كل وحدة تدخل وتحط المشكلةالى مسببة الضيقة وصدقونى راح ترتاح نفسيتها وبنلقالها حل

[سارة الفوردي]

السلام عليكم ورحمة الله وبركاته
هذا موضوعي الاول بهذا المنتدى الغالي
كانت عندي مشكلة نفسية ما اقدر اذكرها تفاصيلها بالضبط
بس كانت تخص موضوع الاكتئاب والحزن والتعب النفسي
فانصحتني صديقتي بمركز بالفروانية وبصراحةهذي المرة الاولى اللي اروح فيها لمثل هذي المراكز
المهم رحت انا وامي عند المركز واستقبلتا الدكتورة غادة الله يجزاها كل خير
واخذت عندها خمس جلسات والحمد لله تغيرت حالتي
علشان جذي حبيت افيدكم وافيد كل وحده تعبانه انها تروح لمثل هذي المراكز علشان ما تظلمون نفسكم بمرض الاكتئاب صدقوني كنت افكر بان مافي علاج لمثل هذي الاعراض
بس بعد ما رحت تغيرت نظرتي عن هذي المراكز
وبعد يعالجون المشاكل الاسرية ومشاكل التي تصيب الاطفال من الخوف من المدرسة او الخجل
اوعدم الثقة بالنفس
وعندهم ايضا رقية شرعية وكثير من الخدمات
واللي تبي عنوانهم بالفروانية عند فطاير هلا
وجزاكم الله كل خير​

 

[كراميلا مرة]

حبيبتى كراميلا
الانسانة المتزوجة تفرق تمااما عن العزابية فاهي اصبحت امراة مسئوولة الان اعذريها ولكن اذا زاد الامر عن حدة لازم تكون جلسة مصارحة وتبينين انج شايلة بخاطرج عليها ولكن مفرووض ما تربطين نفسج وسعادتج وشغلج فيها

امور تشغلين نفسج فيها مثل
افتحي لج مشروع صغير
نمي هواية عندج
تعلمي عن علم جديد
اقري كتب
خصيي وقت لممارسة الرياضة
وسعي القاعدة التوصل الاجتماعية
اهم شي لا تقعديين فاضية دوووم اشغلي نفسسج
مع كامل حبي وتحياتى لج
دعواتى لج بارك اللة فيييييج

مشكوره حبيبتي على هالنصيحه
واهي فعلا كانت متواصله معاي عادي بس فجاءه تغير رقمها ومادزت لي رقمها الجديد
واهي تعرف اني انا حيل متعلقه فيها وهذا اللي محيرني
اما بالنسبه للشغل نفس الشيء لا وظيفه ولا شيء وهذا اللي ما زمني احس نفسي ماعندي فايده
والشهاده اللي تعبت فيها مالها لزمه
وقاعده احاول اكتسب ثقافه واقرا كتب لدرجه بعض الاحيان ليل نهار ماقوم

اسفة ما كتبت بخصوص الرياضة
اهم شي تبدين من داخلج تقنعين نفسسج انج تبين تضعيفين وان وزنج مو عاجبج وان لازم تتصرفين بخصوص هالناحية خلي عندج ارادة وعزيمة عشان تتحقق وارسمي لنفسسج صورة وانتى ضعيفة ويوميا شوفيها وانتى تمارسين الرياضة علشان يكون عندج هدف وتوصلين لة

وبالنسبه للرياضه انا ترى قدرت انقص من وزني فوق 20 كيلو وضعفت وصرت رشيقه
بس مشكلتي زدت ورجعت مابقى شيء الا وصل مثل قبل
بس نفسيتي هالايام تعبانه ماني قادره اسوي شيء
من امشي خطوتين حدي ربع ساعه وانكتم واتعب واوقف
والاكل نفس الشيء من تسوء النفسي ماعرف التزم واحط حرتي بالاكل
اسفه على الاطاله بس بقيت افضفض يمكن ارتاح

مشكوره حبيبتي الله يجزاك الجنه ريحتيني اشوي

 

[اخصائية نفسية 7]

مشكورة حبيبتى سارة على هالنصييحة بارك اللة فييج يا قلبي

 

[اخصائية نفسية 7]

حياتى كراميلا تواصلي معاى على الخاص

 

[حراااااير]

ودي تساعدوني في مشكلتي بس مشاركاتي قليه :eh_s(11): ..

