قصتي تحكيها لندن ... قصتي الرابعه بعد توقف الثالثه

[pearlq8]

laaaaaaaaaaaaa lel7ain makoo part :S

waiting

 

[بسمه الم]

ناااطرينج حبوبه

 

[تفاحة بيتنا]

اسفه على التاخير ولكن مو مني من المنتدى السريع

اليوم بكتب 4بارتات بفترات متفرقه

 

[تفاحة بيتنا]

البارت الرابع


ثاني يوم نست ابرار تقول السالفه لاختها الماس ومر الوقت والماس تفتر بالندن عل وعسى تلقاء الي امس

زاد حقد الماس ودها ترد الصاع صاعين ..

ابو محمد شرايك ناخذ قطار ونروح باريس

الماس : لايبا شكوو شنسوي هناك وبعدين ماعندنا فيزا
ابو محمد : ايه صح نسيت موضوع الفيزا

بالجهة المقابله للمطعم
عبدالله :شووف البنت الي لابسسه قميص اسوود
ناصر: وينهااا ؟
عبدالله :هذييك ام غمازه
ناصر :يابويااااااااااا هذي ارض صاروخ جو تتوقع كويتيه؟
عبدالله :البس لبس كويتي وزين زين كويتي والله تسوى اتخلى عن لولو عشانها ..
ناصر: لولو ..معقوووله كل شيء جايز
عبدالله :اتخلى عن اهلي بعد عشانها
ناصر: شلون انضبطها الحين اهلها معاها
عبدالله :لحظه لحظه شنو انضبطها ترى مو كل وحده اختارها لازم جماعي مشترك مع بعض
ناصر :شدعووه لولو عرفتها علينا كلنااا وكلنا اخذنا المقسوم منها
عبدالله :لا لا هذي بالذات ابيها زواج
ناصر بصراخ: زووووووواج
عبدالله يبتسم :يس يس
ناصر :والله لو تدري امك جان يات من الكويت رقص
عبدالله :اقوول ديربالك تييب طاير لامي للحين مافي شيء اقول اهي تصلح للزواج بس

الماس بقلبها :يارب يارب اشووفه اوووف مو معقوله يوم كامل يمر يارب اذا كان في لندن اشوفه

سعود وصل الكويت وهو ينتظر اتصال الماس ..كان عنده امل انه الماس بتدق و تعصب عليه وتزفه وهو مستانس لانه ضمير مانبه حيل عمره ماذىء احد او زعله وهالمره يطق ..

لندن ..
الماس :بقوم اتمشى ..
ابو محمد مو تبعيدين
الماس:ابتمشى في الهايدبارك

عبدالله :عن اذنك ناصر ادعيلي ..

الماس وهي تتمشى بالهايد بارك وكانت سرحانه
عبدالله:تفكرين بشنو
الماس انهبلت نفس صووت سعود لفت بعصبيه :افكرر فيك
عبدالله مندهش: تعرفيني
الماس انخبص وجهها :لا ماعرفك سوري صوتك يشبهه صوت اخوي
عبدالله : يابخت اخوج الي يشوفج كل يوم
الماس :اطالع ساعة وقميص ونعال عبدالله كله ماركه : انززين اخوي بغيت شيء
عبدالله يمد ايده :لا بس حبيت اتعرف
الماس تمسك ايده: الماس الـ
عبدالله : عبدالله محمد الــ<<الاسم جذبي مو صجي
الماس شوي واطير من الفرحه ولد محمد الي شاركاته تارسه الكويت : هلا هلا <<يعني ثقيله
عبدالله: صراحه استانس لا شفت كويتيه في اي دوله بالعالم
الماس: وانا بعد
عبدالله :متزوجه تدرسين وين ساكنه
الماس:نوو مو متزوجه وادرس بجامعة الكويت وساكنه بجنوب السره وانت
عبدالله: خوش خوش انا مو متزوج مخلص الجامعه من سنتين عمري 24ساكن بضاحية عبدالله السالم
الماس شوي وطير من الفرحه : اها موفق
عبدالله: ودي نتعرف اكثر واكثر ولكن انا مشغول الحين ولازم اروح ..هذا رقمي وانطر اتصالج
الماس :اووكي بيينا اتصال ان شاءالله
عبدالله: مع السلامه يا ملكة جمال الكويت
الماس تضحك ضحكة دلع :فمان الله

