كل ما أذكر عيالي اقعد ابجي ,,,شسوي معاهم ؟؟

[^_^ حوراء ^_^]

اسمحيلي أقولج

حرام فيج كلمه أم ..

هاذي كلمة عظيمة لازم اتكونين قدها ..

اول شي ما انصحج اتجيبين اطفال اكثر
ثاني شي ضغطي على نفسج و تغيري
قعدي مع اولادج كثر ماتقدرين
حسسيهم انج امهم

انتي شنو ماكو احساس ماعندج قلب .. فكري فيهم باجر يكبرون تطلع شخصيتهم مهزوزه و صبيانج ماراح يطلعون رياييل





أدري كلامي كان قاسي عليج
بس نبيج اتعدلين خطأج و ما تتهاونين بحله

 

[ثلج ابيض]

البنات اكتبوا لج ماقصروا وانا اقولج ابدي بنفسج روحي تعالجي عند اخصائيه نفسيه انت عندج مشاكل وضغوطات ماثره عليتج ويبيلتج تحسسينهم انج تحبينهم ضميهم بحضنج كل ماشفتيهم ضروري ضروري هالحركه قومي الصبح بدلي لهم انت واشرفي عليهم واقري الاذكار عليهم وبوسيهم قبل لايطلعون مدارسهم وحزت رجعتهم استقبليهم ورحبي فيهم هلا ببناتي الحلوات اشتقت لكم حيل وهم الصبيان بعد نفس الشي خليهم يبدلون ملابسهم وحطوا الغداء وانت وياهم وساليهم الصبح شنو تبون غداء شتحبون تاكلون حاولي ترضين كل الاطراف وعل الغداء ساليهم شنو سووا بالمدرسه بتطلع لج سوالف كل واحد بيقول اللي عنده ولا تجعمينهم ابد خلتج معهم هاديه وصدقيني الطفل المهمش هو اللي تلاقيته شيطاني بيهدوون ولوني معهم وقولي لهم قصص والعبي معهم واطلعوا كلكم حديقه ولا العاب ولا مطاعم وخذي رايهم وين يبون شنو يحبون ولا تخلين الخدامه معهم وتروحين اشرفي عليهم عشان تقربين منهم وشوي شوي بيتغيروون وان خربوا كالخدمه موجوده هذي وظيفتها ترتب وانتبهي تطقين ولا تهوشينهم عند الخدم لانهم بيسوون اعظم من اللي انت تسوينه يلاقونها منهم ولامنج اهتمي فيهم وحضنيهم كلهم وبوسيهم وقولي لهم دايم احبكم وطمنينا عليج نبي نسمع اخبارج

 

[برعم الخوخ]

انتي ماسمعتيهم لمن يتكلمون

وحييل ابتعدتي عنهم
مساكين والله الله يعينهم و يجبر بخاطهم

عيالج لهم حق يقعدون معاج

والعصبية لازم تشيلينها

مو تبتعدين وخلاص

 

[ذات الهمة العالية]

الحل حفظيهم كتاب الله
انتى تهدين وهم يصلحون بأمر الله من حفظهم لكتاب الله

والجو راح يهدى لأن البيت الذى يقرأ فيه القرآن هادىء ويكون له نور

 

[سمسمة كويتية]

بقولج قصة خالتي
خالتي طلبت الطلاق و عيالها صغار بسبب زوجها الله يسامحه و تحملت المسئولية و هي صغيرة فبسبب الضغط الي كان عليها خصوصا ان ريلها ما كان يصرف عليهم
كانت عصبية وااايد و كلنا كنا نخاف منها و كانت تطقهم طق و تكفخهم على أتفه الاسباب بس بعدين حست بغلطتها و الحين ما تصدقين صارت أحن وحدة بخواتها و تموت بعيالها و اهم يموتون فيها، بناتها كبرو و وحدة تزوجت وولدت وللحين ينامون بحضنها و تحسين انه مافي احد يحب عياله كثرها

ترى الوقت ما فات تقدرين تغيرين من نفسج

 

[H.A.K.W]

