كل وحده تقول شنو برنامجها في فترة الدورة الشهريه

[نوف الصقعبي]

السلام عليكم ياحلوات​

العنوان واضح​

عشان نستفيد ونفيد بعضنا​

كل وحده تقول شنو برنامجها اللي تسويه بفترة الحيض
لان هالفتره نمتنع عن الصلاة
وان شاء الله اللي ماتصلي وتقرا موضوعي تفكر بينها وبين ربها
هل اللي قاعده تسويه صح ويرضي رب العالمين
وعشان رب العالمين يوفقها في كل امورها خل تستغفر وتتوب قبل لايأمر رب العالمين ملك الموت ويقبض روحها وتتوقف انفاسها واهى في هالعصيان وغضب الرحمن​

ولاتنسون​

قال رسول الله صلى الله عليه وسلم​

العهد الذي بيننا وبينهم​

الصلاة​

فمن تركها فقد كفر​

يعنى لاتستهينون بالصلاة
ترى رب العالمين ماراح يوفقج لابزواج ولابدراسه ولاحب ولاسعاده ولاحمل ولاعيال ولاوظيفه ولاراحة بال
طول منتي تاركتها
هذا عقابج بالدنيا ياتاركة الصلاة
فما بالج عذابج بالقبر والبرزخ ويوم تقوم الساعه
لاتكونين من اللي ختم الله على قلوبهم واعينهم
ومايأثر فيج هالكلام اللي تقرينه​

سامحوني خواتي عالإطاله​

برنامجي عن نفسي في هذه الفتره​

ازيت شعري بدابر آملا اللي بدون ريحه اغرق شعري منه واتركه
4 ساعات​

احصل على نعومه قويه ولمعه قويه وكثافه وطول واضح
والله على ما اقول شاهد سبحانه ربي
يعني ماراح اقول شي ماجربته ومابي اى وحده تقول شي ماتسويه​

احط كريمات طبيه مثل كريم الحليب من فير اند وايت على جسمي​

افرك ايدي ومرات جسمي بليمون يعطيني بياض وصفاء واضح
خصوصآ انى ما احب اعرض بشرتي للشمس​

مااشرب اعشاب لان وايد قريت وشفت برامج انها ضاره مع الاسف
ف اكتفي كل يوم بشرب اكواب من الماي الساخن سواء علي الحلوه او على طهاره واستفيد ان الماي الحار يسرع بتذويب الاكل فى معدتى وهم يساعد على الرشاقه​

ما اكل مخللات ولا اشرب لبن لان موزين بفترة الحيض بالمره​

احب استخدم كريمات طبيه على منطقة الوجه والهالات​

استغنيت عن الاسكينول المتعارف عليه ب اسكينول من صنع ايدي​

ومفعوله اقوى واسرع وانظف واضمن​

أعصر نص ليمونه اغمس فيها القطن وامسح على ويهي وارقبتي
تبارك الرحمن صج نضاره وصفاء وتوحيد ممتاز وقوي وحلو
ويخلي الوجنتين بلون التوت من كثر التوريد​

احب اتسبح بماي الورد ومرات ماء الزهر
ولاتستغربون ان قلت اعشق اغسل ويهي بماي اللقاح احب ريحته وايد​

احب انقع جسمي بزيت الزيتون وانا بالبانيو واخليه فتره 10 دقايق بعدها اتسبح وافرك جسمي ​

وايد شغلات حلوه عندى​

بس هم ابي اشوف برنامج خواتي الغاليات​

عشان ​

نفيد ونستفيد​

:sfg:​

 

[<miss botamba>]

عن نفسي ولا شي هههههههه

وقت الدوره وقبلها بس ابلع ( الاخضر و اليابس )

 

[نوف الصقعبي]

عوافي إن شاء الله يارب

لا مس مس نبي نسنع من عمرنا اكثر واكثر

بنات انا مسويه فوق استطلاع حطو استطلاعكم​

 

[<miss botamba>]

شوفي انا المشكله ألهى وايد

بس عموما العنايه عندي كل يوم مو شرط وقت الدوره

شعري مثلا كل ما ذكرت احط له سورسير بس من زمان مو مستخدمته و هم قالولي عن زيت السمسم يطول وحطيته جنه مره او مرتين وبس بس ان شاء الله بعد الامتحانات بتفرغ

وهم في ماسك مال غارنيه وايد عجيب تحطينه وقت الشاور دقيقه وتغسلينه وايد حلو يخلي الشعر ناعم وماتحتاجين تسوين استريت بس هوا (مكتوب عليه sleek & shine 72 hrs) ماسك مقوي فيتو كيراتين + زيت الارجان

