كتب أنصح بها وكتب لا أنصح بها متجدد

[ليلو جبريت]

مرحبا اخت ليلى
مرحبا بنات
أنا صار لي سنتين اتابع نشاطات المنتدى عن بعد
و توني أخيرااااااا قررت اسجل
و بما اني مدمنة قراءة شدني موضوعج و لقيت في تقارب كبير بين الكتب اللي انطرحت و بين ذوقي
مثلا أنا فلمي المفضل pride and prejudice احبه بطريقه مو طبيعية حتى عقب ما شفته منسوخ رحت شريت الأصلي عشان استمتع بتعليق المخرج و عندي بوستر لاصقته فوق مكتبي

اكثر لقطات احبها بالفلم لما بالحفله اللي لابسين ابيض تقعد اليزابيث تعيب على دارسي
و لما يعزمون ولد عمهم عندهم على العشا أمبيييييه حده غبي بط جبدي
و طبعا اللقطه اللي دارسي و اليزابيث لما بالمطر يلحقها عقب الكنيسه و تواجهه
و اخر شي لما يعترف لها بحبه و يغص بالكلمه و اهوه يقول I love .....love مسكييييين :eh_s(22):
عموما انا اموت على Jane Austen و قاريه كل رواياتها و اللي استصعب علي اقراه بالعربي حملته فيلم و شفته و انصح تشوفين لها فلم " اقناع " persuasion 2007 القصه حيل مؤثره .

و اتمنى تقبلوني صديقه معاكم :eh_s(7):

مرحبتين

اكيد نقبل فيج ونتشرف بعد

وحياااج المناقشات

وانا بعد احب هالفلم :eh_s(7):

 

[كويتية بنفسجية]

مشكورة حبيبتي و يعطيك العافية ..

الموضوع وايد حلووو

 

[زوجي توأم روحي]

لا بحثت عنها

لقيت رواية زهرة تبينها ؟

ايه حبيبتى

عطينى الرابط :eh_s(7):

 

[نونة حبيبها]

قرات مطوعة نيولوك ل اضواء
اسلوبها في كثير منه لاثير عبدالله
بس ماعجبني استخدامها بعض التشبهات الي استخدمتها
مثل "قل اعوذ بالله من صمت العاشقين واسالك ان يحضرون" حسيت انه فيه من الايات القرانية
غدوت كاعاجيب الدنياا,كاية قرانية عجز عن تفسيرها العلماء..
لغتك لايوفق لفهمها الا الانبياء
كنت استغفارا لايتقن تلاوته الا الاتقياء

احيانا كنت اظنك شابامن مقاصير الخلد,خرج خفية من الجنة ونزل لنساء الارض القبيحات..تباركت حسنا,فلا تطرأ على قلوب البشر..!فكنت عسرا علي لايعقبه يسر ابدا..
بس بشكل عام اسلوب حلو اقرب الى مذكرات منها الى رواية

 

[ليلو جبريت]

كويتيه العفووو


زوجي توأم روحي تفضلي

http://www.4shared.com/get/ZuqYOCMc/__-__.html



نونة انا ودي اقرأها وحاطتها في خانه المطلوب

 

[زوجي توأم روحي]

:eh_s(7):تسلمين ليلو :eh_s(7):

 

[شموخ روحي]

زهرة الثلج والمروحة السرية

عن شعب الصين القديم في احدى القرون والتميز العنصري لرجل عن المرأة
لهما عالمان داخلي وخارجي ولهما مسميات معينه الداخلي لنساء والخارجي لرجال
ومايثير العجب أنه هناك لغتين : لغة الرجال " تبلغ 5000 حرف ولغة النساء " ال نو شو كتابه سريه وتتكون من 1000 حرف
طريقة الزواج تثير الغرابه تتم بسنوات عده ولها مقايس معينه من الأرجل وعناء متواصل




الكتاب لاقى نجاح مميز ترجم لـــ 35 لغه



للكاتبه ليزا سي " من أصول صينيه
​

 

[قسى قلبه وخلاني]

يعطيج العافيه
عجبني كتاب جسمك لا يكدب
شدني عنوانه بشتريه انشالله

 

[نونة حبيبها]

انتهيت من قراءة لوكيميا الحب ل عبدالله سعيد ياقلاقل
رووووعة مرة عجبتني

 

[أميرة القصر]

السلام عليكم
عجبني الموضوع تسلمين وماقصرتي
احب القراءة من ايام الابتدائي واكبرت معاي هالهوايه لدرجة كنت اشترك بنشاط للمكتبه بس عشان رحلات معرض الكتاب <<<< لا تعليق كان تفكير يهال

طبعا قريت وايد اشكال وألوان وأنواع من الكتب بس بعد الزواج والمسؤوليات والبيت واليهال ابتعدت وايد عن هوايتي وصارت اشهوه بالسنه حسنه :/

والحين رجع لي النشاط وان شاء الله بحاول اعوض السنين اللي طافت

سجلت أسامي بعض الكتب اللي اقترحتوهم والبعض الآخر لقيته بموقع 4shared ...

