قصتي تحكيها لندن ... قصتي الرابعه بعد توقف الثالثه

[zoqaaa]

winech !

 

[KUWAITIYA72]

بصراحة ملينا من النطرة آنا عن نفسي ماراح ادخل على القصة مرة ثانية الا اذا دريت انها اكتملت وعقب اقراها مرة ثانية
ما احب هالتعلق اللي يسوونه بعض الكاتبات بدون اي مبرر او عذر ،،،، ويعطيج العافية وان شالله المانع خير

 

[تفاحة بيتنا]

البارت الخامس

مر يومين على مسج الماس وسعود ينتظر بشووق اتصالها او مسجها ..

في باريس
عبدالله: انا مليت تعرف شنو مليت كل شيء يذكرني فيها
ناصر: عاد صج صج انت متغير شفيك ياولد اثقل عاد ترى جد لوعة جبدي كل دقيقه وثانيه وينها وينها تدري شنو يبار ارجع الكويت وروح دورها ؟
عبدالله يفكر شوي : تصدق هذا بسوويه يلا ماشي الكويت
ناصر : هي هي اليوم عيد ميلاد لولو
عبدالله :بلعنتها برجع الكويت اليوم
ناصر : لا لا جد مجنون انت
عبدالله مشى وعطاء ظهره ..

الماس امممم شدز مسسج ياربي شدز لقيتها

((بدء موعد الانتقام امم حدد مكان ونلتقي))

سعود (( امممم اوكي وانا مستعد تبين مطعم او وين))

الماس بينها وبين نفسها مطعم ما ينفع ((امم مطعم ما ينفع تعال بمصافط الجزيره الخضرا))

سعود((ناويه على نيه قشرره ..اجيب معاي حديد))

الماس(( لا لا ما يحتاج ..))

سعود((ههههههه شكله معاج الحديد يلا انا ساعه 7 بالليل بكون هناك))

الماس ((سي يوو ))


بهالوقت سعود ركض للحلاق عشان يضبط عمره ...

باريس

عبدالله يدق على سعود
عبدالله:هلااااااااااا
سعود:اهلييييين انت دايما تدق باوقات غلط
عبدالله:ههههههههه ليش شعندك ..
سعود وهو متوهق: ماكو عندي موعد
عبدالله: ها ها لا يكووون تكلم
سعوود:وانت شكو اكلم او ما اكلم ؟
عبدالله : هدي هدي اعصابك ولا شكلنااا طحنا وماحد سما علينا
سعود: الله يخلي لك لوولوو
عبدالله: لا يبااا هالمره غير غير .. يلا اخليك
سعود:ههههههه اووك لا تدق
عبدالله :اذا خلصت بلغني شنو صايرمع الحب.. وانا باجر ساعه 9الصبح بكون بالكويت
سعود :على شنوو شفييك انت ماكو الحب ولا شيء
عبدالله:والله نبرة الصوت متغيره وانا اعرفك عدل ياخوي ...
سعود:ههههه تونا ماصرنا يومين عشان احدد حب او لا
عبدالله:الله يوفقك وادري انها ما تحصل مثلك بهالدنيا كلها
سعود:ويوفقك انت بعد ..
عبدالله:امووووووواه
سعود:يلااااااا قلب وجهك الحين ...ويسد تلفون

سعود اخو عبدالله من ابوه سعود اكبر من عبدالله بس الناس ينادون ابوهم بابو عبدالله لانه ابو سعود مو معترف فيه .. وكان هذا شيء ماثر بسعود حيل بعطيك نبذه عن حياتهم ..

سعوده عمره 27 وعبدالله عمره 25 حيييل ويا بعض ويحبون بعض حيل حيل لدرجة انه لبسهم نفس شيء كره ام عبدالله وابو عبدالله لسعود ماثر بعبدالله كان قبل يعطون عبدالله 100 كان يعطي سعود 70 ويخلي الباقي له ..وكل مكان ويا بعض ودايما عبدالله يحرم نفسه ويعطي سعود
حتى السيارات لما كان عمر سعود 19 كان سيارة عبدالله اكشخ وكانوا يتبادلون السيارات ..سعود ما كان يشكي لاحد ابدا ابدا الا الاخوه عبدالله ..
وسعود مايحب البنات ولا عمره كلم ..اما عبدالله ماظل بنت ما كلمهااا ..وسعود كان يتزاعل وياه وسبب هالسوالف..