وهم مفكره استعمل زيت املا و براشوت

وشاريه كريم املا نفس حمام زيت بس للحين ما استعملته

عيوني استخدم لها السيروم الي حطيت لج صورته بموضوعي

ورموشي استعمل لهم هالدوا حلو حسيتهم فرقوا

مادري اذا ينباع بالكويت انا طالبته من امازون

بس لازم كل يوم واقل شي شهر


وكل يوم اكل حبوب اوميقا 3 ومفكره ادخل معاهم b complex و فيتامين دي


وعندي ماسكات للوي بس مو كل مره استعملهم

حق المسامات و الوي الدهني

محلهم بالافينيو

طالبته من امازون نفس الي قبله تقريبا بس عيبه نشف بسرعه الماركه الي فوق احسن وارخص وحجمه اكبر ونفس الفعاليه


هذا مرطب عادي للبشره الدهنيه على جيل وبدون دهون واايد احبه

المحل بالافينيو

ورفيجتي تمدح هالسيروم اهوا حق فوق ال 40 بس اهيا عمرها 26

والاعشاب انا احب اشرب زعتر و دارسين بس الدارسين اشرب البطل الي نفس اللقاح موجود بالجمعيات و هم اوقات اشرب ليمون مع زنجبيل بس تي باق مو فريش


واحب استعمل الفازلين

 

[نوف الصقعبي]

مس مس اللي مطالعين موضوعي 100 عضوه
محد رد الا وحده من ال 101 معقوله بنات حريم ماعندكم برنامج وقت الدوره

انا ليش سميته وقت الدوره مس مس لان لما اطهر منها ماقدر احط زيت بشعري عشان الوضوء ومرات اصلي العشا وانام ورا صلاة العشا فما يمدي احط الزيت

مشاء الله مشترياتج تعجبني وايد حلوه وراح اشتري جم شغله من اللي حطيتيهم
واجربهم مفكره اشتري السيروم بس خاف مكثف او قوي لان تقولين لازم 40 سنه اهي بشنو استفادت منه رفيجتج​

 

[نوف الصقعبي]

آملا وايد ممتاز مس مس اخذي اللي بدون ريحه مالي غنى عنه هذا دابو حبيبي

تصدقين ذكرتيني اول امس شريت حمام زيت دابر آملا بس مايربته حاطته بداري​

 

[<miss botamba>]

تقول يعطي نضاره وانا اشوف لازم الواحد قبل لا يدش ال 30 يبدي يعتني بهالسوالف

والدهن حطيه قبل المغرب وحاولي اتمين علي يدودج

انا جذي اسوي او بعد العشا وخليه 3 ساعات وغسليه

الدهن مو لازم تطولين فيه وايد


عاد امس شفت فوق السطح جهاز البخار مال الشعر شكلي بنزله وببدي استخدمه مع حمام الزيت

 

[Tom ♥ Jerry]

,


وقت الدورة بس آشرب اعشاب ..


بالنسبه حق شعري و جسمي كل يوم اسوي شي فيهم
يعني مو شرط علي الدورة أو مآ علي !

مالها شغل الدورة بالشعر و العنايه

 

[نوف الصقعبي]

نورتينا توم واسعدنى مرورج​

 

[نوف الصقعبي]

مس مس ياليتها يات على يدود الحجى وين ان انا اغرق شعري زيت وتخيلي ينزل على ارقبتي عشان احب استفيد منه عدل وانا حدى بالزيت اخليه 4 ساعات فما اقدر البس ثوبي وله بنغرق​

 

[اميره الخليج]

عنايتي وقت الدوره اهي نفسها بعد الدوره واليوم كله يكون صنفرات للوجه والجسم وكريمات
اشياء خفيفه بس
شعري خليت وقته بعد صلاة العشاء حناء او زيت زيتون تونيك سورسير بسسس هذا لشعري
والاهم واللي خلاني اكتب هني الاعشاب احذروا الاعشاب يابنات اللي دورتها منتظمه تبعد عن الاعشاب ترى الاعشاب تلعب بالهرمونات لعب اذا انا طبيعيه ليش اشرب شي علاجي
اكتفوا بزنجبيل ونعناع واكلوا عدل وفلفل اسود الحاله يكفي مع الاكل او الشوربه بسسسس. ترى الهرمونات اذا تلخبطت تلعب بالمبايض وتنفخ الجسم وتطيح الشعر هذي تجربتي مع الاعشاب وقطعتها نصيحتي لكم اللي دورتها طبيعيه لاتشرب الاعشاب العلاجيه تبتعد احسن اشياء دافيه وخلاص
واللي عندها مشكله تروح لطبيبه او معالجه وتحل مشكلتها واذا تحسنت خلاص

