عيون ابوها
New member
البارت الرابع
ومرت الايام وجا اليوم اللي يجي فيه فارس البيت مبخر والكل ناطر جيته فارس اللي معاه شهاده ترفع الراس ساره وامها واخوانها وابوها بالمطار ومعاهم جاسم وصقر واحمد ووصل البيت الساعه 11 الظهر
الجده : كلوووووووووش تو مانور البيت حمدالله على السلامه << واهي تبجي
فارس : الله يسلمج شلونج يما شخبارج
الجده: الحمدالله حنا بخير انت شلونك علامك صاير ضعيف ليش ماتاكل هناك
فارس : والله انا بخير لايما اكل والحمدالله الخير واجد
دلال ام وصايف : حمدالله على السلامه فارس شلونك شخبارك
فارس: هلا خاله الله يسلمج والله بخير(( دلال ام وصايف وعهود ام ساره خوات ووصايف اخت فارس وساره من الرضاعه وفارس يحب وصايف حيل مثل ساره ودايم يتكافخون بس بلعب ))
وصايف: حمدالله على السلامه فارس
فارس : هلا والله بصوفي الله يسلمج الله صايره حلو
وصايف: صج اخجلتني ها جبت اغراضي
دلال : الولد توه جاي على طول همج الاغراض
وصايف:أي جبتهم شوي اعطيكم اياهم
ساره: لا نبي الحين
عهود : خلو اخوكم براحته لاتزعجونه
دخلت فاطمه ومها
فاطمه : حمدالله على السلامه
فارس : الله يسلمج
مها: شلونك فارس
فارس: والله بخير
قعدو يسولفون وطول الوقت فارس يتلفت وده يشوفها مشتاق لها وينج ياحور
الجده : حور وينها؟؟
مها: الحين تجي قاعده تعدل الغرفه
(( ابشركم الجده وافقت تعطيهم الغرفه البنات عدلوها ونظفوها وحطو فيها عدتهم أي :-المخاد والكنابل والثلاجه متروسه اكل للسهر عطله نص السنه جايه مخلينها حق السهرات والجمعات ))
وصايف: روحي ناديها
ساره: انا بناديها
راحت ساره لحور بالغرفه
ساره : حور انتي شنو قاعده تسوين فارس جا تعالي سلمي عليه
حور: زين بجي ماتشوفين العفيسه قاعده اعدلها شوفي شلون مخربطه
ساره : والله فاضيه خلصي بسرعه وتعالي
وراحت ساره وظلت حور تفكر (( ياربي ليش ليش فارس من بد خلق الله استحي منه ما ابي اشوفه بس الى متى مرده بشوفني اااه يا فارس ياني احبك ))
فارس اصرت عليه الجده انه يروح ينام عشان يريح من عنا السفر بس اهو وده يشوف حور وينام عشان يمتع نظره في زولها وضحكتها وكلامها البريء يازينج ياحور بس ليش ليش ماتخليني اشوفج
السااعه 6 المغرب الكل تكشخ حق العزيمه والناس رايحه وداخله ووصايف توزع على الحريم من الحلو والفطاير ووفاطمه تقهوي وساره توزع الجاي ومها وحور رايحين ورادين على المطبخ الكل بحوسه العزيمه ...
