قصتي الأولى حصري لكويتيات " لقيت روحي بعد ما أنا لقيتك"

[sarah^_^cool]

القصه تينننننننننننننننننننننننن ماشالله عليج و اسلوبج روووووووووعه يلا كملي حبوبه

 

[just one love]

إي والله حتى اناا متخيلته جذي نفس الاحساااس :gathering:

looool :dddds:

 

[P!NKia]

يسلموووو
بس نبي بااارت طووويل
وجد ريهاام كاسره خاطرى

 

[الاحاسيس المبهمه]

واااااااااااااو الباارتاات عجيييبه تسلم إيدج

نبي بااارت اطوووووول

 

[Bq]

الرواايتج روووعه
أحلى شي لم يقول سالم حق شوق تزوجت غبيه و الله من أول ما قال تزوجت توقعت الخدامه خخخ
تسلمين

 

[sindrella]

اييييي نبي بعد كلها ماقدر اصبر يصير فيني اعصاب ترى
لما اشتري روايه لو 300 صفحه اقراها مره وحده لان ما اقدر اصبر خصوصا لو كانت القصه تهببببل مثل صاحبتها

مشكوووره شويه وأنزل لكم النهايه ^_^

 

[sindrella]

بناااااااااااات آخر جزئييين وصلو



<<<<<<الجزء لثامن والعشرون>>>>>
بدر.....
رجعت البيت ع الساعه 11 بعد ما كنت طالع مع علي ولمن وصلت رحت حق دار ريهام ريهام يت لي بسرعه تركض وقالت: بدر روح حق شقتك. بدر: ليش شفيج ؟ ريهام: ما فيني شي بس مسوية لك مفاجأه. بدر: والمفاجأه ليش حاطتها هناك ! ريهام:جذيه يلا بدر عفيه عفيه روح شقتك بتلاقيها, بدر: حاااضر و طلعت ورحت الشقه أول ما بطلت باب الصاله دق قلبي لمن شفتها قاعده نوف وقفت وقالت: ولهت عليك .ابتسمت و قلت لها: أنا أكثر ركضت نوف ولمتني وبجت بدر: حبيبتي نورتي البيت و يا ويلج إذا طلعتي منه مره ثانيه. وخرت نوف وقالت: وعد بدر ما راح أهدك لو شنو يصير مسكت إيدها وقعدنا. نوف: تدري منو اللي خلاني أرد.بدر:منو خليني أبوسه على راسه. نوف: ريهام.استغربت وقلت لها: شلوون. نوف: إهيا يت اللي البيت واقنعتني ارد طلعت فقيره وانا اللي كنت ظالمتها, بدر: إي والله ريهام صج خووش وحده
بعد إسبووع
زيــنه....
كنت قاعده بالصاله وقاطه كتبي بالأرض وأدرس وأطالع التلفزيون,لا يرن تلفون البيت قمت وشلته.سلمان: ألوو . زينه : ألو هلا سلمان.سلمان: زينه امي وينها.زينه: مو هني طالعه. سلمان: دقي عليها قولي لها شووق ولدت ويابت بنت. زينه: صج مبرووووك لازم تسمونها زينه. سلمان: بعدين بس انتي دقي عليها خليها تيي لنا إحنا بالمستشفى الهادي.زينه: أوكي الحين أدق يلا مع السلامه.
ريهام....
دشت علي زيوون الدار وقالت: ريهاااام شوق ولدت رديت عليها بفرح: صج الحمدلله شيابت؟ زينه: يابت بنت يلا عفيا عفياا قومي وديني لها. ريهام: يلا بس خليني أستأذن من بدر خالتي وينها. زينه: أمي دقيت عليها قالت لي انها راحت مع شدوون . ريهام: أوكي مسكت الموبايل دقيت عليه طبعا بدر ونوف بدا دوامهم بنفس المستشفى. بدر: هلا والله ريهام. ريهام: الوو بدر أبشرك شوق مرت سلمان ولدت. بدر بفرح: لااا شيابت ! ريهام: يابت بنت. بدر: ماشالله متى. ريهام: العصر بس انا بغيت أستأذن منك عشان بروح مع زيوون المستشفى. بدر: إي إي روحي وسلمي عليهم أنا لي خلصت الدوام أمر عليهم مع نوف. ريهام: ماشي يلا مع السلامه
