كافي صدماات بحياتي... قصة كويتية واقعية لأميرة البجع

[أميرة البجع]

رووووووووووووووووعة بس متى تكملينهم

انتي الأروع
توني نزلت بارت حبي
والبارتات الياي بالطريج من عيوني

 

[ReRez]

وناااااسه وايد حلوه شكلها .. والله يستر على كل البنااااات ويييييييين ماااكااانووووووووو

ثانكس حبوووووووووووووووووو ^^

 

[The purple]

عجبتني بس جنه حسيت فيها ناس وايد !!

لحظا الـ M-chat يديد وانتي كتبتي 1998 !

متآبعه ~

 

[انا خطر]

حلووووه

ناطرينج بالبارتات اليايه

و شكله محروم << بدون << بس اهيا ما فهمت

 

[أميرة البجع]

وناااااسه وايد حلوه شكلها .. والله يستر على كل البنااااات ويييييييين ماااكااانووووووووو

ثانكس حبوووووووووووووووووو ^^

العفو حبي
مشكورة على ردج الحلو

عجبتني بس جنه حسيت فيها ناس وايد !!

لحظا الـ M-chat يديد وانتي كتبتي 1998 !

متآبعه ~

لا صدقيني انا مو حاطه ناس وايد بالقصة عشان ما أشتتكم والقصة راح تكون عن الثلاث بنات بس
تهاني وهاجر ومريم
لا حبيبتي ال M- chat مو يديد تقريبا من سنة 2000 بس لأن قصة مريم تبدي بسنة 1998 خليت القصص الثانية معاها
وسامحيني تراها اول تجربة لي بالكتابة
طوفيها يا حلوة:tomato2:
تسلمين على المتابعة

 

[أميرة البجع]

حلووووه

ناطرينج بالبارتات اليايه

و شكله محروم << بدون << بس اهيا ما فهمت

عيونج الحلوة تسلمين
عجبتني سالفة محروم بدون .. يمكن بس نطري وشوفي شيقصد

 

[ReRez]

انا بعد توقعت محروم بدون ... بعد منو المحرومين اهني الا البدون ..
مشكووره قلب ناطرينج

 

[أميرة البجع]

انا بعد توقعت محروم بدون ... بعد منو المحرومين اهني الا البدون ..
مشكووره قلب ناطرينج

صدقتي يا قلبي الله يعينهم
كملي الرواية وانتي تعرفين ليش محروم
العفو حبي وهذا بارت لعيونج

 

[البارونه*_^رونه]

واااااااي حبيبتي
ثاااااااااانكيوووو على الباارتات شكل القصه جنااان يلا بسرعه حبووو لا تطولين علينا

 

[أميرة البجع]

البارت الرابع
*******

(محروم خليها على الله مابي اعور راسج)
هاجر ما بغت تضايقه ولا بغت يغثها بمشاكله بروحها منغثة وداشه تفرفش
(آهات على راحتك .. انا أستأذن الحين)
( محروم راح تكونين شابكة على طول؟؟ والا بتفصلين؟)
(آهات لا بفصل وان شاء الله أشبك بعدين)
(محروم خلاص أشوفج على خير)
هاجر طلعت من الام جات ونزلت تحت عند أمها
*********

تهاني شافت تليفونها يرن
908... يتصل بك
"واااااااي هذا شيبي؟ ماراح أرد عليه"
تم يرن يرن يرن
بالأخير ياها مسج
( لوسمحتي ردي علي)
تهاني ( ليش عشان تسب بعد؟؟ )
( آسف والله بس بغيتج بموضوع) دق تليفونها مرة ثانية جراح
تهاني خلته سايلنت ونزلت
******

هاجر (وهي تبوس راس امها وخدودها): السلام يما حبيبتي شلونج وين تهاني وعبورة؟
هناء: هلا بالغالية والله حبيبتي تهاني بغرفتها وعبورة بالمدرسة .. انتي ماوراج كلية أشوفج مو لابسة؟
هاجر(تدرس بالعلوم الادارية): امبلا عندي يما بس تعبانه ومالي خلق أداوم
هناء: خير يما شفيج مريضة؟
هاجر : لابس متكيسله
هناء: عيل تعالي تريقي معاي عشان تفتحين نفسي..
هاجر: حااضر أصلا انتي اللي تفتحين نفوسنا كلنا حبي انتي امواه
هناء: هههه الله يخليكم لي أنتو اللي طلعت فيهم بهالدنيا..

تهاني نزلت... وعيونها حمرا ومالها خلق تتكلم.. قعدت على طاولة الطعام من غير ما تبوس أمها
تهاني: السلام عليكم
الكل: وعليكم السلام
هاجر وأمها يطالعون بعض مستغربين اهم حتى لو يشوفون امهم وأبوهم كل يوم يبوسونهم كل يوم
هناء: خير حبيبتي شفيج؟
تهاني: مافيني شي يما بس مو نايمة عدل
هناء: شفيكم حبايبي اليوم مالكم خلق.. يما بناتي خل أبخرهم لا يحسدونهم .. أخاف صابتكم عين
تهاني (كلام امها غصب خلاها تضحك) : لا يما شدعوه بس سهرت بالليل .. ومانمت عدل
هاجر (تضحك): على شنو ينضلونها بنتج هاذي؟؟ آنا أكيييييييييد لأني جميلة بس تهنوو؟؟ ماعتقد
هناء: يوزي عن بنتي هاذي تهاني شيخة العرايس
تهاني تطالع هاجر بطرف عينها بغرور وابتسامة خبيثة
هاجر: وييييييييييع

