كتب أنصح بها وكتب لا أنصح بها متجدد

[ليلو جبريت]

امم نسيت صراحه بس اظن بالعامي << لهجة مصرية

 

[كلي أنوثة]

مشالله ذوقج حلو بالكتب نفس ذوقي تقريبا

 

[كراميلا مرة]

انتهيت من قراءة ثلاثية بيلزر
وبصراحه اعجبتني مشوقه واحس تفاعلت مع القصه لدرجه اني قمت اشتاق للكاتب مثل ماتقولين

وقبلها قريت مذكرات جيشا حلوه بس بصراحه بعض الاحيان حسيت بملل فيها تفاصي دقيقه حيل تحسس بالملل
بس عرفتني على بعض طقوس اليابانيين

 

[~ miss NERD ~]

عدنا,,

كتاب انصح به
من غريب ما سألوني للشيخ عبد الله النوري
حيل عجبني و حده قديم =)

 

[عيون روحي]

كتاب مستحيل انصح فيه هو الحب في زمن النفط لنوال السعداوي اقسم بالله انها مصخره جاني ارتفاع في الضغط لما قريته من كثر ماهو سيء فريت يمكن 30 او 40 صفحه وندمت ندم عمررررري

كتب انصح فيها
بنات ايران يجنن
جين اير رائع
9 شخصيات 9 طرق للنجاح

 

[Eng_Roka]

ها ليلى وينج غذيتي ما قمتي تبينين

عسى المانع خيير

 

[ليلو جبريت]

هلا حبوبه بلا نزلت من جم يوم شوفي الصفحه قبل الاخيرة اخر شي
وبانزل مجموعه بس عطيني جم يوم

 

[كراميلا مرة]

قريت كتاب كيف تجذب الناس كالمغناطيس حيل عجبني وايد مفيد
وقريت نساء المنكر حسيتها مو ذاك الزود ماعجبتني اعطيها 5 من 10

 

[الله كرريم]

تشوقت اقرا كتاب ( جسمك لايكذب )

ثاانكس



اي صج توقيعج أضحكني .... ​

 

[ليلو جبريت]

مشالله ذوقج حلو بالكتب نفس ذوقي تقريبا

شكرا :eh_s(7):

انتهيت من قراءة ثلاثية بيلزر
وبصراحه اعجبتني مشوقه واحس تفاعلت مع القصه لدرجه اني قمت اشتاق للكاتب مثل ماتقولين

وقبلها قريت مذكرات جيشا حلوه بس بصراحه بعض الاحيان حسيت بملل فيها تفاصي دقيقه حيل تحسس بالملل
بس عرفتني على بعض طقوس اليابانيين

خلاص زوريه ولاتزعلين عمرج
انا ما حبيت اقراء الاجزاء الباقيه بصراحه خايفه اني اتاثر مثل ذيج المره
وعن الروايات اليمن حضارات مختلفه احب اقاهم عشان اتعلم امور جديده علي

عدنا,,

كتاب انصح به
من غريب ما سألوني للشيخ عبد الله النوري
حيل عجبني و حده قديم =)

نورتي

كتاب مستحيل انصح فيه هو الحب في زمن النفط لنوال السعداوي اقسم بالله انها مصخره جاني ارتفاع في الضغط لما قريته من كثر ماهو سيء فريت يمكن 30 او 40 صفحه وندمت ندم عمررررري

كتب انصح فيها
بنات ايران يجنن
جين اير رائع
9 شخصيات 9 طرق للنجاح

نوال تقهرني كتاباتها
:eh_s(14):

قريت كتاب كيف تجذب الناس كالمغناطيس حيل عجبني وايد مفيد
وقريت نساء المنكر حسيتها مو ذاك الزود ماعجبتني اعطيها 5 من 10

عشان تعرفين ذوقي
نساء المنكر الاسلوب مايشد والرواه حدها قصيره لكن في اشياء ماكنت اعرفها عن بنات السعوديه

تشوقت اقرا كتاب ( جسمك لايكذب ) ​

ثاانكس ​

اي صج توقيعج أضحكني .... ​

دوووم الضحكه حبوبه
والكتاب حلو وفيه معلومات جديده

راجه للموضوع بالكتب الجديده :eh_s(8):

 

[كراميلا مرة]