 

[t๏๏tคђ]

بالنسبة لي اهتم باكلي ابطل الوجبات السريعه واكل من البيت احرص انو الاكل يكون صحي و دافي وما اجوع ابدا والمشروبات دافيه +اشرب كوب قشر قهوة بالزنجبيل او شمر بالزنجبيل ..
اشرب حليب بالفلفل الابيض في الصباح مع تمر ..
اهتم اكثر شيء برجووولي والبس شراب اغلب الوقت ..
اسوي غسول للمنطقة ملح خشن +مرة +ماء ازيد عليهم ماء دافي عند الاستخدام
ارطب يديني باستمرار واسوي ماسكات للفيس ..
احني شعري ........

****

للمعلومية بنات الزيت مايمنع الوضوء لانه مايعتبر حائل جامد يحول بين الماء والشعر يعني يسمح بتخلل الماء بين الشعر >>ان شاء الله عرفت اشرح

 

[نوف الصقعبي]

حياتي الزيت يمنع وصول الماء للشعر

على سبيل المثال اخذي قلاص وحطى نص ماي او ثلاث ارباعه ماي والباجي زيت

وحوسيهم بالقفشه لين يمتزج المحلول عدل

وتركى شوي وشوفي شنو راح يصير

عشان جذي يحجب الوضوء الصحيح لان يمنع وصول الماء الى الشعر

عكس الحنه الحنه ماتمنع الوضوء

هذا كلام علماء الدين موكلامي

طبعا الحنه اللي مايتم خلطها ب اى ماده دهنيه او زيت

واختى ترى الحنه مباركه ورسولنا عليه الصلاة والسلام كان يحطها

ومومتأكده بس اتأكد لج واقولج عن هالشي لان اللي عرفته ان الحنه ماتنحط ايام الدوره

بس هم راح أتأكد لج​

 

[Dr.rooz]

برنآمجي ي طويله العمر طول الوقت منسدحه و م اكل حوامض و لا بيبسي و إذا بطني عورني شربت جآي دآرسين و مطآره مآي و انسدح و بث

 

[أدعج غنج]

شعري وبشرتي اهتم فيهم على مدار الشهر مو بس بالدوره
بس اشتغل على جسمي واضافري ورموشي أكثر بالهفتره لأن ما تتوضين فتقدرين تستفيدين من الخلطات مده اطول

مثلا رموشي احط مسكرةمفالا الا حاطتها وحده من العضوات أو زيت خروع
جسمي ادهنه بخلطة زيوت أو ليمون وغالبا اسكنول البابايا
اظافري احطلها مقويات وبعدين ابدع بالمنيكير
وسلامتج

 

[t๏๏tคђ]

لا حبيبتي مايمنع ابدا وممكن تشوفين فتوى لشيخ ابن عثيمين رحمه الله ..
الزيت ماده خفيفة ماتعزل الشعر عن ماء الوضوء يعني لما تمسحي على شعرك يصير مبلووول مامنعه الزيت من الوصول للشعر ..
لكن الحناء اختلفوا عليها كثير من العلماء والاغلب قالوا انه لما تحطيها على طهارة يعني تكوني على وضوء يجوز المسح عليها ..
و الرسول عليه افضل الصلاة واتم التسليم نصح باستخدام الحناء سواء للعلاج او الزينة ..
والحناء وقت الدورة عادي انا احطها على شعري بس بالايام الاخيرة وما اتعرض للتكييف اتم بغرفة دافية لحد ما استحم واحيانا استخدمها على شعري للعلاج عشان عندي صداع نصفي وربي ينفع بها ..

اسفه لو اطلت عليكم بس حبيت افيد الكل

 

[بـنـت أبـوهـا]

بعد ما صوت اكتشفت ان في غيري كسولات ههههههههه

 

[مـهـاآ]

ااب

 

[نوف الصقعبي]

منورين​

 

[@عسايل@]

انا عن نفسي اهتم من الداخل اكثرً
اشرب اعشاب ونسى الرجييم واكل الدسم واهم شي مـِْ♡̨ـِْا اجوع بالفتره هذي او ابرد
والجسسسم مسح خفيف بالماي والتدفي اكيد مهم