قصة حياتي مع الاكزيما ... من الالف الي الياء

[^حلاوه^]

يالله حبيبتي كملي متابعين قصتج ^_^

 

[بطه فيها نطه]

تااااابع القصه


المهم صار الصبح ووداني الوالد المستوصف وحولوني بوقتها لطبيب العايله باليرموك هذاك الوقت

شافني الدكتور ... وتوقعون شنو قال او شخص اللي شافه بقاعة راسي ؟؟؟

قال ده قمل ...!!!

حرام عليك وين قمل ... جرحت راسي من الهرش وفروتي كلها دم تقول قمل ... طبعا انا حزتها ياهل وهالكلام

اقوله الحين .... عطاني دوا جربته ومافاد ...

المهم بعد السالفه بكم يوم واحد من ربع ابوي ياب لنا هديه من جنوب افريقيا ... كانت عباره عن فرخ كاسكو




المهم كنت انا اقرب اخواني لهذا الطير كنت اغلب وقتي معاه ... كان يمد راسه ويبيني احك

قمته او بمعنى ثاني احرك الريش اللي على راسه .... بعدها بفتره بديت احس ان شعري فيه قشره

بس مو قشره عاديه لا ... كانت مثل البودره ... كل مااحك تزيد .... وللاسف بهذاك الوقت محد فطن

ان الكاسكو عاداني .... لان بعد ماكنت احك ريشه ... اكيد ماكنت اغسل ايدى وارجع احك راسي ...

وانا اهني احب احذر كل الامهات ... ديروا بالكم من الحيوانات المنزليه ... ولا تستهينون بنظافة

الياهل بعد اللعب معاه .... وبعد من صحة الحيوان نفسه سواء قطوه / كلب / سلحفاة / هامستر ...الخ

بعدها ماقمت اقدر انام الليل من كثر مااحك ويطلع دمي .... قرر ابوي يوديني للدكتور بو حمرا ورحنا

وعطاني قطره للشعر وشامبو ... غسلت وجربت الدوا وهم ماكوا فايده ...

قالوا للوالده يبسي قشر الرمان وطحني وفركي فيه قشرة الراس .... وهم بعد ماياب نتيجه .... طبعا انا اهني

فار تجارب ... الكل بيجرب وصفته ودواه .... رديت بعد فتره ورحت لطبيب ثاني لعل وعسى .... كان الكلام

نفسه .... مجرد قشره وخل تغسل شعرها بدون استخدام الشامبوهات الكيميائيه .... عيل شفرك فيه ... قال عندك

صابون رقي ...!!!

تخيلوا شعر طويل وصابون رقي ... المهم الوالده كانت تدخل وتغسل شعري .... قعدت فتره استعمله ونسيت شيء

اسمه شامبو .... لين يدتي الله يرحمها قالت للوالده اشتري سدر وقبل كل سباحه نقعي شوي بطاسه وفركي راسها ...

وهم نفس المعاناة .... شعر طويل وسدر ... اخذ ساعه بس وانا امشطه تحت الماي علشان انزل الورق منه حتى

وان كان مطحون فيه شوائب .....


اكمل لكم باكر بعد ردودكم

 

[املاك ss وافي]

االله يكون بعونج صراحه بس تحمست انا بعد ودي اكتب قصتي ومعاناتي مع مرضي الغريب اللي حتى الاطبا احتاروا فيه بس وي اسمع قصتج اول انا بنتظارك

 

[بطه فيها نطه]

االله يكون بعونج صراحه بس تحمست انا بعد ودي اكتب قصتي ومعاناتي مع مرضي الغريب اللي حتى الاطبا احتاروا فيه بس وي اسمع قصتج اول انا بنتظارك

الله يشافي كل مريض اختي .. وماتشوفين شر

 

[أعترفلك]

الحمد لله على سلامتج



جهازي كان بينكسر بسببج

 

[بطه فيها نطه]

الحمد لله على سلامتج



جهازي كان بينكسر بسببج

الله يسلمك اختي ... بس ليش جهازك بقى ينكسر بسبتي ؟؟؟؟؟

 

[أعترفلك]

فتحت موضوعج وكان يمي اليهال وقلت بروح دقيقه اييب لي قلاص ماي وارجع اقرا موضوعج


لقيتهم قاعدين يطقون النمله اللي بتوقيعج اللي بايده واللي بنعال تكرمين عبالهم نمله صجيه


بس الله ستر ولحقت على الجهاز

 

[^حلاوه^]

سلامتج حبيبتي كملي متابعينج

 

[اميرة الرقه]

كملي اللة يعافيج لان الاكزيما كلتني اكل

 

[ماكنتوشه]

كملي حبيبتي ناطرينج

 

[q8ia_cutaa]

انا صارلها سنة الاكزيما يايتني وانا عمري 24 لووووووعة بايدي وفخوذي وحتى فروة راسي من ورة متجرحة وجنها حبوب قديمة دم يابس والحكة تذذبح والحين طالعتلي بمكان الوحمة والمنطقة الحساسة وطلعت عين

معاناة الاكزيما الله يعينج ويعينا ان شاء الله

كملي ناطرينج ..

 

[I dOn'T kNoW]

لما كنت صغيره رحت عند كذا دكتور وقالولي بس تكبرين بتروح منج ولي يومج هذا واهي معاي يعني 18 سنة :0bee2e8d89:

حبوبه يا ليت تفيدينا ونكون شاكرينلج

يا رب تشفينا :yaaaaaarb:

في انتظارج

 

[ريمه الكويت]

الله يعينج على الحكه ماساااااااااه الله يشفيج ويشفي كل مريض يارب هالايام اغلب الاطفال فيهم اكزيما كملي سالفتج انشالله نستفيد منها

 

[ريمه الكويت]

فتحت موضوعج وكان يمي اليهال وقلت بروح دقيقه اييب لي قلاص ماي وارجع اقرا موضوعج


لقيتهم قاعدين يطقون النمله اللي بتوقيعج اللي بايده واللي بنعال تكرمين عبالهم نمله صجيه


بس الله ستر ولحقت على الجهاز

هههههههههههههههه يحليلهم اتخيلهم مجابلين الكمبيوتر وطق بالنعال :eh_s(4)::eh_s(4): زين ماكسرو الشاشه:krkrkr:

 

[كوكا كولا زيرو]

وااااااااااي بنتي فيها اكزيما بريولها وبطنها وراح منها

بس كملي قصتج واقولج عند منو رحت

 

[لليانه]

كملي ناطرينج حبوبة

بل على المرة صج حسودة يعلها تذوق الي ذقتية

 

[فقدتك يانور عيني]

انا فيني اكزيما بس الحمدلله اللحين اشوا خفت حيل والعلاج : كريم نيبو وكريم ديرموفيت

وصفتها لي الدكتوره قنال الصايغ

 

[بطه فيها نطه]

فتحت موضوعج وكان يمي اليهال وقلت بروح دقيقه اييب لي قلاص ماي وارجع اقرا موضوعج


لقيتهم قاعدين يطقون النمله اللي بتوقيعج اللي بايده واللي بنعال تكرمين عبالهم نمله صجيه


بس الله ستر ولحقت على الجهاز

ههههههههههه والله اني ضحكت من قلبي ....

 

[بطه فيها نطه]

سلامتج حبيبتي كملي متابعينج

الله يسلمك من الشر اختي

 

[بطه فيها نطه]

كملي اللة يعافيج لان الاكزيما كلتني اكل

الله يشافيك ياقلبي ... اتمنى انك تتابعيني