كلـــمـ،،،ـه ونصيـــ‘‘‘ـيحه لاي مستجده خلصت الثانويه ... حياكم فيدوهم heLP TheM

[SeLf^CoNfiDeNce]

يعطيج العافية
انا كان قصدي من نسجل لاول كورس تونا
لمة يقبلونا ماندري شالسالفة ولا ندري منو الدكاترة ولا حتى شنو المواد
انا حاطة في بالي جم مادة بس مو كلهم سمعت عن دكاترتهم
وجذي ونبي نصيحة شنو المواد اللي ياخذونهم البنات حق اول كورس

حبيبتي اي كليه بدشين عشان بنات الكليه يفيدونج
انا ما اقدر اقولج الا عن كليه الاداب
انتي قولي شنو الكليه الي تبينها عشان اعطيج رايي
بس بالنهايه هذي اراء انتي سوي الي تقتنعين فيه اوكي حبوبه
=)

 

[SeLf^CoNfiDeNce]

قواج الله self confidence عالموضوع الاكثر من رائع
و يعطيكم العافيه بنات عالردود الطيبه

تسلمين حبيبتي ما سويت الي الواجب
مرورج اسعدني

 

[SeLf^CoNfiDeNce]

ماشاء الله كفيتي ووفيتي

صج هالموضوع بيكون موسوعة ومرجع مو بس للمستجدين

همن المستمرين راح يستفيدون منه

بس انا اختلف معاج في نقطة مهمة

وهي التمهيدي


انا دايم نصيحتي للبنات اذا حصل لكم التمهيدي اول كورس زين على زين

اساسا مو اي مستجد يحصل له تمهيدي

اذكر على ايامي بس علمي يسمحون لهم ياخذون التمهيدي كورس اول


والسبب ان التمهيدي مو بالساهل تحصلييينه ومايتبطل لج الا بعد ماينتهي تسجيل المستجدين

وقتها ماتحصلين شعب او عند اخس الدكاترة

حتى بالباي فورس مايسجلونه لج بالساااهل يعني تدوخين على ماتسجلينه


ويقولون لج الخرجين اولى مع ان الخريجين ماياخذونه باخر كورس

لازم قبلها بجم كورس بس شتقولين بعقليات موظفات التوجيه والارشاد

ولا تنسين انه يفتح مادة وهالماده تفتح مادة يعني يأخر تخرجج وغير جذي في يأخر تحديد تخصص الانجليزي

لان يبي لهم تمهيدي وبعدها بكورس انجليزي 1 وبعدها بكورس انجليزي 2 وبعدها بكورس مقدمة في الادب

يعني ماتتخصص الا بالسنة الثالثة


واذا قصدج انه يضيع عليج فرصة تسجيل مواد

ترا الفرق بس مادتين

يعني اذا خذيتي تمهيدي كورس اول تسجلين ماده

واذا كورس ثاني تسجلين 3 مواد
يعني ماتفرق هالمادتين ابدااا



هذي وجهة نظري

واما بالباجي ماشالله ماقصرتي

والله يجعله بميزان حسناتج

مادري حبيبتي انا اشوف بالنسبه للتخرج احسن ان الطلبه ياخذونه الكورس الثاني عشان يمشون بسرعه

مرورج اسعدني حبيبتي و احترم وجهه نظرج

 

[zain 3la zain]

انـآ بـتكلـم عن كليتي ..

الحقووق :ggdw:

موقعـهـآ بالشويـخ .. صغيييييره حدهـآ ملموومه مـآتضيعين فيهـآ ابد

ممكن اول اسبوع بس لوووول

مـآفيهـآ تخصصـآت بالنسبه للبكـآليريوس

تقدرين تتخصين اذا كملتي مـآستر ..

