((كلنا بأمر الحب انجنينا)) روايه كويتيه تجنن عن بنات كويتيات انصحكم فيها

[عيون ابوها]

مو تزعلين تره قاعده اتغشمر ويااااج
اسفه حبيبتي
وتسلم ايدج عالنقل الحلوووو

لا أفا عليج مو زعلانه ولعيونج بنزل بارت جديد الساعه 11 او 12 اووووكي

 

[عيون ابوها]

وهذا البارت لعيون com-teacher وعيون الكل



الساعه 5اوربع العصر


فاطمه: سلام عليكم جميعاً...... اوه هذوول ليش مسدحين هني
حور:اسكتي صارت لنا سالفه
الجده: وين مها عساها نجحت
فاطمه: نجحت والبركه بوصايف
وصايف المنسدحه بحضن حور: وينها عاد
فاطمه: راحت تشتري كيك وحب واغراض حق السهره ترا بنبدي من اليوم
ساره: عاد انا فيني النوم يمكن ما اسهر وياكم
حور: موكيفج عاد تسهرين وغصب حنا ماصدقنا نخلص امتحانات تبين تنامين
ساره: اصلا انا بنام عند جدتي اليوم
الجده:حياج الله يما ساره لاتضايقين نفسج اسهري مع البنات واستانسي
حور: غبيه تحب النكد
ساره: مو عن بسـ....
قاطعتها وصايف: لاتبسبسين صح كلامهم ماراح نستفيد شي
دخلت مها ومعاها الكيك والحب : مرررررررررررررررحبا
حور: هلا غلا
الجده: ابي اعرف ماتعرفوون تسلموون جنكم مومسلمين
ساره: بدينا بالمحاظرات
الجده تكفخ ساره: انجعمي وانا الصاجه
فاطمه: بس هذووول اللي جبتيهم
مها: أي وبعد شنو تبووون ؟؟
وصايف: شرايكم نسوي حفله ونسهر الى الصبح
ساره: اوكي بس بشرط
مها: شنو شرطج
ساره: نروح نشتري رغووه (( رشاش الصابوون)) وبلونات وككاوات ونسوي حفله نبي نخربهاا
حور: الله وناسه أي امااانه
الجده: ومنو يوديكم
حورقربت عند الجده وتمسح راسها وتبوسه : الله يخليج لنا يا احلى جده في الدنيا
الجده: أي أي بدت العياررره
مها: جده امانه تكفين نبي نستانس وبنرووح مع السايق نبي نشتري اغرض
وصايف : اماااااااااااااااااااااااااااانه جده عفيه عشاني والله اني متضايقه
الجده : انزين انا بروح سوق المباركيه وارد وتروحون مع السايق
حور: يعني بتطولين
الجده:لا 8او7 يجيكم السايق
ساره: لا شنو 8 بعدين محد راح يرضى يودينا يقولون الوقت متأخر
فاطمه: خلاص خلوها باجر
حور: لا شنو باجر نبي اليوم حلاتها اليوم
مها: انزين خلونا نروح ويا امي مريم السوق ترا المباركيه فيها محلات للأغراض اللي نبيهم
وصايف: أي صح
الجده: حياكم بس ماراح اروح ابروحي ام مشاري بتروح معي

((الكل طالع ساره))

حور تغمز لساره : ام مشاري جارتنا
الجده : ايه بتروح معي
مها: اها عشان جذي كانت داقه بالغدا
الجده: أي ياحليلها تقول بتروح معاي تونسني
فاطمه تطالع ساره : اهاااااا
ساره: خلاص انا ماني برايحه
الكل : ليش؟؟
ساره: أأأ..... أأأأ .... عشان اقعد اعدل الغرفه واضبط
وصايف: ماعندج سالفه امشي
حور: بتسوين فيها منحرجه ام مشاري عاااادي ماراح تخــ..ط.... أأأأأ
مها: يؤيؤيؤيؤيؤ
ساره جنه مكتوت عليها ماي بارد
فاطمه : هههههههههههه
وصايف: يافضحي ههههههههههههههههههههه
حور: سووووري
الجده: علامكم
حور: هههههههههههه ......هههههه ماكو ....... ماكو شي هههههههههههههههه
ساره: هييييييييييييييييين والله لوريج (( وقامت ))
الجده: وين رايحه
ساره : رايحه غرفتي ابرك من شوفت هالجياكر
وصايف: جننها غلطت علينا
حور: أوء أوء أوء لا لا هذا اهانه حنا جياكر
فاطمه: بنات قومو عليها
مها: يلاااااااااااااااااااااااااااااااا
الجده : شوي شوي لا تركضوون

(( وقاموو يلحقووون ساره مثل الجهال وساره راحت المطبخ))

ساره : سيتي سيتي خشيني وراج يبي يطقوني (( سيتي الخدامه ))
سيتي : هههههههههههههههه منو يبي يتك ولد مال آنا (( منو يبي يطق ولدي << طبعا سيتي تموووت بساره لأن ساره تحب كرة القدمه وولد سيتي لاعب كره مشهور طبعا بفريجهم ههههههههههههههههههه المهم تسميها ولدي>>))