الأم.........
سألت سلمان وإحنا قاعدين بغرفة شوق بالمستشفى: ها يمه شناوين تسمونها ! سلمان: والله يا يمه انا متفق مع شوق اذا بنيه إهيا اللي بتسميها. طالعت شوق وقلت لها: وانتي شوق شرايج ؟ شوق: بسميها شـادن خالتي عشان تطلع حللوه مثل عمتها.باستها شادن وقالت: فديتج تبطل الباب ودشت زينه مع ريهام سلمو على شوق. زيـنه: وينها ولية العهد وينها ! سلمان: خليها زيوون نايمه لا تسوين لها إزعاج قربت منها زينه وباستها وقالت: وااي سلم قلبها سبحان الله نسختي الثانيه.ضحكنا كللنا على حركة زيوون وقعدنا شويه ورجعنا البيت......
شووق....
كانت الساعه 7 الصبح بطلت عيني لقيت سلمان نايم ع الكرسي واااي فديته مو راضي يخليني بروحي هزيته بيدي وقلت له: سلمان, تنبه سلمان وقال: ها هلا. شوق: قوم وصلني بيتنا وروح إرتاح بالشقه. سلمان: شنو ليش بتطلعين بسرعه ! شوق: بس بالبيت أرتاح أكثر وانت بعد عشان تبدل وتنام على راحتك. وقف سلمان وقال: خلاص حبيبتي خليني اسوي اجراءات الخروج وارجع لج وطلع بسرررعه.....
شــادن...
كان عندي بريك بالجامعه طلعت موبايلي وشبكت ع النت وقعدت أجيك إيميلي طالعت ولا خـالد داز لي إيميل قعدت أقراه " السلام عليكم إلى حبيبتي شوشو.. أنا مش عارف أبدا منين بس انا استنيتك كتيرر وقلت يمكن تغيري رايك و تتصلي بيا وتقولي انك موافقه نهرب من الكويت ونتجوز في مصر بس انتي شكلك نسيتيني خالص ع العموم انا قررت أتجوز الإسبوع الجاي وعاوز اقولك إني فعلا حبيتك بس للأسف ما حصلش بينا نصيب وأنا آسف على إقتحامي حياتك فجأه وانتبهي على نفسك..مع السلامه . حبيبك سابقًا: خـالد " انا من قريت هـالإيميل ودموعي بدت تلمع بعيني بس مسكت نفسي وما بجيت فصلت النت و رحت البيت بدون لا احضر محاضرتي....
سلمان.........
دق علي مساعد ولد ييرانا اليوم وقال لي إنه اهوا ناوي يخطب شادن مره ثانيه و يتمنى لو نفكر مره ثانيه ونغير راينا انا قلت له بسأل شادن وارد له خبر لأن الراي أولا وآخرا لها سديته منه و دقيت على شـادن.شادن: الو. سلمان : السلام عليكم. شادن: هلا وعليكم السلام. سلمان :شلونج شادن؟ شادن: الحمدلله بخير إنت شلونك وشلون شووق؟ سلمان:الحمدلله بأحسن حال شادن انا بغيت اقول لج إنه ولد ييرانا مساعد اللي تقدم لج ورفضتيه تقم لج مره ثانيه و أبيج تفكرييين عدل و ترديين لي خبر وترا الريال ما في شي ينعاب و إحنا سائلين عنه من قبل, شادن: سلمان اللي تشوفه. سلمان: يعني انتي موافقه. شـادن : إي موافقه. سلمان: مبرووك مبروك يلا مع السلامه بيي لكم انا بعد شوي .شادن: مع السلامه..
<<<<<نهاية الجزء الثامن والعشرون >>>>>
<<<<<<الجزء التاسع والعشرون >>>>>
زيـنه...