اقسـآم الكليه : قـآنون عـآم وقـآنون خـآص وتندرج تحتهم اقسـآم وآيد ~

امممم اي نظـآم الامتحـآنـآت الفـآينل نظـآم الكنترول والموآد شوي دسمـه

وفي دور تكميلي اذا مـآنجحتي نفس الدور الثـآني بالمدآرس ..

ووو ..؟

درااستهـآ حلووهـ و ممتعه و الكليه حدهـآ مرريحه بسررعه تتعودين عليهـآ

مـآتحتـآج امتحـآن قدرآت .. ممكن يفيدج الانقليزي بس مووو وايد مهم

ومووفقين :ggdw:

حلوو مووضووعج ​

 

[SeLf^CoNfiDeNce]

zain 3la zain

مشكوره عمري ع المرور
و في ميزان حسناتج حبيبتي =)

 

[~ miss NERD ~]

أبي أسأل بنات الاداريه ..
تخصص ادارة اعمال ممكن تتكلمون عنه .. و بعد اذا ما عليكم أمر تخصص المحاسبه
و شكرا << خريجه السنه اليايه ان شاء الله و احس دشيت عرض !

 

[أم منيـرة]

< طـآلبه بالعلوم الإداريه ..

كليـة البـزنس

،

كليتنـا دائـريه < صج والله هههههههههه ..

في مكـان اسمه السيركل يسوون دايما فيه فعاليات كل اسبوع ..

والسكـوير مكان يقعدون فيه الطلبه والطالبات مكشوف برا ..

المبنى " دور أرضي ، دور أول ، دور ثـاني " ..

التخصصات : ادارة الأعمـال ، المحاسبه ، الإقتصاد ، ادارة العمليات ، التسويق ومادري بعد إذا فيه ..

،

كليتنا المطلـوب فيها " إجتياز اختبار القدرات ( الرياضيات + الإنقلش )

هذا بالنسبه للمستجدين أول كورس ..


إذا نجحـتي في إختبار الرياضيات وما نجحتـي بالإنقلش :

تاخذين مقرر 096 إنقلش مع ماده ،

وفي حـالة سقطتي بالرياضيات ونجحتي بالانقلش من 60 وفوق :

تاخذين حسبان تمهيدي مع مقرر إنقلش 106 .. ويكون عليه 4 وحدات ..

،

وفي حالة سقطتي بالرياضيات ومجحتي بالإنقلش بنسبة 80 وفوق :

تاخذين حسبان تمهيدي و ممكن إنقلش 126 .. او أي مادة ..

،

وفي حالة سقطتي بالرياضيات والإنقلش :

تاخذين تمهيدي حسبان + تمهيدي انقلش 096 ..

،

وان شاء الله كلكم تبلشون من غير تمهيدي وعـوآر راس

كلش مووووووو شي :/

ف شدو حيلـكم ..

وكليتنا الدراسـه فيها بالإنقلش .. ويبيلها شدة حيـل .. لانها مو سهلـه ..!

والمستقبل الوظيـفي لها حلـو وآآيد ،


،

ويعطيج العـآفيه self :tek:


" وأي أسئـله إحنـا حـآضرين " ​

 

[أم منيـرة]

^

فيه بدليه مجحتي = نجحتي *

لوول ..!

 

[فتووم]

اقولهم مبرووك على التخرج

واذا تبونها وناسه وفله مالكم الا التربيه
و

 

[girl lesh]

عندي استفسار وسوري مصختها شكلي
الحين مثلن خذيت تمهيدي كورس أول ونجحت فيه متى أبده دراسه بالجامعه من كورس ثاني ولا سنه اليايه
بالنسبه حق وحدات ماعرفت ليه الحين شنو يعني إيب مجموع وقدره جم وحده

 

[أم منيـرة]

^

تقدرين تبلشين مواد الكليه الكورس الثاني ..

والمادة 3 وحدات ..