مر الوقت سعود ينطر يشوف الماس .. وعبدالله يدور الماس ..

باللبس والسيارات كان ذوقهم واحد..ومايدرون انه حتى بالحب ذوقهم واحد

الماس ((نازله من سيارتها التيما 2006)) وسعود كان واقف وناطرها ..

الماس تقرب من سعود وتخزه من فوق لتحت تلتفت يمين يسار لقت جم عايله قاعده

الماس بدون نقااش ابيك توقف بنص هالعايلتين وتقول انا مجنون بصراخ
سعود: زين سلمي
الماس:لا تناقش يلاا
سعود:ماتوقعت العقاب بيكون جذي ترى العقاب النفسي اقوى
الماس:اخلصصص
سعود: اوكي اوكي

سعود يمشي ويلتفت على الماس ويوقف بنص وبصراخ:انااااا مجنووووووووووووووووون

العايلتين يلتفتون ويطالعون بعض وصار همس بينهم

سعود صار وجهه احمر مو عارف شيسوي ويرجع للماس الي تضحك
سعود:هااا خلاص الحين

الماس تاشر براسها: لااا

سعود شنو بعد

الماس:ابيك تنزل للبحر بملابسك ..

سعود :لا انتي مجنووونه رسمي

الماس: مو تبي اسامحك ..يلااا انزل ..

سعود: اووك ..سعود نزل البحر ..

بهالوقت ماتت ضحك الماس وراحت ..

سعود يطلع البحر وهو متبلل ويدور الماس لقاهااا رايحه ..العايلتين يخزوون سعود ..

سعود مشى بخطوات سريعه والماي ينقط منه:والله تمصخرت يابو عبدالله<<يسمي نفسه ابو عبدالله على اخوه..

الماس وهي تمشي راده البيت:امبييه شحلاته شحلاته​

 

[تفاحة بيتنا]

البارت السادس

سعود رجع البيت واهو متبلل مسك تلفونه ودز مسج ((اوكي الحين انتي راضيه ))

الماس: ((ايه راضيه كل الرضا ...ههههههههه يالمجنون))

سعود ((ههههه اوكي الحين نفتح صفحه جديده))

ام الماس:الماسس تعالي عشا,,
الماس: نزلت وماردت على المسج ..

باريس
لورينا:يعني شلون مو راضي يجي..اهو شفيه متغير ..في شيء انا ماعرفه
ناصر:لولو واقسم بالله مادري عن شيء ..بس ليش انا مو كافي
لورينا:ناصر انت جاست فريند بس عبدالله هو ماي لوف
ناصر:لولو مافرقت لا تخربين فرحتج بعيد ميلادج بعدين تفاهمي معاه
لورينا:شووف وصل له اذا وحده بالله صدقني اهو وياها بيكرهون حياتهم ..
ناصر: لورينا شالتفكير الخايس هذا ؟ بكيفه هذا حياته وبعدين تبين الصراحه اهو يحب وحده
لورينا شهقت :شنووووووو ليش على باله اهو بكيفه يحدد متى ننهي العلاقه ومتى نبديها .. لا لا ياعمري لا اهو ولا اكبر راس بالدنيا يخليني انا اخلي عادي بس يخليني نو واي
ناصر بينه وبين نفس:شـ العيششه هذي .. شدراني لولو تفاهمي معاه
لورينا: اوكي ..امسك ايدي ويلاا ندخل الحفل ..
ناصر يمسك ايدها :يلااا

لورينا سعوديه وعايشه ببريطانيا مع امها ابوها من اغنى تجار السعوديه ..وهي عايشه عند امها لانه سعوديه بنسبه لها مو معطيتها الحريه ..عمرها 23سنه ..لبسها وتحررها زيادة عن اللزوم ..