وصايف: ههههههههههههه انتي ووجهج عبالج بتحميج منا سيتي والله لنكفخج
حور: يامهبوله تغلط عليج تول لج ولد
ساره: كيفها أي انا ولدها
قدمت حور بتطق ساره بالنعل (( تكرمون ))
سيتي : وقف لا احد يقرب والله يطقي في هذا ملاس (( وقفي لاحد يقرب والله لطقكم بهذا الملاس))
مها:طاع هذي تهدد بنات عليها
سار: لاااااااااااااااااااااء
سيتي : وكري وكري وكري (( وخري وخري وخري )) يعني ابعدي
فاطمه: مجعي شعرها هههههههههههههههههههههههههه
حور: ههههههههههههههههههههه اح سيتي تطقين من صج
الجده: الله ابو اشكالكم انتو للحين تتهاوشون وانا عبالي تلبسون يلا المرا تنطر


بسووق المباركيه
ساره: محمد عندك رغوات
حور: شنو محمد انتي صبي حمدالله ساعات اشك انج ولد
ساره : عجل شنو تبيني اقووول؟؟
حور: اسمعيني انا شقوول ....... أألو سمحت عند رشاش صابون فوم ؟
البايع : أي في كم واحد بدك ؟
مها: اخذي كرتوون كامل نبي نخربها
حور: لاكرتون واجد
ساره : حجي عطنا كرتوون
البايع : اوكي
مها: بجم
البايع : بخمسه ونص
حور: اوكي
ساره: لا شنو اوكي ليش نص نزل
حور: الله يفضحج
مها: صح كلامها شنو نص خليه ينزل
الابيع : مابيصير هيك النص هوي سعرو خمسه ونص
مها : لا لا مايصير احنا زباينك نزل النص
حور: يحووووول لوسمحت عطيني الكرتون
البايع : اوكي بخمسه مشكورين
مها: تلقين يقول رووحو ولاتجوون مره ثانيه ههههههههههههه تعال بيسب ((تنادي الهندي ))
حور: انتوو تفشلووون
ساره : شنو تبين فيه
مها: ابيه يشيل الاغراض عني انقطعت ايدي
حور: اهااا

عند راعي الخظرا والفواكه (( الجده ووصايف وفاطمه وام مشاري))

الجده: بجم كرتون الطمام
فاطمه: وصايف امشي نشوف راعي الساعات
وصايف : يلا







مها: شريتووو بلونات
حور: أي
ساره: شنو ناقصنا اممممممممم
حور: بس خلاص كل الخرابيط شريناهم
مها: بنات تعالوو شوفوو هالبجايم ياحلوهم شرايكم نشتري طقم كامل كلناا نفس الشي
حور:أي والله اني ابي دراعه القصيره احلى
ساره: أي هذي شوفيها الورديه تهبل
فاطمه: شنو تسووون ؟؟
مها: بسم الله خرعتيني
حور: بنات شوفو هذي الحمره حلوه
وصايف: الله ابيها
ساره: أي بنشتري كلنا نفس الشي ونلبسها شوي
فاطمه: يلا اشترووو
حور: وين امي
وصايف: قاعده تشتري ويا ام مشاري خضرا



_______________________________


ساره: اااااااااااااااااااف ريحه سمج
مها: اكيد انتي وين في عند السمج
حور: يما اشتريلي هامووور
الجده : هامووور عاد حسبتج تحبين الزبيدي
حور: أي احبه بس نفسي بهاموور
الجده: ان شالله
ام مشاري : ام محمد شوفي هالربيان هو زين ؟؟
الجده: اشووف .......أي زين
وصايف نقزت ومسكت ايد فاطمه : يماااا يمماااا
فاطمه:شفيج خرعتيني
وصايف: يما يما يما قطوه قطوه
حور بخوووف : وينها ؟؟
مها : يما كاهي يما فاطمه
الجده : شفيكم
ام مشاري : يخافوون من القطوه هههههههههه بنات هالوقت
ساره : حمدالله تخافوون من قطووه ((وراحت للقطوه )) تت تت تت .. ها شفتووو راحت
الجده: بعدي بتيني
مها: تسووين نفسج البطله جدام ام مشاري
حور: شفيج تبي تلفت الانظار
ساره: اذا ماسكتي انتي وياها والله لنادي لكم القطووه
حور: خلاص تمت تمت





بالحفله الكل مستانس الغرفه كلها بلونات وكيك وشمووع جووو بناتي

حور: يلا خلونا نلعب بالرغووه
مها: لحظه شوي بليل لما يناموون عشان نلعب بالحوووش اللي ورا نبي نركض
وصايف: أي صح الحين اذا شافوونا الجهال يلحقونا
حور: اووكي


بليل الساعه 2ونص بالحووش اللي ورا مافي احد قعدوو البنات يلعبوون ويضحكوون

جاسم : يااااااااااااابنااااااااااااااااااااااااااااااااااااات
مها: اووه جاسم قبه
فارس: تغطووو بندخل
حور: يحوووول
فاطمه تكلم وصايف: رجلج بيدخل لاتتغطين
وصايف: يلا عاد ترا ما اشوووف عيوني كلها رغوووه
مها: لحظه ماعندنا شي نتغطي فيه رووحوو

جاسم وفارس ورا الباب جاسم :اذا تبوون تلعبوون العبووا بغرفتكم مو هني وقصروا حسكم
مها: اوككي سووووووري
وصايف بهمس لحور : ياغثه مايبينا نستانس
فارس : بنات ماعليكم منه استانسوووا
حور: فديته
البنات :ههههههههههههههههههههههه
ساره: ااوكي




