الخامس والثلاثين
وصل ابو سجى ولقاها قاعده بالحديقه تنطره
عبدالله : هلا يبا شتسوين اهني
سجى : انطرك خرعتني
عبدالله : هههههههه شدعوه عاد يالله تعالي تعالي
دخلووو
قعدت سجى جبال ابوها
سجى : يالله قول
قالها عبدالله الي صار من اول ما ياه فارس لي قبل شوي لما دق ابو فارس : وبس هذا كل الي صار فاكيد اهما يايين يخطبون ومبين انهم موافقين على شرطج
سجى ساكته ما ترد
عبدالله : سجى بابا شفيج ساكته قولي شي
سجى : ماردي انصدمت ما توقعت
عبدالله : ما توقعتي يوافقون
سجى : لا ما توقعت بسرعه جي
عبدالله يلمها : حبيبت ابوها كبرت وبتتزوج بعد
دخلت عليهم عمت سجى عبدالله كان داق عليها وقايلها تلاقي البيت ضروري
منيرة : السلام عليكم
الكل عليكم السلام
منيرة : خير عبدالله شنو في خرعتني
عبدالله : الخير بويهج
وقبل لا يكمل ركضت سجى تروح دارها
منيرة :هووو شفيها هذي
عبدالله : عيارت بنات يعني مستحيه
وقالها السالفه
منيرة : بعد عمري سجى والله كبرت لو فتوح عندهااا الحين
وقف عبدالله معصب : منيرة وبعدين جم مره اقولج لا تفتحين هالسالفه اذا اهي للحين رفيجت ونسيتي شنو سوت فيني وببنتي وامي كيفج بس بعديها عن بنتي
منيرة : بس اهي امها ومن حقها تفرح معاهابهذا اليوم
عبدالله : منيررررررررررررررررررة امها ماتت وماعندها ام امها الي قطتها واهي باللفه ما سالت عنها
منيرة : كيفك يا خوي على راحتك انا قلت انبهك مو زين عليك حارمها من بنتها وحارم بنتها منها
عبدالله : اهي اللي تنازلت عن بنتها بحكم محكم وخذت كاشششششش وبنتي مو بحاجتها
منيرة : خلها اهي الي تحكم
عبدالله : منيرة ولي يعافيج صكري الموضوع وياويلج اذا سجى سعت شي من هالكلام
منيرة : صارلي 21 سنه ساكته وسامعه كلامك الحين بعصيك يا خوي مثل ماتبي الله يهديك
عبدالله : مشكورة ما قصرتي الحين ممكن تروح حق سجى اكيد محتاجه اشياء انا ماعرفها
صعدت منيرة حق سجى فتوح ام سجى الي خلتها من اول اشهر وتنازلت عنها بمقابل الطلاق ومبلغ من الفلوس وماردت عنها وكانت رفيجت منيرة ومازالت لما كبرت ولقت نفسها بروحها قامت تحن على منيرة انه تشوف سجى وانها تقنع عبدالله منيرة حاولت بعبدالله وللحين تحاول بس اهو رافض مايبي أي صله فيهاااا وسجى طبعا ما تردي واهي ما تقدر تكسر كلامه لانه تنازلها كان بحكم محكمه
دشت منيرة على سجى لقتها واقفه حدام كبتاتها
منيرة : مبروك العروس ولمتها حيل وباست راسها
سجى : عمتي بعد ماصار شي
منيرة : هههههههه تستحين بعد مع الوي هااا اخترتي شنو تلبسين
سجى : لا ماعندي شي احس
منيرة : امشي نروح الثريا ولا زهرا اكيد نلقى شي
سجى : تهقين ما يقول ابوي شفيها ما صدقت
منيرة : هههههههههههه امشي امشي قال ابوج وخلص
سجى : ههههههههههههههههه يالله
ونزلووو لقو عبدالله قاعد يدخن وحده معصب
سجى : بابا شفيك
عبدالله : هلا حبيبتي سلامتج ما فيني شي وين رايحه
سجى استحت واسكتت
منيرة : بنروح ندور لها شي تلبسه على السريع
عبدالله : أي بتروحون الصالون بعد
منيرة : أي اكيد
سجى : لا عمتي عفيه انا اسوي شعري مابي ابين اوفر
عبدالله + منيرة :ههههههههههههههههههههه
عبدالله : الحين رايحه تشترين بدله مو اوفر الشعر والمكياج اوفر اخ منكم بنات
وطلعووو يدورون لها بدله
وصلت ام براك مع اخواتها ثنتين وعمت براك وبراك
وكان بتظارهم عمات مثايل وامها
بعد السلام والسوالف ام براك كانت طبيعيه جدا وجنه عاجبها الوضع لما شافت الام شلون تتكلم كويتي والعمات شلون سنعات بس الصدمه كانت لما دخلت عليهم مثايل
