موضوع روعه ماشاء الله عليج
ابي اقولكم بحكم تجربتي مع زوجي
مو بس لما تكونون بالبيت تسوين له جو
ترا بكل وقت وبكل مكان --- طبعا بشكل محترم
يعني مثلا لا صرتوا بالسياره مسكي ايده ،، مسحي عليها باطراف اصابعج
اذا كان من النوع الي يحب السيارات السبورت ومايمانع انج تطلعين معاه فيها طلعوا بروحكم تمشوا عالبحر
(زوجي عنده سياره كشف ويطلعني فيها بعض الاوقات وبصراحه اول مره اطلع بسياره كشف)
ومايضر سترج وحجابج تراني متحجبه والبس عباية بس ابدا ماله علاقه هالشي بالستر
طالما زوجي يستانس اني اشاركه كل لحظاته الحلوه
اخذي اجازه اسبوع او مرضيه يومين (شوفوا الخراب) وطلعي معاه الصبح مطعم او كافيه عالبحر خصوصاً هالايام الجو حلو
(ترا اللي يحبون و كبلز مو أحسن منا يتواعدون بهالاماكن)
اذا كنتوا من اللي يروحون البر وتباتون بخيمه خاصه فيكم مايضر انكم تتعاملون كانكم بالبيت
الجو والمكان يساعدون بعد على تحسين المزاج
واذا الريال عنده بقي (بانشي) ومايمانع ركبي وراه وتلثمي حتى محد يعرفج = أحسن من القيرلفرند
(والله ربع ريلي يسألونه منو الي تركبها وراك بالبقي ؟؟ يقولهم زوجتي ام عيالي !! واحد رد عليه قاله :انت صح)
اذا الريال عنده طراد ويحب يطلع بحر طلعي معاه رحله (بدون حداق) بس عن الزفره قوليله انا ابي رحله بحريه على طول البحر
ومن تغرب الشمس طلعي الماي الحار و سويله كوفي ووقفوا الطراد وقعدوا تقهووا !
وصدقوني لو اقولكم ريل يحجر وغيور ،، بس لما اشاركه بوناسته يتغير الجو عليه وعلي
أما بخصوص ان علاقتنا الخاصه .... فهذا سر مااقوله
بس شغله وحده بقولها ،، ريلي يحب المكياج الاوفر الي يكون رسمة العين غامجه وكبيره والكحل الاسود عريض
(ولا يزعلون حبايبي البدويات ،، يقولي ابي نفس مكياج البدويات = رسمة العين بالذات)
مع انه مو حلو علي لي حطيته بالمناسبات لأن عيوني وساع ،، بس شي في نفسه اسويه له بكل خاطر
والله يوفقكم و يسخر ازواجكم قولوا آمين