 

[حنان رعد]

السلام عليكم
انا مشكلتي انو متعلقة بشخص تركته صار لي 4 شهور واكثر كنت احبه ولحد الان مو عارفة شلون انساه عساس اهو يحبني بس اكتشفت انو انا بالنسبة له مجرد لعبة يتسلى فيها تخيلي اخر مكالمة بيني وبينة قلت له ليش دائما تنهي كل شي بسهولة تذكر فد يوم قتلك احبك تذكر فد يوم بكيت يكولي انا قلت لج حبيني انا قلت لج ابجي وكلام وايد ماابي اذكره لان اتاذى وهو كان مواعدني بزواج بس يخلص فحصه (الامتحان) طلع كذاب دائما يحلف يمين انو مايتخلى عني وانو هو كلمته واحده ومراح يعوفني طلع جذاب
كم مرة يبيني اتكلم معاه كلام موزين وارفض

 

[توليب7]

انا اعاني من زوجة حماي اخو زوجي كانت تغير مني لاني البس كشخة ومرتبة في شكلي وجلستي ومشيتي حتى الناس يقولون شكلك ملوكي وكنت ساكنين وياهم في شقق مع بيت حمولتي بس زوجي بعد زواجنا بشهرين بدى يعمر لنا فلة وكان يبين عليها الزعل والضيق كل ماتشوفني لان اكثر وقتي بالدوام وفي بيتي بس نلتقي في الليل عند ام زوجي احنا وازواجنا وكان زوجي طاير فيني ويحبني ومعجب فيني كثير ويمدحني هو واهله وصارت مع الوقت تهاوش عيال زوجي اللي عندي تبيني احتك فيها وماعطيتها فرصة وبعدها مع شغالتي برى في الحوش تامرها تسوي اشغال عند ام زوجي وهي عارفة شغلها عند خات متى يكون لاني اخليه تروح تشتغل عندها صبرت على هذا الحال سنتين وبعدها نتقلت على الفلة الجديدة والكل اثنى وبارك عليها الاهي تجي تتفرج مع حمواتي الثانين اللي معها بالشقق وهي بدا زوجها يعمر لهم بيت وقلت الحمدالله افتكيت منها حولت بنت الناس على زوجي صرت الاحظ حركات منها غريبة حماسها اذاجينا بيت اهل زوجي طبعا هي من النوع اللي مايجلس في بيته تدور بين الشقق طبعا العادة ان احنا نطلع على اخوان زوجي بس لابسين على شعورنا حجاب المهم انها تجيب القهوة وملحقاتها وتجلس مقابل زوجي وجها لوجه وتسولف معاه بدلع وضحكات غريبة ويجون حمواتي الاخريات بس يولفون معنا انا وزوجي بشكل عادي ومجرد زوجي مايروح ونبقى حنا بس الحريم يروح كل الدلع اللي فيها وتجلس عابسة وصارت كل مرة تزود الحركات لين صار زوجي يلتفت لها ولسواليفها وحسيتة صار يرتاح معها بالسواليف حتى ماعاد صار ينتقدها مثل اول على تصرفاتها معي لما كنت اقولة عن سوايها
الحين كل ماشافته دلع وابتسامات حتى صارت تقلدني بجلستي وخاصه قدام زوجي وتسوي غمزات اذا ضحكت وتجلس تمص في يدين ولدها الصغيروتبوس فية وطالع فيزوجي مرة واحنا بالمطعم كان ولدي الصغير يضحك معي زوجي هاوشني وزعل ليش تسوين كذا هذي مفومه عند الرياييل مغازلة زعلت وبكيت كيف يفكر فيني كذا فربطة المواقف على طول يعني حماتي كانت تغازل زوجي قدامي وانا غبية لس اني مابينت له هذا الموضوع وصرت اراقبهم وكنت اشوف اي حركة منه لها حتى لو عادية انكد علية عيشته بطريقة غير مباشرة مع انها تموت بزوجها وتغير عليه غيرة جنونية خاصة اذا جلس معانا تحاول انها تشغلة باي شي علشان مايسولف معانا او ترسله يجيب لهم اغراض او اي حجة مع انه في وجودها مايقدر يتكلم معاي اويطالع فيني بعكس زوجي
فاللاسف مرتفي حياتي مشاكل كثيرة بسبتها مع زوجي وصارت حياتي باردة معه حتى لدرجة اني سحبت نفسي وطنشته هو وياها بعد ماضربني علشانها كان عمي ابو زوجي يسبها ويقول مافيها خير لزوجها ولاعيالها علشان كانت مخليه زوجها يسفرهم غصب في الصيف وهم يعمرون بيت لان زوجها بس اهو اللي موظف كان زوجي يعصب على ابوه ويقول انت ليش حاط حرتك بها الضعيفة ايش سوت فيك انا جن جنوني على دفاعه عنها ويقول زوجي ليش ماتزعل اذا سافرت زوجتي رد عليه عمي وقال زوجتك بنت حمايل تعرف اللي لها واللي عليه الله جعلها فدوه لها وانن انتظرت الليل يجي والناس كل يروح بيته لاني كنت في بيت اعمامي جالسة لانهم كانو تعبانين ولما دخل عليا وغير ملابسة ماعاد انتظرت يجلساقشته ليش هذاك الدفاع عنها قال هذا شيبة موسوس ايش خصة في الناس قلت يعني وانت المدافع ايشاللي بينك وبينها وكان اهب فية وهوطبعا ماكذب نفسه كان يضربني وبد النزيف من انفي واناماقصرت عصرت يده ومنها هو صار رسمي معاه وهي مازالت على اهتمامها فيه اذا جاء في بيت اهله وانا طنشته بس تعبانة من داخلي اتعذب ياليت تساعدين لاول مرة اطرح مشكلتي لاني بصوب وزجي بصوب واسفه كثير لاني طولت

