رد: ولدت و الحمدلله و يبت ...
السلام عليكم ورحمة الله وبركاته
جم ام فرووحه عندنا؟ ربي يسهل عليج يارب و هذه القصه
تاريخ الولاده 18.12.2006-الاثنين
من الاحد الصبح و انا كنت احس بعوار بس طبعا يروح و يجي.. بس تحملت لين ال 9 بالليل,, بعدها قلت حق بو نورة يالله مشينا المستشفى اجيك و رحت و سوت لى الفحص دكتوره تهبل اسمها لاكشمى و قالت مفتوح 1 سم عاد سالها ريلى متى ممكن تولد قالت له ان شاء الله الصبح و قالت كل ما اييج الطلق كل 3 دقايق تعالى المستشفى.
المهم انا كنت مستانسه سبحان الله الخوف كله راح و حسيت انى خلاص ابى اولد و بس و ما همنى لا طلق و لا شئ.. عاد رجعت البيت و ما يانى نوم كنا قاعدين انا و ريلى و العوار كان يزيد كل شوي.. و ريلى يسال ها نروح الحين و انا اقوله لا بصبر شوي لين 5:30 قلتله يالله مشينا بسرعه علشان نزل على الماي بس شوي مو وايد .. طبعا لما وصلت سيدا شفت الدكتوره و كانت الدكتوره جنتى مادري جناتى و بعد حبوبه افحصتنى و قالت لى مفتوح 2 سم انا هنى انصدمت
قلت هالعوار بس 2 سم ؟!! المهم دخلونى الغرفه فوق ..الغرفه صج عاديه بس والله حلوه و شرحه .. و حطو على جهاز التخطيط و بعدها اللي حق الطلق و العوار يزييييييييييييييييييييييييد و انا متحمله و كل شوي اسال هااااااااااااا متى تودوني غرفه الولاده ابي كمااااام تعبت و هم يقولون اوكي الحين الحين اففففففف والله اذبحونى و بعد يمكن 3او 4 ساعات ياتني الدكتوره زينات و فحصت و قالت حق السستر يالله نزلوها تحت الرحم مفتوح 4 تقريبا 5 عاد انا استانست انى بنزل تحت و اخذ الكمااام ههههههههههه والله صج تعبت
المهم الدكتوره اللى بتولدني اسمها هبه و هي استشاريه و تاخرت على لان كان عندها عمليه ,, المهم دشيت غرفه الولاده الصراحه تهبل و كبيره .. عاد انا على طول قلت لهم يالله يبه وين الكماام فعطونى الكماام اخيرا عاد بعدها رحت في عالم ثاني!!
بس هم كنت احس بالعوار بس وايد ارحم من قبل .. و صحيت على نفسي و انا كنت اسم الله عليكم ارجع
و بعدها احس في السستى تنظفني و بعدها قمت اسمعهم ينادون ويقولون وين الدكتر اعتقد المهم انا مادري عن الدنيا بس اصحا شوي على العوار,, و بعدها اسمعهم يصارخون يالله push
, و بعد اسمعهم يصارخون يالله البيبي تعباان انا سمعت هالكلمه جان اصحصح و ساعدتهم شوي و بعدها حسيت انى صرت خفيفه عرفت انى ولدت الحمدلله و نمت بس ما شفت بنوتي و كل شوي اسال عنها و يقولون البنت ما فيها شى بتشوفينها قريب ,, و انا كنت حدي دايخه و كل شوي انام و اقعد لين اخر شئ قمت ابجى بجيه محترمه و يو السسترات شفيج و شفيج جان اقول وين بنتي ليش ما يبتوها لي اهي فيها شئ و هم يهدونى و يقولون ما فيها شئ بس راحو يفحصونها و يجيكون عليها لا تخافين ,, المهم شكلى نمت مره ثانيه ما صحيت الا و هم مطلعيني يبون يودوني الغرفه ,,
و هناك كان بونوره و مامااتى حبيبتي و خواتي ينطروني و على طول قلت لهم وينها نورة انا ما شفتها جان يقولو احنا شفناها و صورناها بعد و ورونى صورتها!! و بعد يمكن 5 دقايق جذي يابوها لي
التكمله بعدييييييييييييييييين فيني نومه قويه
و بناات لا تحاتون الولاده السهاله من رب العالمين و كل وحده غير عن الثانيه