الكويت
ام عبدالله:اقوول يابوعبدالله ترى سعوود ماسك شاركتنا كلها ومايندرا يمكن يسرق مننا؟
ابو عبدالله: استغفر الله ياربي ترى ولدي وانا مربيه
ام عبدالله: أي مربيه ولي يسلمك الله يخلي الخدم ..
ابو عبدالله: خلاص خلي ولد الي مدلللته يمسك شركتنا وبلعب فيها
ام عبدالله: يؤؤ يا تفكيرك لا اقصد ليه ما نمسك اخوي خالد الشركات ؟
ابو عبدالله:اخوج المعفن السكير يمسك شاركات والمليارات ؟؟
ام عبدالله: سابقا سابقا .. الحين تاب وللله الحمد
ابو عبدالله :اقوول غيري الموضوع وبعدين يصير خير ؟
ام عبدالله :فكر فيها ..الي امه ماله لا اصل ولا فصل ولا مذهب ولا دين يسووي بلاوي ..وترى معروفه بالكويت لا بغيت تعرف الولد اسال عن خواله ..
ابو عبدالله:بفكر بفكر يلا بقووم انزل تحت ..
ام عبدالله بينها وبين نفسها: كبر وصار حنون مالت بس

ابو عبدالله راح جناح سعود وبطل الباب لقاء سعود يصلي
ابو عبدالله مانطر يخلص سعود صلاته: لا خلصت تعال لي الدوانيه

سعود بنص صلاه :سم يبا
ابو عبدالله يضحك ..
سعود :اووف نسيت ان شاءالله يبا لاحقك..ويعيد الصلاه ..

الماس تسولف الابرار كل الي صار
ابرار :امبييه شحلاته مبين طيب وحبوب
الماس:ههههههه
ابرار: والله وتحقق حلمج
الماس: مادري بس قلبي قابضني من ناحيته ..
ابرار :ليش يعني ..
الماس: مادري احس قلبي قابضني ..

بـهـ الوقت ...

ام الماس:محمد محمد الحق علي
الماس:هذا مو صراخ امي
ابرار:الله يستر شنو صاير
ويركضون ...
محمد جاء يركض من غرفته ..
ابو محمد طايح ..
الماس بصراخ:شنوو ابوووي مات
محمد:يبا يبااا ...شفييه ابوي..محمد شاله ابووه وركضوا كل بيت معاه ..

بالدوانيه
ابو عبدالله:سعود وين الحسابات
سعود:أي حسابات يبا.
ابو عبدالله :حسابات شركتنا ؟
سعود يبتسم:عند المحاسب يبا
ابو عبدالله بصراخ :شكوو توديها عند المحاسب شدراني انك مو راشي المحاسب
سعود يخز ابوه: شووف يبا سعود الاول الصغير راح ..كلمني بدون صراخ وبعدين شبي بفلوسك يعني الحمدالله انا كونت نفسي بنفسي..الي ماسك حلالي وحلال اخوي عبدالله..
ابو عبدالله:مشاءالله صاير رجال على ابوك
سعود :يبا انا شنو قلت ..اقولك الواقع
ابو عبدالله: اقوول ترى لا تحسب اني عطيتك الحلال عشان سواد عيونك ..لولا ولدي عبدالله ما شفت ولا فلس تمسكه انت
سعود بصراخ :اقووووول عاد اهني وبسس..شركاتك انت وولدك عبدالله ماراح امسكهم ودور لك احد بدالي تثق فيه يمسكهم..وبتشوف الخساره الي بتصير لك
ابو عبدالله بعصبيه: انقلع ياولد ......وطررررراق مو ناقص الا انت تهدد
سعود كان بيمد ايده على ابوه الي عمره مادر عنه لف وجهه ونزل راسه: اعوذ بالله من الشيطان
ابو عبدالله:انقلع برى البيت مابي اشووف وجهك اهني
سعود :ولا يهمك وقبل لا يطلع قرب عند ابوه وحب راسه
ابو عبدالله يدزه:اذلف بسس...

سعود جمع اغراضه ..وكل شيء يخص بالبيت وطلع ..

