قصتي الحقيقيه مع المرض .. تابعوني وادعولي قصه خاصه فيني (ام كتكوت)

[AlZeenah]

الف الحمداللة على سلالالامتج وانج افتكيتييي
بس ماقلتيلنا يبتي اخو والا اخت حق حسووون وماخفتي من الحمل والولادة مرة ثانية؟

وااي هالنااس ليش قلبهم وصخ جذي عشااان تبي شي تسووووي سحر وتدمر صحة انسانة وتشتت عايلة كل هذا عشان تاخذ اللي تبية
شهالقلب اللي مافيه رحمة شهالغيرة المينووونة والموووطبيعية ابداا

حتى لو تتووووب ماراح ينغفرلها ومطروودة من رحمة ربها
شبتفيدها الدنيا اذا خسرت اخرتهاا واااي صج في نااس قلبهم متروووس حقد وحقدهم يعمييييهم عن تواابعه

 

[ام كتكوت]

شندوخه فديتج احس مادري انتي صغيره بس اسلوبج وشخصيتج كبيييييييييييره ومخج ماشالله يوزن بلد على قولتهم
طبعا ماشاءالله تبارك الله لاقوة الا بالله
شوفي بالنسبه للاحلام
ماكنت احلم ......لأ
كوابيس بس
بس ماحلمت ولا مره بحيه
بس اطيح من مكان عالي
وحيوان تكرمين غريييب اسووووود يلحقني كل مكان وانا اطيييييييييييير
وهم احلم بعقارب
ومره حلمت بخدامتي عندها انياب بحلجها والله
هذا اللي اذكره


مشكوره ياقلبي ع التواصل

 

[@شمس الضحى@]

الحمدلله على سلامتكم
والله يديم الصحه عليكم الصحه والسعاده
والله فرحت لكم ياأم كتكوت

 

[الحالمه]

الحمدلله على سلامتج واجر وعافية

وان شاء الله تكفير ذنوب

 

[ام كتكوت]

AlZeenah

حبيبه قلبي

حملت وطاح حملي مره والله عوضني بأحسن منه والحمدلله والله ساعات اقول ودي احمل عادي والله موخايفه من الحمل
بس ساعات افكر لااا مابي بس الحمدلله رب العالمين
والله يكتب اللي فيه الصالح والخير لي يارب

صدقيني يالغاليه السحر صاير بهالزمن شي سهل استغفر الله يارب
الله يحفظنا تحت ظل اللذي لا ظل الا ظله

 

[ام كتكوت]

أسوم
الحالمه
حبيبات قلبي انتو ماقصرتو والله
الله يديم عليكم الافراح وين مارحتو يااااااااارب
والله يسلمكم من الشر:tek::tek:

 

[كيكة بالعسل]

ام كتكوووووووت فديتج سلامتج وماتشوفين شر والحمدلله كل حال والله ينتقم من اللي سوالج السحر واللي يبي لج الشر
سلميلي على اتووني وبوسيلي اياه كاسر خاطري هالياهل بعيده عني لما ولدتيه
وفدييييييييييتج انا وعسى الله يخليلج ولدج وريلج وابوج وامج واهلللللللج كلللهم

 

[الحور]

الحمدلله عالسلامه ... والله يعوضج ان شاء الله .. ويبعد عنج الناس اللي تضرج ان شاء الله ..
والله والله لو الله مايحبج لكان مابتلاج يالغاليه ..

 

[عيمية^والقلب^كندري]

ام كتكووووووووووووووت

سؤال.........
انتي جم عمرج؟ وحاليا جم عيال عندج عسى الله يحفظهم :ioljnmlk:


:eh_s(8):

اخر سؤال انتي الحين تخلصتي من كل اللي فيج من الناحية الصحية ماتعانين من آثار شي انشالله وتسلمين:tek:

 

[عشق قلبين]

حبيبتي ام كتكوت
ماادري شقولج وانا من قريتالنهايه ماوقفت دموعي
الله لايوفقها من خادمه ولا يوفق اللي فكر يسحرج سواء من بعيد او قريب
وحمدالله على سلامتج خطاج الشر والله لايعودها من ايام
وعسى ايامج كلها افراح بافراح وان شاء الله اتهنون بالبيت اليديد وعساه منزل مبارك ويباركلج بحسوني وتشوفينه معرس ويسخر لج زوجج
ويفرح قلبج وينسيج كل اللي مريتي فيه ويحقق لج كل اللي تبينه قولي امين

 

[عاشقة الرشاقة]

الحمدالله على سلامتج وهذا الإبتلاء كله تخفيف ذنوب....

