قصة حياتي مع الاكزيما ... من الالف الي الياء

[بطه فيها نطه]

كملي حبيبتي ناطرينج

ان شاء الله ... وشاكره متابعتك للموضوع

 

[بطه فيها نطه]

انا صارلها سنة الاكزيما يايتني وانا عمري 24 لووووووعة بايدي وفخوذي وحتى فروة راسي من ورة متجرحة وجنها حبوب قديمة دم يابس والحكة تذذبح والحين طالعتلي بمكان الوحمة والمنطقة الحساسة وطلعت عين

معاناة الاكزيما الله يعينج ويعينا ان شاء الله

كملي ناطرينج ..

الله يشافيك ياقلبي وماتشوفين شر ... تابعيني والله يكتبلك الشفا ان شاء الله

 

[بطه فيها نطه]

لما كنت صغيره رحت عند كذا دكتور وقالولي بس تكبرين بتروح منج ولي يومج هذا واهي معاي يعني 18 سنة :0bee2e8d89:

حبوبه يا ليت تفيدينا ونكون شاكرينلج

يا رب تشفينا :yaaaaaarb:

في انتظارج

الله يشافيك حبيبتي ... وكل شيء مو بعيد عند الله

 

[بطه فيها نطه]

الله يعينج على الحكه ماساااااااااه الله يشفيج ويشفي كل مريض يارب هالايام اغلب الاطفال فيهم اكزيما كملي سالفتج انشالله نستفيد منها

الله يسلمك اختي ... والاكزيما انواع ان شاء الله راح اتكلم عنها

 

[بطه فيها نطه]

وااااااااااي بنتي فيها اكزيما بريولها وبطنها وراح منها

بس كملي قصتج واقولج عند منو رحت

الحمد الله على سلامتها وماتشوف شر حبيبتي ... ويشرفني اسمع منك

خصوصا تجربتك كام مع بنت مصابه

 

[بطه فيها نطه]

كملي ناطرينج حبوبة

بل على المرة صج حسودة يعلها تذوق الي ذقتية

يالله الحمد الله على كل حال ... واللي يشوف مصايب غيره

تهون عليه مصيبته ...

 

[بطه فيها نطه]

انا فيني اكزيما بس الحمدلله اللحين اشوا خفت حيل والعلاج : كريم نيبو وكريم ديرموفيت

وصفتها لي الدكتوره قنال الصايغ

ان شاء الله تروح منك بالمره مو بس تخف حبيبتي ... تابعيني

 

[زقرتية]

يالله على الاقزييييينه ماذيتني حيل
تخيلي ما قدر اطب بحر ولا اقعد بالشمس مده
على طول ويهي يشب حساسسيه
والحين على يمين ويسار شفايفي
كله مقشر ويحكني واحمرر
مدري شسوي
صج تعبت
انا تروح واتيي واكثر شي بالحر وبالصيف
والحين صارلي فوق الشهر هالماكنيين ما راحت منها الاقزيمه
والحين قاعد احط الف كووورت
ومن ثر الحك صار مكانه اسود

واللي يسلمج ويوفقج
تقوليلي شنو الحل

 

[بطه فيها نطه]

تااااااااااااااااااابع القصه


المهم خذيت سنين وانا افرك بهالسدر وماكوا فايده ... الكل قال عين ودوها يقرون عليها وفعلا الوالده والوالد

ماخلو شيخ ولا مطوعه الا ورحت لها ... والبلى باقي ماراح ....

تعودت انا على الوضع وكل مااسرح شوي احط ايدي براسي واحك وماارتاح الا لما خلاص اطلع دمي ...

وطبعا امي قاعدتلي قعده ... بس تشوف ايدي يم راسي تقول لا تحكين وانا ارد الرد المعتاد مااحك ... دارت الايام

وكبرت والوضع نفسه ... طبعا انا خلاص مليت من اي علاج ... وقمت ماارضى اي احد يقترح بشيء ... المهم

دخلت الثانويه ... ونادر اللي يحس فيني شيء لانه مجرد قشره بيضه وليه حكيتها بينت ... بعدها تخرجت من الثانويه

وقلت لازم اعدل حواجبي لانهم عراض ... رحت الصالون وطبعا كل مره امي معاي لانها اساسا مو راضيه تقول

حلوين وتخاف اضعفهم .... المهم بعد مارتبتهم صار شكلهم وااااااااااو ... والله العظيم بعد ماخلصت الاوانا عند الحمام