لعبووو ونامووو كلهم بغرفه البنات اللي تحت


الجده : بنات يابنات حور فاطمه وصايف مها ساره قوومووو
حور: صباااح الخير
الجده: أي صباح الناس العصر الساعه 5 قومووو
مها: مانمنا امس الا الساعه 6 الصبح
الجده: بدينا بالسهر لاتسهررون يمكن نسافر
فاطمه: والله وين
حور: يارب دبي او مصر
فاطمه: طاعي وين قولي المانيا سويسرا فرنسا مصر
حور: شفيها مصر نرووح حق شط اسكندريا
وصايف: يالله صباح خير منو اللي تبي تروح شط اسكندريه
حور: ههههههههههههههههههههه الجده قول بنسافر قلت خلونا نروح اسكندريه
وصايف: اخيييه ووع نبي مكان بعيد عن الوطن العربي
ساره: تحلمين اذا تزوجتي قولي لزوجج يوديج بس مع اهلج مو لايق ماتحسين بالسفر
فاطمه: انا بقوول لفهد يوديني صح كلامج سويره
الجده : يويلي يابناتي شنو هالسوالف .... خربتو
حور: يؤيؤ امي هني هههههههههههههههه
مها: يما وين بنرووح
الجده : العمره
حور: صج متى
الجده: الاسبوع الجاي ان شالله
فاطمه: لا نبي الاسبوع هذا
وصايف: ومنو بيرروح ؟؟
الجده: كلنا
حور: وناااااااااااااسه
ساره : انا بروح اشوف امي
مها: وانا بعد





ساره :يارربي منو فتح الدريشه
عهود : انا بخليها تتهووا غرفتج حاره
ساره واهي تصك الدريشه :لا يما مابي هوااا ...................
عهود: يحوووول كيفج مو تجيني تقولين يما بطلو التكيف
ساره :.............................
عهود: سويره انا برووح تحت بدلي وتعالي انزين
ساره:.......................
عهود : شفيج ..... يوووه انا برروح


وراحت

وضلت تطالعه واهو يطالعها ماتدري شنو تقول وماتدري ليش تطالعه بس تدري ان قلبها نبض وفز هذا هو هذا اللي ابيه ياحلووووووووووووووه

مشاري : شلونج ساره
ساره: .................. (( تسألني عل احوالي ... آآآآآآآآه انا بخير بشوفتك ))
مشاري : ههههه ساره
ساره: ............. (( فديت الضحكه وراعيها ))
مشاري: ساره انا اكلمج
ساره:..... (( الله توني ادري ان اسمي حلو ))
مشاري : ماتبين تردين ؟؟
ساره بدل وبصوت خفيف : ش..ق...وول
مشاري: شنو علي صوتج يالغلا
ساره: ............
مشاري : شلونج
ساره: تمام
مشاري: بتروحين العمره ؟؟
ساره بصدمه : منو قالك
مشاري: العصفوره
ساره بقلبها(( بدينا ملاغه بطوفها لك لانك مزيون هههههه يو يازين السكوكه )) وبدلع متعمدته: لااء قول صج شدراك
مشاري : انا اعرف كل شي يخصج
ساره:.......
مشاري: ساره
ساره (( عيونها وقلبها وكل شي فيها )) : هلا
مشاري:احبج
ساره: ..................... وسكرت الدريشه

مشاري :يوووووووووو انا شنو اللي خلاني اقولها جذي يحوووول
نوف: حمدالله والشكر اخوي جن وقام يكلم نفسه (( نوف اخت مشاري عمرها 19سنه كبر فاطمه حبوبه وفيها شوي من مشاري بس دجه يعني تفكيرها مثل ساره ومها نوف تدرس بكليه التجاري وملجه وعرسها قريب ))

مشاري: هاا ولا شي
نوف: انزين شوشو
مشاري: منو شوشو
نوف: انت
مشاري: شنوو اصغر عيالج تقوليلي شوشو انا اخوج الكبير
نوف: يؤيؤ ليش معصب شفيك اضحك
مشاري: لاتعيدينها
نوف: اووووغي
مشاري: عليج بدليات تضحك
نوف: من سويره ياحليها من زمان ماكلمتها
مشاري لما سمع اسمها نتهد :

افرح إلى من جابو الناس طاريك

....وش لون اترجم فرحتي لو تجيني...



( اه ياساره لعبتي فيني لعب ياحلوج ))

نوف: هي مشاري نحن هنا
مشااري: هلا معاج
نوف: أي واضح .. انا بروح اكلم ساره ووصايف ابرك لي
مشاري: رووحي







اكبر قهرّ تشوف * رقمي * وتصدهّ.
^^^^^^^
كنك ابدّ ماعشت *في يوم * وياي ّ

دزت نوف لوصايف هالمسج ... وصايف: يؤيؤ هههههه شوفي من داز لي مسج والله اني ناكره العشره
ساره : منو
وصايف: نوف اخت الحبايب
ساره: قديمه نوف ... امبيه تلقين سمعت كلامي ويا مشاري
مها: لا ما اعتقد لو سمعت جان دزتلج مو لوصايف
وصايف: انا برروح اكلمها
مها: واانا بجي وياج


طلعت وصايف وحور قاعدين على اخر اعتبه بالدرج وجاسم واقف فوق سمع وصايف تقول : هلا وغلا هلا بحبيبي وينك والله اشتقت لك ابرك من الوجيه العفنه اللي عندي
نوف: ههههههههههههههههه للحين ماتجوزين على خبالك
وصايف: ياقلبي شفيك ماتسال ولا لازم انا ادق امووووواح على خدودك
جاسم (( افا ياوصايف ياقليله التربيه صج مايعه وماصخه بس والله لعيد تربيتج من جديد انا اوريج هين يالدلووعه هذا جزا تربيه عمي))

