قصتي الحقيقيه مع المرض .. تابعوني وادعولي قصه خاصه فيني (ام كتكوت)

[بنت الدلال]

واااي حبيبتي


ننطر التكمله بعرف منو

 

[ام عفاف الكويت]

حبيبتي والله لاتطولين علينا

 

[بتبوتااا]

متاابعه @@

 

[βνĹĂĢŔĨ-Q8]

ام كتكوت الله يشافيج انشاءالله ويتمم عليج صج عورتى قلبى الله يعينج على ما ابتلاج :

 

[ام كتكوت]

السلام عليكم يابنات كلللللللكم

اول شيء ... اشكركم وحده وحده وحياكم الله والله شرفتوني ..... وونستوني بردودك وعلى دعواتكم الحلوه


ثاني شي ... بنات والله العظيم امس دش لابتوبي فايرس : ( ورب الكعبه فايرس قووووي وتلخبط كل شي عندي وماقدرت اشبك كلش والله

حتن ماقدرت ادخل المنتدى وربي ........

المهم راح اكملكم جم جزء وماقدر احط القصه كلها بنفس الوقت ... ع العموم ترى قربت نهايتها احاول اختصر مابي اطول عليكم اوكي ؟؟؟؟؟؟!!!


المهم ..

اكملكم وآسفه على التأخير بس امانه قدرو ظروفي والله الفايرس ذبحني بس خلونا مع التكمله الحين:0bee2e8d89:


الجزء الثامن


لمن فتحت الورقه وكانت صغيره وفيها اسم الدكتور وتخصصه ......

طبعا اول مافتحت الورقه محد كان يمي .. اطالع الاسم واشوف التخصص مومصدقه

عبالهم انا مينونه يعني ؟؟

يايبين لي دكتور نفساني من مستشفى الطب النفسي بالكويت ويعطوني حبوب مجهوله

وربي اللي خلقني حسيت بغصه ببلعومي حزتها سكتت .. تسبهت ... حطيت الورقه تحت المخده ناديت خدامتي

قلت لها تعالي روحي نادي السستر

المهم

عقب ماياتني الستتر تغير الشفت يعني وحده ثانيه غير اللي وصلتني الجناح واول مره اشوفها قلت لها متى بيجي الدكتور يسوي راوند

قالت الدكتور مايجي الا الصبح بس

قلت لها لا انا اقصد دكتور فلان ( اقصد مال الطب النفسي ) قالت ماعندي فكره !!!!!!!

قلت لها انزين اذا ابي رصيد حق موبايلي شلون ؟؟؟؟

قالت مومشكله اي احد ايجيبلج احنا ماعندنا مكينه كروت :eh_s(1): او قولي لزوجج او اي احد يرسله لج (يعني طالعه فيها )

قلت لها عادي شغالتي تشتري لي من بره

قالت اي عادي

المهم دزيت خدامتي تشتري واحد وطلعت بره كان فيه مثل بقاله او كرونر يبيعون فيه ماشفته طبعاا

المهم عبيت رصيد ودقيت على زوجي اول ماقال الو جان ................( بقول الحوار اللي اتذكره بس )

انا: الو فلان متى بتيي ؟؟

زوجي: ان شالله العصر

انا : متى يعني الساعه جم ؟؟

زوجي: ان شاء الله الساعه 5

انا : الله يخليك لاتطول تعال مبجر قاعده بروحي وضايق خلقي ( جان ابجي )

زوجي : قاعده تبجين ؟؟

انا : ...........

زوجي : الووووووووووو

انا : فلان بيبون لي دكتور ميانيين

زوجي: (ساكت ) مادري يمكن منصدم

انا : والله ماجذب عليك توه دريت

زوجي: اي عادي لاتتضايقين هو دكتور نفسي بس بيشوف الحاله ووووو ماذكر اشقال

انا : بس على اي اساس اهم يايبينه لي

زوجي : اشفيج يبا عادي كل مريض ايبون له دكتور لاتنسين اللي صار لج

انا : والله صج بستخف انا مافيني شي والله مومينونه : (

زوجي: منو اللي قال انج مينونه انتي شفيج المسأله بسيطه .. انزين هو شسمه ومنو ولده

انا : اسمه فلان الفلاني وكويتي بعد


المهم

لمن سكرته من زوجي ناديت الممرضه قلت لها بليز نادي خدامتي ابيها المهم اذكر عيزنا واحنا اندورها مولاقينها انزين اشلون اذن بتوضى ... بصلي ... :eh_s(14):


