قوليلنا شنو منطقتــــــــج ؟؟؟؟؟

[طوووطه]

انا بالاحمدي
صج انه ما فيها لا مطاعم كشخه و لا فيها مجمعات و لا اشياء راقيه لكنها احلى منطقة
بنت الkoc

اي والله صاجه معنه مافيها شي بس احسها منطقه سياحيه مادري ليش


باريس الكويت فديتها ههههههههههه

وفيها حدايق عامه حلوه ومطعم الحباره
واالممشى والانديه فيها شغلات حلوه وكافي تفرين بسياره محد يحاجيج وهدوء

 

[مهفهفة]

حبيبي ساكن " الدسمة " وقلبي ساكنن وياااه

الدسمة سميت بالدسمة لانها منطقة خصبة وغنية بالنباتات والاعشاب وخاصة في فصل الربيع ..

من المناطق الاولى الي نبنت بالكويت اهي والشامية

نبنى فيها اول ملعب بالكويت واهو ملعب مدرسة الجاحظ ونبني فيها اول مطار ونزلت فيها اول طيارة سنة 1932

تعتبر من المناطق الداخلية وتتبع العاصمة

احب انها قريبة من كل شي وسايرة قلب العاصمة

واحب فيها انها جامعة الكويت فيها جنها كويت مصغرة

فيها عيم وحضر وعوازم يعني خلطة

 

[ام خالد الغلا]

ولادتى وطفولتى بالدسمة ومراهقتى بالعمرية ولما تزوجت بحولى والحين بيتى بجابر العلىوكل منطقة لها ذكرى فى حياتى واللة يحفظ ديرتى الكويت من كل مكروة

 

[ام حمنو]

انا بالروضه
عمرررررررررنا كله بالروضه حتى قبل لا يصير فيها شوارع وسكك وقبل لا يسنعونها
المنطقه كللها نعرفها واهم شي ابو حسن ( راعي البرد ) اللي من على ايام ابوي يروح الابتدائي واهوا يبيع بهالبرد وتخيلو للحين يمر بفريجنا يصرخ برييييييييييييييييييييييييييييييييييييد ,,, هههه يحليله الله يطول بعمره
وفطاير قطعه 6 شي موووووصج واهم شي الجباتي اللي بالجمعيه واااي يهبل اهوا على السمبوسه لالا فديت منطقتي واللله جمعيتنا عقب ما عدلوها صارت تهبل
جذي حده وناسه ترا لما تكون المنطقه كلها تعرفكم وبين فلان زفلان وتكونون عمر معاهم

اول مره اعرف ان الروضه فيها قطعه 6شكلج مضيعه انا تربيت في الروضه ودرست في مدارسها وياريت اللي كانت في ثانوية الروضه اواخر السبعينات تقولي يمكن اعرفها صدقوني حيل ولهانه على زميلاتي واتمنى اعرف اخبارهم0000سامحوني طلعت عن الموضوع اسكن حاليا القصور ما حبها وايد جمعيتها معفنه :gr4uu:ودايما اروح جمعية القادسيه مسقط راسي واموت على الدعيه فيها ولدت كل عيالي واتمنى ارجع لها 000ومشكوره على الموضوع الرائع:aha:

 

[ديانا سبنسر]

الجهرا واحب كل شارع ودوار فيها منطقه اجتماعيه لانه لما تزوجة ورحت منطقه ثانيه حسيت الناس محد يدري عن احد
واسوقتها حلوه والحين مبطلين مجمعات راقيه قبل بس فيها اسواق شعبيه محاميد وهالسوالف بس الحين تطورت صار فيها العاب وحركات واحس الناس طايحه من عينهم الجهرا ترى والله اللي ماشافتها عبالها ان ساكنين ببر الله يعين على العقليه انزين بر شلون عندنا نت وتلفزون وسيارات
وعلى فكره شباب الجهرا اي سياره يديده لازم يشترونها ههههههههههههه وفي جيتيات ومستنقات وايد عند الشباب واذا صار في مسيرات الله يعين الدوار من الديزل انتي اذا مشيتي عليه تتزلقحين
وفيها عطار ابو مبارك كل شي عنده مسترخص او لا
وفيها كل منطقه جمعيه ومستوصف ومحلات الجمعيه من صالون مطعم حلاق مصبغه

ومناطقها الواحه
النسيم
النعيم
العيون
القصر
تيماء
سعد العبدالله
ويمكن اكون ناسيه منطقه غيري بيفيدكم




بس احبها وما استغني عنها ولدت فيها وعشت فيها فديت منطقتي

:eh_s(15):

 

[جبنة بيضة]

انا ساكنة بالسرة احبها هالمنطقة راقية بكل شي و احب مكدونالد فيها و الحين قاعدين يسون المول ما يندرى بس الجمعية نص نص

اما جنوب السرة فهذي صج احبها احب جمعياتهم و مطاعمهم