت او ان لاعبين نفسهم في اماكن ثانيه وهذي لعبه تودينه الى اعلى نقطه ومشاهده سان دييغو

وهذي لعبه جندول الماي بس مالعبناها

وفي لعبه نركب مركبه دائريه وتسبحنا بالماي نفس اللي موجوده في ديزني وحاطين هذي المنشفه اما اللعبه تحطون ربع دولار وتطلع هوا حار

وهذي صوره لمطعم هناك على شكل سفينه

وبعدها صارت الساعه 2:45 ووقت دخولنا العرض ال 4D وهذي صور المكان

العرض مايسوه ولا يقارن في Shrek 4D in universal and bugs life theater in disney

وبعدها رحنا على طول العرض الاخير وكان يبدي الساعه 3:30 واسمه pet rules وهذي صور العرض وهو عباره عن عرض كلاب عزكم الله وقطط وبط

طبعا صارلي موقف بايخ وانا اصور العرض .. من اول مابدا العرض وانا اصور فيديو بس حسيت ان العرض عادي واخر شي قالو ان خلص العرض ونبيكم تحيون المشاركين في العرض جان اوقف تصوير واحط الكاميرا في الجنطه والى يبدي احلى شي بالعرض .. عرض حده عجيب بحيث تشوفون قطه سوده تدش باب تطلع بطه بيضه وبعدها البطه البيضه تدش مكان يطلع كلب رمادي وهكذا كان قمه في المتعه بس للأسف على ماطلعت كاميرتي وكله اقول مايمدي اطلعها الى ان خلص العرض وماصورت فيه الى اخر شي

وبعدها تمشينا في الحديقه ولا انشوف اكويريوم صغير دشيناه وهذي صور عنه

هذيله ممصدقين احد بصورهم لازقين بالجامه

وهذي مادري ليش تحسسني كانها كيكه فراوله

وبعدها رحنا الى المحلات الموجوده هناك للتذكار والهدايا

وبعدها ودعنا الحديقه وهذي صوره لسياره خارج الحديقه امام الباب

وبعدها رجعنا الى الفندق للصلاة والراحه وبعدها طلعنا ورحنا ناكل في wendys عندي احلى هامبرجر fast food حدها عجيبه وبعدها رجعنا الفندق للنوم والاستعداد لمغامره جديده اللي راح تكون للتسوق هذي المره

 

[دلوعة أبوي**]

اليوم الحادي والعشرون
2010-5-11 الثلاثاء
سان دييغو الحلقه الاخيره​

بسم الله نبدأ ... اليوم مثل ماقلت سابقا بكون يوم تسوق وبكون يوم خفيف وكان اختيارنا الى اوتلت خارج سان دييغو تقريبا يبعد ساعتين واسمه dessert hills ويعتبر افضل اوتلت رحناله لان فيه محلات وماركات اكثر من غيره وكان خروجنا الساعه 8:30 تقريبا

وهذا موقع الاوتلت

Desert Hills Premium Outlets


وهذي صور من الطريق

ومطعم little Caesar توني ادري انه له فروع خارج الكويت

صور الصخر عجيبه وحجمها عجيب

وشوفوا جبل الثلج من بعيد

وبعدها وصلنا الاوتلت بعد ساعتين و 20 دقيقه لأن كان في طريق مغلق وهذي صور من الاوتلت

وهذي صوره جبل الثلج

وهذي صوره خريطه الاوتلت

طبعا الاوتلت فاضي تقريبا والحلو فيه ان فيه تشكيله كبيره من الملابس والبضائع لان موقعه بعيد .. وبعد التسوق وكان الجو حلو هناك قررنا نرجع بعد تقريبا 5 ساعات من التسوق وهذي صوره من طريق العوده

وبعد ساعتين من الطريق رجعنا الفندق للصلاة والراحه بعد مسافه طويله وبعدها ذهبنا الى Target وهو عباره عن جمعيه كبيره فيها كل شي مثل مركز سلطان عندنا علشان نشتري جنطه جديده والسبب الاوتلت اللي رحناله اليوم

وبعدها رحنا نأكل في مطعم jack in the box وهذا موقع المطعم

Jack in the Box

وطلبت انا وزوجتي نفس الطلب اسمه mini buffalo chicken حدهم عجيبين .. وبعدها رجعنا الفندق لأن في الغد بكون لنا مشوار طويل ومكان جديد ومغامره جديده

طبعا في اماكن مهمه في سان دييغو مارحنا لها مثل san diego Zoo and lego land لضيق الوقت بس ان شالله حاطهم في جدولي اذا رحنا امريكا مره ثانيه

 

[دلوعة أبوي**]

اليوم الثاني والعشرون
2010-5-12 الاربعاء
لاس فيغاس الحلقه الاولى​

بسم الله نبدأ ... طبعا اليوم كان عندنا سفره بالسياره الى لاس فيغاس المدينه التي لا تنام وكان موعد خروجنا من الفندق الساعه 9 تقريبا وكان الطريق صحراوي بس انا اشوفه احله من طريق 5 اللي من لوس انجلوس الى سان فرانسيسكو وكان تقريبا 5 ساعات وهذي صور الطريق