قصتي تحكيها لندن ... قصتي الرابعه بعد توقف الثالثه

[عثمان حبي]

عجييبه كملي لاتطولين

 

[كويتية بحتة]

waiting

 

[pearlq8]

waiting

 

[sweet.sanfoora]

وييييييييييييتنغ

 

[تفاحة بيتنا]

البارت السابع

اليوم الثاني من طيحة ابو محمد ..

سعود خلص الاجراءات كلها وخصوصا انه عطله في الكويت فكان متوقع انه الماس بتجي معاهم فسبقهم على المانيا ...

محمد:اخذت اجازه والطياره طياره خاصه ونقدر نروح كلنا فيها مثل ما ثال سعود..
ام محمد:لا لا ليش كلنا نروح انت وانت بس
ابرار: يما واحنا نقعد بروحنا بدون اي احد
محمد: لا يما احسن شيء نأخذ خواتي كلهم شيسون اهني بروحهم وخصوصا انه لا خوالي ولا عمامي فاضين لهم
الماس ساكته وسرحانه ..
ام محمد: خلاص يلا تزهبوا الطياره ساعه 9 بالليل

صعدوا البنات غرفتهم ..
ابرار: يااا سبحان الله شلون رحنا لندن وشلون التقينا بهذا .. بس تصدقين الماس شكله يحبج
الماس ساكته
ابرار: تخيلي لو ابوي ان شاءالله يصير زين بشنو بيكافئه
الماس ساكته
ابرار: ياهو اكلمج
الماس وتبجي حيييييل: قلبي منقبض اخاااف ابوي يمووت اخاف ابوي يموت شنسوي من بعده
ابرار وهي تبجي : خلي ايمانج بالله قوي وصدقيني ابوي كلها اسبوعين وبيكون بخير وعافيه وقومي صلي وادعي له
الماس : ان شاءالله ..

الكويت ساعه 3 العصر
عبدالله يدخل بيتهم وطبعا اول غرفه بيدخلها غرفة سعود ...
عبدالله دخل لقاء الغرفه فاضيه لا ملابس ولا عطور ولا شيء ...بس الفراشات ..
عبدالله صعد الدار امه
عبدالله: يما وين سعود
ام عبدالله:ذلف باالي ما يحفظه شدراني
عبدالله منغث: يمااا اخلصي وين سعود
ام عبدالله:ابووك طقه كف وقال له سراق وزعل صاير بس يتزعل
عبدالله معصب :ابفههم ابوي شفيه عليه هذا ريال صار اطول منه ويمد ايده عليه وبعدين وياكم يعني
ام عبدالله :انطر انطر بيييك خيرره ذيك ساعه بتذكر منو سعود عدل...
عبدالله طلع ومسك تلفونه يدق على سعود لقاه مغلق ...
دق على رفيجه جاسم ..
جاسم:اهليييييييييين بو سعود
عبدالله:هلا فيك شخبارك
جاسم :بخير وانت؟
عبدالله:بخير .. بقولك شغله انت تشتغل بمطار الكويت .؟
جاسم :اييه اشتغل امرني
عبدالله: مايامر عليك عدو ...في اجهزه رقابه بالمطار وكاميرات صح ؟
جاسم :اييه ..
عبدالله :خلاص بمرك ونتفاهم بعدين
جاسم:ههههههههه الله يستر اووكي ناطرك..

مرت الساعات وساعه 9 بالليل ركبوا الطائره خاصه
كان بالطائره ممرضات ودكاتره ..كانت فخمه جدا ..
الماس كان ذبلانه ومتضايقه وكنت مو مهتمه اذا الطياره فخمه او ركبت طياره خاصه اهم شيء الحين صحة ابوها

كانت لابسه جينز وقميص اسود طويل وعلى الزوايه كان في نقش خفيف .. وملفع اسود ..مو حاطه اي ميكيب

بعد مرور 6ساعات في الطائره تم الوصول الى المانيا

..كان باستقبالهم سعود كان لابس بدله رسميه لانه كان باجتماع ..مع احد شركائه كان شكله رزه وهيبه ..

سعود:الحمدالله على سلامتكم
محمد:الله يسلمك ..
وصلوا الاسعاف وكان نقل خاص لنقله الى ارقى مستشفيات المانيا ...

لما طلعوا كان بانتظارهم سيارة بنتلي ارناج ..

كل هذا ما كان بعين الماس وقررت تركب مع ابوها بسيارة الاسعاف ..

سعود راح الفندق ماحب يضايقهم وعطى محمد تلفون وخط اذا احتاج اي شيء يدق عليه ...

مر اليوم الاول في المانيا بهدوء والعمليه كانت ثاني يوم ساعه 8 الصبح ..

الماس ما جاءها نوم ومن امس سهرانه وتدعي وكان هذا حال البيت كله ..

