قوه يابنيات

[دندره]

قوه يابنياتي شلونكم شخباركم عساكم بخير وعافيه .. مبارك عليكم الشهر ويجعلكم من الصايمين والقايمين قولوا امين ..
يالله زهبوا حالكم حق البلعه وترس الكروش .. امكم العوده دندره مستعده لكم خوش استعداد واللي ماتبطل مخها معاي ياويلها ياسواد ليلها ترى مايردني غير الملاس ...
اي بلعه بخاطركم خبروني عنها وانا زاهبه ...ويالله خلونا نترس كروش بعض الناس ونخليهم يتثيولون ..
خليتكم بعافيه

 

[xxx]

مشاركة: قوه يابنيات

هلاا بامناااا العوووووووووووووده

وين الغيبه ولهنا علييييييييييييييييج

مبارك عليج الشهر

 

[jolie_q8]

مشاركة: قوه يابنيات

حي الله دندره

وين غطيتي ؟

ذاك اليوم سويت مرقه اللحم.. مالتج ..طلعت عجيبه

بس الفرق .. حطيتها بالفرن علشان اتسكر

 

[دندره]

مشاركة: قوه يابنيات

هلا وغلا بنت الكويت .. علينا وعليج انشاءالله وتعودينه كل سنه لما يصير عمرج 200 ..
جولي شلونج .. عليج بالعافيه بس اول مره اسمع ان المركه تتسكر بالفرن؟ هذي مناكر يديده يالله علمينا الطريقه وشرحيها للبنات

 

[bnt q8 in usa]

مشاركة: قوه يابنيات

دندره شلونج يالغاليه حبيبه شخبارج:حتي بالمسنجر مالج بينه

وحشتيني والله

 

[xxx]

مشاركة: قوه يابنيات

ههههههه 200 عاااااااااااد

حزتها يطحنونلي الماي

 

[Angel]

مشاركة: قوه يابنيات

بعد عمري اميمتي دندرة اشلونج ومن طول الغيبات... والله ما تعرفين اشلون كسبتي الاجر فيني وكتبتي الوصفات الكويتية الأصيلة واستفدت منها وايد وايد وتسلمين يا امنا العودة.. يا ريت والله لو تكملين جميلج لباقي الوصفات وخصوصا الحين الرمضانية مثل الهريس والجريش واللقيمات وقرص عقيلي و الرانجينة والسمك المشوي وغيره وغيره ..... وايد شغلات واكيد تعرفين اكثر منا.

ناطرتج على نار.

 

[جكورة]

مشاركة: قوه يابنيات

هلا والله فيج والله اشتقنا لج ولسوالفج ولطبخاتج..

 

[دندره]

مشاركة: قوه يابنيات

هلا فيكم يابنات شلونكم؟
بنت الكويت شتبين بعد يطحنونلج ويدارونج عدل...
انجل .. حبيبتي الوصفات اللي ذكرتيها كلها كاتبتها بالمنتدى .. وموجوده وجاهزه واذا ماحصلتي شي من اللي تبينه تامرين امر وبالشوفه ...
جكوره .. هلا فيج والله انتوا اللي سوالفكم حلوه وماتنمل .. بعدين ليش مسميه نفسج جكوره؟ اكيد عن العين يالعيوز؟ يمه منج اكيد انتي زوووقه

 

[أغلى حبيبه]

مشاركة: قوه يابنيات

حي الله ما ما عوده

شخبارج وينج ماتبينين

 

[ديحانية+كويتية]

مشاركة: قوه يابنيات

حبيت اسلم علي امنا العوده وحابه اتعرف عليها بس

 

[مُناي]

مشاركة: قوه يابنيات

ويييييييييييييي ياحلاتج وياحلات سوالفج


اشتقنالج ياميمه


أموووووووووووووااااااااااااااه

 

[دندره]

مشاركة: قوه يابنيات

اغلى حبيبه.. يحيج ويبجيج ويمرس عين من يعاديج ..
ديحانيه .. وي طقني الملح وزادني الشرف حبوبه
مناي..تشتاقلج العافيه يارب وربي يحرسج وينولج مرادج قولي امين