 

[اخصائية نفسية 7]

ودي تساعدوني في مشكلتي بس مشاركاتي قليه :eh_s(11): ..

حبيبتى اكتبي مشكلتج اهنى لاتحاتين وتستحين الكل عندة مشاكل انما تفرق بالحجم
بارك اللة فييج يا قلبي

 

[اخصائية نفسية 7]

السلام عليكم
انا مشكلتي انو متعلقة بشخص تركته صار لي 4 شهور واكثر كنت احبه ولحد الان مو عارفة شلون انساه عساس اهو يحبني بس اكتشفت انو انا بالنسبة له مجرد لعبة يتسلى فيها تخيلي اخر مكالمة بيني وبينة قلت له ليش دائما تنهي كل شي بسهولة تذكر فد يوم قتلك احبك تذكر فد يوم بكيت يكولي انا قلت لج حبيني انا قلت لج ابجي وكلام وايد ماابي اذكره لان اتاذى وهو كان مواعدني بزواج بس يخلص فحصه (الامتحان) طلع كذاب دائما يحلف يمين انو مايتخلى عني وانو هو كلمته واحده ومراح يعوفني طلع جذاب
كم مرة يبيني اتكلم معاه كلام موزين وارفض

حبيبتى هاذي نصيحة لج وان شاء بعد البنات يستيفدوون الولد لمن يكلمج شنو تتوقعين ردة فعلة يعنى بيقول محترمة اكييد لا بيقول هاذا خانت اهلها وسمعتها وشرفها ما تبي تخونى انا وبعدين اخر السالفة انتى الى بتتعلقين فية واهوا بيدور بنت غيررج وعادي الوضع طبيعي انا ما بقيت اكبر عليج مشكلتج واعطيج نصايح مفروض تكونين سامعتها قبل هالوقت بس يمكن تتعلمين من هالغلط والبنات بعد
الى علييج تسوينة الحين تقنعين نفسسج انة يبيج لغرض ثانى مو حب ورومانسية واحلام وخيال لا اهاو تفكيرة غير عنج وانة ماكان يحبج مجرد مصلحة والدليل خلاج وتقصبين نفسسج على النسيان شلون ؟ انا اقولج ابدا ابدا ابدا ما تكونين فاضية يعنى جدولج مزدحم شغلج هواياتح مشروعج اى شي اهم شي ما تكونين فاضية وتتقربين من اللة اكثر ودوم تذكري ان ربي بيعوضج بالى احسسن منة

