قصتي تحكيها لندن ... قصتي الرابعه بعد توقف الثالثه

[pearlq8]

امه !!!!!!!!!!!!!!!!! ابيه كلش ما توقعت عااااااااااد

يلا حبيبتي لا تطولين عليينا بدت الاحداث تحلووو

يعطيج العافيه

 

[الحبوبه الطيوبه]

يعطيج العافيه
ناطرينج...

 

[كويتية بحتة]

waiting

 

[Riooma]

waiting . bagolich shai bs akhaf tez3len!!! tara entai wayed ba6e2a bel ketaba. ya3ni ana ma adesh 7ag 3 days oo laman adesh alga bs one part menech

 

[ChocoLaTe Pie]

ايي انا مع ريوومه !!!!!!!!

وااايد واايد بطييئه حلاته القصه حار بحاار عشان نتشووق !!@@

 

[عثمان حبي]

وينج طولتي

 

[pearlq8]

حبايبي ما عليــــــــــــه صبرووو شوي ترى اكيد ما تعمد التأخير

أكيد عندها ظروف سواء دراسه ولا مشاغل ما تقدر تكتب كل وقت صج ان نتشوق حق الاحداث و دنا تنزل بسرعه

بس مو كل الكاتبات عندهم وقت كافي في كاتبات معلقين قصصهم فوق الاسبوعين و في يكتبون يومي كل واحد و ظروفه

حبيبتي يعطيج العافيه ... ناطرينج

 

[إيمي1987]

واااااااااااااااااااي القصة رووووووووووووووووووووووووووووووووووووووووووووووووووعه


ناطرينج اخذي رااحتج

توقعت امه

لوول اول دخول لي بالقصة هذي ناطره ومتابعه

وايضا ناطره تكملين القصة القديمة

موفقه

 

[so_what]

waiting

 

[%برستيج%]

يعطيج العافيه كملى ناطرينج

 

[sweet.sanfoora]

waiting !

 

[ma3boocha]

ناطرين حبيبتي

تكفين كملي القصه لا تقطعينها .

 

[تفاحة بيتنا]

البارت التاسع

الماس بابتسامه :توقعت امك اساسا فيها شبهه منك
سعود يتنهد: وهذا الي ذابحني
الماس:ليش تعامل امك جذي
سعود انقلبت ملامحه:مايشرفني تكون امي
الماس:هلووو شنو ما يشرفك الام مهما تكون تشرفك وتشرف اخوانك كلهم
سعود:سالفه طوويله وبقولها باختصار ..سالفه وكل مافيها انه امي كانت تشتغل بيت يدي خدامه وابوي غلط معاها وحملت وتزوجها ويابني وبعد ما يبتناا سافرت بريطانيا لانها ما تتحمل الذل الي عايشته من يدي ويدتي وبعد كل هالسنيين ياييه تقول لي اخذ كل فلوس اخوك عبدالله وسجلهم باسمك معناها ما سالت عني من 27 سن
الماس:اووف صج ما تستحي
سعود:شفتي شلون ..ماعلينا نغير الموضوع ..اييه شخبارج بعد
بهاللحظه قطع عليهم صوت فهد ولد خالة الماس ...
فهد بعصبيه:المااس ..
الماس لفت وبينها وبين نفسها ولييه شيبي النشبه هذا :هلا انت شجايبك اهني ؟
فهد بعصبيه: منو هذا
الماس :رفيج ابوي اقصد ابوه رفيج ابوي
فهد ويمسك ايد الماس:وشكو تمشين معاه
سعود ينزل ايد فهد :لو سمحت اخووي ايدك ..
فهد يوخر ايد سعود:انت مالك شغل
الماس :شفيييك انت انا كنت مضيعه الفندق واهو قاعد يدلني
فهد: وسوولف وضحك ؟؟ وبعدين لا تنسين انه انتي خطيبتي..ويسحبها من ايدهاا ..

سعود تصكرت جدامه كل الابواب ..وبهالوقت ضحك ضحكه هستيريه ..عررف انه ماله حظ بهالدنيا ..

الماس :انت هيي شكوو خطيبتك
فهد :امشي بسسس رضيتي او نطقيتي انت لي ...
الماس:اقووول هيي نسيت نفسسك وعطيتك وجهه زياده عن اللزوم هد ايدي احسسن لا اسوي لك سالفه ما صارت ولا استووت ..
فهد:اووكي بتشوفين يالماس ..