راح عند بيتهم القديم ووقف جدامه

تذكر قبل 17سنه كان عمره 10 سنين
سعود يركض:يبا يبا ..شوف شهادتي متوفق
ابو عبدالله:انقلع شدخلني فيك ..تفوقت ولا ماتفوقت مو ناقص الا انت ياولد الخادمه
سعود وفي براءة الطفوله نزلت دمعه من عينه وقبل لا يصعد لغرفته
عبدالله الي عمره 7سنين:يبا انا ناجح
ابو عبدالله: ايه ايه انت ارفع راسي وانا ابوك ترى ماعندك غيري
سعود يصعد غرفته ويبجي يبجي ويدخل عليه اخو عبدالله ويحضنه
عبدالله: لا تزعل ترى ابوي معصب
سعود:ابفهم شالفرق بيني وبينك
عبدالله: انا احبك سعود
سعود واهو يبجي ويحضن اخوه


سعود: ولد الخادمه ولد الخادمه ابفهم انا انولدت ليشش ليشش ويطق ايده بحديد جدامه .لين طلع دم

الماس:ابووي شفيه
محمد:جلطه بالقلب
الماس وهي تبجي :انت شتقول
ابرار :تحضن الماس ويبجون
ام محمد تبجي :يابنات ادعوا له البجي ما يفيد مايفيد
محمد :ينزل راسه ويبجي..

سعود واهو داخل المستشفى الحكومي واول مره يدخله لانه ناسي فلوسه بالبيت راح وضمودا له ايده ..سعود وهو ينتظر كان يدور مكاينة ماي لانه عند خرده ..

ولمح الماس قاعده ..شااف لوحة مكتوب فوق وحدة العناية المركزه..

شافها منزله راسها مو وحاطه مكياج مو كاشخه عبايه وملفع احلى بكثير ..الماس رفعت راسها ودموعها تنزل .. كان وده يروح ويحضنها ويقولها مو حلو عليج الحزن

وسعود واقف من بعيد يطالع راح بيكلمها وشاف جنبها اخوها ..
سعود رجع وراح سال الممرضه:لو سمحتي في واحد الحين دخل العنايه المركزه ..العايله ايل قاعده اهني
الممرضه ايه شنو فيهم..
سعود:شنو سالفتهم..
الممرضه:ليش شتقرب لهم
سعود توهق :ولد جيرانهم
الممرضه .: ابوهم في تجلط في القلب ويحتاج الى عمليه
سعود:وبيسونها اهني ..
الممرضه :ايه قاعد انجهز الاوراق

سعود يمشي مسرع لمحمد ..
سعود:سلام عليكم اخوي
محمد:وعليكم السلام ياهلا
الماس رفعت راسها وشافت سعود انجنت
سعود:عسى ماشر شفيه الوالد
محمد:والله طاح علينا فيه تجلط بالقلب
سعود:لا مايشووف شر هو صديق الوالد ..وين ناووين تسوين له عمليه
محمد:الشر مايجيك ..والله ناطرين الاوراق تخلص وناويين نسويها اهني
سعود:تسووين اهني عملية قسطره منو بايع عمره يسوي مستشفيات حكوميه لا خدمات و لا دكاتره خبره
محمد:شنسوي لو عندنا ميزانيه كان ودينا باسرع وقت
سعود:شووف ابوك وابوي ربع من عمر وصدقني انا اعتبره مثل ابوي تكلفة سفرة ابوك للخارج كلها على حسابي من باجر بنوديه المانيا
محمد: لا والله ماله داعي ..بس انت منو ولده
سعود:انا ولد جاسم الـ..
محمد:بس ابوي ما يعرف ابوك ..حنا نشوف ابوك بالجرايد
سعود: لا لا صدقني كنت صغير وقتها انت ((يبي يرقع)) وابوك وابوي يعلبون كوره مع بعض ودايما يسولف لي عنه ..والله لو اقول لابوي بيطير من الفرح لانه سنين وهو يدور ابوك
محمد مستغرب: يابو جاسم ماله داعي ..ونبي نسوي العمليه اهني
سعود:والله عاد باجر سفرة ابوك ولا تناقش هذي فيها حياة ابوك ..
محمد:بس اسسدد لك فلوس السفره
سعود:يصير خير
محمد:ماراح اوافق الا بهالسالفه
سعود:اوكي ..يلا عن اذنك اجهز للسفره وماتشوفون شر..عشان عين تكرم مدينه ويلف على الماس ويبتسم