مع اني ماحب فكر نوال السعدوي
بس قريت لها مذكراتي في سجن النساء
بالعكس الروايه رائعه <<<<يمكن لانها في السجن
كنت اخاف اقرا لها مادري ليش بس هالروايه حيل اعجبتني

 

[ليلو جبريت]

مع اني ماحب فكر نوال السعدوي
بس قريت لها مذكراتي في سجن النساء
بالعكس الروايه رائعه <<<<يمكن لانها في السجن
كنت اخاف اقرا لها مادري ليش بس هالروايه حيل اعجبتني

باجرب اقراء لها مذكراتها في سجن النساء

 

[ليلو جبريت]

طبعا اليوم جبت لكم حصيله من الكتب

كتب أنصح بها

قررت انوع اشوي هالمره




الرحيق المختوم

نبدأ بكتاب اكثر من رائع في معلومات حلوة وأول مره اعرفها عن الرسول صلى الله عليه وسلم





علياء الكاظمي - حبيبة
تتكلم عن عائلة والعلاقات الي فيها وتتمركز حول بعض العلاقات العاطفيه ... جهزوا التيشو في نص الرواية يبدأ الاكشن



مذكرات بنت بطوطه - ابرار الغصاب

اول ماشفته انصدمت من حجمه كانه كتيب صغنون لكن عجبني من حيث اسلوبه البسيط
وقدرت الكاتبه على التخيل لكن الي ماحبيته هو التشائم وذكرها لبعض الاشياء السلبيه فالدول بدل التركيز على جمالها
يتكلم عن فتاه جابت بعض البلدان



علاء الاسواني - شيكاجو

رواية شيكاجو المثيرة للجدل صح ان فيها اشياء غلط لكن عجبني اسلوب الكاتب
وتتكلم عن مصريون يسافرون لولاية شيكاغو للدراسه ونشوء بعض العلاقات المحرمه فالغربه وعن الحياة في هذه الولاية

http://www.4shared.com/get/1fOzpFoZ/____-__.html



الكاتبة جين اوستن - كبرياء وهوى

الرواية حلوة تتكلم عن رجل يحب فتاه ويرفض الاعتراف لها
صج حلووووة والفلم احلى بنات لو تدرون اشكثر شفت هالفلم جان ذبحتوني لكن احبه وايد

http://www.4shared.com/get/r-ROCmOf/__online.html


البرتو مورافايا - روايته الاحتقار
عن زوج يحب زوجته لكن فجأة صارت تحتقره وهو يبحث عن السبب ... اسلوب اكثر من رائع لكن في اشياء ماعجبتني

http://www.4shared.com/get/ImClYGHl/___online.html



مجموعه من اجمل اشعار نزار قباني رغم عدم اعجابي في طريقه تفكيره الله يعينه على جمر جهنم :bbbiu:

http://www.4shared.com/get/NDrl2tP8/__-__.html



الطريق المسدود - رائعه احسان عبدالقدوس
عن فتاه تائهه متردده في قراراتها مع ان هي صح والي حولها غلط لكن يحاولون اقناعها بشتى الطرق انها هي الغلطانه ماحبيت النهاية كنت اتمنى نهاية رومنسيه لكن بجد تستحق القراءة

http://www.4shared.com/get/1bDTLf7y/____.html

http://www.q8yat.com/




كتب لا انصح بها



ميرامار - نجيب محفوظ
سخيفه جدا لا محتوى ولافكره ماحبيتها كلش



حي بن يقطان
عن طفل يعيش في جزيره نفس فكرة موكلي بس مو حلوة كلش وممله



100 عام من العزله - غابريل ماركيز

عن سكان قريه وعائله معينه فيها

في ناس يحبونها لكنها طويله وفيها تفاصيل وايد كرهت عمري وانا اقراها



يوم تبلى السرائر - سارة الدريس

ماعندها الا هالرواية تعيدها مليووون مره والاسلوب تحسن ولكن الفكره موحلوة وتفكير مراهقات



وراجعه لكم بعد جم يوم :eh_s(7):​

 

[Tom ♥ Jerry]

.،


شوقتيني على .،

1/ كبرياء و هوى .
2/ احتقار .