عزكم الله وحده اسالتني منو اللي حفلك ؟؟؟ ترى واااااااايد حلوين وانا حدي مستانسه حتى ماحصنت نفسي من كلامها

ويوم رحت احاسب ... تصدقون وحده ام يعني مرا كبيره تقولي شنو تحطين لحواجبك حبيبتي ؟؟؟ خروع

وانا على ويهي ولا شيء اهم جذي ...... المهم بعد فتره من دخولي الجامعه تزوجت بانسانه طيب ومتفهم الحمد الله

حملت بعد 6 شهور وخلال فترة الحمل ... الاكزيما اختفت مره وحده لااحك ولا قشره ... بالعكس بشرتي صارت

حلوه وشعري صار كثيف ... وكل شيء اوكي ... طبعا الكل يفتي انها نفسيه وعلشان جذي راحت ... بس اللي مايعرفونه

ان الهرمونات تلعب دور حتى بالاكزيما .... ولدت بنتي وبعدها بدت ترد بالتدريج ... يعني القشره نفسها ردت لشعري

والله اني ليه قمت من المخده لازم انفظها اخاف زوجي يلاحظ .... وانحرج

بعد ماتوظفت وكبرت بنتي ... تقريبا بعد 5 سنين ... حملت ببنتي الثانيه ... بس هالمره العكس تماما ...

اهني حزتها بديت اصبغ حواجبي بدرجه بنيه او اكسر السواد علشان كان لون شعري فاتح ... فكنت اصبغ بالاول عند وحده

بالصالون ووحده ثانيه تحفهم لي ... فلما كنت اروح لها تقولي انتي منو اللي صبغلك هذي الحفافه ... طبعا اهي مو مسلمه

واكيد ماتذكر الله .... وانعجبت فيهم واااايد .. فكنت حزتها اسولف للوالده تقولي يما حرام والله هذيل ناس ماتذكر الله ينفثون

بويهك وانتي حلوه .... كنت اقولها يعني شنو اخليهم واصير ريال ... طبعا الواحد مايسمع الكلام الا ليه فات الفوت ....

بعد فتره بديت احس بحكه بين حواجبي يعني فوق خشمي فوق .... وبكل مره احس ان المنطقه هذي لونها شوي وردي

يعني مو مثل باقي بشرتي ....

 

[بطه فيها نطه]

يالله على الاقزييييينه ماذيتني حيل
تخيلي ما قدر اطب بحر ولا اقعد بالشمس مده
على طول ويهي يشب حساسسيه
والحين على يمين ويسار شفايفي
كله مقشر ويحكني واحمرر
مدري شسوي
صج تعبت
انا تروح واتيي واكثر شي بالحر وبالصيف
والحين صارلي فوق الشهر هالماكنيين ما راحت منها الاقزيمه
والحين قاعد احط الف كووورت
ومن ثر الحك صار مكانه اسود

واللي يسلمج ويوفقج
تقوليلي شنو الحل

الله يشافيك ياقلبي .. انا بالموضوع او القصه هذي راح اتطرق لكل شيء

الاشياء اللي تضر او اللي تهيج الاكزيما وانواعها .... الخ

واكيد اسم الدوا ... اللي شافاني بعد الله سبحانه راح احطه لكم وان شاء الله

الله يشافيكم مثل ماشافاني حبيبتي

 

[الأم الصغيره]

قاعده تشربينا جرعااااااااااااااااااااااات تدرين ليش بين حواجبج جاتها الحساسيه عشان النمص حرام ديرو بالكم بنااااااااااااااااااااااااااات النمص حرام ولا تزعلي حبوبه كملي لنا قصتج ويعطيج العافيه

 

[بطه فيها نطه]

قاعده تشربينا جرعااااااااااااااااااااااات تدرين ليش بين حواجبج جاتها الحساسيه عشان النمص حرام ديرو بالكم بنااااااااااااااااااااااااااات النمص حرام ولا تزعلي حبوبه كملي لنا قصتج ويعطيج العافيه

لا والله بس الكتابه تاخذ مني وقت وخاصه الحين شهر رمضان مزدحم تعرفين

واكيد ماازعل حبيبتي ... اكيد حرام بدون ادنى شك ...

 

[NoNoFeTa]

واي اخترعت من نملتج !!

 

[بطه فيها نطه]

بحاول اختم لكم القصه ....


المهم انا اهني فطنت وخلاص ماباذني ماي على قولتهم اكيد حسد .... قطعت عن روحة الصالونات بغرض الحف طبعا

وبنفس الوقت كلام امي بعد يرن باذني ... حرام يمى تحفين ...