دخل فارس يبي ينادي الخدامه تجيب بوكه من فوق وشافها أي هاذي هاذي اللي معذبتني هاذي اللي مخليتني ما انام الليل وافكر فيها اسال شلون احوالها الله ياحور قمر يمشي
حور لابسه بدله حمرا وملفع ومطلعه شوي من شعرها وحاطه مكياج ناعم وشكلها حلو ... شافها شافها فارس واهي تكلم طلال اخو وصايف وخالد اخوه
خالد : حور ثوفي طلولي يجذب (( حور شوفي طلال يجذب ))
طلال : انا ماجذبت انا بس قلت عندي طياره كبيره
حور: لا اللي يجذب يروح النار بعدين انت من ويلك طياره
طلال : بالحلم
حور : ههههههههههههههههه ياحلوك بالحلم وباست طلال
فارس سرحان فيها ياحلو ضحكتها وكلامها لتني انا طلال عشان تبوسيني
خالد : فارث ثنو تبي (( فارس شنو تبي ))
فارس واهو يطالع حور : روح نادي لي الخدامه قولها تجيب بوكي
خالد : انزين
حور وعينها على فارس حبيبها جاه هذا هو واقف قبالها بس ضعفان وسمران بس حلو يااالباااااااااك وصوتها المبحوح مبحوح من شوفته : حمدالله على السلامه فارس شلونك ؟؟
فارس: الله يسلمج والله بخير انتي شلونج وشلون الدراسه معاج <<وده يطول بالحجي
حور: والله زينه ماشي حالي
ساره : فارس شنو تسوي اهني
فارس : ابي الخدامه تجيب بوكي من فوق
ساره : اها بوكك أي زين انا بقولها بجيبه
حور : انا بروح
فارس : وين ؟؟
حور: بقهوي الحريم
فارس : أي الله معاج بس قولي لساره خلي عبود يجب بوكي الدوانيه
حور: اوكي
راح فارس الدوانيه ويحس انه نشيط وده يصارخ ويقوول (( شفتها محبوبتي ياناس شفتها بعد 4 سنين احبها وربي احبها ياجعلني افداها ))
الصبح الكل غاب محد راح المدرسه بعد تعب امس دقت ساره على البنات وقالت لهم يجون فوق لان فارس بيعطيهم اغراضهم
فارس: صوفي هذي الجنطه البيجيه فيها اغراضج واغرض فاطمه
وصايف: ثااانكس
فاطمه: مشكور
فارس : العفو
فارس: مها هذول ملوتج بس ترا مافي الشال لون اسود جبتلج بني
مها : ماعليه المهم جبتلي تسلم
فارس : الله يسلمج وحور هذي اغراضج بس مافي عطر قوتشي شريت لج شوبارد
حور : يعطيك العافيه ماتقصر كلفناك معانا
فارس بقلبه (( انا لو بكيفي لجيب لج الدنيا ومافيها )) : يعافيج ولو مافي كلافه
ساره : حنا خواته ومجبور انه يجب لنا
فارس وده يقول لساره ياتتكلمين عدل ولا انجعمي قال خواته قال كلكم أي الا حور هذي قلبي
حور ودها تذبح ساره انا ماني اخته انا احبـــــــــــــــــــــه
فارس: وهاذي هديه مني لكم
الكل : الله
جابلهم كلهم جناط نفس الشكل حق المدرسه وصايف ورديه وحور بنفسجي وساره بني ومها سماويه
اما فاطمه جابلها جنطه ماركه شانيل
اما فاطمه جابلها جنطه ماركه شانيل
في غرفه البنات
فاطمه وساره يسولفون ومها شابكه على النت ووصايف تسمع اغاني وتتذكر جاسم وحور ضايق خلقها ومعصبه و سرحانه
حور : وصايف
وصايف : ها
حور : تعالي ابيج الحين ضروري
وصايف: لحظه بكمل الاغنيه
حور وواصله حدها : وصايف تعالي ابيج بسرعه
وصايف: حور اشفيج ليش معصبه
حور : ألحقيني بالمطبخ
راحت وصايف عند حور بالمطبخ لقتها حاطه راسها على الطاوله وتبجي تبجي من كل قلبها وتقول
حور : خــــــلاص خـــــ ـ ــلاص تعبت.... والله تعبت ياوصايف ماعــ ـ ـدت اتحمل كل يوم اقول انسى بس خلاص نظراته تذبحني
وصايف: حور اسمالله عليج شفيج؟؟ منو هو ؟؟؟
حور : ااه ياوصايف اااه
وصايف: أي منو شفيج خرعتيني
حور : فــــــــــااااااااااااااارس فااارس
لحظه صمت وصايف منصدمه اول مره تشوف حور بهالموقف منهاره بس ليش
وحور ماتت من البجي
وصايف : تحبينه ؟!!