اقنعي نفسسج من داخل وكرري يوميا هالكلامات انا ماااحبة انا ماتعلقت فيية ما اثر فيني اهو ولا شي دووم كرريهم علشان راح تصدقينهم

وصدقيني يبلج بس فترة بسيطة راح تنسين اذا كنتى صادقة وتبين تنسين

 

[اخصائية نفسية 7]

انا اعاني من زوجة حماي اخو زوجي كانت تغير مني لاني البس كشخة ومرتبة في شكلي وجلستي ومشيتي حتى الناس يقولون شكلك ملوكي وكنت ساكنين وياهم في شقق مع بيت حمولتي بس زوجي بعد زواجنا بشهرين بدى يعمر لنا فلة وكان يبين عليها الزعل والضيق كل ماتشوفني لان اكثر وقتي بالدوام وفي بيتي بس نلتقي في الليل عند ام زوجي احنا وازواجنا وكان زوجي طاير فيني ويحبني ومعجب فيني كثير ويمدحني هو واهله وصارت مع الوقت تهاوش عيال زوجي اللي عندي تبيني احتك فيها وماعطيتها فرصة وبعدها مع شغالتي برى في الحوش تامرها تسوي اشغال عند ام زوجي وهي عارفة شغلها عند خات متى يكون لاني اخليه تروح تشتغل عندها صبرت على هذا الحال سنتين وبعدها نتقلت على الفلة الجديدة والكل اثنى وبارك عليها الاهي تجي تتفرج مع حمواتي الثانين اللي معها بالشقق وهي بدا زوجها يعمر لهم بيت وقلت الحمدالله افتكيت منها حولت بنت الناس على زوجي صرت الاحظ حركات منها غريبة حماسها اذاجينا بيت اهل زوجي طبعا هي من النوع اللي مايجلس في بيته تدور بين الشقق طبعا العادة ان احنا نطلع على اخوان زوجي بس لابسين على شعورنا حجاب المهم انها تجيب القهوة وملحقاتها وتجلس مقابل زوجي وجها لوجه وتسولف معاه بدلع وضحكات غريبة ويجون حمواتي الاخريات بس يولفون معنا انا وزوجي بشكل عادي ومجرد زوجي مايروح ونبقى حنا بس الحريم يروح كل الدلع اللي فيها وتجلس عابسة وصارت كل مرة تزود الحركات لين صار زوجي يلتفت لها ولسواليفها وحسيتة صار يرتاح معها بالسواليف حتى ماعاد صار ينتقدها مثل اول على تصرفاتها معي لما كنت اقولة عن سوايها
الحين كل ماشافته دلع وابتسامات حتى صارت تقلدني بجلستي وخاصه قدام زوجي وتسوي غمزات اذا ضحكت وتجلس تمص في يدين ولدها الصغيروتبوس فية وطالع فيزوجي مرة واحنا بالمطعم كان ولدي الصغير يضحك معي زوجي هاوشني وزعل ليش تسوين كذا هذي مفومه عند الرياييل مغازلة زعلت وبكيت كيف يفكر فيني كذا فربطة المواقف على طول يعني حماتي كانت تغازل زوجي قدامي وانا غبية لس اني مابينت له هذا الموضوع وصرت اراقبهم وكنت اشوف اي حركة منه لها حتى لو عادية انكد علية عيشته بطريقة غير مباشرة مع انها تموت بزوجها وتغير عليه غيرة جنونية خاصة اذا جلس معانا تحاول انها تشغلة باي شي علشان مايسولف معانا او ترسله يجيب لهم اغراض او اي حجة مع انه في وجودها مايقدر يتكلم معاي اويطالع فيني بعكس زوجي
فاللاسف مرتفي حياتي مشاكل كثيرة بسبتها مع زوجي وصارت حياتي باردة معه حتى لدرجة اني سحبت نفسي وطنشته هو وياها بعد ماضربني علشانها كان عمي ابو زوجي يسبها ويقول مافيها خير لزوجها ولاعيالها علشان كانت مخليه زوجها يسفرهم غصب في الصيف وهم يعمرون بيت لان زوجها بس اهو اللي موظف كان زوجي يعصب على ابوه ويقول انت ليش حاط حرتك بها الضعيفة ايش سوت فيك انا جن جنوني على دفاعه عنها ويقول زوجي ليش ماتزعل اذا سافرت زوجتي رد عليه عمي وقال زوجتك بنت حمايل تعرف اللي لها واللي عليه الله جعلها فدوه لها وانن انتظرت الليل يجي والناس كل يروح بيته لاني كنت في بيت اعمامي جالسة لانهم كانو تعبانين ولما دخل عليا وغير ملابسة ماعاد انتظرت يجلساقشته ليش هذاك الدفاع عنها قال هذا شيبة موسوس ايش خصة في الناس قلت يعني وانت المدافع ايشاللي بينك وبينها وكان اهب فية وهوطبعا ماكذب نفسه كان يضربني وبد النزيف من انفي واناماقصرت عصرت يده ومنها هو صار رسمي معاه وهي مازالت على اهتمامها فيه اذا جاء في بيت اهله وانا طنشته بس تعبانة من داخلي اتعذب ياليت تساعدين لاول مرة اطرح مشكلتي لاني بصوب وزجي بصوب واسفه كثير لاني طولت

