كافي صدماات بحياتي... قصة كويتية واقعية لأميرة البجع

[أم@الحلوين]

مشكوره عالبارت يووووووونس الله يتمم عليهم يارب

 

[تيناا]

روووووعه القصه مشكورة

بس لا تطولين علينا بليز

 

[نملة زقرتية]

الله يهنيهم يا رب
فرحتيني لهم
يالله كملي

 

[koky 7yati]

مشكوووووووووووره عالبارت بس ممكن سؤال حده غبي اهيا القصه واقعيه والا مغيره بالاحداث
ادري ودج تذبحيني

 

[UNiQe^PRiNceSs]

ثانكس على البارت يا قلبي والله يتمم علييييهم انشالله
ناطرين الباااارت:d:d

 

[The purple]

اخاف امدح زود بـ جراح انطق

بس هذا ولد الرياييل مو اللي محسوب اسمه ريال بدر

وتوني انتبه إن هاجر اخت تهاني /= !!

الله يوفقهم ويسعدهم .,

waiting

 

[!pink-card!]

thx taty

 

[super model]

مشكووورة ع البارت الله يتمم عليهم


بس لاتطولين ^_*

 

[T-flower]

وااااااااااااااااااااااااااي يحلو جارح وتهاني يهبلوووووووووووووون
اينننوووووون
الله يتمم عليهم يارب
وهاجر ابداع
بدر ابدع وابدع
اما احمد ااخ اخ لو اطيح عليه
جان فرمته اهوا وبدر

 

[أم@الحلوين]

ناطرين البارت اليديد على نار ادري اذيتج بالحنه *_^

 

[انا خطر]

يحليلهم

الة يتمم على خير

ناطرة بعرف شصار عالباجي؟؟

 

[**كويتاويه وافتخر**]

وااااااااااااااااااااااااااااااااااااي القصه رووووووووووووووووووووووعه_( ومتابعه) .............
لا تطولين حبوبه لان ما اقدر انام وما اعرف شصار ... عاد الحين تلقيني افكر بالقصه وأألف شنو الي راح يصير ههههههههههه...........
ثااااااااااااااااااااااااانكس ناطرينج .............

 

[super model]

نااااااااااااطرينج

متى البارت اليديد ><"

 

[DALLY]

الله وناسه جراح بيتزوج تهاني ونعم الزوج

بس بدر يبيله تسنع

 

[Rahoum<3]

واااااااااااااااااااااااااااااااااااااااااااااااااي مشكوووووووووووووووره حلوه حلوه حلوهـ ماشاء اللـ هـ

رووعه

الى الامام مشكوره ياقلبي


ان شاء الله تكلمييلنا

 

[عذبه الصوت]

يعطيج العافيه حبوبه بس تكفين لاطولين القصه اذا طولت تبيخ وتملل قرأها

 

[أم@الحلوين]

أمووووووره فيني نوووووومه بس ماأبي أنام قبل مااقرااا البارت اليديد^_*

 

[أميرة البجع]

حباااااااااااايبي والله
مو مني من المنتدى والله مو راضي أدش ما يحبني
والله وللحين بطييييييء حده
بس قلت عشانكم كل شي يهون
والله اضطريت أكتبه بالوورد وبعدين أنزله هني
وسامحوني على القصور
تفضلو حبايب قلبي
**********

البارت التاسع عشر
*********

بعد اسبوعين يوم الملجة والعرس

الصبح كانت الملجة ومحصورة في تهاني وأهلها القراب وجراح وأهله القراب
وبعدها راح الكل يستعد لليلة الكبيـــــــــــــرة

بالليل
تهاني كانت قمة شوية.. كانت لابسة نفنوف كوكتيل لونه بين الأوف وايت والمشمشي ضيج من فوق ومن تحت موديل السمكة.. كله ورود ناعمة وكان يبرق من فووووووق لين تحت بس برقة خفيفة وحلوة
رافعة شعرها الأسود كله وطرحتها بسيطة وقصيرة من تحت الشعر.. حاطة مكياج بين الوردي والمشمشي ناااعم حيل.. ومسكتها ورود مدورة ونازل منها حرفين .. (ج و ت)..
أمبيـــــــــه لو تشوفونها كانت قطعة ما شاء الله... الكل انبهر فيها (والله تذكرت شكلها قريت عليها المعوذات من عيوني)