ردت الماس للمكان الي خلت سعود واقف فييه ..ولقته واقف بنفس المكان
الماس:سعود انا جايه اعتذر
سعود يبتسم:على شنو
الماس:من تصرف ولد خالتي ترى هذا متخلف
سعود:مايصير المراه تقول عن ريلها جذي
الماس تضحك ضحكه عاليه:اي ريل ..هذا يتحلم اني اكون مرته ..
سعود:ليش انتي مو مرته؟
الماس:اييه مرته بس بالاحلام
سعود:عيل شحقه يقول خطيبتي
الماس:اهوو دايما يقول جذي ...

فهد من بعيد واقف يصورهم ..خصوصا انهم واقفين عند مطعم وليت كان قوي واشكالهم مبينه


سعود:الماس بقولج شيء ..
الماس:تفضل
سعود:انااا احبج
الماس تبتسم :....
سعود:وانتي في احد بقلبج
الماس .......
سعود:امبيييه طاااع الوويهه صار لونه احمر وردي اخضر بنفسجي
الماس:شدعوه قوس قزح
سعود:ههههههههههههههههههههههههههههههههه
الماس:برد الفندق من وين
سعود:بالاول انتي في احد بقلبج
الماس:ماحد بقلبي غير امي وابوي واخواني بس
سعود :وانااا
الماس :بسس قلت
سعود:قريب بتقولين انت وامي وابوي واخواني
الماس:اييه خير
سعود :هههههه لا تتحدين ..
الماس: ماحد خلني اعجب فييه غيرر..
سعود:غيررر...كملي
الماس :لف ويهك استحي
سعود اوكي..ويلف ويهه
الماس :غيرررك وتمشي
سعود:هههه تعالي وين بترويحن والله طلعتي خجوله
الماس:امبييه اخلص ردني الفندق ..
سعود:اووكي برردج بس بشرط بعد
الماس:لاحوووووول تدري شلون بروح بروحي
سعود:لا خلااص يلا امشي اوصلج ..

بعد شهرين بالضبط ..

جاسم:هذي المعلومات الي تبيها على البنت جبتها كلها
عبدالله :يشووف الاسسم فدييتك والله ياتاج راسي انت..ويكتب له شيك بعشرين الف
جاسم:عسى كل يوم تبي معلومات عن بنت

مروا شهرين ..والماس وسعود يحبون بعض اكثر من قبل ..

الماس تتمشى بصاله
الماس:اوول مره تحب يائلبي واول يووم تتهنى يا ماا على نار الحب ئالووو لي ولئيتهاا من الجنه ..اول مرره ..تررن تترن ررن تررن ..لييييه بيئول الحب اسيئه لييه بيئول شجن ودموع اول حب يمر عليييييه ومليء دنيا فرح وشمووع ..افرح واملىء دنيا اماني لا انا ولا انت حـ نعشق تاني..
ابرار:هههههههههههههههههه زعجتينا ترى ..
الماس:مستااانسه ..
ابرار:متى ناوي يخطبج ويفكنا منج
الماس:موو شرط يتزوجني اهم شيء الوناسه الي مستانستها الحين ..
ابرار:الله يخليكم لبعض

في مكتب سعود
عبدالله:سعود لقيتهااااااا سعود لقيتها
سعود اول مره يشوف اخووه سعيد جذي:منو هذي ؟
عبدالله:الماس
سعود وقف قلبه:منو الماس
عبدالله:باختصار بنت شفتها بلندن وحبيتهاااا وعطيتها رقمي ومادقت وسويت سيرج عنها ولقيتهااا ..تعرف يا سعود اني اليوم بروح اكلم الوالد عشان يخطبها
سعود:شنو اسمها الكامل..
عبدالله يفتح الورقه:الماس جاسم الـ
سعود الي اختبص وجهه:الله يقدم الخير والف مبروك
عبدالله:شفيك سعود
سعود: لا ابد ماكو شيء ..بس مستغرب منك ..اول مره تتعلق بنت جذي
عبدالله:شهررين شهررين وانا من حلم لحلم والحمدالله قريب بيتحقق الحلم .يلا عن اذنك ياخووي بروح اقول للوالد يخطبها
سعود قرب عند اخوه وحضنه ودمعه بعيونه:الف مبروك ياخوي..