 

[Hello_kitty]

حبيبتي ام كتكووت مشكوره على طولة بالج بالردوود خاصه واحنا قاعد نذكرج بأشياء مؤلمه تبين تنسينها

ما شالله عليج طويلة بال وذربه بردودج وحنونه بمشااااااااعرج من ردودج احس قلبج نظيف مو شايل وايد على خدامتج

لو وحده غيرج جان نتفتها قطعتها بس خلي حسابها لربج القوي العزيز القهار المنتقم الله ينتقم منها ياااااااااااااارب

ويارب يكون اللي شفتيه نهاية الأحزان وبداية السعاده والهنا والفرح والخير كله بدربج الله يحفظج ويخليلج اعيالج وزوجج

وابوج وامج وخواااااااتج وكل من يحبج وتحبينه

بس ما جاوبتيني بشنو تغير فيج بعد هالتجريه؟؟؟وشنو استفدتي؟؟

وعفيه سولفيلنا اكثر عن مواقف الوااالد الرجوليه اللي تكلمتي عنها عساه سند وظهر وعز لج طول العمر ياااااااارب

 

[بدوره 22]

ام كتكوت اهم شي الحين طمنينا على صحتج ؟؟

انتي شلونج الحين وشلون ريولج وايدج؟؟؟

وهذي اللي انتي شاكه فيها كانت تبي زوجج؟؟

انتي ماذكرتي هالشي من البدابه عشان جذي انا اسال ..لمن قريت قصتج من اول جزء على طول دشيتي بالمرض بس ما ذكرتي شي عن حياتكم قبل الحمال ولو بالشي البسيط..

ميخالف عذريني بس والله قلبي معورنيييييي عليج فوووووووق ما تتصورين

 

[ღ خجلانة ღ]

الحمد لله على سلامتك


وجعل ماجااااك تكفيــــــر ذنـــــــــوووب

ماشاء الله عليك كنتي طوول الوقت صابرهـ ومحتسبه

كاان ودي اعرف من الي مسووي لك السحر ومنووو الي موصي الشغااالهـ !!!


تصدقين من كثر ما انا متحمسه معاااك عطيت صديقاااتي رابط الموضوع وخليتهم يدخلوون

ويشوفووون قصتك وفعلا تآثروا : (


الله يحقق لك الي تمنينهـ

ويخلي لك حسووون وابوهـ

ويطول بعمر الوالدهـ والوالد

: )

 

[خليج***]

يعطيج العافية على القصة
وان شاء الله تبتدين صفحة يديدة وحلوة بحياتج,,

احنا خداتنا سيلانية لقيناها مسوية سحر وحاطته بالمطبخ عبارة عن سيور مسويه فيهم عقد وخاشته بمكان عبالها محد راح يشوفه,,
بس احنا سفرناها وبعدين شفنا السحر,,

وقبل لا نشوف السحر بجم يوم انا طحت مريضة واتصرف تصرفات غريبة تخيلوا كله اسولف مع الخدامة واخذ اكلي واقعد بدارها اكل من غير مااحس واتحجى حجي ملخبط جان يبون واحد يقرا علي قران اول ماقرى بجيت بشكل مو طبيعي ابجيييييييي ومو عارفة ليش جان خدامتنا قالت حق هلي بنتكم فيها يني لا تخافون بتصير زينة وقامت تبجي الخدامة,,وبعد فترة سفرناها جان نشوف السحر,,

و صار فيني مرض نفسي انفصام بالشخصة ورحت وقمت اتعالج بالطب النفسي اشهر,,
وقرا علي الشيخ بس مارضى يقول شفيني بالضبط بس عطاني زيت وماي وسدرة,,

 

[الريادة]

أعوذ بالله من السحر ..

