قصتي الحقيقيه مع المرض .. تابعوني وادعولي قصه خاصه فيني (ام كتكوت)

[NoNoFeTa]

استغفرالله العظيم عورتيييييييييييييييييييييييييييييييييييييييي قلبي اجر انشالله كله اجر لج الله يصبرج بس شلونج انتي الحين انشالله بخير؟؟ وانا اتوقع يتلج عين من العرس

 

[om al ghaleen]

واااااااااااااااااااي ام كتكوت لاتذكرنيني عن ايامج هذي

قبل لااقرأ القصه قاعده اقول وين كنت انا وقتها خصوصا لما سافرتي .. والله صج صج صج

اللي مريتي فيه مو شوويه يعني خلص كل الصبر اللي فيج

معاناه وسهر ومرض محد يتحمله

والله انا فتحت في بطني 3 فتحات وكل مره احس بالعوار اتذكرج

الألم وضيقه الخلق والاحباط وفووووق كل هذا السدحه على الظهر تذذذذذبح والله

وهذا غير الشلل اللي مريتيه فيه : والله ماتهنيتي بولدج اتذكر اول مره شلتيه عمره 6 شهوور والله كسرتي خاطري

والله كنتي قدووه لنا والحمدالله اللي انتي فيه معجززه واكبر نعمه لنا

وان شاء الله كله بموازين اعمالج الله

حنونه وطيبه وغاليه علينا وقلب ابيض

الله يحفظج من كل شر ويبعد عنج الحساد والنفووس الضعيفه قولي امين

 

[ام عفاف الكويت]

حبيبتي والله ورب الكعبه بجيت على ايامج السوده

لاحول ولاقوة الا بالله

الله لايعود هالايام عليج

ويخلي لج عيالج

ويسخر لج زوجج

ويطول بعمر الوالد والوالده وخواتج

ويخلي لج كل من يعز عليج

حبيبتي والله شفتي التعب وانتي صغيره

امتحان من رب العالمين عشان يختبر صبرج

والحمدلله صبرتي ونلتي

كملي قلبي

 

[سبائك]

الله أكبــــــــــر

قصتج تذوب القلب

 

[أمواج البحر]

وااااااااااااااااااي من صجج @@

عورني قلبي والله

انا اللي اقرا تعبت شلون انتي خنت حيلي

ماجوره ان شاء الله

 

[الجوري74]

بانتظااارج حبيبتي

 

[bint_looda]

حدج عورتي قلبي صج شي ماينسي الي مريتي فيه بس حاولي تتناسينه طبعا عقب ماتقولين لنا شصار وياج !!
حمدي ربج ليل نهار ان ريلج عالاقل وقف وياج ماخلاج وماسأل عنج بسم الله عليج ربي لك الحمدالله
ربي يخليج لكل عين ترجيج .. الله يوفقج دنيا واخره وانشالله كل هذا في ميزان حسناتج انتي واهلج والي صبرو وياج كلهم ....
ناطرين التكمله حياتي

 

[ام كتكوت]

حبيباتي والله مشكورين على كل حرف كتبتوه لي والله يفرح قلوبكم بكل ماتتمنوووووون

حبيبتي اختي ام الغالييييييين ياعمري والله انتي الغاليه وماأنسى وقفتج معاي بهالايام ...وخصوصا مع خالة حماتج أ

بعدين يابنات راح تعرفون اشكر اختي ام الغاليين كان لها فضل من بعد الله بشفائي

والحمدلله اني الحين معاكم حولكم وحواليكم انا وفلذه كبدي ...... بفضل الله ودعواتكم لي اللي ماتوقف ولا دقيقه


المهم اكمل معاكم جزء مهم من قصتي .....