اليوم ملجة شدوون وحدنا مستانسين ومتيمعين في دارها طبعا إهيا كانت رايحه الصالون وقاعدين أنا وريهام ونوف وشادن الصغيره مع خدامتها تحت عند امي ريهام خزتني وقالت : ماشالله عليج يا زينه تعرفين تحطين مكياج حق روحج. زينه: هههههه شفيج انا مو ياهل ترا كبرت.ضحكت نوف وقالت: عيال الحين بالمتوسطه تعرف تحط حق روحها حسبالج إحنا. ريهام : يلا عيل خلصي من روحج وحطي لي. زينه: إنزين ثواني بس..
ريهام....
بعد ما خلصت المكياج رحت داري ببدل ولا ألاقي بدر قاعد يلبس لف علي بدر وقال: الله شالحلاة شالزيين ابتسمت بخجل وقلت له : عيونك الحلوه. بدر: هـا وصلو أهل المعرس ولا بعد ! ريهام: لا بعد رحت طلعت بدلتي من الكبت قعد بدر وقال: ريهام شرايج بالويكند الياي نسافر البحرين 3 أيام ونرد.ريهام : ونوف. بدر: لا تخافين نوف ما راح تتضايق لأن هاذي فكرتها بعدين انتي ما استانستي ببداية زواجنا اعتبري هال3 ايام شهر عسل.ريـهام: اللي تامر فيه بدر.....
الأم.........
الأرض مو شايلتني من الفرحه يوم شفت شادن لابسه البدله الخضراا وداشه على هالزفه صايره ملكة جمال طبعا بعد الرقص والأغاني والونااساا إحنا قعدنا نتعشى و شادن طلعت مع ريلها,أم مساعد: بالمبارك يا أم سلمان.الأم: الله يبارك فيج . ام مساعد : تعالي خلينا نتفق ع العرس وتفاصيله. الأم: يلا تعالي خنقعد بالصاله الثانيه ورحت معاها ......
شــوق....
خذاني سلمان انا والخدامه وشدوون الصغيره وبالسياره سلمان: شفيج ساكته ؟؟ شوق: سلمان باجر راح يكون 30/1 سلمان: تاريخ شنو . شوق: @@ شنهوو نسيت اهم تاريخ بحياتنا. سلمان: لا لا ما نسيت شدعواا عاد انسى اهم تاريخ. شوق: عيل قوول تاريخ شنو. سلمان: هه انا ذاكر بس اطفرج. شوق: ذاكر عيل قول . سلمان: شفيج مو تاريخ عيد ميلادج.شوق: لاااااااااا عيد ميلادي شهر 4 هاذا عيد زواجنا.ولفيت ويهي.سلمان مسك إيدي قال: مو تزعلين شوقه صدقيني إني ذاكر بس بطفرج . شوق : ما زعلت بس تضايقت حسبالي نسيت. سلمان: انتي من صجج انا انسى روحي ولا انسى هالتاريخ يلا ضحكي عاااد انشالله أيامنا كلها أعياد, ابتسمت وأنا أقول بداخلي: الله لا يحرمني منه يا رب........
شــادن.....
بعد ما طلعنا من المطعم وإحنا راجعين كنت ساكته و أفكر بمساعد طلع طيب و حبووب وطوول الوقت يحاول يرضيني مساعد : شادن متى تبين نسوي العرس؟ شادن: مادري على راحتك. مساعد: أنا أفضليكون بعطلة 15 عشان اليهال يكونون خلصو مدرسه , شادن: زين مساعد انا بقولك إنه إذاخلصت إنشالله ماجستير ودي أكمل دكتوراه. مساعد: ميخالف شادن أنا عمري ما راح أمنعج إنه تحققين طموحج بالعكس راح أساعدج وأوقف معاج.ابتسمت وقلت له: تسلم حمدت ربي من داخلي انه الله رزقني بالريال الزين والمتفهم واللي أقدر أتطمن على روحي معاه
" لقيت روحي بعد ما أنا لقيتك وبعد اللقى أرجوك لا لا تغيبي صعب علي أبقى أنا ما نسيتك إحساسي كني بين ربعي غريبي "