قامت حواجبي تقشر بنفس نوع القشره اللي براسي ... وبعدها جبهتي بدت يحمر لونها ... وكلمالها وتكبر مساحه

المنطقة الحمرا ....

كرهت اني اختلط بالناس ... ماقمت اروح يمعات ولا استقبالات واتعذر اني مشغوله او اي عذر ثاني ... مااحب احد يشوفني

مااحب اقعد بمكان فيه اضائه ... حتى زوجي لما يكلمني اقوله شوي وخر او ادزه مااحبه يتمعن بويهي ... بعدها اطلعت باذني

من داخل وعلى الاشحمه ومن بره يم ازلوفي .... بديت اكره نفسي حتى ماقمت اهتم اذا شكلي زين ولا لا ....

تمر على ايام طول الليل بس ابكي .... وزوجي يقول ذكري الله شفيك حلوه جنك البخت ... ودايما اساله حتى وجهي تغير

او صار بشكلي وجسمي شيء ... تكش مني ..؟؟؟؟

تخيلوا حتى ليه لميت بناتي ... بعد مااوخر اشوف قشرتي الصقت بشعرهم ... او اللقاها على لحية ريلي وقلبي يعورني

قمت اخاف اعاديهم ....

طبعا في اشياء واااايد تهيجها منها :

الشامبو وادوات التنظيف وخصوصا جف البودر مااتحمله بالمره

الطيور وهذا لاحظته بسفرتي يوم دخلنا حديقة الاطيور بماليزيا ماقدرت اتحمل ... جسمي كلاني

خيشة العيش

في انواع شير ليه صرت بالمزرعه احس جسمي ياكلني ... وفي انواع فاكهه مثل البطيخ والكيوي خصوصا قشرته

ليه لمستها والمانجا والبيض لبعض الناس بعد يهيجهم ...

وفي خضار بعد مثل الكوسا وراس الباذنجان والباميا .... طبعا ليه لمستهم بس واكيد ماانسى الابهارات خصوصا

الفلفل ....

واكيد مثل ماقريت في اشياء مثل / الاشجار المزهره / الملابس الصوفيه / الموكيت / الرطوبه / الحر / العرق طبعا لانه

مالح فيزيد من حك البشره ...

اهني الوالده بدت تحس اني انطويت ... وللاسف محد يحس بمعاناتي الا زوجي لانه عايش معاي اما امي ... فتقول مافيك

شيء يما الشيطان يقص عليك ... وفي ناس فيها امراض الله يعلم فيها وفي ناس متشوهه من حريجه ... وعايشين حياتهم

انتي بنت حلوه ... وهذا مجرد احمرار ... واكيد بيروح انتي بس ذكري ربك وكثري استغفار ... وردت تحن على اشوف

طبيب ... اهني رحت انا واختي وخميت كل الادويه اللي عند زين الاتات ... واقوى نوع كان عباره كريم سائل ريحته

مثل الخل ولازم احطه عشرين يوم بعد مايحوشني الماي .... طيب اشلون وصلاتي يعني مااتوضى او اتسبح ؟؟؟

فقلت ماكوا الا بالاربعين .... اجرب وحزتها ماعلي صلاة ...

 

[^حلاوه^]

وااااي بعد عمري هالحساسيه مرض العصر كملي متابعينج

 

[بطه فيها نطه]

تااااااااااابع القصه


الحمد الله ولدت بنتي الثانيه بالسلامه وقلت خل اجرب الدوا الحين .... فقلت ماابي احطه على ويهي اخاف يشوهني

خل اجرب صوب اذني ... اول ماحطيت الاوحرقني ... مت شبيت نار وقمت وغسلته وماحطيته بالمره ...

بعدها رحت لعيادة الدكتوره / منى الفارس ... مرا للامانه خايفه ربها وخوش مره بس للاسف الادويه اللي عطتني ياهم

نفسهم اللي عند الحكومه ... بس الفرق اني شريتهم من الصيدليه ... وهم للاسف ماكوا فايده ...

وللعلم ساعات الدوا وخاصه الكرتزون ... اول ليله يكون مثل السحر يطخخ المكان ويمحي الاكزيما بس للاسف مو اكثر

من يومين ليه ثلاث .... وترد ازيد من قبل

بعدها وحده قالتلي دقي على عسل العويد عندهم خوش مرهم ... وفعلا كان سعره 10 ومكان قوطي صغير كان خوش

دوا لفتره وبعدها وزارة الصحه امنعوه لان فيه نسبة كرتزون وبدون ترخيص منهم ...