الجزء السابع


طبعا الفلبينة كانت تكلمني وانا منصدمه ومومصدقه انهم راح يسبحوني

سألت الممرضه الهد نيرس مالتهم قلت لها لو سمحتي الحين انا ماقدر امشي ولا احط ريولي على الارض شلون بدش الحمام تكرمون وبتسبح ؟؟

افرضي اني زلقت من الصابون

( انا حزتها ماكنت اعرف طريقتهم بالتسبح !!)

قلت افرضي دخت ... ودار راسي !! الدكتور ماقالكم ان انا ماعندي توازن واشتكي من الاختلال الكبيييييييير بالتوازن بالظلمه والنور:eh_s(2):

الفلبينيه ناطرتني اخلص .. جان تقولي حبيبتي لاتخافين راح نسبحج بأمان وانتي ع السرير

ع السرير !!!!!!!!!!!!!! شلون قالت صبري وراح تعرفين


المهم شوي ولا اشوف شبريه بنية مثل الماترس فوقها جلد فيها فتحه بمكان معين يتبطل (عشان يطلع الماي بعد السباحه )
قالت لي يالله انتقلي عليه عشان نروح الحمام تكرمون

طبعا انا لمن انتقل من مكان لي مكان انتقل بطريقه الدحرجه يعني وانا منسدحه اتقلب واروح للسرير الثاني وجذي


لحفوني وغطوني واخذت معاي ملابسي وفوطتي وشامبوي ووو

والخدامه معاي ... تمشي بمحاذاتي

المهم دخلنا غرفه مثل الحمام بس فيها فتحه يثبتون السرير فيها عشان مايتحرك وانا فوقه ويسبحوني

قالت لي يالله فسخي هدومج كلها

طبعا بنات الله لايوريكم الاحراج اللي آنا فيه ...

قلت لها كلووووووووو قالت كلووووووو

قلت لها لأ

وانا بنات طبعا ماقدر اتسبح بروحي ولا حتى اقدر امسك الماي ايدي تعورني وايد

واصلا مستحيل وممنوع يخلوني برووووووووحي

جان اقولها ماراح افسخ ولا راح اتسبح

:bbbiu:

جان تقولي ماراح نطلع من اهني الا وانتي متسبحه وخالصه

والله ضاق خلقي شلون جذي ؟؟؟؟

شلون بتشوف عورتي ؟؟

شلون بنكشف للي يسوى واللي مايسوى حالي حال اليهال والعجايز

جان تقولي يالله حبيبتي خل نخلص ترى الباقي ناطرين دووووووور وانتي لازم نغسل عدل لانج جديده ولازم تروحين بأحسن حال للدكتوره


المهم

فسخت وامري الله ( لاتتخيلون حالتي بهالوقت )

يفسخوني مثل البيبي وانا لا حول لي ولا قوة

وفتحت الماي :0bee2e8d89:


جان اقولها طيب ماراح افسخ الستيان ......... قالت لازم :eh_s(12):


وحاولت اعترض حسيت انها عصبت ولو قلت كلمه وحده بعد راح تطيحني واموت

المهم فتحو الماي وكان بااااااااااااااااااارد والخدامه طلعت بره بأمر مني

والممرضه تسبحني وانا حدي متضايقه ومتفشله واااااااايد

والصراحه كانت محترمه والحمدلله قالت اعتبريني اختج .. امج ...

شوي ولا خدامتي تطق الباب ...

انا انكمشت على حالي !! نعم اشتبين فلانه

جان تقولي من ورا الباب

ماما هذا مشط .............

!


!

مشط

حق شنو مشط ؟؟ وين شعري

والله قعدت ابجي وربي حدي انهرت:eh_s(2):

حسبي الله ونعم الوكيل حسبي الله عليج من مره ........جنها تتعمد تغثني : (

قلت لها مابي مشط والممرضه قالت ستيوبد ميد = خدامه غبيه

المهم بهاللحظه دخلت ممرضه مصريه علينا وانا بعدي مالبست عدل

خير؟؟

جان تقولي فين شعرك ؟؟ ليه كده خفيييييف

انا نزلت راسي ؟؟ شقولها ؟؟ والله العظيم احترت شقولها ......!