حسبي الله على ابليسها انا ابروحي متنرفزه وحدي متضايقه وهذي مادري وين اذلفت

المهم اخر شي يابو وجبه الغدا (انا تعجبت لانه برمضان ) وشوي ولا اهي اتيي اول مايت انا هبيت بويهها قلت لها انتي وييييييييينج ؟؟؟؟؟؟؟:eh_s(14):

قالت انا عند غرفه فلانه ( الاخت رافجت لها سيلانيه وقرقه وهادتني ابروحي )

والله بنات تضايقت لمن حسيت اني ماستغنى عنها مثل الياهل تسوي لي كل شي

قلت لها تعالي اخذي غدا وروحي انا بنام شويه ( كله نايمه )

المهم مر وقت مادري اشكثر ياتني السستر جان تقول الدكتور فلان بكره الصبح راح يجي اوكي ؟؟

قلت لها قالو اليوم

قالت لا حبيبتي بكره

انا لاتعليق

المهم زوجي وصل متأخر شويه يمكن ع المغربيات جذي ع الساعه 6

دش وانا حدي كنت مستاااااانسه والله كان ضيقت خلق ماقدر حتن اقوم اتمشى ولا شي : ( بس جذي قاعده بالفراش

جان يقولي يايب لج مفاجأه

عاد انا حدي استانست اطلطل وراه قلت يمكن يايب لي ولدي

قلت له يبت الولد ؟؟

قالي لأ شي لج

عاد انا استانست حدي ........

قلت له شنوووو يالله قووووووووول

جان يقولي .........

شريت لج ((((( جبيره صناعية ))))))))

قلت له يعني شنو ؟؟
قال

شوفي هذي جبيره شريتها من الصيدليه وصاني عليها دكتور رفيجي

تلبسينها في ريولج وراح تقدرين تمشين لان الحمدلله الشلل بس بالقدم :eh_s(15):


قلت له
لا لا ماراح امشي

ماراح اقدر اكيييييييييييييييييييد

:eh_s(14): عصب علي قال ليش انتي متشائمه

جان يقولي يالله لبسيها

جان اقوله مابي


قال قومي لبسيها وانا بساعدج

وين الخدامه

قلت له مادري ؟؟؟

راح ناداها كانت بغرفه السيلانيه ( على فكره انا خدامتي اندونيسيا )

زوجي قالها شوفي فلانه لازم تتعلمين تلبسين مدام ( لاني ماراح اقدر البسها ) من طريقتها لازم احد يلبسني انا مايصير : (


المهم

انا الافكار قامت تاخذمي وتوديني اقول يمكن اطيح ولا يختل توازني وينكسر راسي : (

ولا اطيح على ايدي وتنشل بعدين شسوي ؟؟؟؟

ووو

ووو


جان اقوله مابيها خلاص

زوجي عصصصصصصصصصصصب قال تلبسينها ولا البسج اياها بطريقتي

قلت له سو اللي بتسويه هالجوتي ماراح البسه

....

شكله ايخرع وانا كنت وايد سلبيه من ناحيته ومومستوعبته كللللللش

ولامستوعبه شلون بمشي فيه وهو هالكبر : (


تخيلو ... فجأه

جان اشوف زوجي قام وطلع جذي بدوت اي كلمه

قلت بقلبي اكيد راح ينادي الممرضات يتعاونون يمسكوني ويلبسني اياها :jumpon:


بس زوجي طول ........ وانا لاتتخيلون شلون كنت حدي خايفه وااااااااااااااااااااااااااااااااااااااااااااااااااايد


شوي رن تلفوني ولا زوجي

قالي شوفي : ماراح تشوفين ويهي الا لمن تلبسينها :eh_s(2):


وسكره بويهي .......

انصدمت شنو هالردة الفعل اللي طلعت منه ؟؟؟؟ حرام عليه يكفي اللي فيني ...