شوفي اختي انا عندي لج احسن حل وعلاج لبناتج
مالج الا انج تروحين لمركز الانماء الاجتماعي اللي بالديره
اخذي بناتج وروحي معاهم راح يعالجونهم ويبنون شخصيتهم ويردون الثقه فيهم وهم راح يساعدونج انج تتغيرين
هذا المركز حكومي مجاني ويقدم استشارات من كل الانواع سواء سلوكيه او زوجيه او نفسيه وهذا رقمهم 22402409

لازم تلحقين علي بناتج وتودينهم يتعالجون من الخوف اللي فيهم ويبنون شخصياتهم ولا باجر بيكونون عديمات شخصيه مهزوزات والناس تستغلهم حرام لحقي عليهم

 

[ملوكـه]

انا
تأخرت بالحمل بس مو وايد الحمدلله
وجبت عيالي ورا بعض
اتصدقين مأنبني ضميري يوم كنت نفاس شلون اخلي ولدي عند الخدامه
بالفتره هذه كنت تعبانه نفسييييييييييييييييييا
واللحين كلما اتذكر يضيق خللللللقي
واهو توه صغير مايمييييز ..

اللحين مستحيل يقعد بروحه معاها ابدااااااااا
ماارتااااااااااااح خيررررررررررر شرررررر
لازم اشوفه قدام عيني

قلللللللللللب الام
شلون انتي جذي هاده عيالج واهم كبار
ترى اللحين يبونج اكثر

 

[أم خديجة]

والله حرااام عليج ناس ماعندهم يهال ويتمنون ظفر ياهل وانتي الله رازقج بهل هدايه عقب ماكنتي محرومه مفرو منج تقعدين تحت ريلهم وتحمدين ربج صبح وليل كلنا امهات وكلنا نعصب لكن مومثلج انتي فيج حاله نفسيه روحي عالجي الياهل اذا خاف من امه حق منو بيرتاح والله انا كلش مومتعاطفه معاج وخل عيالج يكبرون شوفي شلون بردونها لج الياهل مثل العجينه انتي تشكلينه وانتي خربتي عجينتج مفروض اهلج بعاد عنج تحطين كل همج بعيالج وتخلينهم حولج مومجابله الكمبيوتر والكلام الفاضي والله الشرها علي زوجج الي مومشيج صح

صج في ناس اليهال حرام لهم هذا وانتي كنتي محرومه انا اقول روحي عالجي روحج قبل لاتضيعين عيالج منج

 

[ازعجهم هدوئي]

الله يهديك بس يعني لييش جايبتهم وراميتهم على الشغاله وش حضرتك انتي ؟؟؟؟؟اسم بس ويين تبينهم يدورون حناان ؟؟
تدريين رااح تقسين قلوبهم علييك لاكبرتي وقتها تبين احد يقابلك
تبين احد يضمك
يهتم فييك
يسولف معااك
رااح يقعدوون بغرفهم ومرااح يسولفون معاك لانهم يخافون منج او يهتموون بشخص غيرك ويحقرونك

راااح يعاملونك بنفس اسلوبك لان فاقد الحنان مايعطييييييييييييييييييييييييييييييييييييييه
وفي حديث (برو ابنائكم في الصغر يبرونكم في الكبر)
سامحيني قسييت عليك بس لاني حيييييييييل اتاثرت بسلوبك مع اطفالك وبالاخيير لمصلحتك انتي بالاول ولاخيير ولنفسياات عيالك

 

[فديت ولدي]

والله بكيت ع حالهم
ياحياتى عليهم
حرام عليك حرام عليك عوضيهم عن السنين اللي فاتت
وزوجك بعد خل يتعاون معاك وتفاهموا ع الموضوع افتحوا صفحه جديده
انا ولدى عمرة سنتين ونص صح اهاوشه ع الغلط بس بحدود واضمه اكثير الله يخليه لي يارب
فكري لاسمح الله اذا احد من عيالك صار فيه الله يطول بعمارهم والله بتلومين نفسك لين اتموتين
كلامى يمكن يجرح بس بيصحيك
زوجك لازم يكون معك مو انت لحالك
هم محتاجين حنانكم

 

[رووح ابووها]

هذا وانتي كنتي متاخره بالحمل المفروض تحسين بقيمتهم تعاملينهم عدل تدلعينهم
ولا بديره بروحج المفروض تجابلينهم تسولفين معاهم تونسينهم وتونسين نفسج