حبيبتى مفرووض ما تكلمين زوجك بهالطريقة ليش مهتم فيها كانج تحققين معاه ومفروض اتحاجينها المراة نفسها
اقعدي مع زوجج قعدة صريحة وقوليلة كل الى صار و انها تسوي جذي وانا حسيت انك ملت ناحيتها وحسيت بغيرة وراح تتفاهمون ان شاء اللة
ابتعدي كثر ما تقدرين عن هالمراة هاذي تعالى مبجر بيت عمامج علشان ما تلاقينها تصرفي اهم شي ما تتقابلون

واللة يوفقج يارب ويبعد عنج مثل هالحريم
بارك اللة فيييج

 

[اخصائية نفسية 7]

اب
اب

 

[حياتي تكنولوجيا]

انا مشكلتي الدايمه الخجل -التردد كاااااااااااااااااااارثه اعاني منها بحياتي ياليت تفيدينا اشلون اتخلص منها​

 

[اخصائية نفسية 7]

حبيبتى هاذي حلها واحد الثقة بالنفس لانج مو واثقة انج تقدرين تحلين المشكلة بنفسج فترددين وتخجلين شي طبيعي الا اذا زاد عن حدة فعلاجهم واحد تنمين الثقة بالنفس وعن قريب راح اكتب موضوع يتخصص بهاذا الشان

بارك اللة فيج ويوفقج ان شاء اللة

 

[ZoOka]

عندي مشكله خصووصيه موقادره انساها بس بقولها بالخاص احسن

 

[اخصائية نفسية 7]

حبيبتى مو مشكلة كتبيها على الخاص انا حاظر بكل الطرق يا قلبي

 

[الحــايره]

السلام عليكم

اشكرج على الموضوع.. انا في موضوع مضايقني حيل.. قبل رمضان فيه واحد تقدملي.. اهله شافوني واهو شافني الشوفه الشرعيه وتكلم معاي جدام اهله .. بعدها بجم يوم اتصلو وقالولنا انهم ارتاحولنا وايد والولد يبيني .. واحنا قلنالهم موافقين بس مايصير شي الا عقب العيد.. ومن يومها لي الحين ماتصلو ولا قالو شي .. واهلي مايتحجون بالموضوع خير شر.. وانا استحي اسال واقولهم شنو صار .. انا محتاره اذا اهما غيرو رايهم ليش ساكتين .. شنو المفروض اسوي..