ابو رنا :خلاص انا بكلم بو سعود والي في الخير يقدمه ربكم
ام رنا:ان شاءالله وما بيلقاء احسن من رنا ..

الماس :الوو
سعود بصووت يذبح:نعم
الماس:بسم الله شفيك
سعود بصراخ:مافيني شيء شتبين
الماس :شفيك تصاارخ..
سعود بصراخ:مابيييييج ورقمي لا ادقين عليه انتي لو فيج خير ما خنتي اهلج !!
الماس بترد ويسد تلفون بوجهها ..
سعود بطل زراير دشداشته وقعد يبجي بجي مو طبيعي:ياربي شمعنى اهي ..في 200الف بنت في الكويت غيرهاا ..ياررب شمعنى اهي ..ياررب والله امووت فيها ..اه ياقلبي اخووي عبدالله يحب الي احبها ..ياما فرحني وحزن واهوو لازم لازم اخلي يستانس لو على حزني اناا ..

آهـ ياضروف والله ما أقدر
وعلى بعدك مضطر
وياقلبى لازم أرحل
بس قبل ما أرحل ...!
أبي هالكلمه تبقى في بالكـ
ودوم مـاتنسى أني مــازلت ..

آحـــــــــبكـــ


الماس كانت مثل المجنونه مو عارفه شتسوي ...وتوقعت انه مقلب او شوي كانت منسدحه وحاطه تلفون جنبها تنطر سعود يدق

الماس ماقدرت تنطر اكثر من 10دقايق ودقت ودقت ودقت ...

دزت مسج ((سعود حبيبي شفيك شسويت لك ..))

سعود:اه ياقلبي انت ما سويتي شيء بس هذا القدر ...ومارد عليها


الماس(سعود عفييه رد علي بس قولي شفيك))

سعود قرر يكرههااا فيه ويدز لها مسج يخلها تكره صجج

سعود((شوفي يابنت الناس انتي ما تصلحين لي الصراحه انا ادور وحده محترمه ومابيج وبكل صراحه انا ناوي اخطب بنت عمي واتزوج والله يوفقج ويوفقني شوفي طريقج يابنت الحلال))

ابرار :شفيهه ويهج جذي
الماس:...شفت المسج ونهارت بجي ..
ابرار :شفييج ..
الماس:شوفي الحقير شوفي الحقرر شيقول ...
ابرار:تقرا المسج ومنصدمه ...بالعنته خلي يولي
الماس:شنو يولي ..انا حبييته والله حبيته تخيلي كل يوم لازم اكلمه عن ما يقل 16ساعه ..ويولي الحين
ابرار تحضن اختها :بتلقين احسن منه تعوذي من ابليس وادعي ربج ..
الماس وتبجي حييييل:وين القاء احسن منه وييييييين ؟

في بيت ابو سعود:

عبدالله :يما يبااا انا ناوي اخطب ...​

 

[so_what]

يسلموو على البارت ، و سعود يكسر الخاطر بس على الاقل جان دافع عن حبه شوي

 

[spongebob93]

مشكووره عالبااارت =\ حرااام سعود كسر خاطري :"(
ناطرينج

 

[طماطه وبطاطه]

شنو سعود يخليها تحبه واخر شي يهدها @@ اوكي تحب اخوك وتضحي بس مو بحبك وقلب البنيه ينكسر عادي:/

كملي حبيبتي ثااانكي

 

[pearlq8]

لااااااااااااااااا مو صج حرااااااااااااااام عليك سعود تبيع حبك عالاقل جان قتله

والله احتريييييييييييييييييت من قلب

ثانكس حبيبتي ناطرينج

 

[عثمان حبي]

وناااسه كملي قصير البارت وانت واعدتنا كل يوم تنزلين بارت يالله عاد لاتطولين حدي مندمجه

 

[dlo3t^baba]

لا حرام مايصير
يسلمووو عالبارت ^_^

 

[إيمي1987]

مسكين سعووود


كسر خاطري بدأ مشوووار التضحية من اهو وصغير وبيكمل معاه هالمشوار واهو كبير


تسلمين حبوبة


ناطرينج مع البارت