الكويت
سعود يدخل بيتهم الي مساحته عن قطعه كامله بس عمره ماحس فيه بسعاده مايدري شنو ينطره كل ما يدخل

ام خالد ((مرت ابو سعود)) :ها رجعت من لندن وين عبدالله
سعود بدون نفس: شدراني
ام خالد: غريبه العاده ماترجع بهالشهر
سعود: عن اذنج

في الفندق اخر يوم ولكل قاعد يرتب اغراضه ..والماس ماراح عن باله الي مد ايده عليها للحين حاقده عليه و خلت عبدالله تدق عليه اذا وصلت الكويت

ابرار :صحح الماس تذكرت تذكرين الي بالمطار ..هذاك المزيون بو عضلات
الماس :اييه شفيه
ابرار: شفته بالهايد بارك اول يوم لنا بالندن وعطاني كرته وقال قولي الماس انه اهو اسف
الماس: شنوووووووووو من صججج توج تعطيني الماس تسحب الكرت وتقرا الاسم ..معقوووله !!
ابرار: شفيييج؟
الماس : مافيني شيء بس والله لو كان ولد منو لازم ارربيه ..

باريس في البار

عبدالله:هذي مادقت
ناصر: منو تقصد
عبدالله:الماس
ناصر: ومنو هذي بعد
عبدالله:المزيونه الي شفنها في لندن
ناصر :اهاااااااااااااا بتدق مصيرها بتدق ..لولو تسال تقول عبدالله شفييه متغير علي
عبدالله سرحان ..
ناصر :هلوووووووو اقوول اول مره اشوف حالتك جذي
عبدالله:تصدق حبيتها ؟
ناصر: ههههههههههههههههههههه نفس لولو
عبدالله: لا لا هذي غير غير ابتسامتها تكفي يا حلاتها.. ويتنهد
ناصر : انا مالومك صراحه بس لولو بالنسبه لي اجمل
عبدالله: عيل ياتك لولو هديه ماورها جزيه لك حلالك
ناصر:من صجججك ..عقبال الثانيه ياررب
عبدالله: لا الثانيه صعبه ..
ناصر:هههههههههههههههههههه لولو قلت جذي بعد
عبدالله: صدقني هالبنت احس غير غير احس بتقلب حياتي فوق لتحت

وصلوا عايلة الماس الكويت ساعه 9بالليل وكان بانتظارهم اخوهم محمد وزوجته ..

ساعه 10بالليل وصل مسج لتلفون السعود شعرر من رقم غريب ..


وترى أفعالك ماأحطها إلامع × تصرفات الأطفال ×

لأنك مثل " الطفل " يبي لعبة يشتروا له

بس لاتظن إني لعبة تنحط مثل العقال

أنا بنت ويمكن أجرحك في شعرٍ أقوله

على شنو متكبر علي ؟على مستواك العال!!

والله مستواك بأبسط شي أقدر" وصوله "

أكيد جرحتك بس العدال على ×رجولتك× بالعدال

" وأنا صحيح بنت لكن أقدر أعلمك أصول الرجوله "

سعود: هههههههههههههههههههههههههه ..قلبه فز من مكانه درى انه هذي الماس ..

