كل وحده تسجل نصيحه للحامل او النفاس لتعم الفائده على كل الحوامل وخاصه البكريات

[ten 10]

اهم شي الفوليك للوقايه من التشوهات وويكون حملج صحي يارب

 

[فرح79]

راقبي نوعيه اكلك يعني المفيد واللي ما يسمن وانتظمي على حبوب الحديد والكالسيوم والفيتامينات حتى بعد الولاده نصيحه لاتتركينها بعد الولاده انا تركتها وصار شعري يطيح بالخصل

 

[المملكه غير]

مووضووع موفق


نصيحتي للي حابه تحمل تاكل حمض الفوليك
يزيد من نسبة الحمل السليم ولاتخلينه الا بعد ٣ شهور
ولاتخلين الفيتامينات لانها راح تغذيج انتي والجنين
وتساعدج بالطلوق خصوصا الحديد يساعد بتدفق الدم
عند الطلق

اتمني من كل نفاس ترك عادات اهلنا القديمه
وتحط فبالها ان النفاس فترة نقاهه واعتناء
بالبيبي
خلي عنج المعتقدات الخاطئه التاليه :
كثرة شرب الماء تسبب خراب بالعكس الماء يساعدج
بالهضم ويعوض جسمج السوائل اللي فقدتيها
ولاتنسين ( وجعلنا من الماء كل شي حي )

النفاس مايصير تتسبح عشان مايدخلها هوا
الا تسبحي ولاتعفنين بس راسج لاتغسلينه
وتنشفي عدل وتبخري فبخور الهواااا وتدفي عدل

النفاس اكل خاص
خصوصا المتوهقه ونفاس فبيتها وماعندها حد يطبخلها
حبيبتي ترا الاكل الصحي ابرك لج من العجين والدسومات
والدهن العداني
يعني صدر دجاجه او شوربه خضار او بيضه او سلطة جرجير
او لحم مع خبيزه ابرك لج من الدسومات اللي ماتجيب الا الكرش
ولاتنسين الحليّبه الصبح مع زنجبيل
وان جعتي تميره مع رشاد

مهي صعبه ابد


نجي للجرح مو تقعدين تفكرين طول النفاااس انا خربانه انا وسيعه
انتي اهتمي بنفسج ولا خلصتي وصار ماصار تعرفين عاد نتيجه اهتمامج
اهتمي بجرحج واخذي لج ابريق من البقاله عشان تنقعين فيه مره وتغسلين من تحت
عاد موتكثرين لانها تشد الخياط بس الابريق راح ينفعج خصوصا للي تخاف تمسسك
المنطقه وتغسلها بغسول حطي غسولج بالابريق مع الماي وغسلي
وحطي لج خوا جوا بالحمام عن الشمم لازاروج حريم حطي شوي بالقطنه ولبسيها
واخر ٥ ايام نفاس عليج بتحاميل البيتادين او تحاميل البتروليه المصريه
تنشفلج المنطقه


البيبي لاتنسينه الله يخليج كل يوووم سبحيه علميه ع الماي عشان لاااايمرض
ولايجيله صدر ويرتاااااح بالسبوووح
واذا بيبي فيه بوصفار خذيله عصفر من الحواج نقعيه وشربيه
وحطيه بدهن ودهنيه فيه قبل السبوح وعرضيه للشمس
ولاتنسين الكمون واليانسون يريح بطنه من الغازات
وامج ماراح تقصر اكيد


وبس اذا ذكرت شي برد اكتبه

مااقصرتي اختي من ذهب

جزااج الله االف خيير

 

[أم معاذ الكندري]

يزاكم الله خير
الصراحة استفد منكم ماقصرتوو

 

[أملي بعد الله]

بصراحة الموضوع ممــــــــتاز الله يجزاكم كل خير ويسهل علينا كلنا ياحي ياقيوم .. فدتوني واااايد والله

 

[فرح79]

كثري من شرب الماء والسوائل يمنع الامساك وكتير ممتاز للبيبي

 

[adore.life]

انصح كل وحده تكمل علي الفتامينات بعد الولاده 6مدة ثلاث شهور
علشان نضرتها وشعرها ما يطيح

 

[هـاجـر]

نصايح مفيده .. مشكورين
بنات من اي شهر ابدي ادهن بطني ؟ و ادهنه بشنو ؟ فيه كريم معين او عادي اي كريم ؟
و شكراً

 

[جـــواهر]

نصايح مفيده .. مشكورين
بنات من اي شهر ابدي ادهن بطني ؟ و ادهنه بشنو ؟ فيه كريم معين او عادي اي كريم ؟
و شكراً

من الخامس او السادس حسب كل بنت وبطنها
كريم زبدة الكاكاو من الجمعيه تلاقينه ماركة فازلين

 

[بيـآض الثلـج]

شكرا ع النصآيح

جزآكم الله الف خيـرر
​

 

[حرم حبيبي]

للرفع
للرفع
للرفع

 

[بسانت]

الراحه + قراء القران الكريم وتشغلين القران الكريم بلبيت بدل الاغاني

 

[مشتطـه]

قررراءة سورة البقرة والاسستغفار كثيرا بالثامن بنية تسهيل الولادة

انصح بالدعاء وقت الطلق للغالين وزهبي دعوتج لان وقتها بتنسين كل شي



سوالف حكرة البيت بالنفاس انسيها

من تكملين اسبوعين طلعي عااادي
وخلصي شغلج مبجر



كملي حبوب الحديد بعد الولاده
لان الشعر بيطيح حييل

لا تقطعينهم


سوي ريجيم عقب النفاس

لا تخلين جسمج خربان

كآبة النفاس
تأكدي انها فترة وبتعدي


بالحمال نصيحتي ذكري الله على روحج في ناس ماتعطي خير

ديري بالج وبس ما اذكر

 

[ام حسون24]

ما شالله البنات ما قصرو قالو كل النصايح الصحيه 
انا بقول نصيحه جماليه
كثر ما تقدرين اهتمي بشره ويهج وجسمج وانتي حامل علشان لا تعابلين وإيد وانتي نفاس


 

[فرح79]

ااااااااااااب

 

[شمـ305ــوخ]

الله يسهل عليكم
ويرزقني بالحمل يارب ?

 

[عاقلة بجنون]

الله يجزاكم خير عالنصايح

 

[فرح79]

اااااااااااااب

 

[مصممة متواضعة]

الدعاء وانها ما تحاتي ولا تطبق كل شي تسمعه
لان كل شي بيد الله سبحانه وتعالى



والله يسهل علينا كلنا آآآآآآآآآآآآآآآآآآآآآآآآآآآآآآآمين

 

[مشتطـه]

نصيحتي ماتبالغين بالاستقبال

ترى كل شي بسيط فيه بركة


والاستقبالات قالت غنيمة الفهد
مو طبع اهل الكويت الاصيلين

وشيوخ الدين قالو مو زين الله ما يحب الاسراف

سوالف كفر ب 200
وكاكاو ب 200
و600 نوع حلو مو زين

كل ما صار بسيط وما يفشل كل ماكان احسن


الحريم يدشون بالشهر وايد استقبالات

عبالج بيحفظوووونج بس انتي

الكل بينسى