 

[اخصائية نفسية 7]

حبيبتى الحايرة من الممكن انهم تراجعو في قرارهم اذا السالفة لين اللحين ساكتين عليها من وجهة نظرى والوالدة اللة يحفظها يمكن مواجهة صعوبة انها توصلج الخبر بس المفروض تسالينهم مافيها شي هاذا مستقبلج يا قلبي كلمي الوالدة وقوليها اكوا شي جديد بموضوعي وااتمنى انى ساعدتج يا قلبي
بالتوفيق يارب
دعواتى لج

 

[اخصائية نفسية 7]

اب
اب
اب
اب

 

[اخصائية نفسية 7]

اب
اب

 

[امرأة من نور]

هلا عزيزتي
انا عندي مشكلة في الوسواس القهري في ذات الله ووجود الله
من 5 سنوات وانا اعاني لدرجة اثرت حتى في علاقتي بحياتي
الزوجية وفي بيتي
البداية من 6 سنوات مرت علي فترة تشددت في الدين جدا وكنت ملتزمة جدا
وكنت قريبة جدا من الله واشعر برحمته وبحبه وبقربه مني كنت سعيدة
في الصلاة والذكر والقران وكل الاعمال التي اعملها من اجله
مرت سنة كاملة علي وانا ملتزمة بالصلوات بخشوع والاذكار والتحصينات
وورد يومي من القران والاستغفار والصلاة على الرسول ويوميا قيام الليل
وفجاءة كنت اشوف برنامج على قناة الناس عن تغسيل الموتى وبدء عندي وسواس
الخوف من الموت لدرجة كنت اخاف ان انام حتى لا اموت
وبفضل الله ولاني قريبة من الله قدرت ان اتخلص منه ولم تطول الحالة عندي
وبعدها بفترة بدات وساوس العقيدة وذات الله وتاتيني افكار بان الله غير موجود
وكيف اوومن بالله وانا لم اراه هذي ليست افكاري هذي افكار الشيطان وكلامه
وعلى مدار 5 سنوات وانا اجاهد نفسي بالصلاة والتعوذ من الشيطان وقراءة القران
والاذكار ولكن دون فائدة ما ان انتهي من هذي الافكار الا وتهجم علي مرة ثانية
يقول لي اذا جئت اصلي الشيطان لمن تصلين هل تصلين للهواء او خيال
واذا جيت استغفر يقول لي لمن تستغفرين واذا ذكرت الله يقول لي لمن تذكرين
عندي شك بوجود الله ولكن كل الادله موجودة بدء من الجنين وهو في رحم امه
وكيف يتنفس وكيف يتغدى الى العصافير والنمل وجميع الحيوانات والجبال
ولا ادري ماذا افعل اريد ان ارتاح نفسيا فانا متعبة ولا استمتع باي شي
في حياتي
حاليا عندي مشكلة مع زوجي وحل هذه المشكلة بيد رب العالمين عقلي يقول لي
ان الله سوف ينصرني ولكن الشيطان يخذلني ويحبطني ويشكك بوجود الله
وبعد ان كنت ملتزمه اصبحت اصلي بثقل وانا جالسة ولا اذكر الله الا قليلا
وتركت قيام الليل وحتى رمضان قرب ان ينتهى وانا لم استفد منه سوى الصيام
وعندما اتى لكي اصلي وادعي وخصوصا الان في العشر الاواخر يحبطني الشيطان
وتاتيني الوسواس الكفرية ويقولي لي لمن تدعين اتركي الدعاء ولا تدعين لانه على الفاضي
ارجوكم ساعدوني بخطوات
تعرضت لظلم من زوجي وعندما افكر ان اصلي وادعي الله يحبطني الشيطان وتاتنيني الافكار
والوساوس النفسية ولكن هل الله موجود وسوف ينصرني وكيف ادعي وهو يشكك فيه واذا دعيت اشكك بان الله سوف يستجيب لي
وعندي سؤال ماهو الفرق بين وسوسة النفس وسوسة الشيطان وكيف افرق بينهم