رد بشعر لها



يا قصيدة عمـري اللـي تكتبينـي=كل يوم حرف مـن نغمـة هـواك
ارحمينـي بالهـوى والا اذبحينـي=لا تخلينـي معلـق فـي سـمـاك
كل ما خذتي عمر منـي عطينـي=لحظة من ساعـة داخـل حمـاك
الحيـاة أشوفهـا والمـوت فينـي=واعـذاب اللـي بغـاك ولا لقـاك
يسهر الليل وقمـر طيفـك بعينـي=والشعاع الصبح يوقظ بي رجـاك
ان حـدا حـادي تولانـي حنينـي=وان عرض طيفك على طرفي بكاك
كيف هذا من هوى قلبـي يجينـي=يا أرق الناس قولـي وش دهـاك
لـو تماديـت بملامـي سامحينـي=كم تماديتـي بذبحـي مـن طغـاك


الماس شكو يدز شعر مدح وانا سابته .. ردت عليه بشعر

الله خــلــقـــنـي فــوق .. بـاعـلـى مــبــانــيــه
كـيـف انـزل الـواطي ولـي مـنـزل عـال ؟!





عـزمي وصدقي .. صدق .. بأسمى مـعـانيه
بـي عــفــة الــمــهــرة وبــي روح خــيــال




وحـدي وصــلــت الـعــز لاخــر مــوانــيـــه
. أنــثـى .. ولــكـنـي عــن ألــفــيــن رجــــال




واللي يــروح .. يــروح .. مـا والله ابــكــيـه
أقـط راســي .. لــو خــطــر لي عــلى بــال




مــا أرد للــجــاهــل ولا اســمــع حــكــايــه
حــيـاي يــمــنـعــني عــن الـقــيــل والــقـال




كل يـبـي قـلــبـي وأنــا الـقـلـب مـا أعـطـيه
نـفــسي عــزيــزة دونـهـا بـحــور وجــبــال




مـا فـيـه مــنــهـم مـن تـشــد الـظـهـر فـيــه
مــتـقــاســمــيــن الــكـــون كــاذب ودجـــال


رد عليها بمسج ((شكله مافيج انوثه وشكلج معضله ..شالسوالف هذي ؟))

الماس ردت بمسج: ((ايه يمكن انا ارجل منك ))

سعود بمسج((اوكي آنتي آرجل مني,, والرجوله ما تناقس على الرجال بس في بنات وقت الشدايد ينقلبون رجاجيل))

الماس انحرجت وماعرفت شترد :(طراقك ماراح انساه طول عمر))

سعود ((وانا مستعده اعطيج ايدي وتكسرينها بس تسامحيني))

الماس (((اوكي مستعده اكسرها لك ))؟

سعود ((امممممم عنيفه ..خلاص بجيب معاي حديد وقولي وين بتشوفيني))

الماس ((امممممم بعدين احدد ..))

سعود ((بانتظارج)

الماس:ههههههههه على باله اضحك هين هين​

 

[lulwa-q8]

ناطريـــنــــج واخذي راحتج بالكتاابه عادي حبوووووووووووبه ,, بس لا طولين علينا;pP

 

[الاحاسيس المبهمه]

نااااااااطريينج :*

 

[طماطه وبطاطه]

الماس مو صج:/

ثااانكس حبي ناطرين البارت:>

 

[عثمان حبي]

عجيييييبه كملي ولو انج علقتيني بروايتج الاولى لاتسوينها بهذي وتعلقينا

ناطرتج

 

[pearlq8]

yslamoooooooooo waiting

 

[طماطه وبطاطه]

ناطريييييييييييييييييييين

 

[so_what]

ناطرينج حبيبتي لا اطولين بلييييييز

 

[عثمان حبي]

وينج

 

[zoqaaa]

na6reeeen

 

[dr.la6oof]

waiting 7abeebtiii

 

[اكابر]

ناطرتج ..

 

[حبيبه الغايب]

روووووووووووعه ناطرينج

 

[pearlq8]

waiting

 

[فيلجـ كول ـاويه]

القصه وااايد حلوه بس ليش مومكملتها ؟!!

 

[b6ooo6a*_*]

ناطرينج

 

[ChocoLaTe Pie]

شساالفه ؟ وين الباارت