بس بالمقابل انا ليش سويت جذي

وليش كافئته بالرفض وهو متكلف معاي ؟؟؟

وطاق درب من الاحمدي لمااااااااااااااااااا صليبيخات ومتعنيلي بهديه

وربي اندمجت احاسيسي بالخوف والندم والقهر والملل

قلت حق خدامتي حذفيه الجوتي بره مابي اشوفه

المهم خدامتي قالت لي البسيه مدام ممكن في فايده

طنشتها ... وانسدحت

كان ودي اتمشى

ودي اطلع


ودي اشوف بره

ناديت السستر

قلت لها شوفي انا مايبي وجبات انا ابي اصوم انا وخدامتي

قالت مايصير حبيبتي لازم 3 وجبات عشان دواااا

وعشان مواعيد طبيب لازم درب

المهم قلت لها اوكي بس انا ابي اعرف شنو هذا الدوا اللي تعطوني اياه الصبح

قالت هذا كله فيتامينات ومقويات بالعضل وعبر الفم مانقدر نوقف ماتقدرين تصومين ولازم مضاد حيوي كل يومممممم كل 8 ساعات عشان جرحج يلتأم بسرعه ان شاءالله

المهم

قلتلها اوكي


وصار باجر

زوجي مادق

وانا مادقيت

ومثل امس سبحوني :eh_s(22):

ورحت القاعه للتمارين

ونتقلاتي كلها عن طريق السرير : (

عقب مارديت الجناح

ولا السستر تقولي ام كتكوت البسي حجاب دكتور وصل



:yaaaaaarb:

 

[AlZeenah]

كمـــــــــــــــــــــــــــــــــــــــــــــلي

ناطرتج

 

[ام كتكوت]

الجزء التاسع


عقب ماقالت لي الدكتور وصل

قلبي قام يطق يطق وحسيت ان ياتني قشعريره واختنقت وحسيت بضيقه والله العظيم بنات .. جد جد جد كنت حيل متضايقه

وخصوصا اني حاسه ان الكل عبالهم اني (اجذب)

لبست لفتي وضبطت حالي وانا قاعده ع الفراش ...

دخل علي الدكتور ماشاءالله عليه شكله مريح ...!! وكان كويتي

سلم ورديت السلام ...

انا قعدت اطالعه وحاولت اركز على كل كلمه اقولها .. لايقول هذي مينونه صج الحين


وقعد يسألني جم سؤال ويختبرني بجم سؤال

بس الضحك توقعت يسألني اليوم شنو نفس الافلام

بس اشوه ماسألني بس سألني سؤال حسيت ان صج انا مينونه

قالي شسم ولدج ؟؟

سكتت مادري ليش غص الجواب ببلعومي

جان يقولي ماتعرفين اسم ولدج؟؟؟؟؟؟؟؟


المهم

طبعا كنت ابجي وهو يسألني ليش تبجين قلت له والله ماحب المستشفى عفيه قول لهم يطلعوني

واعترف لي انهم يعطوني حبوب تخص العلاج النفسي وحقدت على الممرضه اللي جذبت علي وقالت كله فيتامينات ومقويات @@@@@@@@@ الجذابه



الصراحه وايد سألني اسئله ماذكرها وعطاني ورقه اعبيها والحمدلله المقابله عدت على خير

وحسيت اني فضفضت اللي بقلبي كللللللللللللللله

وارتحت وايد ..... وحسيت انه بينقذني مادري ليش؟؟؟

بس من يومها لمن ايبون لي الدوا اللي منه اقطه وهم مايدروووووووون ...@@



المهم بنات مرت الايام وتصالحت مع زوجي ويه اليوم اللي لبست فيها الجبيره والحمدلله تقبلتها وفادتني واااااااااااااايد وايد


صح بالبدايه كنت اتضايق منها بس حسيت انها فادتني والحمدلله زوجي ماقصر انه يابها لي الله يعطيه العافيه

وقمت انتقل من السرير لمن الويل جير عن طريقها وودعت الدحرجه . الا للتسبح الصبح .........بس يعني مامشيت لما الحين

وحتن الدكتوره حاولت تقنعني اني استغنى عنها بس انا رفضت

والتمارين مستمره معاي بشكل زين الحمدلله والكهربا مستمره معاي بعد .... بس ريولي مازالت مشلوله:0bee2e8d89:

والله كل يوم اقعد من الصبح على امل انها تتحرك ولو شويه

لو بس صبعي الكبير بس

والله ساعات اتعذب لمن تحكني ريولي .... احكها بس مايبرد قلبي جني احك الهوا ... واصلا يعور بعد

-------------


والحين استأذن بنات والله يوم الاحد بسوي لجهازي فورمات واحاول اكمل بالليل اليوم او باجر الصبح باذن الله