عالية كانت لابسة نفنوف علاق بسيط أسود ومسوية شعرها تكسير.. وحاطه مكياج بنفسجي
هاجر.. كانت حيـــــــل بسيطة لا بسة نفنوف قصير وردي بأبيض.. ومنزله شعرها استشوار.. وحاطة أسود سموكي على عيونها وحمرة وردي
عبير.. ( كانت مبدعة بكل شي.. يا حليلها) لابسه نفنوف طويل كوكتيل بس فيه جموم منفصلة مشير ألوانه نارية (أحمر.. أورانج .. أصفر) .. وحاطه مكياج صارخ .. (بس بجت بجي بالصالون مو عاجبها).. ولامة شعرها على جنب مثل الغجريات.. وشكلها كان روعة
مريم كانت لابسة نفنوف شيفون سادة بس عالصدر مشكوك باللون الفيروزي.. حاطه مكياج فيروزي على عيونها وحمرة وردية على شفايفها.. رافعة نص شعرها ومنزله الباقي ومسويته زوي.. كانت وااايد حلوة والعيون تتطاير عليها..

قبل دشت تهاني كانو البنات يرقصون شوي... ويروحون يطلون على تهاني بغرفة العروس شوي
وطبعا كل ما تدش عبير على تهاني الغرفة تلولش
عبير (واهي داشة الغرفة ومعاها مريم): ألف الصلالالاة والسلالام عليك يااا حبيب الله محمـــــــــد.. (اهي ومريم) كلولولولولولولولولوولولولوش
تهاني: هههههههههههه مريووووم حبيبتي متى ييتي؟
مريم (واهي تلمها): حبيبتي مبرووووووووووك.. توني واصلة.. الله يوفقج ويهنيج ياااااارب تستاهلين كل خير
تهاني: حبيبتي والله .. الله يبارك في حياتج.. والفال لج
مريم (من قلب): يااااااااااااااااااااااااااااارب
عبير: شوفو المشفوووحة؟؟ وانا انا تهوون تكفين ادعيلي
تهاني: هههههههههههه توج تقولين مشفوحة.. وانتي بعدج صغيرة
عبير: تكفيــــــــــن عشان بس أتخرج الشهادة بيد والريل بالايد الثانية
مريم: شوفي شوفي.. عيــــــــــــــب يا بنية
عبير: مريووم شفيج صرتي أمي؟؟
مريم: هههههههههههههه.. (التفتت على تهاني) وااااااااااااي تهوون ما شاء الله لا اله الا الله تهبلين تيننين
عبير: قولي ما شاء الله لا تنضلين أختي
مريم: شفيج انتي مو صاحية؟؟ قلنا ونقول مرة ثانية.. ما شاء الله لا اله الا الله
تهاني (تطالعهم وحدها مستانسة): هههههههههههههههه
عبير سمعت اغنية تحبها): واااااااااااااااي أموووت على هالأغنية خل أروح أرقص جاااااااااااااو.. (واهي طالعة دعمت بعالية اللي كانت بتدش عندهم)
عالية: شفيها هاذي؟ الحمدلله والشكر
تهاني: ههههههههههههههههه بتروح ترقص
عالية: هههههههههههههه خبلة والله .. يلا يا عروسة أمج تقول تزهبي ورا هالأغنية بتدشين
تهاني (قلبها قام يرقع): واااااااااااااااي هونت مابي
مريم وعالية: ههههههههههههههههه
عالية: شنو ماتبين ؟؟ مو بكيفج يلا عن الدلع
مريم: علوية لا تزفينها.. هاذي عروستنا
عالية: ههههههههههههه عيل يلا يا عروستنا امشي خلصت الغنية وبدت موسيقا أغنيتج
تهاني: انزين خلكم يمي.. اخاف أطيح
عاليه ومريم: هههههههههههه أوكي