 

[^kloOot^]

بعد عمري ام كتكوت



بوسيلي اتونى حبيبي فديييييييييييييييييته والله

الحين جم بيبي عندج اثنين ؟؟ يبتى ولد بعد حسون ولا بنت ؟؟

 

[الاسطورية]

الحمدالله على سلامتج
صراحه انا كثر ماكسرتي خاطري كثر مابطيتي جبدي على سكوتج عالخدامه لومن زمان مسفرتها واي قاهرتنيييييييييييييييييييييييييي تبط الجبد حيل حيل

وشي حلو انج تفكرين بالحمل مره ثانيه لان كنت بسالج شنو رده فعلج انتي وزوجج ناحيه الحمل بعد الي صار

 

[ماريوتا]

امبيييييييييييييييييه بعد عمري والله

ماتستاهليييين الي صارلج

صج صج عورتي قلبيييييييييي

صارلي ست ساعات مجابله الموضووع من الاول للااخر

والحمد لله على سلااامتج

والله يخليلج كتكوتج يااااااارب ويجعله من الذريه الصاله ويكملج بعافيتج ويحفظج

امبيه والله من زمااااان حسيت انه غااالي من سوالفج عنه وعن الروضه يوم بغيتي تيبين مصوره لوووووووول

يحليله .. تشوووفينه معرس ياااااااارب

والله يخليلج اهلج وريلج .. ماقصروو واللله

واااااي ببالي حجي وااايد بس حدي دخت وباجر وراي دوااام

لي عووده اكييد

ونبي مقتطفاااات

 

[ام كتكوت]

حبيبات قلبي والله برد عليكم وحده وحده بس قبل لا ارد ..

خلي اقولكم مقتطفات ... من حياتي مع المرض

اتذكر مره .. من المرات اول مابديت امشي ع الجبيره ...

كنت متثيقله المشي ..

امشي ببطئ فظيييييع

امشي خطوة واوقف ولازم بين خطوه وخطوه اوقف اركز واجيك على الجبيره اشوفها انفلت ولا لأ .............!!!

مع انها مستحيل تتنفلل ومربطه 4 مرات من القدم لمن الركبه ..

بس سبحان الله كنت معقده من هالشي

اخاف اطيح

ولو بطيح راح تكون الطيحه جايده ..

لان ريلي صايره ستريت .. أقل شي:

1- يا ان تنكسر ايدي

2- او ينبط راسي

3- او يتعوق حوضي

تخيلو

لان الجبيره بس مهمتها تجمد ريولي وتحفظها من الانزلاقات والالتوائات والكسر .......!

تخيلو بنات لمن بديت امشي

تعرفون الزوليه ...!

لمن ابي انتقل للصاله من السيراميك ماشيه بدش بمحتوى الزوليه (اخاف اصعد على الزوليه)

شفتو الارتفاع مال الزوليه ............( انتو متخيلين انا شنو قاعده اقول )


الارتفاع مال الزوليه جم يعني 1سم 2سم 3سم

كان بالنسبه لي مثل صعده سلم عااااااااااالي

يمكن ماراح تصدقوني

بس ترى صارت معاي

زوجي ماسك ايدي ع اليمين والعصايه ع اليسار

زوجي قال يالله تركي العصايه وامشي ابروحج 4 خطوات بس ..!

مشيت خطوتين وانا ابجي .. لمن وصلت عند الزوليه ورب الكعبه وقفت اصرررررررررررخ

اصرررررررررررررررررخ

الحقني طحت طحت ( وانا واقفه )

وهو يطالعني باحتقار

لاتلومونه بنات والله حبيبي صج تعب معاي

بس بنفس الوقت اهو موحاس فيني وماجرب اللي انا حاسه فيه

مره قلت كلمه ندمت عليها استغفر الله ياربي

كنا في بيت اهله يوم طلعت من الطب الطبيعي

قالي امشي

قلت له تعبت

قال امشي ومسكج

قلت له اوكي

فلمن مشيت بأمان وانا ماسكه ايده حييييييييييييل

هدني فجأه عشان اكمل بروحي

صررخخخخخخخخت من كل قلبي قلت له ان شالله اللي فيني تجربه يوم وتحس فيني


امبي مادري شلون طلعت من الساني

وقعد يتطنز علي يقول لو انا جان تشوفيني اتمرن كل يوم عشان اطيب مونفسج نايم !!

حرام عليك والله ظلمتني ..... والله العظيم ظلمتني والله موحاس فيني

قلت له تعال امسكني

قال انتي نقذي نفسج واوصلي للقنفه

(طبعا انا حدي متوهقه ماقدر حتى التفت لورى )

ولا حتى التفت نص سم لاني لو التفت راح يدور راسي واطييييييح

امبي بنات ترى انا مريت بمواقف صعبه صعبه

وايد صعبه

وتفشل احيانا

انا استحي اذكرها والله وايد استحي ... فهمتوني ..........!!