كانت لابسه نفنوف بف من صوب الجم والصدر وبعدين صاير فيه جنه حزام عريض من تحت الصدر وضيج لي نص الفخذ ولا بسه كعب وفاله شعرها وحاطه حمرا حمراااااااااااا طالعه اتينننننننننننن خالات براك وعمته انصدمووو من جمالها الاخاذ وبنفس الوقت من جراتها ولبسها
سلمت وقعدت لا وحاطه ريل علي ريل بعد
براك مبين على ويه الصدمه اهو يدري انها جريئه بلبسها بس بعد شارح لها وضع اهله وبيتهم والفتره الاخيرة حس انها تغيرت شوي شفيها الحين شنوو ناويه عليه
ام براك انعفس حالها ومع هذا غصبت روحهااا تقعد وتبتسم وتجامل
غصبت روحها تقعد وتسولف جنه ماكو شي وقامو بيطلعون
ام براك : عاد احنا نخليكم يا ام يوسف تتشاورون وتسالون وردولنا خبر
قبل لا تتكلم ام يوسف ردت عليها مثايل : ماكو نصيب
انصدمت ام براك بس الصدمه الاكبر كانت حق براك
براك : شنو
مثايل : مثل ما سمعت انا ان شاء الله بروح اكمل دراستي برى وماكو نصيب بينا
وخلته وراحت
براك وقف مقهور كان ودها يلحقها ويرها من شعرهااااا
ام يوسف حدها افتشلت ما عرفت شتقول
عمت مثايل : ما عليه اسمحولنا يا ام براك البنت بعدها صغيره واصلا كانت رافضه الحق علينا غصبناها
ام براك ساكته ولا كلمه بس مبين انها لو تتكلم بتخرب الدنيا اكثر من ما اختربت
عمت براك تبي تخلص هالموقف الي موراضي يخلص : ماعليه كل شي قسمه ونصيب وكسبنا شوفتكم
طلع براك مع ام من غير كلام حدهم كانو مصدوميننننننننننننننننننن ليش سوت جذي مثايل ليش
اهي تدري اني احبها وان الارض ماكانت شايلتني من الوناسه وانا رايح اخبطها
ليش خلتنا نيي تبي تذلني تذل امي لا ماعاش ولا كان
كان وده يصرخ وده يطق مو عارف شنو يسوي امه كانت حدها مصدمه وساكته
اقدر اقولكم انه براك حس نفسه انتهى بهذي اللحظه
دخل مع امه البيت وكانو خواته ينطرون
حنين : ها يما بشرو شنو صار
ام براك : الي صار ما يسر لا عدو ولاصديق الحمدالله انه اهما الي رفضووو
حنين : رفضووو ليش بسم الله
ام براك : البنت تبي تكمل دراستهاا
حنين : وليش خلوكم تيون اذا جذي
ام براك تخز براك بنظره تحرق : علمي علمج بس الشرهه مو عليهم علينا احنا الي نزلنا نفسنا لهم ورحنا نخطب منهم وهدينا بنات الحمايل يا قتلك يا براك بنات عمك وبنات خالك بس عييت يا هذي يا مابي زين الي سوت فيني الحين
براك : خلاص يما سوي الي تبين انا من ايدج هذي لي هذي
وطلع براك واهو مقموت ووده يبجي بس مو قادر الا انا بنت صغيره تسوي فيني جذي
عند مثايل
دشت عليها امها لقتها قاعده ترسسم ويها مبين عليه الراحهههههههههههههههه
امم يوسف : اقدر افهم شنو معني الي سويتيه
مثايل : شنو
ام يوسف : كلميني عدل مثايل
مثايل : شنو ماما شنو ناس خطبوني ورفضت
ام يوسف : بهالشكل يرفضون ليش وافقتي ايون عيل مدام عارف بترفضين
مثايل : عشان اعلمهم اني انا الي رفضتهم مو اهماا الي رفضوني
قامت ام يوسف بتطلع عن بنتها : خيبتي ظني فيج مثايل وفشلتيني
وطلعت عنها اما مثايل ظلت ترسم بكل راحه وحست واخيرا انها انتقمت حق كرامتها المجروحه
بس بنتقامج يا مثايل ذبحتي انسان ماله ذنب كل ذنبه انه حبج وحس انج احلى شي بحياته
واثبتي حق العالم انج ماحبيتي براك انتي بس تعودتي على اهتمامه وتعلقتي فيه
اما عند سجى كانت منسدحه على فراشها وتتذكر الي صار اليوم
كانت فاله شعرها وحاطه تاج على ورد على الجنب
ولابسه نفنوف وردي غامج نص جم حرير لي نص الساق فيه كشاكش عن الغوله
حدها ناعمه وحلوه
دشت عليهم وكانو كلهم قاعدين عمتها وابوها وفارس واهله سلمت وقعدت
استذن ابو فارس من عبدالله يقعدون بروحهم وفعلا انفصلووو كل من بمكان
خطب من بنته وعبدالله وافق
وطلب منه يحددون يوم للملجه ويبون يسووون عرسين كبار واحد بالكويت وثاني بديرتهم