ان شالله بقولكم شنو سويت قبل العيد بيوم مع المريضه اللي كانت يمي بالجناح .............................!!:tomato2:

 

[ام كتكوت]

بنات بحط لكم صور جبيرتي اللي شراها زوجي الله يسخره لي من الصيدليه

ماعرف اسمها الطبي بس يسمونها جبيره صناعيه

طبعا انا اليوم صورتها ( محتفظه فيها )

ماعليه شكله قديم لان من زمان

ولاتصدمون من شكله كبير لان جبس ومصنوع بحيث يحف الريول بشكل كااااااامل وحتن لو اطيح ريولي مااتأثر نهائيا

نهائيا

الصوره ..



وهذا اسمها اعتقد او ماركتها



طبعا المستشفى يفصل للمريض وحده خاصه فيه بس انا كانت عندي فما احتجت الحمدلله

وهذي بعد عمليه يعني ماله داعي حتى تكرمون للجوتي الرياضي اللي اشوف المشلولين يلبسونه الله يشافيهم


الحمدلله على كل حال

 

[سبائك]

واي عيشتينا معاج بقصتج دقيقه بدقيقه ام كتكوت

 

[ام كتكوت]

ملاحظه ماصورت الجبيره كلها بس من تحت اهي طويله توصل لما ركبتي ....

حبيبتي سبائك اشكر مرورج الحلوووو ياقلبي والحمدلله على كل حال ..

 

[كويتيه مذهله 87]

ناطرينج لا طولين

 

[شندوخه]

بعد قلبي عورتي قلبي وعشت معاج التفاصيل
تكفين كملي

 

[بنت باباتي]

ام كتكوت تعبتيني
هههههههههههههههه
اقولج شي يضحك
انا تنومت بأبن سينا قبل لايكتشفون ان معاي مرض اسمه اديسون
جابوا لي دكتور نفسي
وكانوا يعطوني الابره اللي دواها احمر اتوقع اهي مجموعه فيتامين ب
وحبه بليل يعطونها حق كل الجناااااح عشان يخمد ههههههههههه
كأنا بمسلسل واعلى الدنيا السلام :dddds:
الظاهر ما عندهم غير هالدوا
ترى اهو مو مضر اقصد الدوا الاحمر وتشترينه من الصيدليه وتطقينه بالمستوصف حق الشعر والبشره زين
والله ضحكت
انا نفس الشي تضايقت من الدكتور النفسي بس كانت دكتوره هبله يبيلها احد يعالجها بس تجر شعرها وتبقق عيونها



<<<<<< قامت تحس وترى احساسها قوي
ان علتج من خدامتج
المهم انها مو عله جسديه.......صح

 

[غروب@@@]

ناطرينج

 

[غروب@@@]

بنات تهقون أم كتكوت متي بتخلص قصتها ويييييييييييييييييي عسي مأولد ومادري شيصيير أم كتكوت دزيها لي علي الخاص
ههههههههههههههههههههههههههههههههههههههههههههههههههههه جان زيين

 

[عروس الدنيا]

ام كتكووت ... ىواي بعد قلبي شنو هل معانااااااااااااااة شنو هل عذااااااااااااااااااااااب
صج صج صج الله يعينج ... انا قاعد اقرا القصه بجيييت
خصوصا بالاماكن الي تذكرين فيها ابوج
حبيبتي و الله .... الله يكتب لج الصحه و العافيه طول عمرج و انشالله ما تشوفين مرض عقب اليوم :0bee2e8d89:

 

[b6o6a]

ناطرينج

ماتوقع من الخدامه لانها قالت يابتها لما صارت مريضه عشان تساعدها ...!!

من شنو صار جذي للحين محتاااره

 

[.]

متابعتج@@

واخذي راحتج ..

 

[بتبوتااا]

كملي وااي قطعتي قلبي قاعده اقرا واتخيل المنظر

 

[روح آلمشآعر]

بعد قلبي آم كتكوت آنآ بروحي متضآيقه وقريت قصتج حدي تكدرت

من آلمغرب وآنآ آقرآ وتوني وصلت لي آخر صفحه
آلوآحد يحمد ربه ع آلعآفيه وآلله آنآ مرآت آقول سوآلف آمي تقعد تهآوش تقول حمدي ربج ع آلعآفيه
وصج آلعآفيه غآليه يآآآرب لك آلحمد




،