جاسم : احم احم ... سلام عليكم
وصايف: وعليكم السلا م .......... نوف اكلمج بعدين (( ونحاشت من الخجل ))

جاسم (( نوف ها توهه حبيبي هين ياوصايف انا لج ))

مها: شفيج تتلفتين
وصايف:ها ولا شي ...... انتي وينج موقلتي بروح وياج
مها: امي نادتني ها كلمتيها
وصايف: أي وسديته لما شفت ...
مها: منوو
وصايف: أأأأ جاسم
مها: ههههههههههااااااي وشقلتيله
وصايف: ولاشي تعالي بدق عل ابو النوف

(( وصايف دايم تقول لنوف ابو النوف لان نوف لما كانت صغيره جا ولد وكان بيطق وصايف ونوف فزعت لها ومن يومها تقولها ابو النوف وتكلمها على ابو زوجها ))

نوف: تسكرين الخط بوجه زوجج هاا والله لطلقج بالثلاث
وصايف: هههههههه اسفه حبيبي كنت اشرب ولدنا حليب
نوف: لا للحين مانام
وصايف: الحين بنوومه
ساره: خلصينا من ملاغتكم وعطيني اياها بكلمها
نوف: ساررررونه حبيبتي اشتقت لج يالدبه
مشاري سرحان لما سمه اسم ساره فز من مكانه : احم احم
نووف: سويره شلوونج
ساره: مرررررررررررررررررحبا مليييوووون بأحلى حارس مرمى يا الخايسه اشتقتلج مووت لازم نتجمع
نوف: هههههههههههههههه مرحبتين بالمهاجمه
خوله : طلعي سبيكر بسمع (( خوله عمرها 17 سنه بثلاثه ثانوي ))
نوف: اوكي
مها: انا انا دوري بكلمها
ساره: لحظه مها..... خووله قوليلي شخبار براد بيت
خوله : هههههههههه يسلم عليج وانتي شخبار بيكام
ساره: يوووه كان عندي امس يحليله يسلم عليكم
مشاري(( ياحلو حسج ))
مها: خووله تعالو عندنا
نوف: ودنا بس الهوا ضدنا خولها باجر
وصايف بصوت الجاهل وبكل دلع : لاء لاء لاء اليوم مشتاقين لكم
خوله: بنتي شلوونج صوفي
مشاري (( هذي منو ياحلو الدلع يو خل اثقل اخاف تزعل علي ساره ))
وصايف: موزينه بس اذا شفتكم اصير اووووكيك
نوف: ههههههههه امووت بالدلع انا يلا بطلو الباب كانا جاين لكم ... لحظه مشاري عادي نروح لبيت خالتي مريم
مها: هيه انتي تستشيرينه تعالي مالج شغل
نوف: احم احم انا مطلعه سبيكر هههههه
مشاري ويعلي صوته يبي ساره تسمع : رووحو بس لاتتأخرون

طبعا حور وفاطمه ومها ووصايف وساره سكتوو ساره خشت وجهاا ومها مستحيه من دفاشتها ووصايف قامت تضحك
حور: أأأأ ....يلا ناطرينكم
وسكرووو

ساره : يافشله
حور: وانتي مها لازم تتدفشين
مها: وانا شدراني انها حاطه سبيكر
وصايف: سمعني وانا اتدلع
ساره: وانتي اتميعين هااا (( وطقتها))
وصايف: وانا شدراني انها حاطه سبيكر
حور: تغارين
ساره : لا بس عيب
فاطمه: نقد علينا الولد
مها: بالطقاق المهم ساره حنا مايعرفنا
ساره: لا والله حطيتوها براسي
مها:والله عاد اهو يحبج مايحبنا
فاطمه: شفتوه قاصدها يعلي صوته
حور: يافضحي






ان شالله يكون البارت عجبكم ناطره ردودكم وانطروا اخر التطورات

 

[شوشه منفوشه]

كمليهااااااااااااااااااااااااااااااااااااااا

 

[تناهيد الجروح]

تهبـــــــــــــــــــــــــــــــــــــــــــــــــــــــل يسلمووووووووووووووووووووووو

كملي يااااااااااااااااااااااااااااااااااااااااااااااااااااااااااروحي

 

[دلوعة اخوها]

كملي ناطره

 

[]دنيا الوله]

خوش قصه كمليهاااا

 

[q8ya-barby19]

بليز كمليها

 

[com-teacher]

لا يوقف لا يوقف لا يوقف
يسلموووووووووووو
بس مو طولييييييييييين

 

[دلوعة اخوها]

ومازلت انتظر





























وينها






















مطولين













شوقتيني

 

[كادي::::]

]ترى القصة حدها واو
بس احنا ناطرين التكملة
يالله عاد عفية كملي القصة اتينن

 

[دلوعة اخوها]

هااااااااااااااااااا
ما صارت ناقعه انطر

 

[مرافئ الذكريات]

بلييييييييييييييييييييييييييييييييييييييييييز كمليها

 

[شوشه منفوشه]

وينج ناااطرين

 

[ROSIE]

Uppp

 

[]دنيا الوله]

شالسالفه وين التكمله انا قلت ادخل بعد يومين علشان القى جم بارت حسافه

 

[Australia girl]

وين التكمله ...): حدي مندمجه ...

