كل شي يهون ألا أني أقط نفسي........الجزء الثاني

[الفرح والدلال لي]

الله يفرج همج ياقلبي

 

[AUK GirL]

لو انا منج اخذه منايده واقعدهواسمعه جم حجوه تعور القلب واطلع كل الي بقلبي علييه

واسسه بالذنب الي سوااه معااااي وانى بنت ناس اذا من الاول مايبيني ليش تزوج على طليقته وخذاني

عشان جذى انا ماايد الزواج التقليدي من هالخرااابيط

قعديه وحاجيييه ليش يسوى جذى وقوليله انه لانكم توكم متزوجين تحسون بهالشي

بس بعد جم سنه بتتعودين وبتعرفون بعض اكثر وطبيعي مشاكلكم لانكم توكم متزوجيين فهميه هالحجي

 

[غلا مشاري]

انتي قلتيها بنفسج كل شي يهون ولا اني اقط نفسي عليه
اتركيه فتره حسسيه انج بعد تبين وقت تفكرين فيه لاتحسسينه انج ماتقدرين تحملين فراقه وادعي ربج في هالفتره

 

[*loveli-noni*]

لاحول ولاقوة الابالله

 

[Tutti-Frutti]

الله يـصـبـرج ويـهـديـه

وتـردون مـثـل قـبـل واحـسـن

 

[نواير الجميلة]

تخيلوا بنات أمس تعبت واااااااااايد ومن كثر مابجيت نمت وأنا مو حاسه بنفسي بس كل شوي أتفزز وأشوف التليفون أقول أكيد حلم مو معقوله

 

[Marymary]

اقولج شي حقريييييييييييه
لا تدقين عليه خليه اهوه يدق عليج "

 

[lolab]

اول شي عقب ماتصلين ادعي اللهم اني لا اسالك رد القضاء ولكن اسالك اللطف فية واذا فية خير لج اللة بردة واذا فية شر بيبعدة وانتي خايفة انة اللة يبعدة واكيد بتكون هالدعوة ثقيلة على نفسج لانج اتحبينة بس واللة ان بعد فترة بتعرفين ان اللة كريم وماينسا عبادة وكل واحد يعطية الي يستاهلة وعقب حاجية قوليلة شوف يا ولد الناس انا ماقعد عقب كل هذا عالويتنق لست وانطر اذا تبيني او لا انا الوضع مو عاجبني جذية بس لاني شاريتك وبسوي الي علي بخليك هالفترة على راحتك وخليه فترة ولا اتحاولين ادقين او ادزين مسج لان هذا مو من صالحج واذا اهوة امجرب الطلاق من قبل فحطي ابالج انة اكيد موحاب اعيد هالتجربة وانشالة اذا يستاهلج برد

 

[غدووور الكويت]

قعدي معاه قعدة مصارحه وخليه بالأول يفكر زيييين شنو اللي يبيه وقولي له خليك صريح معاي انت تبيني ولااا ما تبيني اذا يقرر الحين وااايد احسن بعدكم على البر واذا قال انه يبي طليقته طلعيه من حياتج والله ما يقصر بيعوضج ان شاء الله ولا تنزلين دمعه عليه لأنه هالنوعيات ما يستاهلون دمعه من العين
والله يفرج همج يااارب

 

[شنكولة]

الله يبرد على قلبج ويفرجها عليج

 

[ام العيال 2009]

ممكن عين حاسدتك

ولا اخاف طليقته الاولنية عامله له عمل علشان يرجعها

اقرئي سورة البقرة وادعي ربك يجيبلك الافضل لك

 

[نواير الجميلة]

بنات ادعولي عن ظهر غيب يقولون دعوة المسلم لأخوه المسلم عن ظهر غيب مستجابه

 

[كويتيه كلاس]

يا عمري عمرج حاسه فيج هذولا هم الرياييل اغلبهم ملول و انسحابي اذا ضمن المره و حبها زهق يبي غيرها عشان جذي ما تعيش الا الغامضه بمشاعرها .. حبيبتي .. اتركيه مده .. لا تكلمينه و لا تدزين مسجات و لا تعطينه وجه .. إذا واحد شاريج راح يسوي المسنحيل عشان تردين له ,, و اذا بايع عزيتي نفسج و رزيتيها و يعوضج الله بإللي ابرك منه ... بس انركيه لين يرجع من نقسه

 

[نواير الجميلة]

أشكر كل من واساني

 

[فررررح]

الله يعوض صبرج خييييييييييييييير

بس نصيحة اخت ترى الريال مايحب البنت الى تراكض وراه يمل منهاااا ثقلى عليه وجنة عادى عندج شوفى اذا مااستخف عليج

 

[منورة الكويتية]

قولي الحمدلله انج عرفتي طينته قبل لاا تتزوجينه وتوكم ع البر
مثل هالانسان ماله امااان وممكن باي لحظه يغدر فيج
شنو برود وفتور بالملجه !! وخلال 5 شهور
هذا يتسلى الظاهر!!
حبيبتي الي عليج تسوينه الحين شيلي عمرررج لاا يصدق عمره ويعيش الدور انج ميته عليه
لاانه وحدة من الثنتين يا انه قاعد يستغلج وبيقزرها وببعدين يرد لطليقته
او انه قاعد يتغلى عليج ويبيج تراكضين وراه
بكلا الحالتين رفعي نفسج عنه وعزيهاااا
وخليه يولي بصراااحه
الي مثل هذا ماعليه حسووفه

 

[vogue grl]

حبيبتي لله يفرج عليج ويرده لج ويهديه امين
استغفري واقري سورة البقره مثل ماقالوا البنات داومي عليها"

 

[SaD FaCe]

الله يفرج همج يارب

 

[غنج اهلها]

شدة وبتزول ان شاء الله هونيها وتهووووون

 

[ام مضاوي]

وعسى ان تكرهو شيئا وهو خيرا لكم


حبيبتي ادعي ربج اذا فيه خير يجمعكم ويا بعض
واذا فيه شر لج يبعده عنج


واكيد ربي خاشلج الي احسن منه

انتي مو اول وحده ولا اخر وحده

ياما ملجو سنييييين وتزوجو فتره
وكل احلامهم ومستقبلهم ارسمو ويا بعض

وبالنهايه كملت نصيبها مع غيره وهي بقمة سعادتها وتتحسف السنين الي ضاعت مع تجربتها الاولى

احنا مانستبق الاحداث
بس ابيج تكونين قويه وتعرفين ان اي امر يصير فهوه خيره اختارها لج ربج