بس عندي سؤال النسخ الموجودة بالموقع كامله ولا مختصره ؟؟؟
لان في الروايه اللي قلتي عنها عدد صفحاتها فوق ٧٠٠ وانتي قريتيها لي ٤٠٠ وشي لقيتها فوق ٤٠٠ بشوي فما ادري بس اهي ولا اغلب الكتب جذي ؟؟؟

مشكوره مره ثانيه

 

[ليلو جبريت]

الله يسلمج زوجي توأم روحي

ياليت رايج بعد ماتخلصين

شموخ ليزا سي احس انها بتاخذ نوبل في يوم من الايام


قسى قلبه موجود في النت ترى

نونة حبيبتي تعبت وانا ادور هالكتاب متأكدة من اسم الكاتب !


اميرة منورة وياحلو القراءة بس ممكن تقولين عن اي كتاب تتكلمين بالضبط

 

[نونة حبيبها]

ليلى هذا الرواية..

 

[أميرة القصر]

هلا ليلى ..
الروايه اللي قلت لج عنها ( ورده ) وترى انا أنزلهم عالايباد

 

[ليلو جبريت]

اميرة اي هي المفروض 700 وشي

في نسخه مختصرة منها

قراءة ممتعه


مشكورة نونه بحثت عنها ولقيت اسم بنت فقلت اسألج عنها افضل (

 

[أميرة القصر]

السلام عليكم
قريت رواية أحببتك اكثر مما ينبغي وااااايد تأثرت نفسيتي منها :/ قعدت ابجي وانا اقراها :q
بس اعجبتني وما كان ودي تخلص ...
وملاحظه : بنهاية الروايه اكتبت ( لن تنتهي ) قصدها في جزء ثاني ولا شنو ؟ <<<<< جان زين

 

[*المــــلكة*]

الله عجيييب هذا الموضوع ويني عنه عندي كتب وااايد قريته وان شاءالله لي رجعه للموضوع وبذكر الكتب الروعه اللي قريتها​

 

[زوجي توأم روحي]

زهرة الثلج والمروحة السرية ​

عن شعب الصين القديم في احدى القرون والتميز العنصري لرجل عن المرأة
لهما عالمان داخلي وخارجي ولهما مسميات معينه الداخلي لنساء والخارجي لرجال
ومايثير العجب أنه هناك لغتين : لغة الرجال " تبلغ 5000 حرف ولغة النساء " ال نو شو كتابه سريه وتتكون من 1000 حرف
طريقة الزواج تثير الغرابه تتم بسنوات عده ولها مقايس معينه من الأرجل وعناء متواصل ​

الكتاب لاقى نجاح مميز ترجم لـــ 35 لغه ​

للكاتبه ليزا سي " من أصول صينيه​

​

حبيبتى في منها نسخة الكترونية ؟

 

[سمسمة كويتية]

زوجي توام روحي
شلونج

انا دورت عليها ما لقيت نسخة الكترونية للأسف بس لقيت نسخة انجليزية عاد تشوقت اقراها
يليت الي عندها نسخة الكترونية تقولنا

 

[زوجي توأم روحي]

هلا وغلا بأحلى سمسمة :eh_s(7):

حتى انا لقيت نسخة بالإنجلش

وبانتظار نسخة عربية

 

[Francais]

السلام عليكم وحمة الله وبركاته ..~

انا من فتره ودي اقرا [ ازيد من ثقافتي ] وكنت كلش مو عارفه وموضوعج وصل بوقته صراحه ..~

بس عندي جم سؤال ودي احط سؤالي هني اذا مافي *تخريب موضوعج* :$ اذا اي ان شاء الله راح ارد مره ثانيه للموضوع واكتب سؤالي ..~

ومشكوره بعد عمري ... ولا خلا ولاعدم منج حبيبت قلبي :*