********
مريم كانت طول الكلاس سرحانه برفيج محمد وبكلام عهود "وااي انا شفيني خليني أشيله من بالي وانتبه حق الشرح"
عهود (بعد الكلاس) : وييييع مليت ما بغى يخلص شكثر يسولف
مريم: ههههههههه حرام عليج خذيتي كل آثامه
عهود: أصلا اهو ماخذ آثام الأوادم من كثر مايسولف عن فلان وعلان
مريم: لالالا يسولف عن اهله .. هذا يزاه يعطينا أمثلة عن أهله عشان يبسطلنا مقرر التربية الثقيل
عهود: المهم شقلتي؟؟
مريم : عن شنو؟؟
عهود: أهاا؟ علينا؟؟ (بالمصري.. عهود أمها مصرية وتحب اللهجة المصرية) منتي كونتي سرحانه طول الفصل يا مريم؟؟ اي اللي شاغل بالك يا ترى؟؟
مريم (ميته من الضحك): ماكو العرج لازم يحن.. بولا شي ماكنت سرحانه
عهود:هههههه أقول مريووم بسج ها بسج طاقة الثقل علينا.. يلا أخذي رقمه
مريم: عهدوو ويهد آنا ثقيلة غصبا عليج.. وعناد عليج مابي
عهود: لالالالالا خلالاص سوري سوري انا هبلة انا خبله انا مينونه (تمسك ايد مريم وتطق روحها) هاج لتيني كف .. عطيني كف .. بس تكفين ارضي والله حمود ماكل قلبي كل شوي مسج بالكلاس ها خذته ها خذته؟؟
مريم (منحرجة لأن الناس تطالعهم): هههههه بس بس عهدوو فشلتينا انزين خلاص وافقنا يبا
عهود: هيااااااا كلولولولوش
مريم من الاحراج ميته من الضحك عليها ومشت عنها...

*****

رايكم يا حلوات

 

[أميرة البجع]

واااااااي حبيبتي
ثاااااااااانكيوووو على الباارتات شكل القصه جنااان يلا بسرعه حبووو لا تطولين علينا

العفو حبي انتي اللي جنان
توه نزل بارت يديد

 

[zooz92]

عجبتني القصة واااااايد

الله يستر على البنااات ومن هالعلاقااات اللي آخرها الضياع :0bee2e8d89:

كملي حبيبتي نااااااااطرينج :tek:​

 

[انا خطر]

يسلمووو قلبي عالبارت


و ناطرين الياي << طماعه

 

[ReRez]

مشكوووووووووووووووووووووره بعد عمري .. البارت روعه والله يستر على مييمووووو وتهووون
وكل البنااات .. ثاااانكس ناطريييييييينج

 

[cute princess]

انا يييييييييييييييييييت :ada:
قريت القصه كلها توني وناطرتج تكملين
لو تدرين جم قصه قاعده اقرا الحين اكسر خاطرج :0bee2e8d89:
بس قلت مايصير انتي تنزلين قصه وما اقراها _03BA:
وبعض الناس الي اسمهم ريريز مو احسن مني :krkrkr:
يلا ناطرينج تكملين :ggdw:

 

[حلا القادسية]

ابداع الصراحة حدها حلوة القصة كملي يلا نا طرينج

 

[^ليلاس^]

مبين انها حلوة

وهذي عاليه ملقوفه دبست البنت بواحد رايح فيها

 

[نملة زقرتية]

يعطيج الف عافية عالبارتات


كملي ناطرينج

 

[ReRez]

انا يييييييييييييييييييت :ada:
قريت القصه كلها توني وناطرتج تكملين
لو تدرين جم قصه قاعده اقرا الحين اكسر خاطرج :0bee2e8d89:
بس قلت مايصير انتي تنزلين قصه وما اقراها _03BA:
وبعض الناس الي اسمهم ريريز مو احسن مني :krkrkr:
يلا ناطرينج تكملين :ggdw:

لووووووووووووووووووووووول والله كيوووت راسي الحين اسميه صمااااااااخ من كبره :dddds:
والله اشكثر القصص اللي اقرااهاااااااااا يعني القصه اللي فيها وايد اسامي جد مسكينه وانا اقراها من كثر ما اضييع
لوول بس يللا البنات يستاهلون ومبدعين والله وناطرييييين التكمممممممملللللللللله :ggdw:

 

[cute princess]

لووووووووووووووووووووووول والله كيوووت راسي الحين اسميه صمااااااااخ من كبره :dddds:
والله اشكثر القصص اللي اقرااهاااااااااا يعني القصه اللي فيها وايد اسامي جد مسكينه وانا اقراها من كثر ما اضييع
لوول بس يللا البنات يستاهلون ومبدعين والله وناطرييييين التكمممممممملللللللللله :ggdw:

والي تقولج انا قاعده اقرا القصص وانسى اساميهم لوووووووول
انسى شسالفة القصه ما اتذكر الا لما اقرا البارت الي ينزلونه يالله استرجع ذاكرتي... حاشني زهايمر مؤقت من كثر القصص :dddds:
بس ميخالف يستاهلون البنات وحدهم مبدعين :ggdw: