كل وحده مسويه تحزيم معده تشاركني

[Danao0o]

بنات بروح مستشفى السلام بسويها عند منو اسويها
انقذوني المغرب بروح
ضروررريييييييييي
:0bee2e8d89::0bee2e8d89::0bee2e8d89:

 

[roses_77]

Danao0o
الدكتور باسل السميط يسويها بالسلام
انا مسويتها عنده

 

[Danao0o]

باريس جم كلفتج حبوبة ؟؟
مشكورة على اهتمامج بالرد

 

[الــــــــزيـــــQ8ــــن]

بنات منو تعرف عن ابر ميزوثوربي لتذويب الدهون ؟ واتمنى الرد ضرووري ؟

 

[عنيده وتعاند]

السلام عليكم
انا جديده معكم فيي الرابطه
واقولكم اني سويت تحزيم المعده في مستشفي العسكر عند الدكتور محمد العجمي
يوم الاحد 25 - 5 - 2008
كان وزني قبل العمليه بليله 105
بصراحه طاااااااااح وجهي من امي كانت تسال الممرضه كم وزني وادعولي يابنات ينزل وزني بسرعه
شكله مهب مبين انه نازل
والف سلامه يا كيكه ماتستاهلين والله

 

[Danao0o]

عنيدة موفقة يالغالية
علمينا شلون العوار والا عادي ماكو الم !!
خبرينا اول باول ترا على خطاج ماشيين

 

[زهرة الحنة]

عيل يا بنات انا دخلت مستشفى كوزماسيرج الي الامارات لو تعرفونه للتجميل

الاخصائي لما شافني طردني قالي روحي سوي رجيم و رياضه وبعدين تعالي اذا مافي فايده بسوي لج العمليه

مع انه عند زياده وزن 35 كيلو قالي انا استغرب منكم انتو الصغار الي تركضون للعمليات قبل ما تحاولون

اي صغار صاكه الثلاثين وصغار الله يهديك دكتور قال بس عندج فرصه

فما ادري والله شو رايكم؟

 

[Danao0o]

ماله شغل روحي سويها عند وحد ثاني
هالعمليات بالذات اذا كانت لج قناعة راح تقدرينتخوضينها وتنجحين فيها
حتى انا وزني اوفر بثلاثين كيلو وقلي يسويها لي
انتي جم عمرج وجم طولج ووزنج
وليش ما سويتيها بالكويت ؟؟

 

[roses_77]

Danao0o
حبيبتي اسفه على التاخير
بس كلفتني 1800 دينار مع الغرفه
بس قبلها دفعت 90 حق التحاليل لان سويتها بمختبر
ونفس السعر بالمستشفى ما تفرق
بس اذا بتسوين الباي باس 2500 اختي هم مسويتها بالسلام
عند نفس الدكتور
انا وحده متحزمه بس انصح بالباي باس مع ان نزل وزني
بس ثااااابت من 5 شهوور ما بقا شي ماسويته
بس يالله الحمد لله على كل حال

 

[Danao0o]

باريس عادي قلبو لا تعتذرين
تدرين اغلب اللي سألتهم ومتحزمين نصحوني بالباي باس
بس منو غير الدكتور سميط يسويها حده زحمة عليه مابي انطر
عفية سألي اختج شنو الاعراض للي ضايقتها عقب العملية ؟؟
ومشكورة وايد على ردج

 

[roses_77]

Danao0o
حبيتي في دكتور ثاني اسمه مادري شنو الشرف اتوقع هم يسويها هناك بالسلام
انتي دقي على المستشفى وساليهم منو يسوي عندكم عمليات السمنه واخذي الاسامي والارقام منهم
الاعراض طبعا 3 ايام بالمستشفى راح تتعبين واااايد من اثر البنج وتعبج راح تطلعينه بالنوم يعني
راح تنامين وااايد
يعني شقوولج الالم يكون الم بنج وبربيش وهالسوالف
بس حطي ببالج على ماتردين البيت مافيج الا العافيه
بس انتي شدي على عمرج ولاتفكرين بالعوار فكري ان العوار يروح
بس العمليه فيها عيب واااحد تصيرين قرعااااااااااااا لاحبوب ودهن ولا حنا تلحق على شعرج
اللهم بعد 3 سنوات ترد عافيته شوي شوي بس هم بتظلين قرعاا وانتي بعد سألي الدكتور احسن عن الشعر
انا اختي مو ذابحها الا شعرها بس جسمها ايييييييييييييينن صااارت ضعيييييييييفه تينن ماشاء الله بس شعرها نتفتين
يالله استخرييييييييي اهم شي الاستخااااااااااااااره وتالي قرري
واي سؤال انا حاظره

 

[Danao0o]

باريس انا من غير العملية قرعة لووووووووول
سمعي صرت مينونة كثر ما اسوي سيرش على النت بخصوص العمليات
في واحد سعودي ايي الكويت كل ما يصير عليه طلب اربع عمليات وفوق
ويسويها بدار الشفا اسمه سلطان التمياط الشمري
حتى بنت الكويت صاحبة المنتدى تمدحه بواحد من المواضيع
المهم طلعو الحين بعملية اسمها سيلف !!
هذي الله يسلمج يقصون المعدة بالطول
تدرين شلون هذا فلاش العملية بشكل رسوم يوضح لج شلون
http://www.obesity.org.au/flash4/ypo.swf
بالنسبة للميزات بينه وبين التحوير هالفروق طبعا مقتبس من منتدى الدكتور نفسه

السلام عليكم ورحمة الله وبركاته

في المؤتمر التاسع والأربعين للأمراض الهضمية الذي اقيم في سان دييقو , كاليفورنيا في مايو الفائت 2008 . نشرت ورقة بحث علمية أمريكية أجريت على 750 حالة أجريت لهم عملية القص الطولي و 487 حالة اجريت لهم عملية التحوير خلال خمس سنوات بين عامي 2002 حتى عام 2007
تمت الدراسة في California Pacific Medical Center, San Francisco, CA
والباحثون هم Crystine M. Lee, Paul T. Cirangle, Gregg H. Jossart

حبيت ألخص لكم البحث ونتائجه في النقاط التالية:

#أدوات البحث وعناصره#

*الحالات التي اجريت عليها الدراسة 1237 حالة منهم 750 حالة عملية قص طولي للمعده (سليف) و 487 حالة تحوير (باي باس).

*متوسط أعمار حالات الـ(سليف) 43 سنة وتتراوح اعمارهم بين (16-68) سنة , 595 حالة من الحالات كانت لنساء بنسبة 79% من حالات الـ(سليف).

*متوسط أوزان حالات الـ(سليف) كانت 286 باوند (129.7 كيلو جرام) ومتوسط كتلة الجسم 46 , وكان 2.4% منهم (18حالة) مؤشر كتلتهم 70 أو اكثر , وكان 6.7% (50 حالة مؤشر كتلة جسمهم بين الـ 60-70 و 18% (139 حالة ) بين الـ 50-60

*بينما متوسط اوزان حالات التحوير 280 باوند (127 كيلو جرام) وكان متوسط مؤشر كتلة الجسم 46 .

*كان متوسط زمن العملية لحالات الـسليف هو 79 دقيقة ( أقل عملية استغرقت 34 دقيقة وأطول عملية استغرقت 297 دقيقة) وكان متوسط زمن المكوث في المستشفى 1.7 يوم.

*بينما كان متوسط زمن العملية لحالات التحوير هو 137 دقيقة (أقل عملية استغرقت 90 دقيقة وأطول عملية استغرقت 300 دقيقة) بينما كان متوسط زمن المكوث في المستشفى 2.7 يوم.

*حدثت حالات تسريب (بالنسبة للحالات الخطرة فقط) في 8 حالات (1%) من حالات السليف بينما حالة واحده في مرضى التحوير (0.2 %).

*حالة واحده ضيق في نهاية البلعوم في حالات السليف (0.1 % ) بينما 19 حالة (3.9%) في حالات التحوير.

*حالة واحدة انسداد بالأمعاء في حالات السليف (0.1%) بينما 12 حالة (2.5%) في حالات التحوير.

*لم تحدث أي حالة تقرّح في حالات السليف بينما حدثت تقرحات في 13 حالة في عمليات التحوير (2.7%) .

* لم تحدث أي حالة وفاة في حالات السليف كما لم تسجل أعراض جانبية لمرضى السليف بعد شهر من الدراسة.

*بالنسبة لفقدان الوزن :
- في السنة الأولى بعد العملية : لحالات السليف نسبة خسارة الوزن الزائد لحالات السليف كانت 69% بينما كانت نسبة خسارة الوزن الزائد لحالات التحوير 78%

- في السنة الثانية بعد العملية : لحالات السليف نسبة خسارة الوزن الزائد لحالات السليف كانت 67% بينما نسبة خسارة الوزن الزائد لحالات التحوير مازالت 78 %.

- في السنة الثالثة بعد العملية : نسبة خسارة الوزن الزائد لحالات السليف كانت 59% بينما كانت نسبة خسارة الوزن الزائد لحالات التحوير 72% .

*تلخصت الدراسة ان هناك وجه للمقارنة بين السليف والتحوير...لكن على المدى الطويل المقارنة غير ممكنة حتى الآن.

انتهت الدراسة.....
----------------------

تعليقات على الدراسة...

-هناك دراسة سعودية قادمة من مستشفى الملك فيصل التخصصي حول عمليات السليف ونتائجها التي ستكون افضل من هذه الدراسة بالنسبة للمجتمع السعودي...