في بريطانيا
رنا :تعرفين شنو احبه يعني مجنونه فيه
هديل:خلاص بكل بساطه روحي له وقولي سعود ياو لد عمي انا احبك وصدقيني بيتزوجج مو تقولين ناوي يثبت نفسه بالعايله
رنا:اممممم مادري انا كل فتره وفتره ادق اسمع صوته امبيه فديته واييد ثقيل ..بخلي ابوي يكلم ابوه وبجذي نضرب عضفورين بحجر ..اولا عمي امنيته يرجع العلاقه مع ابوي خصوصا بعد زعلتهم الجايده ..وثاني شيء سعود امنيته يتزوج من بنات عمه عشان يثب نفسه وخصوصا انه خطبني قبل وانا رفضته كان عمره 21 وانا توني 19
هديل: خلاص عيل ما باقي شيء وتاخذ الدكتواره ونرجع الكويت ونفرح بعرسج
رنا تبتسم :الله يسمع منج يارب

المانيا ساعه 8 الصبح
لكل متوتر ..وخااايف ..ولكل يترقب لحظه خروج الدكتور ...

سعود راحت عليه نوومه وهم ماحب يضايق الناس وقال للدكتوره اذا خلصت العمليه دق علي وبلغني ..

بعد مرور 3ساعات

الدكتور بالماني طبعا: انتم عايلته ؟

لكل يتقرب وساكتين ومو عارفين شيء ..

الدكتور :المريض .........


اكمل لكم البارت الجايه لزووم التشوويق وناطره ارائكم :ch12:

البارت الجايه باجر وخلاص راح التزم معاكم لانه انتهينا امتحانات​

 

[so_what]

يسلموو

 

[zoqaaa]

thnxxx

 

[Riooma]

mo sij laish 3alagteni ma7ebech

 

[طماطه وبطاطه]

لاااااااااااااااااااااااااااااااا ليش وقفتي

 

[عثمان حبي]

ان شاءلله فالج التوفيق

 

[spongebob93]

مشكووره عالبارت ..
ماتوقع ابوها يموت ..,
ناطرينج

 

[pearlq8]

لااااااااااااااااااااااااااااااااااااااااا ليش

ناطريييييييييييييييييييييينج

 

[الحبوبه الطيوبه]

مشكووووره علي البارت
ولاطولين علينا حبوبه

 

[عيون الورد]

القصه رووووعه

ناطررررينج

 

[pearlq8]

waaaaaaaaaaaaaaaaaaiiiiiiiiiiiiiiiiiiiiiiiiiiitttttttttttttinnnnnnnnnnnnng

 

[b6ooo6a*_*]

ناطرينج

 

[عثمان حبي]

يالله وينج

 

[تفاحة بيتنا]

البارت الثامن

الدكتور :المريض حالته مستقره والعمليه نجحت
ام محمد تلقائيا قعدت تلولش
محمد:يما بس بس فضحتينا ..
الماس: الحمدالله لك يارب الحمدالله ..

لكل كان ناطر وسعود نايم لساعه 4 عصر ..
سعود قام من النوم ودق على المستشفى ..وقالوا الخبر ودق على محمد يبارك ..

الماس:ابرار شلون نجازي سعود
ابرار:مادري ...
الماس: والله ريال ورياييل قليلا الحين ..اهو مو من قرايبنا لا ولد عمنا ولا ولد خالنا ويسوي جذي
ابرار:والمشكله انتي لاعنه خيره بعده لو حابته شنو بيسوي ...
الماس تضحك : تصدقين لما ابوي طاح وتعب كرهت الفلوس كرهت كل شيء قلت اهم شيء العافيه ..
ابرار :صججج بعد ما صار الي تبيينه كرهتي كل شيء الحين
الماس:هههههههههههههههههههههه

مر نص ساعه ونزلت الماس للكوفي الي تحت تشرب قهوه ..ولمحت سعود داخل المستشفى ..
الماس وهي تمشي وراء سعود :اخوي سعود اخوي سعود
سعود:هلا ولف:هلااا واللله الحمدالله على سلامة الوالد..
الماس :الله يسلمك ..اخوي انا اسفه على سويته كله انا بحياتي ما اعتذرت ..بس انت احرجتني ..انا ماراح انسى موقفك هذا طول حياتي
سعود:اولا انا مو اخوج.. ثانيا اذا ما اساعد ولد ديرتي اساعد منو ..ثالثا ترى الي سويته كله مو بلاش وابي منه مقابل
الماس استغربت : اييه اكييد بنرجع لك الفلوس كامله
سعود: فلوس ..هههه لا اخر همي ..انا مابي لا من اخوج ولا ابوج ابي منج انتي
الماس خافت: وشنو تبي مني ؟
سعود:اول شيء وعديني انه بتسوين هذا الشيء
الماس:على حسب الطلب ..
سعود:ابي قلبج وعقلج
الماس انحرجت : تستاهلهم ..ومشت
سعود قعد ينطط من الفرحه ..والماس تمشي وتبوسم