قاله بو فارس انه ماعنده مانع انهم يعيشون بالكويت بيشتري فله لهم
بس عبدالله رفض واصر انهم يقعدون معاه بالبيت
قامو الريايل استاذن فارس ما عمه انه يقعد مع سجى على نفراد شوي يكلمها وياخذ رقمها خلاص صارت خطيبته
دشوو على الحريم كانو يسولفون راح لها ابوها وباس راسها وبارك لها وقامت ام فارس تيبببببببببببببببب كان ودها تنحاش وتنخش بدارها بس للاسف
ماتقدر لمتها عمتها منيرة وباسته وام فارس بعد خالتها
قالت لها (من اول يوم شفتج تمنيتج حق فارس والحمدالله الله خقق مناي ))
الي يضحك بالوضع انه سجى طول الوقت ساكتهههه لغايه ما قالها ابوها
عبدالله :سجى بابا روحي الصاله الثانيه مع فارس يبي يقولج شي
سجى : لا
الكل ماتوووو ضحك عليها مبيت مستحيه مسكينه
احمد: خلاص انا اروح معاهم
فارس : استريح انت انا اقول
سجى اهني تعالو دوروها من الفشه خذهااا ابوها ووداها الصاله الثانيه واهي منزل راسها وودها تبجي
عبدالله رفع راس بنته بايده الثنتين : حبيبتي سجى فارس الحين خطيبج ومن حقه يقعد معاج ويكلمج لازم تتعودين عليه
سجى ساكته بس اطالع ابوها وقبل لا يهدها لمته حيل
فارس حيل انكسر خاطره على الموقف
حدهم عبدالله وراح
فارس : ممكن نقعد
قعدت سجى على طول
فارس :هههههه ماراح اطول عليج اهما كلمتين بس
طالعته سجى بعيونها المكحله ورموشها الكثيفه
فارس : لا اطالعيني جذي ماتحمل
سجى : فارسسسسسسسسسسسسسس
فارس : ياعيون فارس يا روح فارس
سجى ويها قلب احمر بس ستل ساكته
فارس : من اول مرة شفتج تعلقت فيج انتي صنعتي مني انسان ثاني انسان ناجح انا تاخرت طول هالوقت عشان لما اخطبج ايج وانا رافع راسي وكل الناس يحسدونج علي مثل ما يحسدوني عليج انا احبج سجى والله احبج
كلام فارس دش قبل سجى خلها تحبه اكثر كان ودها تبادل نفس الكلام بس ماتقدر سجى بنت بريئة بحياتي ماحبت ولا طق الحب باب قبلها
بس حبها حق فارس اقتحم قلبها من غير مقدمات
فارس : طلع مو باليه من مخباته : ممكن تعطيني رقمج انتي الحين خطيبتي وباي وقت اقدر اكلمج
سجى : بس
فارس : لا بس ولا شي عمي واستاذنت منه وماعنده مانع يالله قولي
سجى :ممكن التلفون
عطاها فارس دقت له الرقم وخلت يرن عشان يطلع عندها وردت له واهو مبتسم ويطالعها
قامو وراحو عند اهلهم
ام فارس : هااا يا منيرة متى تبين نشتري الدبل احنا بس يومين وبنرجع
منيرة اطالع عبدالله : الي يريحكم
عبدالله : خلوها على الملجه على ماله داعي اتعبون روحكم
ام فارس : لا شلون لازم سجى تنقي
منيرة : وييي يا ام فارس شدعووهه انتو نقوهاااا
ابو فارس : خلاص عيل على بركه الله ان شاء الله الخميس الياي الملجه
عبدالله : تمام اهنا عندي بالبيت وامانه عليكم عزموووو كل الي يعزون عليكم بنسوي لها حفله صغيره للحريم بالبيت والريايل عشاهم والملجه بديوان العايله
ابو فارس : خلاص تم
فارس : يطق ابوه للخميس مو وايد اليوم الاربعا ترى
ام فارس : شفيه فارس شتبي تقول شي يما
ابو فارس : لا بس يقول مافيه صبر
سجىىىبغت تموت من المستحااااااااااا والكل ضحك على فارس
كثر ما اكتب ماراح اقدر اوصف لكم احساس فارس وسجى كانت فرحه ونشوه الحب اهي الي تمشيهم
سجى عقب كل هالذكريات ما قدرت تنام دزت مسج حق كل صديقاتها
(( احبكممم كلكم اليوم كانت خطبتي فارس خطبني ويوم الخميس ملجتي وكلكم لازم تكونون موجودين احبكممممممممممممممممممممممم ))
هلت عليها المسجات عقب ماوصلهم مسجها الي يبارك والي يتمنى
حدهم استانسوووووووو هذي الحين ثاني وحده بالشله تكلل حبها بالزواج
ويالله مابقى شي استعدووو باجر ملجه ريهام وراشد
بتعدي علىىىى خير ؟؟؟؟؟؟؟؟؟؟؟