 

[kwtyan9on9]

يلا ابليييييييييييييييييييييييييييييييييييييييييييييييييييييييز كمليها تعلقنااااااااااااااااااااااااااااااااااااااااااااااااااااااااااا بسرعه

 

[com-teacher]

يعني شنو تبيني ازعل مره ثانية عشان تنزلين بارت يديد
خلاص ما حاجيج

 

[شوشه منفوشه]

صاااارلج مده وينج كمليها كل يوم ادش اشووووف وبالاخير انصدم ان ماكو شئ يديد

 

[عيون ابوها]

كلش ولا زعلكم وهذا بارت بس لهيت ادرس اخووي امتحان <<< صايره مدرسه ههههههههههه

بعد اسبووع


فاطمه: ها جم باقي كيلوو على مكه
جاسم:ههههههههه ياحليلج مكه عاد اذا حنا للحين ماوصلنا المجمعه نامي نامي مطوولين
فاطمه: يووهوو لو الحين مسافرين بطياره مو احسن
ابوجاسم محمد: يابوج جدتج ماتحب الطياره والسياره احلى ناخذ راحتنا اكثر .... ام جاسم عطيني شاي
فاطمه: أي واضح يما وانا ابي شاي
ام جاسم نوره: ان شالله
مها: يحووووووووووول قصروو صوتكم بنام
صقر: يبا بنمر الطايف
محمد: ان شالله الطايف والمدينه
بسياره ابو وصايف

دلال: وصايف عطيني كاكاو
وصايف: ان شالله
حور: منو يبي حب ؟؟
رغد : انا
الجده: فهد وقف عند المحطه ابي الحمام (( عزكم الله))
فهد: ان شالله
وصايف: طلولي عطني الbsbابي العب
طلال:هههههه انتي كبيره شلون تلعبين
حور: عادي وانا ابي بعد ودي العب
رغد:ههههه يما اسمعي حور وصايف شنو يقولون يبون يلعبوون ههههه
الجده: عطوهم خل يلعبوون
احمد: حور ذوقي هذا البطاط يجنن
حور: عطني ......... اممم يجنن شنو اسمه
احمد:اسمه .............. شريته من استراحه الكويت
حور: الله رووعه
وصايف: انا بنام اذا وصلنا قولولي










ساره: بابا ابي اكل جوعانه
ابو فارس بندر: ان شالله يوبا
فارس: سويره شفيج قمتي تبلعين واجد خففي
ساره: حرام عليك ابي امتن جسمي خراا
عهود: بالعكس جسمج حلووو
ساره: مشكووره يما
بندر: يالله وصلنا انزلوو اذا تبون الحمام




حور: يااااااااااااااي راسي عورني من السوالف
مها: انا راسي عورني من النووم
حور: تعالو عندنا بالسياره لما نوصل المغاسل
فاطمه: أي والله نبي نسولف ملينا من اهلنا هههههههه
وصايف: سويره وانتي بعد تعالي
حور: أي تعالي
ساره: لا تعالو عندنا احسن اخف
حور: لااا لايحوشك
مها: هههههههه ليش
حور: فارس ناك وانا مومتكشخه
ساره: حمدالله والشكر عبالي عندج سالفه
مها: خلاص عاد تعالو عندنا
وصايف: لا لا لا لايحوشك
فاطمه:ههههههههههههههههههههه لاتخافين جاسم ماينتبه
(( جاسم ووصايف ملجوو على بعض وصايف مستانسه بس جاسم مو طايقها))حور: خلاص تعالوو عندنا اسمعوو سوالف عمي فهد هههههههه تموت ضحك

الجده: يابات اخلصووو ساعه تسولفوون





مكه المكرمه

حور: الحمدالله تعمرنا وخلصنا
مها: رجولي حمر
وصايف: مو جنه حرر
فاطمه/ حده... الا صج ماحجزو الفندق
حور: يلا متنا حر
الجده: حور تبين ماي
حور: أي يما
فارس : يلا يا حريم حجزنا شقه
دلال: عساها قريب
فارس: أي جبال الحرم
حور بهمس لفاطمه: يااي يجنن حتى واهو بالحرام
فاطمه: يابنت عيب انتي بالحرم حرام ربج فوقج
حور: وانا ماقلت شي هذا زوجي
وصايف: حووور يلا بسرعه
فارس قرب عند حور حور وهمس لها: يلا ياقلب بسج سوالف
حور: أأأأأأأأ وصايف تعالي
وصايف: ههههههههههههههههه


بالشقه قسم للبنات وقسم للحريم وقسم للرجال

مها : بنات منو تروح معاي سوق ......... بشتريلي اغراض
وصايف: انا بس بروحنا؟
مها:لا بقول لصقر واحمد


مهابالسوق تشتريلها اغراض

وصايف: مها ابي برد
مها: يووو وصايف زحمه خليها مره ثانيه
وصايف: مها بليزز شكله يشهوي
مها: يحوول قولي لصقر او احمد
وصايف: راحو الحمام (( تكرموون))
مها: انزين انتي ليش ماتشترين
وصايف: مها انا استحي كلا شباب بعدين زحمه الله يخليج مهاووي حبيبتي روحي انتي
مها: يحوول .... انزين بروح بس شنو لي؟
وصايف: يما منج لازم
مها: هههاااااي اضحك يلا شنو تبين
وصايف: برد كراميل



عند راعي البرد وبالزحمه

......: لوسمحتي دوري
مها بدون ماتعطيه وجه اشرت بأيدها: ليديس فيرست
........: بس هذا مكاني
مها:...........
..........: لو سمحتي اختي قاعده اكلمج
مها: إكس كيوزمي عطني واحد برد كراميل وحط وياه صوص
............. طق كتف مها بالخفيف: هي انتي قاعده اكلمج
مها: احترم نفسك ووخر ايدك ولا ترا بتشوف شي عمرك ماشفته
..........: تهدديني لايما خفت منج
مها طالعته من فوق الى تحت وراحت