-بالنسبة للأعراض الجانبية من الواضح ان السليف آمن جراحيا وكذلك أقل آثار جانبية بعد العملية..
بالنسبة لفقدان الوزن اوضحت الدراسة ان التحوير أكثر ثباتا للوزن بعد ثلاث سنوات...لكن هذا لا يعني أبدا ان حالة السليف سوف ترجع للوزن الأساسي أو ان المعده سوف تتمدد حتى تصل لحجمها قبل العملية...بل بالعكس عند تمدد المعده البسيط هذا يشعرك براحة اكبر في الغذاء خاصة بعد وصولك للوزن الطبيعي..وهنا يبدأ دورك بالمحافظة على وزنك.كما يحذث معي الآن ولله الحمد..وزني طبيعي ولا أحس بأنني عملت عملية جراحية لتخفيف الوزن..

امبيه باريس ينيت زر عقلي مو عارفة شسوي
تهقين احول على السليف :dddds:

 

[miss_Ba6oOo6a]

الحلقه لازم الدكتور يقولج انها سنتين وتنشاااااال يعني حل مأقت اكثر من سنتين اتصير التصاقات والتهاب وادش بجدار المعده اناسويتهاا والتهبت عقب السنتين وتعبن عليها وايد كنت 128 وصرت 80 اذا وترااا نسبة نجاحها 45 بالميه والي يحبون الحلووو راح تكون فاشله لهم فسوي التحويل او التدبيس اضمن من التحزيم اي سؤال حاظرين

 

[Danao0o]

هني الميزة بلسليف ؟؟
انه دايم
وانه الحلقة مؤقته واضرارها تعور لقلب
نصيحة لكل من نوت تسوي انا بسوي بعد التكميم لا غييييييييييييييييييييييير

 

[roses_77]

Danao0o
ويييييييييييي اسم الله عليج شفييييييج تعالي يمه انفخ بسرج
خخخخخخخخخخخخخ
لا والله جد تبين ترتاحين؟ سوي استخااره وشوفي شنو الاحسن بيني وبينج
انا كنت بسوي التحوير بس سويت استخاره ورحت حق الدكتور
ونصحني بالتحزيم
والحمد لله كنت مرتاحه لو مسويه جان تحوير جان ما ادري شنو حالي الحين
سوي استخاااره وانا اقولج تحوير مو تحزيم
والله يكتب لج اللي فيه الخير

 

[Danao0o]

باريس وخري عن سري يا معودة لا تضيعين فيه <<<<< بانيو مو سر خخخخخخخخخخخخخخخ
ياحلوج والله :dddds:
تدرين خلاص قررررررت واردلكم الاسبوع الياي بحيل الله محورة وخالصة خخخخخخخخخ هذا شكلي >>>:0bee2e8d89:
<<<< تعادل مسلوقة بلغة المطبخ كح كح
يسلمو على متابعتج خلج معاي تكفين
باريسووووووووووووووو ادعيلي:cxxxp:

 

[نونيا]

:eh_s(14): انا اقول حق كل وحده تبي اتسوي تحزيم اتشيل هالفكره من بالها و اتسوي تحويل احسن لها انا مسويه تحزيم و صارلي 7 تشهر و ما ضعفت شي هذا وزني ما تغير :cxxxp: و نفسيتي اتعبت زياده فنصيحه لا يتعب و يسوي تحزييم :0bee2e8d89:

 

[Danao0o]

نونيا انا هذا اللي نويت عليه فديتج بس ياريت تكتبين وين وعند منو وبجم وليش وشحقة
انطرج يا قلبي وعندي لج نصيحة بس وضحي وزنج وطولج ونطري الاجابة مني

 

[النية الصافية]

الحلقه لازم الدكتور يقولج انها سنتين وتنشاااااال يعني حل مأقت اكثر من سنتين اتصير التصاقات والتهاب وادش بجدار المعده اناسويتهاا والتهبت عقب السنتين وتعبن عليها وايد كنت 128 وصرت 80 اذا وترااا نسبة نجاحها 45 بالميه والي يحبون الحلووو راح تكون فاشله لهم فسوي التحويل او التدبيس اضمن من التحزيم اي سؤال حاظرين

السلام عليكم
الدكتور ما قالي ان بعد سنتين اشيل التحزيم؟؟؟\من وين هالمعلومة عشان اتأكد انا صار لي متحزمة 3 سنوات تقريبا
وصار معاي عوار بس خف بالعلاج وسعاها لي ورجع ضيقها؟؟؟؟
ولا مره سوالي فحص عليها بس يوسع ويضيج
فيديني الله يخليج

 

[Danao0o]

النية الصافية شلونج حبوبة
اي والله البنات المتحزمات في منتدى ثاني قايلين لي جذي
ولله اعلم !!