الكويت

جاسم :عبدالله الي تبيه صعب
عبدالله:مستعد ادفع لك 20الف كاش بس القيهااا
جاسم:يا عبدالله انت تعرض وظيفتي الخطر
عبدالله:اوظفك مدير عندي بس ابي هالطلب
جاسم :اووكي بحاول خلال يومين برد عليك
عبدالله: لا جاسم يومين صعبه ابي باجر اليوم ..تكفى جاسم ما انسى لك هالموضوع طول حياتي
جاسم:ابفهم هالبنت شسالفتها
عبدالله: جاسم لا تدخل بالتفاصيل سوى الي قلت لك عليه
جاسم:اوك اوك بحاول باجر ارد لك خبر


باريس
لورينا:ناصر
ناصر:عيوونه
لورينا:ابي اروح الكويت
ناصر فز :ليشششش
لورينا: بشوف عبدالله وحبيبته..
ناصر: هااا اوكي اوكي
لورينا:شفيك ارتبكت ..انت مشكلتك تجذب وتوهق
ناصر :شكو اجذب ..
لورينا توقف : لا ماكو شيء ..سي يوو سويتي
ناصر بينه وبين نفسه:بلي ما يحفظج

المانيا

ساعه 9بالليل

الماس قعدت ..وراحت ادور آكل ومالقت ..راحت الابرار النايمه
الماس:ابرار ابرار قومي يوعانه
ابرار:يؤؤ شدخلني فيج روحي قولي لمحمد
الماس:رحت افتريت بالبيت آمي ومحمد مو اهني
ابرار:نزلي الرسبشن تحت واساليهم ..
الماس:يؤؤ بروحي
ابرار:الماس وخرري عاد ترى مو نايمه صار لي 3ايام

الماس راحت ابدلت البست جاكيت اسود وتحته بلوزه سووده وجينز..ولبست بووت واصل لنص الجينز وملفع اسود..

الماس نزلت واضغطت 0 نزلها لاخر شيء مسافط
ضغطت 1ودها الرسبشن ..
الماس تكلمها بالانجليزي ..:وقالوا لها انه المطعم اخر دور

وصعدت دخلت المطعم كان شبه شبه خيالي ..الديكورات ذهبي باحمر الي هناك اكشخ ما يكون ..تحس انه بينهم خدامه ..

الجرسون بالانجليزي: ما اسمك
الماس مرتبكه:الماس خالد
الجرسون :لا يوجد حجز باسم الماس خالد
الماس: لا لا لم احجز مسبقا
الجرسون :غير مسموح للدخول فقط للحاجزين

سعود كان بين الموجودين ولمح الماس تسولف مع الجرسون وقام ..

الماس للجرسون:بس انا حاجزه في الفندق نفسه
الجرسون:....
سعود:السيده معي شكرا لك

الماس:شتسوي اهني
سعود:عشاء عمل
الماس:عطوني شوي
سعود:ههههههههههههههههههههههههههههههههههه تعالي اعرفج على طاقم العمل معاي
الماس: لا لا فشله شكو انااا
سعود يسحب الماس من ايدها:مو وقته حياء الحين

سعود يقرب من الطاوله وماسك ايد الماس ..كانت كلهم ملامحهم عربيه خليجيه
سعود: اعرفكم على ...ولف على الماس ..خطيبتي الماس
الماس صار ويههه احمرر
سعود:الماس هذا محمد خالد من الامارات هذا ناصر الفهد من الكويت هذا وائل البيسوني من لبنان وهذا عادل الحمد من السعوديه
الماس بخجل :هلا فيكم
لكل:هلا والله
سعود:استاذنكم ولنا اللقاء قريب

بالمصعد
الماس:امبيييييه ليش جذبت عليهم
سعود:مالي خلق اقول لهم السالفه من اول ويديد اختصرت القديم والمستقبل ويبتسم
الماس:احرجتني
سعود:شكلج احلى وانتي مستحيه
الماس تغير الموضوع :انزين وين راييحين ..
سعود:بروح اوكلج لا تاكليني
الماس:اوكلج هههههههه حسستني اني اسد
سعود:الي يشووفج قبل شوي يقول مو اسد بس
الماس:وين بتوكلني انزين ترى ما دل شيء
سعود: مطعم قريب من الفندق نروح له مشي

بعد العشاء وهم يتمشون
سعود:الماس
الماس:هلا
سعود:بقولج شغله
الماس:ِشنو
سعود:وبعدها بقولج القصه كلها ..
الماس:اي قصه وشنو الشغله
سعود:المراه الي شفتيها قبل
الماس:ايييه؟ شفيها
سعود:هذي آمي !!​

 

[so_what]

يسلموووو لا اطولين علينا بلييز

 

[عثمان حبي]

تسلمييين واللي يعافيج لاتطولين وليتج تطولين البارت