وصايف: يابعدهم يامهاوووي
مها: يلا خلينا نمشي مابقى شي ويأذن العشا
وصايف: اووووووووكي




عهود: ساره تلفووونج يدق
ساره: منووو
عهود: نووووف
ساره: ياحليلها ............. الوووو هلا وغلا هلا بأهل الكويت
نوف: هههههههههه هلا فيج ياقلبي لج وحشه والله الكويت من دونج مظلمه
ساره: من دوني انا ولا كلنا
نوف: كلكم شلوونج شخبارج
ساره: والله تمام انتم شلونكم شخباركم ...ماراح تسافررون
نوف: لا وين قاعدين امي ومشاري راحوو مصر واحنا مجابلين بعض
ساره: اها وشخبار خوووله
نوف: تمام تسلم عليج أي صج نسيت لا اقولج عمره مقبووله مقدما قبل لاتجين ههههههههههههه
ساره: ههههههههههههههه اقول تدربي لان عندنا مباره اول مانجي مو مثل كل مره افوز عليج 5/0
نوف: هههههههههههه لا والله مو مره فزت عليج 3/2
ساره: قلتيها مررره ههههههههههه
نوف: لا والله يلا انا اخليج تامرين على شي
ساره: لا ابي سلامتج وانتي ماتبين شي من السعوديه
نوف: ابي سلامتج باي
ساره: باي

ساره: سافر مصر
حور: صج
ساره: أي
مها: حرام ماقدر يتحمل الديره بدونج يامسكين
ساار: تهقون شنو يسوي الحين
فاطمه: ههههههههههههههه
حور: ههههههههههههههههههههههههه
مها : شفيكم
ساره: ليش تضحكون
فاطمه: موقلتلج ههههههههههههه
حور: والله انج صاجه هههههههههههههههههه
ساره: شنو؟؟
حور: قبل فاطمه تقوول الوحده اذا حبت لازم تقول الحين شنو يسوي وشنو ياكل ياترا يفكر فيني والحين انتي سويتيها
ساره: حمدالله عبالي عندكم سالفه
وصايف: يووووووووووووووو ازعاج اسكتوو بركز
حور: طاع هاذي مصدقه تركز باللعبه
فاطمه : هي انتي هذي مالت اطفال استحي على وجهج
مها: ياعيني على اطفال
حور: ابله رووضه
فاطمه : انتي وياها انا توني ادرس للحين ماصرت ابله
وصايف: انتو القعده وياكم تخلي التفكير يوقف انا بروح بالصاله ابرك
حور: ترا مافي احد بالشقه الا حنا
وصايف راحت: عاااااتي (( عادي ))



بالصاله قاعده تلعب بالـbsb

........ : السلام عليكم
وصايف بدون لا تطالع : وعليكم السلام
...............: أأأ احم احم أأا شنو قاعده تسوين
وصايف: فارس اسكت ماني فاضيه
.........: انا جاسم جاسم ياوصايف
لفت بصدمه جاسم هذا شنو جابه اهني اهييييييييئه انا اللي شنو جابني اهني يافشله انا وبجامتي يافشللللللللللللللللللللله : أأأأ ....... آسفه عبالي فارس
جاسم اااااااااااااااه ياوصايف ليتج مو مايعه ولا خفيفه جان حبيتج عيونج كلها براءه : لا عادي .... بس انتي ليش قاعده هني
وصايف: كنت أأأأ (( اقول ؟؟ ها لا مااقول بعدين يضن اني ورعه يبا خليني اقول واللي فيها فيها )) كنت العب
جاسم يطالع bsb : اها شنو لعبتج
وصايف: اقوولك بس ماتضحك
جاسم : لا ماضحك قولي
وصايف: قاعده العب لعبه طق بس كله اخسر مدري ليش
جاسم قعد يم وصايف حيل ومسك ايدها : عطيني انا بفوزج واعلمج شلون تعلبينها
وصايف وجهها احمر لا ياجاسم لا استحي وضلت تطالعه لما خلص وفاز
جاسم :هههههههههههههه شفتي جذي تلعبين هاج جربي
وصايف ذايبه بوجهه الله ياهنيي زوجي مزيون ياحلوه: ماشالله جذي
ودق تلفون وصايف بأسم ((حبيبي ابو الشباب )) وصايف سكرت الخط ماتبي تفوت اللحظه
جاسم لما شاف النك عصب وحذف اللعبه : كمليها اذا خللصتي

وراح
وصايف: شفيه هذا حمدالله والشكر ((وردت )) الووو
احمد: انتي وينج امي تدورج
وصايف: أأأأأ يلا جايه جايه
احمد: بسرعه بنحمل اغراضنا باجر بروح المدينه
وصايف: اوكي يلا باي




حور : وصايف وصايف يلا قومي وصلنا المدينه
وصايف: يووو حور وخري بنام
حور: صووفي قومي الكل نزل مابقى الا نتي وانا
وصايف: حووور وخري
حور : كيفج انا بروح