ان شاء الله اقراهم .، ناطرين رايج بالباجي ؛***

 

[كراميلا مرة]

روايات حلوه
بانتظار البقيه
شوقتيني على قراءة شيكاجو
وكبرياء وهوى
وحيل ودي اقرا مذكرات بنت بطوطه وحبيبه
ان شاء الله اول زياره للمكتبه بشتريهم

 

[كلي أنوثة]

عاد انا حبيت مئة عام من العزلة و من كثر ماحبيتها قريتها ب3 ايام مع انها طويلة...مشكوره

 

[وهج الحب]

مع اني ماحب فكر نوال السعدوي
بس قريت لها مذكراتي في سجن النساء
بالعكس الروايه رائعه <<<<يمكن لانها في السجن
كنت اخاف اقرا لها مادري ليش بس هالروايه حيل اعجبتني

السلام:
انا قريتها وانا في الابتدائية وتاثرت بها كثيرا على ما اذكر وكنت انخش بالحمام طوال الليل عشان اكملها لان عندنا يوم كنا صغار الساعة عشر يسكرون ليتات البيت ويجبرونا ان انام وكنت اختبئ هناك بعد ان اسوي نفسي نايمة اهرب للحمام اعزكم الله من كثر ما اجذبتي ..

 

[عيون روحي]

اهنيكي يا ليلى على اختيارك ياربي انا كيف نسيت كبرياء و هوى رااااااااااااااااااااااااااااااااااااااااااااااااااااااااااااااااائع

و الفيلم تبعه احلى و احلى يجنن تحفه حتى انهم سووو منه نسخه ثانيه مطوره هندي امريكي من بطولة اشوريا راي


حبيته بس موو مثل الاصلي ع العموووم تسلم البطن اللي جابتك يا مبدعه

 

[صاعقة بيوتي]

اولا شي يعطيج الف عافية على المجهود اللي تبذليه وربنا يجعله في ميزان حسناتج.

ثانيا حملت امس كتاب جسمك لايكذب وتوني اقرا اول 30 صفحة. حسيته ممل ومافيه فايدة وقديم. طالعت الفهرس وشفته كلش مو مشوق ما اعتقد اني بكمله ضيعلي وقتي. انا احب الكتب العملية اللي استفيد منها بحياتي. انتي قلتي انج قريتي الكتاب ممكن تقولي شنو المفيد فيه عشان اشوف اذا اكمله ولا لأ؟ واعذريني اذا ضايقج كلامي, فالناس طبعا اذواق.

واسمحيلي اشارك معاج بأحد الكتب اللي قريتها وحبيته وهو
how to analyze people on sight
هذا كتاب علم نفس يشرح اشلون تحللين الشخصية من شكل الأنسان الخارجي وهذا الرابط:
http://www.gutenberg.org/ebooks/30601

 

[كراميلا مرة]

السلام:
انا قريتها وانا في الابتدائية وتاثرت بها كثيرا على ما اذكر وكنت انخش بالحمام طوال الليل عشان اكملها لان عندنا يوم كنا صغار الساعة عشر يسكرون ليتات البيت ويجبرونا ان انام وكنت اختبئ هناك بعد ان اسوي نفسي نايمة اهرب للحمام اعزكم الله من كثر ما اجذبتي ..

زين انه اعجبتك مثل ماعجبتني
افكر اقرا لها روايات ثانيه

اولا شي يعطيج الف عافية على المجهود اللي تبذليه وربنا يجعله في ميزان حسناتج.

ثانيا حملت امس كتاب جسمك لايكذب وتوني اقرا اول 30 صفحة. حسيته ممل ومافيه فايدة وقديم. طالعت الفهرس وشفته كلش مو مشوق ما اعتقد اني بكمله ضيعلي وقتي. انا احب الكتب العملية اللي استفيد منها بحياتي. انتي قلتي انج قريتي الكتاب ممكن تقولي شنو المفيد فيه عشان اشوف اذا اكمله ولا لأ؟ واعذريني اذا ضايقج كلامي, فالناس طبعا اذواق.

واسمحيلي اشارك معاج بأحد الكتب اللي قريتها وحبيته وهو
how to analyze people on sight
هذا كتاب علم نفس يشرح اشلون تحللين الشخصية من شكل الأنسان الخارجي وهذا الرابط:
http://www.gutenberg.org/ebooks/30601

حتى انا قريته وحسيته ممل ومافيه فايده ماعجبني كلش