>>>>>>النهــــايـــــة<<<<<<<<<​

 

[sindrella]

بنــات بلييز اللي قرو قصتي قولو لي رايكم بكل صراحه و منو أكثر شخصيه حبيتوها وإذا عندكم انتقاد أي شي قولوه :d


وأشكر متابعتكم :$

 

[Bq]

روووووعه الرواااايه تسلمين على القصه الحلو وأنشاء الله تكتبيلنا روايه ثانيه بس
حسافه ختمت الروايه بدون لا أقرى صفحه رقم2 مليت وأنا احاول فيها بس مراضيه تطلع

 

[MeeMeeYoo_2]

^^^^

اي صح الصفحه الثانيه كله تعلق مادري شفيها


امممم احلى شخصيه

سلمان
لان كان شي وطلع شي ثاني

وبصراحه املق شخصيه زينه @@
وايد ملقوفه ! ;p

يعطيج العافيه حبيبتي

ناطرن يديدج

 

[جوود الووفا]

واااااااااي شحلااااااااتهاا القصصصه

تسسلم ايدينج والله

أكثررررررر شخصيه حبيتهااا ريهااام .. وشوق

وشادن صراحه تبط الجبد ههههه الحين هدت عيال الكويت عيال العز وشسمه *** < كلمه مشفره


ومآعندي أي إنتقآد وواصلي حبيبتي :$

 

[Fatma_A.m]

تينن القصه بس وايد كاسره خاطري ريهام

 

[sindrella]

روووووعه الرواااايه تسلمين على القصه الحلو وأنشاء الله تكتبيلنا روايه ثانيه بس
حسافه ختمت الروايه بدون لا أقرى صفحه رقم2 مليت وأنا احاول فيها بس مراضيه تطلع

وييي حآولي مره ثانيه لأن توني جيكت وتبطلت معاي عادي

 

[sindrella]

^^^^

اي صح الصفحه الثانيه كله تعلق مادري شفيها


امممم احلى شخصيه

سلمان
لان كان شي وطلع شي ثاني

وبصراحه املق شخصيه زينه @@
وايد ملقوفه ! ;p

يعطيج العافيه حبيبتي

ناطرن يديدج

الله يعافييييج حبيبتي و إنشالله إذا كتبت قصه ثانيه بقوولكم

 

[sindrella]

واااااااااي شحلااااااااتهاا القصصصه

تسسلم ايدينج والله

أكثررررررر شخصيه حبيتهااا ريهااام .. وشوق

وشادن صراحه تبط الجبد ههههه الحين هدت عيال الكويت عيال العز وشسمه *** < كلمه مشفره


ومآعندي أي إنتقآد وواصلي حبيبتي :$

الله يسلمج يا الغاليه لوووول


إنشالله راح أواصل وانتي أول وحده راح تعرفين اذا كتبت غيرها إنشالله

 

[sindrella]

تينن القصه بس وايد كاسره خاطري ريهام

مشكووووره حبيبتي ع المتابعه

 

[sarah^_^cool]

القصه روعععععععععععععععععععععععععععه و اسلووبج هم روووووووعه
انا حبيت ريهام وايد لانها وايد واايد واايد طيبه و اكسرت خاطريييي مسكينه

 

[Nonita-q8]

وااااو روعه تسلم ايدج الله لا يحرمنا منج
اممم اول شي كنت اكره ريهام بس بالاخير حبيتها
حبيت بدر لانه انحط بموقف مايتمنى اي انسان ينحط فيه
شادن حبيتها وايد وشوق تمنيت اني اكون بمكانها :$
وبس يعطيج الف عافيه

 

[just one love]

حلووووووووه النهايه
اللي عجبتني بالقصه شوق
وماعندي ولا ملاحظه عالقصه الا انها واااااااااااااااااااااااايد حلوه وناطرين كتابج ان شاء الله

 

[P!NKia]

روووعه القصه
اكثر شخصيه حبيتهااا
ريهااام
وميرسي