جاسم : هلا عمي
فهد: جاسم ماعليكك امر جيب لي الجوازات داخل السياره
جاسم : ان شالله
واهو قاعد ياخذ الجوازات سمع صوت حركه لف لقاها نايمه وكل البراءه بوجهها ماشالله رموشه طويله حلوه ولا حلجها ودري لمس خدها الناعم ورد ايده لا لا ياجاسم خلها تولي هذي انت ماخذها عشان بس تربيها وبس
: وصاايف وصايف
وصايف: يوو حور وخري بنام
جاسم هههههههه عبالها حور : وصايف قومي الكل نزل بقى انتي
وصايف: منو انت ؟؟
جاسم : زوجج (( ها انا زوجها؟؟ شكوو انزين ليش ما اقول لها جاسم ليش اقول زوجج)) قومي الكل نزل
وصايف ياربي : نعممم حنا وينا في ؟؟
جاسم : وصلنا المدينه والحين الكل نزل الفندق يلا بقى انا وياج امشي معاي
وصايف: أأا انزين
جاسم : انا ناطرج عند الباب

وصايف : جاسم
جاسم : هلا
وصايف: احنا أي طابق
جاسم : الخامس

بالفلت جاسم عيونه مانشالت على وصايف اللي لاهيه بعباتها ياسبحان الله جمال رباني على ماقالووو ضل سرحان بوجهها لما انتبهت وصايف ياربي هذا شفيه يخزز وجهي فيه شي خطا ياي اكيد ملفعي معووج فتح الفت على الطابق الثالث ودخلت عايله معاها 2 شباب جاسم مسك ايدين وصايف وصايف (( الله ياحلو هالشعور ايدينه دافيه بس خلاص والله ذبت ))جاسم : يلا وصايف .. وصلنا








نوره : والله المدينه تجنن صج حلوه شرحه
دلال: بس مكه ااحلى
عهود: كلهم حلوين
الجده : وين البنات
عهود: راحوو ويا بندر للحرم
دلال: الا ماتبون نروح للروض
الجده: أي والله يقولون يفتحونه للحريم بليل
نوره: اليوم اذا رحنا نصلي العصر نسال







بعد 4 ايام

حور/ مابغيت اجي الكويت
مها: أي والله ياحلوها وياحلو هواها
فاطمه: اليوم وين بنروح
وصايف تطالع ساره : بنروح بيت ام مشاري
ساره: وليش تطالعيني عبالج بروح لا ماراح ارووح
مها: ليش
ساره: مابي يمكن مـ....
حور: لا تخافين للحين مارد من مصر
ساره: من قالج
حور: اليوم ام مشاري قالت لمي مريم انها ردت ومشاري قعد
ساره: اذا جذي خلاص بروح عاد والله مشتاقه لنوف وخوله ياحلوهم
وصايف: تكشخي يمكن تلفتين نظر ام مشاري
ساره: ماراح احط ولا شي طرق القلوووس ههههههههه
حور: هههههههههههههه لا حطي جنه في ناس بجوون
ساره : يلا انا بروح اكشخ
فاطمه: ايووواااااا عشان يشوفوج اهل مشاري
ساره: أي هههههههههه







ببيت مشاري


خوله : وبعد ماشفتوا غار حراء
وصايف: لا مانقدر نصعده بس ابوي وعمامي راحوو وناسه ياليتني رحت
خوله : الله ياوناسه
نوف : ها شرايكم بالعزيمه
مها: تجنن الا صج ووين فرح بنت خالج سند
نوف: قاعده تسولف مع فاطمه
ساره: ياااااااااااو يافرحه ماتمت
نوف: شفيج
امل اخت فرح بنانوف وخوله : هههههههههههههه انكسر كعبها ههه
ساره: بلا ضحك حسافه مستانسه فيه جديد وانكسر
مها: تستاهلين طويله وتلبس كعب بتحريني يعني
ساره: يلا عاد
خوله : تعالي بعطيج من كعابتي
ساره: ابي طويل
نوف: ماتتوب
ساره: برز نفسي





خوله : أي لون تبين ؟؟
ساره : ابي السلفر ..... خوله ممكن استخدم حمامج
خوله : اوكي خذي راحتج .......و لبسي الكعب انا بروح تحت طبعا تدلين الطريج صح
ساره : ثح (( صح ))




طلعت ساره وجتها ايد مدتها ودخلتها : اشتقت لج
ساره: أح اح ايدي منو.... مش.مشاري
مشاري: الله ياحلو اسمي تكفين قوليه مره ثانيه
ساره بدلع : مشاري
مشاري: ياعيونه
ساره: وخر عيب لو احد شافنا شنو بيقولون
مشاري: بقولون مجنون فيها
ساره : يحووول مشاري خلاص وخر عيب
مشاري: بتطلعين
ساره: أي
مشاري: قوليها
ساره: شنو اقوول؟؟
مشاري: قولي احبك قوليها وريحيني تكفين ياساره
ساره: مشاري خلاص عيب انا بطلع
مشاري: وانا ابيج
ساره: إذا تبيني روح اخبطني من اهلي (ووخرت ايده وطلعت وقلبها زاد نبضه )