لو بقولها طاح جذي مابتصدق

المهم هي قالت لي كلام مااذكر بالضبط شنو نسيت بس حسيت وقتها براحه

المهم طلعت رديت صوب سريري بالجناح ولا حاطين الريوق والدوا فوق صندوق الاكل الوردي :0bee2e8d89:

سألتهم شنو هذا ماردو علي بس يات ممرضه مصريه ثانيه بتعطيني ابره قالت لازم هالابره

قلتلها شنو هذا قالت فيتامينات

قلت لها ابره وفيتامينات!! المهم كان لون الدوا آآآآحمر

غزتي ابره وأكلت الدوا وكانو يراقبوني يتأكدون اني اكلته ..... جني بقطه يعني!!

شوي ولا يتيمعون علي الممرضات ويجرون عربانه فيها اشياء معاهم


سألتهم شبتسون ؟ قالو دريسينج = تغيير جرح

وقعدو ينظفون الجرح ببيتادين وانمورسلاين مال الدريب وانا اصررررررررررخ وام فهد تقولي تحملي كله بأجره

والله ماتريقت لوعو جبدي

خذيت الصندوق وعطيته خدامتي كلته كله

المهم

شوي ولا اشوف 4 حريم لابسين بالطو ابيض يعني دكاتره

بس 4 ليش .. قلت بقلبي انا توني يديده والظاهر بيتعرفون علي..

وحده منهم كانت منقبه

نزلت نقابها وقالت لي انا دكتوره( ن ) وووووووووو

والحين راح نروح معاج القاعه ( قاعه التمارين)

شلون ..

انا ماقدر امشي ولا انتقل من مكان لي مكان على ريولي

الدكتوره عصبت

قالت لي تقدرين

قلت ماقدر

قالت تقدرين


مافي شي اسمه ماأقدر

يالله قومي

واشوف اللي يمها تقول

قولي يالله وقومي :s141:


جان ابتسم بخوف

قلتلها دكتوره (ن )انا ترى جد موقاعده اتغشمر او اتدلع انا بالفعل مااقدر

انا مشلوله انتي ماتدرين؟؟؟؟؟؟؟

قالت اي بس الشلل بالقدم مو بالرجل كلها


قلتلها ويعني ؟؟

جان تقول بس اوقفي قلت لأ

جان اعصب

بروح البيت انتو موفاهميني............؟


وقمت اقول كلام المفروض مااقوله لدكتوره بمستواها : ( بس كنت خايفه وبتهرب ومادري شنو اقول ينيت


ابي اطلع ابي اطلللللللللللللللللللللع واصرخ وهم خايفين مني واشوف وحده منهم ترجع لي وره عبالها صج ينيت

المهم دكتورتي اسمها( ت ) قالت خلاص ام كتكوت هالمره بس ...

المهم يابولي السرير وانتقلت دحرجه وثبتت الحمدلله وسويت اللي في راسي

غطوني ودزوووووووووني لمن القاعه وانا طول الطريج خاااايفه لا اطيح رهبه كبيره

وادعي الله ان تعدي هالكوابيس على خييييييير

طبعا خدامتي معاي يت القاعه وتساعدني بكل شي

شالو المفرش عن ويهي وانا منسدحه رفعت راسي والدكتوره (ت) معاي

شفت القاعه :cxxxp:


كبييييييييييره .. موحشه .... بارده ....... كلها اجهزه كبيره وصغيره ... معروفه ومو معروفه .....

يتني دكتوره( ن) الرئيسه وعرفتني عالاجهزه وعلمتني شنو راح اسوي وفهمتني البرنامج اليومي ...

ومن اهم الاشياء اللي شفتها كان جهاز الصدمات الكهربائيه : (

اللي راح يحطونه على ريولي كي يوووووووم ....