تهاني دشت الصالة على أغنية يا بنفسج حق عبد الله الرويشد

يا بنفسج يا مساء الياسمين... في محيا من لها الدنيا تزين
هل العروس اللي خذت كل الوصوف... ريم جيد وريم قد وريم عين
ألف صلى الله على الهادي الأمين
مقبلة وعيوننا برد وسلام... لازم نصلي على سيد الأنام
عالنبي أزكى التحية والسلام... رددو قولو معي يالحاضرين
ألف صلى الله على الهادي الأمين
تمشي ويمشي بها سحر وكمال... واعتدال(ن) مكتسي حسن ودلال
تمتزج فيها الحقيقة والخيال... والضيا فيها امتزج بالياسمين
ألف صلى الله على الهادي الأمين
فتنة ربي خلقها للعيون... من رذاذ الغيم وبروق المزون
قدرة الخالق له بخلقه شؤون... قدرة سبحان رب العالمين
ألف صلى الله على الهادي الأمين
http://gulf.salmiya.net/songs/wedding/Untitled-1.htm

ووصلت تهاني على الكوشه.. وكانت حدها مستانسة .. وأمها من بعيد دمعت عيونها وقعدت ترقيها مع أم جراح بالمعوذات والصلاة على محمد وآل محمد..
قامو البنات يرقصون.. حدهم مستانسين .. وطبعا أكثر وحدة مستانسة وترقص عبووورة الحلوة

وقبل لا اييون الناس يباركون حق تهاني ويصورون معاها... صعدت الكوشه هاجر
هاجر (شكلها تعبانه.. باست اختها وقعدت يمها): مبروك حبيبتي الله يهنيج
تهاني (طالعته مبتسمة.. بس معاتبة): الله يبارك فيج... الفال لج... وينج شدعوه ماييتي تطلين علي؟
هاجر: سامحيني لهيت شوي مع امي والناس
تهاني: يعطيج العافية.. أردها لج وانتي عالكوشة ان شاء الله
هاجر (ضحكت ضحكة خفيفة باستهزاء): اي .. يصير خير
تهاني: ليش حبيبتي تقولين جذي؟
هاجر: ولا شي .. لا تفكرين الحين.. خلج مع الناس
تهاني: انزين يلا قومي رقصي.. ما شفتج ترقصين مع البنات
هاجر: والله تهاني تعبانة
تهاني: عسى ما شر؟؟ شفيج؟؟
هاجر: ولا شي.. يلا كاني قايمة (واهي تقوم .. تهاني مسكت ايدها)
تهاني: هاجر .. لي قعدة معاج
هاجر: الله كريم.. يلا أخليج
تهاني تشوف اختها ذبلانة ... قلبها قام يعورها
بس بسرعة لهت مع الناس ليما قامو يسلمون عليها ويباركون لها ويوصورون معاها.. وكانت من فترة وفترة تطل على هاجر من بعيد...

عقب ما رقصو البنات وشبعو (طبعا ما يشبعووووون من الرقص)
قالو تغطو بيدشون الرياييل
عبير (راحت حق أمها): يما تو الناس ليش بيدشون الحيـــــــن؟
هناء: شنو ليش؟ الساعة 11 ونص بعد متى يدشون؟
عبير: تو الناس يما.. ما شبعنا
هناء: هههههههههههه انتي لو تقعدين ليه الصبح ترقصين ما تشبعين.. روحي ييبي روب اختج خل نقطه عليها.. مادري وين هجور!!
عبير: أوووووووووووف انزين
هناء: هههههههههههههههه
أم جراح (يتلها): هههههههههه عسى دوم هالضحكة.. شفيج تضحكين؟؟
هناء: عبير تقول ما شبعنا
أم جراح: ههههههههههههه الله يبلغج فيها مع اختها
هناء: الله يسمع منج... وراحت تغطي العروس
تهاني ما كانت متحجبة... بس حطت على روحها روب العروس لأن فستانها كان عاري

دش المعرس ومن وراه الرياييل .. على زفه فرقة شعبية

سااامع الصوووت صل على النبي .. أول محمد وابن عمه علي
يااا معيريس عين الله تراك... والقمر والنجوم تمشي وراك