طبعا كل وحده تقول لك شيء وحده حطي ماي زمزم واقري على لاروحك وفعلا وهم الله موكاتب ... ووحده تقول طحني

الحلبه وسويها كمادات ووحده الحبة السوده ... بس انا ماكنت اجرب لان كان بمنطقه حساسه بجبهتي واذني واخاف شكلي

يصير فيه شيء اكثر مما اهو عليه ...


تااااااااااااابع

 

[بطه فيها نطه]

اهني انا فكرت اسافر بره ... قلت خلاص لازم ادور العلاج بره

سالت ودورت مواقع بالنت وقريت عن الاكزيما واااايد ... اغلبهم قالوا العلاج بالاردن بالبحر الميت بس تسبحي فيه

وجنك جذابه .... بس بيني وبينكم ماكنت حابه اروح الاردن ...

وبعدها شفت كذا موقع طبي ان العلاج موموجود للاسف لانهم فعلا مالقوا لها علاج كلها مجرد مسكنات ... طيب

المهم قالوا جربي اسبانيا يقولون فيها .... المهم قلت يالله اهي سفره ومره وحده ادور علاج .... ورحنا والصدمه الكبرى

كانت نفس الادويه اللي بالكويت .... !!!!!!

عيل وين العلاج نفس الكرتزون .... على فكره اللي يسبب اثر بالجسم كثرة استعماله مو الاكزيما واحنا حيل نلطخ

المهم ليه هذا الموضوع ...


http://q8yat.net/showthread.php?t=200484


وليه هذا الوقت وانا اسال ... وين العلاج ؟؟ ومنو يعرف ؟؟؟

المهم قررت اكثر استغفار واقوم الليل بنيه خالصه .... كان هالحجي تقريبا الليله ومن باكر اختي دقت على ... وقالتلي

++++ تذكرين رفيجتي اللي فيها اكزيما اللي قلت لك عنها ... قلت لها امبلي اللي جسمها كله قالت ايي ... قلت اشفيها

قالت اليوم شفتها وبالمرى الله شفاها والاكزيما راحت ... وهي اليوم تبشرك وروحي اشتري الدوا نفسه ... قلت لها ردينا

ادويه ... قالت والله اقولك بالمره راحت ... وهي نفسها تقولك اشتريه ... قلت لها انزين ....


وهذا الدوا اللي انا رحت واشتريته ....


الدوا موجود بالحواي اللي بجمعية القصور القرين 2 مقابل ثانوية العدساني

علبة صغيره غطاها اخضر وسعرها 3،750 دينار

تعبأة الرياض مكتوب عليه دوا الحساسية

بس قولوله نبي دوا الاكزيما


المهم ... رحت وشريت ... قلت وحده بس لا اكثر علشان مااتوهق فيه اذا ماصار شيء

وعلى كلام البنت صديقة اختي .... اول ليله جلدك يصير غامج او اسود ويتقشر ويطيح وتدهنين بانتظام بالليل وبالنهار

ومن بعدها بدت الاكزيما تروح .. وتروح ... وتروح ... وحتى اثرها جريب يختفي ... الحمد الله رب العالمين


تااااااااااااااااابع

 

[NoNoFeTa]

الحمدالله على كل حال

 

[بطه فيها نطه]

والله ماتخيلون فرحتي ... واخيرا شعر بدون قشره

ماقمت حتى احك ... ماكوا احمرار ... اذني طابت ماكوا قشر جبهه ناعمه بعد ماكانت خشنه



... الحمد الله رب العالمين قادر على كل شيء

والبنت هذي الله دازها لي سبب ... وان شاء الله اكون انا سبب من بعد الله بعلاجكم خواتي ....

انا اليوم اختصرت لكم القصه علشان وايد يسالون عن اسم الدوا ... وياريت اسمع منكم

اذا جربتوه ... ولاتنسون بالاخير العلاج بيد رب الرحمن اذا قاله كن فيكون

وهذي اكيد ماراح تكون النهاية لقصتي ... لاني راح استعرض كثير امور بخصوص الاكزيما وانواعها

واعراضها ... علشان الكل يستفيد ... وهم اكيد احب اسمع تجربتكم مع هالمرض

 

[بطه فيها نطه]

واي اخترعت من نملتج !!

حلوه ههههههههههه