الماس:بهالوقت تراقب الكلام ماتدري هي بحلم او بعلم ..وماتدري شلون تجازي هالولد لولا انه اخوها واقف جان قامت وحضنته ..​

 

[تفاحة بيتنا]

بصراحة ملينا من النطرة آنا عن نفسي ماراح ادخل على القصة مرة ثانية الا اذا دريت انها اكتملت وعقب اقراها مرة ثانية
ما احب هالتعلق اللي يسوونه بعض الكاتبات بدون اي مبرر او عذر ،،،، ويعطيج العافية وان شالله المانع خير

اولا حبيبتي حياج الله سوى دخلتي او مادخلتي القصه بكملها

ثانيا:بدال لا تقولين شكرا يعطيج العافيه كاتبه جذي ..وانا ادخل بنص الامتحانات واكتب بارتات ..وغير السيرفر المنتدى كل مادخلت يطلع لي اكس الا هاليومين تعدل ..

على العموم حياج الله وقصتي بكملها متى ما كنت فاضيه ​

 

[so_what]

يسلموو على البارت

 

[b6ooo6a*_*]

يسلمووو على البارت نااطرينج لا اطولين

 

[zoqaaa]

thnx 7ubiii

 

[عذبة_الأطباع]

مررررحباااااااااااا
والصراحة خووووووش قصة وناطرين البارت الياي
ويعطيج العافية ياتفاحة ...

وبالنسبة لقصة كويتيات تائهات كنت من متابعينها
والصراحة حسافة عليها لانها من اروع القصص وكنت اتمنى نهايتها
وان شاءالله تخلصين من هالقصة ونشوف تكملة القصة الثانية .. ومعذووورة ياقلبي ​

 

[KUWAITIYA72]

آسفة يا تفاحة وحقج علي والله مو قصدي ازعلج بس من كثر ماني متحمسة حق القصة قلت جذيه وكنت انطر
منج تردين علينا وتقولين عطوني جم يوم عموما آنا ماكنت قد كلامي وما طاوعني قلبي اني ما ادخل واشوف اذا نزلتي
بارت يديد والا لأ وقريته واستانست فيه يعطيج الف الف الف الف عافية ........وراح اتابع القصة لو نطرت سنة
وبتم احن عليج لما تخلصينها اشرايج (((

 

[مشتاقة الى الله]

الى متى بنظل ننطر البارت الثاني والله ما صارت
وصدقيني ما نستمتع جذي حن
يالله عافية نزليلنا بااااااارت

 

[dr.la6oof]

هااااي ... اول شي يعطيييج الف عاافيه على هالرواية العجيييبه


و مشكووووره على هالبارتات الروعه ...
موفقه ب امتحاناتج :*

 

[spongebob93]

ثااااانكس عالباااارت
ناطرينج

 

[b6ooo6a*_*]

ناطرينج

 

[طماطه وبطاطه]

كسر خاطري سعود

ناطريييييييين:>

 

[pearlq8]

thnx 7beeebtii y36eech al3afiaa al part raw3aa

waiting next part ;-)

 

[فافا7]

روووووووعه القصه وتسلم ايدج

ننتظر التكمله

 

[تفاحة بيتنا]

آسفة يا تفاحة وحقج علي والله مو قصدي ازعلج بس من كثر ماني متحمسة حق القصة قلت جذيه وكنت انطر
منج تردين علينا وتقولين عطوني جم يوم عموما آنا ماكنت قد كلامي وما طاوعني قلبي اني ما ادخل واشوف اذا نزلتي
بارت يديد والا لأ وقريته واستانست فيه يعطيج الف الف الف الف عافية ........وراح اتابع القصة لو نطرت سنة
وبتم احن عليج لما تخلصينها اشرايج (((

هلا ياقلبي

والله مو زعلاانه بس الحين فترة امتحانات وتعرفين خريجه لازم اشد حيلي

وصدقيني لو مادخلتي القصه جان شفتني راسله لج بارت بارت رساله خاصه

ومازعل من اخت عزيزه وغاليه​

 

[so_what]

waiting

 

[اكابر]

موفقه بالامتحانات .. ناطرين الباجي بوقت فراغج