نوف : وينج انتي تأخرتي
ساره: ويني بعد رحت الحمام وجيت ليش فاتني شي
مها: هههههههههههه طافج ايمان الغثيثه طاحت على وجهها ههههههه مت ضحك عليها
ساره: أي ايمان
وصايف: المغروره بنت ام ناصر
ساره: أي قطع وع ما احبها اكرهها
خوله: لأنها مغروره
فاطمه: بنات شنو راح تلبسوون بالمخيم ؟
ساره: أي مخيم
نوف: بنحجزمخيم ونروح كلنا
ساره: صج متى
نوف: والله مدري للحين ماقررو
ساره: للحين ماقررو وانتي تقولين شنو نلبس
فاطمه: مدري قلت نقرر قبل أي شي
ساره:ههههههههههههههههههههه
حور: يلا بنات بنروح البيت
ساره تطالع حور بحقد : ااممممم بنروح البيت ..... تعالي تعالي انا ابيج
حور: نعم شنو تبين
ساره بصوت خفيف وتقرص اذن حور : تقولين مشاري مسافر للحين مارد من مصر ليش تجذبين
حور: صج شفتيه
ساره: لا والله خليتني انحرج
حور: قوليلي شنو صار
ساره: عناد فيج لانج جذبتي ماراح اقووول
حور: عفيه قولي قولي بعدين اكيد بجذب ولا تبين افوت عليج لحظه حوله معاه ههههههههه
ساره: اه منج الله يعين فرووس عليج
حور: احم احم من قده انا زوجته
ساره : مالت












بعد شهر

وصايف: الله واخيرا بنروح المخيم
مها: ووع شنو الناس عطله العيد الوطني يروحوون المسيره وحنا مخيم ملاغه
ساره: بالعكس وناسه
وصايف: صح وناسه جمعه بنات وحريم ...... تدرين ان في بانشيات وملعب كره تنس
ساره: حسافه مافي كره قدم
فاطمه: عادي نسوي معلب كره قدم عاد انتي ونوف تلعبون لعب ههههه
حور: تعالوو صج ايمانوو المغروره بتروح معانا
مها: أي وووووع مالي خلقها مليقه
ساره: هذي المغروره هدوها علي والله لجننها هههههه لخرب مكياجها اللي مالي وجهها
فاطمه:هههههههه ولا بنت عمتها شيماء وووع
مها: لاوبشرج بتروح معانا
فطمه: لااااااااااااااااا وووووووووع
..............: السلام عليكم
الكل : اصايل (( اصايل بنت عمتهم نوال وعيالها رهف 7 سنين ووليد 2 سنه مثل ماقلت لكم عايشين بلبنان ))
حور: ياااااااااااااااااااااي حمدالله على السلامه
وصايف: ليش ماقلتو انكم بتجون
ساره: كلللللللللللللللللوووووووووش نورت نورت الكويت
فاطمه: وناااااااااااااااااااااااسه
مها: وين عمتي نوال
اصايل: الله يسلمج ......... ههههه منوره بهلها ...... مامي تحت امشوو عندها الكل هناك


وصايف: عمتوووووووووووووو
ساره: حيالله بأهل لبنان تو مانور البيت
حور: ياهلا وياغلا شنو هالمفاجأه الحلوه
فاطمه: وووووووووووووااااااااااااااااااووو نونو هني
مها: حمدالله على السلامه يأم وليد وين زوجي
نوال :ههههههههههههههه هدو هدو شوي شوي الله يسلمج ويسلمكم كلكم شرايكم بالمفاجأه قلت بما ان عطله العيد الوطني خلينا ناخذ اجازه ونجي الكويت
مها : احلى مفاجاه جم يوم بتقعدوون
اصايل : اسبوع و3 ايام يعني 10 ايام
حور: ذكيه هههههههههه
ساره: ونااااااااااااااااااااااااااااااسه
رهف : صوووووفي صووفي
وصايف: هلا والله هلا رهووفه شلونج ياحلوه والله اشتقت لج
رهف: وانا تدرين انا كل يوم اعطي الارانب ملوتنا جزر الحين كبروو وصار عندهم عيال
وصايف: صج هههههههههه (( وبخووف))وجبتيهم معاج هني
رهف: كنت بجيبهم بس ماما مارضت
نوال: احمدي ربج حميتج منهم
وصايف: اشوووهه والله خفت
نوال: ههههههههههههه
(( وصايف عندها فوبيا من الحيوانات لما كان عمر رهف 5 سنين ابو وصايف شرا لوصايف ارانب ووصايف قعدت تبجي لانها تخاف من الحيوانات ولان رهف متعلقه بوصايف وصايف اهتدت لرهف الارانب وودتهم لبنان عشان مايكونوون عندها ))
ساره: ووصايف تخافين من ارنب حمدالله والشكر
رهف شوي وتبجي : لأ لأ لأ صوفي ماتخاف منهم صوفي تحبهم صح
وصايف بصوت خفيف : إي واضح ههههه ......... أأأ رهووفتي امشي فوق بعطيج حلاو شريته لج تعالي حبيبو
رهف: الله
الجده: والله مدري متى تكبر هالوصايف دايم مع الجهال
نوال: مردها بتكبر لتزوجت ..... وانتو شخبار دراستكم
ساره: أأأأأأ انا انا بروح انادي امي بقولها انج هني
نوال: إي نحاشي نحاشي
ساره: لا مو عن بس بقولها
نوال: وانتي ياا الشاطره شخبار دراستج
مها: احم احم انا جايبه 77 من % ماشالله علي
نوال: لا والله خوش تطورات
مها: شفتي شلون
فاطمه: عمتي انتي مامداج جيتي ماصارلج نص ساعه وقمتي تسالين على الدراسه
نوال: لازم مدام اني بعيده عنكم اكيد بتخورونها ... وانتي حور شلوون الدراسه وياج
حور: فري قود
نوال: زين انا الحين بروح ازهب اغراضي بعدين اكلمكم
مها: الله يعينج ياوصايف انتي وساره
الجده: اسكتي انتي ام لسانين قومي زهبي اغراضج يلا
مها: ان شالله