جراح ماشال البسمة من شفايفه ولا عينه من تهاني.. وتهاني كانت غايصة من الحيا
لين وصل عند الكوشة ووقف يسلم على الرياييل.. وبدت الفرقة تطق أسرع والشباب اندمجووو حيل يرقصووون
مريم شافت واحد وانصدمت... "هذا شيايبه هني؟؟"
ليما خلصو الرياييل.. سلمو على جراح ومشو...
جراح صعد الكوشة باس راس تهاني.. وساسرها: مبروك علي يا قمر ... أحبج
تهاني ابتسمت وقلبها قام يطق حيل من الفرح والخجل
والناس يطالعونهم وحدهم مستانسين عليهم
بعد ما لبسها شبكتها.. قامت تهاني ترقص على اغنية راشد الماجد... انت غير الناس عندي... انت عندي شي كبير
ووقف جراح يصفق لها.. وهو مستانس " واخيرا تزوجت حبيبتي"

بهالوقت رن تليفون هاجر
هاجر (شافت التليفون): أوووف هذا شيبي؟؟ (شالته وبنفس) ألو
بدر: انتي وينج؟؟ صارلي سنة أدق عليج
هاجر: انا بعرس أختي وما دري عن التليفون
بدر: الله يعني كاشخة؟؟ وليش ما قلتيلي؟
هاجر: وليش أقولك؟
بدر: ما علينا مسامحج.. انزين بشوفج
هاجر: أوووف بدر مو وقته هالكلام
بدر: امبلا وقته بشوفج والحين
هاجر: بدر انت مينون ؟؟ شنو الحين؟ الحين الساعة وحدة ونص.. طبعا مستحيل
بدر: عادي قوليلهم بمشي مبجر.. وتعالي أشوفج نص ساعة
هاجر: طبعا لالالا.. لأني برجع مع أمي
بدر: هجووووور؟ شلون الحين؟ بشوفج.. (قرب السماعة يم حلجه) أبيــــــــــج
هاجر (لايعة جبدها): ما أقدر.. وماراح أشوفك الحين.. انت ينيت رسمي
بدر(بنبرة حادة): متاكدة ما تبين تشوفيني؟
هاجر: ايييييي
بدر: انزين آنا اراويج يالق..... ورقع التليفون بويهها
هاجر دمعت عيونها " والله أستاهل كل اللي يسويه فيني.. انا رخصت نفسي.. يا رب سترك"

جراح وتهاني وقفو عشان يزفونهم ليه بره...
ليما طلعو من الصالة صعدو الفندق يروحون غرفتهم ووياهم هناء وأم جراح وعالية
جراح فتح الباب.. ودخل تهاني ووقف عن الباب
جراح: وين وين وين؟؟
أم جراح : وخر يا ولد.. استح عمتك واقفة
جراح (يبتسم حق هناء): عمتي لا تزعلين أحبج.. بس حدكم لي هالخط.. (وأشر على الأرض عند باب الغرفة)
هناء وعالية يضحكون
أم جراح: وخر يا صبي.. بنساعد العروس تبدل
جراح (يضحك): أولا انا مو صبي.. ثانيا انا اساعدها
أم جراح: ههههههههههه (تحاول توخره) وخر أهووووووووووو
جراح: ربج وااااحد ما تدشون بتقولون طرده.. طرده والي فيها فيها
هناء: ههههههههههه خلاص أم جراح خليهم على راحتهم .. يساعدون بعض.. يلا يما دير بالك على تهاني
جراح(يأشر على عيونه): بعيوني والله
هناء: تسلم عيونك.. يلا يما عالية. يلا يا أم جراح نمشي
أم جراح(تقرص اذنه): أراويك.. دير بالك على تهاني.. ترا الحين صارت بمعزتك واكثر
جراح: ان شاء الله.. مع السلامة
سكر الباب.. والتفت لقى تهاني قاعدة على السرير وتطالعه مستانسة .. تضحك على اللي سواه
قام يطالعها بنظرة شريرة (على غشمرة طبعا) ويفرك ايدينه ببعض.. ويضحك ضحكة الشيطان
جراح: ههههههههههههههههه
************

يلا يا حلواات تفاعلكم اللي عودتوني عليه؟؟ تكفووووووون لا تقولون قصير

 

[ba6re8a]

thaaaaaaaaaaaanks
yalla ely ba3do

eedy gaaam et7eeekny ba3arefff shino 9aaaaaaaaaaar

 

[jtbnmk]

يالله انا انطر النهايه والله استانست حق تهاني
لوووول اندمج معها يالله ننطر باجي القصه وشنو يصير حق اختها