بناااااات اشلونكم عساكم بخير
اكلمكم الحين وتوني حاطه الصبغ بشعري يبيلي تقريبا نص ساعه واقوم اتحمم <<<< بالعافيه يمه بالعافيه
اليوووووم كان يومي الخاص
العيال معزومين بالبر عند ربعهم الله يحفظهم وبما ان اميمتي بالمستشفي الله يقومها بالسلامه يارب ويحفظ لكم امهاتكم وخواتي عندها قلت اليوم يوم العيايز العالمي واطق عباتي من الصبح واطحس بسوق اليمعه يازين السوق الجو حلوو وخبركم انا اموت علي الشغلات العتيجه
رحت حسسسسسست وشريت بساط سدوو شغل يدوي اشزينه علي علم الكويت
يبته وحطيته بالصاله شكله يهبل
وتالي رحت سوق الحمام وشريت ارانب وطيور حق احفادي باجر زوارتهم
وشريت شوي العاب وخرابيط حقهم يستانسون فيهم
رديت البيت وقال الله اكبر اذان الظهر تحممت وصليت الحمدلله والشايب راح معزوم عالغدا بيت حماي قلت يالله مايبيله قعده بالبيت <<< اليوم هايته
وخذيت بنتي ورحت تغديت معاها ودتني مطعم باالافنيوز الله يزيد النعمه مادري اشلون صاير اكلهم واسم الاكلات صعب بعد
الحمدلله عالنعمه كلينا وخلصنا تالي مشينا مشي علشان نهضم وشرت لها بنتي شوي شغلات صليت العصر هناك وطلعنا ردينا البيت
بدلنا ثيابنا قعدنا شوي شربنا الشاي وسولفنا ولدي قال يمه ابي ترنقات من المخازن الكبري قلت يالله فرصه بمر سوق الديره بعد
نطرت اذن المغرب صليت وطلعنت
رحت شريت لها ترنقات ورحت سوق الديره شريت حق الخدم رحت بره حق عبدالمحسن شريت طيب وبخور حق االشايب
وييت البيت
قعدت سنعت دويرتي وبخرتها وشفت نفسي فاضيه قلت اصبغ شيباتي قبل لا يزيدون ههههههههههههه
هذا الموجز كله
ابي منكم الحين تدشون وتفكرون بافكار حلوه نسويها بالمدرسه ونتبادل الافكار ونطبقها ونتسااعد
عندي فكره تهببببببببببببببببببببببببببببببببببببببببببببببل بقولها لكم بس اخلص من شعري وادش اقول لكم عنها وعلي ما ارجع بشوف افكاركم علشان اعطيكم افكاري اللي بتوصلكم بإذن الله لمستوي فوق الممتاز بالشركه