حور : واموت فيه
وصايف : وشلون مالاحضت عليج وليش ماعلمتيني
حور : مدري
وصايف : شنو مدري انزين ليش تبجين
حور : اااااااااااااااه سمعت خالتي عهود تقول الدراسه وخلصتها وماعندك حجه والحيــن والحــ ــ ـ ـ ـن بدورلك مرا ((وضمت وصايف )) وصايف ساعديني شسوي
وصايف : خلاص هدي هدي بس اهو يحبج ؟؟
حور : اهو قبل لايسافر قال انتبهي على نفسج ولاتخلين احد ياخذج مني انطريني
وانا عند وعدي للحين ناطرته بس اهو تغير من يوم رد
وصايف : وشنو تتوقعين الحين
حور : احس انه حبه لي قل لان ماسعتي جدتي شنو تقول البعيد عن العين بعيد عن القلب واهو ماشفني 4 سنين مو شويه مو شويه ياوصايف ... وصايف شسوي احبه احبببه
وصايف : يلا عاد سويتيلي فلم هندي انا بروح عند البنات وانتي غسلي وجهج وتعالي بسرعه ...
راحت حور تغسل وجهها اللي مليان دمووع وعيونها الحمرا وصوتها المبحوح
احبك والله احبك يافارس
وانا امووت فيج امسحي دموعج ياعين ابوي
ولفت حور وناظرته بنظره خجووله : فارس
فارس: ياقلب فارس ياروح فارس حور انا مايهون علي اشوفج زعلانه تكفين لاتبجين قلبي يعورني واذا على الخطبه ترا مابي غيرج عروس
طبعا ماتدري شنو تقول طالعت تحت وانحاشت وفارس ابتسم يالبى الخجل والله ورا لغرفته
حور : يااااااااااااا أحلى بنات احبكم احبكم احبكم وصايف بققت عيونها : يماااااا هذي مو صاحيه
مها : علامج
ساره : لأ لأ لأ ما اقدر اتحمل كل هالحب
فاطمه : اهب خرعتيني شفيج ؟
حور : مستانسه حددددددددددددددددددددييييي
مها : عساه دوم بس ليش ؟؟
حور : ماراح اقول المهم شرايكم نرقص
وصايف : يالله
وقاموو يرقصوون طبعا احسن وحده بالرقص الشرقي وصايف والاجنبي ساره
وضلو يضحكون ويسولفوون ومستانسين
فارس : يمااممكن شوي ابيج بموضوع خاص
عهود : وشنو هالموضوع
فارس : يما تعالي ابيج يالله ابوي ينطر
عهود : الله يستر
فارس يكلم امه وابوه
فارس : يما يبا انا كبرت والحمدالله كملت دراستي ومابقالي الا الوضيفه صح
عهود : أي
ابو فارس بندر : انتي شنو تبي بالضبط
فارس : انا ابي اكمل نص ديني واتزوج
بندر : هاذي الساعه المباركه
عهود : كلللووش مابغيت وانا احن عليك وتقول لي بعدين خلاص الحين بخطبلك احلى واحسن وحده فدنيا
فارس : لا لأ انا ماأبي احسن وحده أنا اختر وحده ومابي غيرها
بندر : ومنو هذي ؟؟
عهود : منهي ؟؟
فارس : حور بنت خالي مشاري .
عهود : حور بس حور صيغيره .
فارس : بس انا ابيها .
عهود : وشمعنه ؟؟
فارس : خلاص يما انا ابيها واخطبوها لي هالأسبوع وبملج عليها قبل ما ارد امريكا
عهود : بس شلون هي تدرس وكبر اختك
فارس: يما انا قلت غير حور ما أبي واذا ماخطبتوها لي بروح انا اخطبها من جدتي
عهود : حنا ماقلنا شي بس انت متأكد
فارس : لو ماني متأكد جان ماقلت ابيها
عهود : بندر ليش ساكت ؟؟ تكلم
بندر: خلاص تم وانا ابوك وحور مافي مثلها ورابيه مع اختك ونعم البنت واهي بنت اخوي وانا موافق
فارس باس راس ابوه : يابعد جبدي يايبا والله انك فاهمني
فارس : وانتي يما شنو قلتي
عهود : والله ما اقول إلا الله يكتب اللي فيه الخير
فارس : تسلمين يا يما متى بتخطبونها لي ؟؟
عهود : ههههههههههه لاحق على العرس
بندر : هههههههه خلاص باجر اكلم جدتك وبشوف رايها
فارس : هياااااااا هههههههههههههه
وتمت الخطبه وطبعا الجده موافقه فارس خوش ولد والكل يحبه وحور طايره من الفرحه وانتفقوو الملجه بعد اسبوع
ان شالله هالجزء يكفيكم وانطرو اخر تطورات وصايف مع جاسم وساره منو بياخذ قلبها ؟؟