 

[girl lesh]

أدعولي أتوفق خوفي مايب نسبه
راح اضطر ادش الاداب اقعد سنه بعدين أحول حقوق
ياريت إلي بالاداب يقولون شنو مواد تحويل السهله
كل ماده فيها 3وحدات فيه مواد فيها وحدات أكثر ولا كله ثابته على 3

 

[SeLf^CoNfiDeNce]

مشكورين ع المرور

لا تحرمون المستجدات من ردودكم و مساعادتكم

اي مساعدعه للأداب انا حاضره ... الحين اعتبر مو مستجده خلصت السنه الاولى لول

 

[المـــــها]

عندي نصيحه لكل حبيباتي المستجدات

أولا
اختاري تخصص تحبينه ،، لازم تشوفين المواد اللي بالمجرشيت ،، اسألي عن المواد و شنو الصعب ،،، لأن في مواد تجيب الهم بالتخصصات العلمية يعني عشان تلحقين عمرج و تنحاشين هههههههههههههههههههه

ثانيا
الحضور ثم الحضور ثم الحضور مهم
لا تطنشين بمحاضراتج عشان ماتنفصلين و عشان ما يأثر على درجاتج و تنظلمين

ثالثا
و أهم شي عندي إذا بتسجلين مادة لازم تسألين عن الدكاترة و تاخذين عند أحسن دكتور لأنه بيأثر ع المعدل

رابعا
حاولي تاخذين بكل كورس 5 مواد عشان تمشين عدل

خامسا
حاولي تقعدين جدام و ما عليج من البنات اللي يقولون من صجج قاعده جادم لج خلق ؟؟؟ ترى ما عندهم سالفه كسالى و بيسولفون و يحصلون زفه هههههه

سادسا
حاولي تشدين حيلج بكل المواد و تحطين فبالج ال (أ) و الله يرزقج على قد نياتج و تجيبين أعلى قريد إن شاء الله

سابعا
في دكاترة حلمج يعطونج ال (أ) بس هم شدي حيلج

ثامنا
لا تسجلين عند دكتور مو زين مصعب المادة و نحيس بالدرجات و امتحاناته صعبه
شحادج و في أحسن منه يعطونج ال (أ) و هم يضحكون <<< طبعا تقديرا لجهودج ههههههههههه

و سلامتكم

 

[SeLf^CoNfiDeNce]

^
^^
^^^

المها يا قلبي نصايح 100%
يعطيج الف عافيه
و اهم نقطه ذكرتيها
القعده جدام لانها صج تأثر و تحسس الدكتور او الدكتوره انج مهتمه بالماده و مو لاهيه عنهم

و احب اضيف نقطه على كلامج :
التلفون يا بنات
لا تخلونهم يطيحون عليكم و انتوا ماسكين الفون ترى و الله حرام لان الدكتور بيعرف الاهمال و الكسل من هالنقطه لانهم طافرين من سوالف الـblack berryلا تحدونهم يتعاملون معاكم بقسوه
و عشان تتجنبون بعد الاحراجات سااااااايلنت ساااااااااايلنت سااااااااايلنت للمره المليون لان تعليقاتهم حدث و لا حرج
و بس الله يوفقكم

 

[المـــــها]

صح كلامج
السايلنت
و الله ياما دكاترة بيس يشوف البنت ماسكه جهازها بدون كلام
يقولها شسمج ولا جم رقمج ياخذه و يقولها توكلي
صج ما يسوى عليها

 

[SeLf^CoNfiDeNce]

=)
مرورج اسعدني aGaiN
يسعدني تواصلج =)
كثر الله امثالج

 

[السنعة2]

موضوع رائع يسلمووووووووووووووووو

والي تعرف اكثر عن الحقوق خل تنورنا

 

[لولا المحبه]

يعطيج العاآفيه على هالموضوع

ومس طموح ..يعطيج العافيه لانج تكلمتي عن الكليه اللي ناويه عليها

وعساكم على القوه للكل

 

[SeLf^CoNfiDeNce]

الله يعافيج حبيبتي

حيااكم ^_^