اشوف يمين .. يسار ... كل حريم مرضى (الله يشافيهم )

واغلبهم مشلولين يا شلل كامل .. او نصفي .. او موضعي ..


والصراحه اغلبهم اللي معاي بالتايم معاي اجانب حاولو الانتحار : (


قلت حق دكتوره (ت) الله يخليج فهميني والله العظيم والله ماقدر اوقف انا مشلوله

جان تقول بس نتيجه الاشعه المقطعيه سليمه الحمدلله والدكتور فلان من بعد الفحص قال (مبدئيا ) مافي شلل

قلت لها عيل شنو مصلحتي جان تقول موقصدي بس ان شالله نبدي العلاج الطبيعي وبتستفيدين

المهم قامت تسوي لي تمارين (طبعا ع الفراش ) ترفع ريلي وووو كله بايدها

حتن القدم تمارين شاقه كله بايدها يعني مو جهاز

وفوطه على الريول

مره فوطه مثلجه ماي وثلج ...ومره فوطه حااااااااااااااااااااره

طبعا انا ماحسهم بريولي هي تقولي انه هذا حار وهذا بارد !!

وحتن الصدمات الكهربائيه ماحس فيهم كلللللللش يعني المفروض ان مع الكهربا ريولي تتحرك بس انا مافي ولا حتى ربع حركه

هني حسيت انها صدقتني وانكسر خاطرها علي


وطبعا هاتك ياسوالف واسئله وتعرفنا على بعض وهي تحاول تلطف الجو كل ماواجهت صعوبه مع تمرين معين ...

الله يعطيها العافيه تعبت معاي خصوصا بهاليوم ...

المهم عقب تقريبا ساعتين ونص من التمارين المكثفه ...

رديت الجناح بنفس الطريقه ... المهم الممرضات كانو عند سريري وقالو لي ان في دكتور اليوم بيقابلني وعطوني ورقه

مكتوب فيها عنه


فتحتها


ولا منو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟




:eh_s(2):

 

[dr.tota]

منو يلا كملي معااااج

 

[AlZeenah]

عورتييييي قلبيييييي

 

[أمواج البحر]

منووووو علقتينا

والحمدلله يوم انج تشافيتي

 

[!! شوق !!]

عسا ربي يتمم عليج شفاج .. والله عورتي قلبي ..

بس ماعليه كل بأجره حبيبتي..

 

[خليج***]

صارلي يومين على قصتج,,
وصح صج اهم شي بهالدنيا الصحة وهالقاعدة دايما فبالي,,

ويارب كل مريض يتشافى من كل مرض يعانيه,,

واحنا ناطرين الاجزاء الياية باحر من الجمر لا اطولين,,

 

[عيمية^والقلب^كندري]

منوووووووووووووووووووووووووووووووووووووووووووووو؟

 

[حب زوجي]

واااااااااااااااااي حبيبتي قصتج من قلب تعور !!
كله بأجرة يا رب يا تحاتين بالغالية
و ربج ما يبتلي عبيده الا اللي يحبهم و كل شي خيرة ومكتوب​

 

[غروب@@@]

ناطرين ياام كتكوت خاصي قصتج قبل لاولد شكلي باخذ الاب معاي لمستشفي

 

[ام عفاف الكويت]

ناطرتج ياقلبي

 

[بنت باباتي]

منووووووووووو؟
الدكتور الايراني
<<<< حدهااااااا ذكيه هالبنت

يحبج حق التعلق

 

[ود-امها]

الله يشفيك ويعوضك خير اجر وعافيه تالمت وزعلت وايد عليك انشاءالله هذه اخر الاحزان بحياتك واتشوفين السعاده وكل خير

 

[تمر حنا]

اجر وعافييه ولاطولين كملي حبوبه قصتج حيل مؤثره اول مره تمر علي سالفه جذي