مااقول الا الله يسامحج بس زين حسيتي بغلطتج

 

[~ ورد الجوري ~]

الف شكر

 

[شيوومه]

مقهووووووووووووره منج

وماعندي نصيحه لج ائا انتي امهم وللحين ماحسيتي بشعور الامومه ولا عرفتي تكوونين ام لهم تبيننا احنا نعلمج ؟؟؟؟؟؟

بس مااقول غير ربي يرحم بحال هالصغار ويسخر لهم من يحن عليهم

خافي ربج ترى مثل مااعطاج اياهم ورى بعض عقب سبع سنين يقدر يحرمج

منهم بلحظه

اتقي الله

اتقي الله

اتقي الله فيييييييييييييييهم




تدرون بنات كل مااشوف ام تعذب عيالها مو تادبهم لااا للاسف تعذبهم واشكثررررهم ادعي على امثالها بالعقم

لاحول ولا قوة الا بالله

 

[VET-Nour]

فيج خلل عقلي ونفسي

روحي عالجي نفسج
حمدلله وشكر جاهل تطقينه؟؟؟

عذر اقبح من ذنب
عشان ماكلت ولا كسرت شغله

لا وفوق هذا الخدامه صارت امهم

و بعد 7 اسنين جبتيهم يعني المفروض تستانسين فيهم !!!!

الله يهداج

 

[راحيل العبدلي]

تكفيييين ضميييهم ?
حراااام والله حرااام
انا بنتي لي نرفزتني و طقيتها ع ايدها
و الله اتحسف و تجيبيني العبره
اشلون اهم الي كبروا و اناي بعيده عنهم !!

 

[احلى ديما]

انا ماني متعبة نفسي ولاني كاتبتلج غير كلمتين *** انتي مو كفو تصيرين أم *** غيري من نفسج لا باجر يقطونج بأقرب.دار.عجزة

 

[انوثه واناقه]

الله يحنن قلبج علا عيالج يارب

ويهديج

 

[؛؛حلاوه؛؛]

استغفر الله مستحيل أطق عيالي شنو القلب اللي عليج حدج قهرتيني صج ظلمتي عيالج

راح تلومين نفسج طول عمرج اذا صار فيهم عقدة نفسية وعمرهم والله ماينسون انج طقيتيهم حتى لو كبروا

اللي مو قد العيال ليش ايييبهم

 

[!الجادل الصعب!]

حبيبتي تعوذي من ابليس
حرام الي تسوينه فيهم مايحوز باجر الدنيا تقسى عليهم وماراح يعرفون يتصرفون
تعوضين سنين الي ما حملتي فيها جبتيهم ورا بعض وبعدين قاطتهم عالخدامه ومهملتهم
م تدرين الخدامه شتسوي فيهم ترا بلاوي
بناتج كبار ممكن ترافجينهم والسنين تمشي وباجر يقسون عليج ترا لاحتجتي لهم
شنفعج فيه النت ..؟! شلون الجنه بتصير تحت اقدامج .. سنين قسيتي عليهم الحين وقت تغيرين معاملتج وتعيدين ترتيب حياتج
م فيها شي لو استعنتي بشخص فاهم نفساني او سجلي بمنتدى بلقيس وشوفي راي ناعمه الهاشمي ماتوقع م تعرفينها اذا سنين مقابله
النت

هذيل بنات لازم تقوين شخصيتهم باجر حتى ازاوجهم وحمولتهم يستقوون عليهم وهم م يعرفون يتصرفون لان امهم ماعلمتهم
ترضين لهم جذي ،،؟

 

[PuPa^^SWeeT]

ترا كلنا عصبيين


قليللين الاهل اللي يكونون باردين



بس مانطق هالطق اللي طقيتيه ؟؟؟




الله اصلن مايرضى بالضرب المبرح و انتي اتكمشين شعورهم على اكل



كل اليهال ما ياكلون و كل اليهال يعفسون و يكسرون

شيلي انتكياتج و هدي النت



و جابلي هالبنات

عرفي نفسيتهم عدل


طلعي وياهم و تنفسي وياهم




وبدل الطق و الزف



بس قولي زعلت منكم



الام ام بطريقة التربية مو بالحمال و الرضاعة



حمدي ربج عالنعمة