قصة حب بين طلال وشيخة ... مو صج!!عجيــــــــــــبه... "قصة حقيقية"

[aldana]

كما انتي دائما مبدعه مبدعه مبدعه ورائعه جداااااااااااااااااا
بانتظار المزيد .........

 

[مشاعل بنت شعله]

رووووووووووووووووووووعه بانتظار البقيه ...........
يسألوني ليه احبك <<<<<< اموت على هالاغنيه

مشكوره ما قصرتي

 

[rawona]

الكويت – بيت بو وليد

فاطمه قاعده اتجرب واتقيس الملابس اللي شرتهم اليوم من السوق ..

فاطمه: شرفوووه .. تعالي اشوي .. شوفي حجابي هذا يمشي مع هالبدله والا يبيلها لون افتح اشوي؟

شريفه: اممم لا يمشي .. مافيه شي..

فاطمه: انزين البس معاه هالجوتي والا هذا؟

شريفه: البوت عندي احلى!

شريفه: انتي وين بتروحين؟؟ معزومه بمكان؟

فاطمه: لااااااا ... اليوم رحت شريت ملابس واغراض من زمان مو رايحه السوق فقلت يعني اجربهم واركب ملابسي .. علشان اشوف اللي يلوق واللي مايلوق..

شريفه: اهااا!

شريفه: بس؟!

فاطمه تبتسم: لا بعد علشان اشوف احلى بدله والبسها اذا رحت حق طلال بالمطار!

شريفه: بتروحين له المطار؟؟ من صجج؟

فاطمه: اي من صجي! ومو بس انا ! امي كلمتي خالتي سعاد وقالت بنروح معاهم المطار نستقبل طلال وقالتلها خالتي سعاد عادي تعالوا .. ومو بس احنا بعد بيروحون خواتها وعيال خواتها وهم ربعه بيروحون له المطار!

شريفه: اشدعوه! ماتخرج الصبي للحين! ليش كل هالامه رايحه!

فاطمه: مادري يقولون بيسوون له مفاجأه! .. اشوه ان طيارته توصل الساعه 9 ونص بليل مو حزة صيام .. علشان اقدر احط ميك اب!

شريفه: اممم يالله يوصل بالسلامه انشاءلله!


***************************** يتبع!


​

 

[rawona]

بيت بو طلال..

ام طلال كانت قاعده اتوصي الطباخ في المطبخ علشان يسوي الاكلات اللي يحبها طلال ..

ام طلال: شوف باجر .. الساعه 10 كل شي خلاص .. انزين؟ وحط بالسخان علشان لا يصير بارد.. والحلو سوه امبجر العصر .. اوكي ؟

شاجان: اوكي ماما .. كولو خلاص انشاءالله .. انتا لا يسوي خوف!

ام طلال: والله ما يندرى عنك ... وين ساندرا؟ ساندرا.. ساندرا..

ساندرا: نااااااام ماما؟؟ (يعني نعم) ..

ام طلال: خلصتي غرفة طلال؟؟ كل شي نظيف؟؟

ساندرا: كولو نزييييف ماما ..

ام طلال: خلاص باجر قبل لا يوصل طلال شبي فحم وبخري الدار .. مره الصبح ومره العصر اوكي؟

ساندرا: اتشا..


نوره وحصه بغرفتهم .. شابكين على الانترنت ومشغلين اغاني ..

نوره: توه طلال دازلي ايميل .. امس خلص اخر اختبار .. الحين الفير عندهم باجر اطير طيارته ويوصل الخميس! وييييييي فرق التوقيت وامي علباله باجر بيوصل!

حصه: روحي قوليلها المسكينه من الصبح مشتطه واتوصي الطباااااااخ!!

نوره تركض وتروح حق امها .. لقتها قاعده بالصاله مع ابوها..

بو طلال: يه! اشفيج تركضين .. منو لاحقج؟

نوره: لا يبه بس توه طلال دازلي ايميل ..

نوره تحاول تاخذ نفس علشان تقدر تتكلم "اتعبت من الركض" ..

نوره: يأكد علي ان طيارته اطير باجر الاربعاء بتوقيتهم .. توصل الخميس بتوقيتنا .. فقلت ابلغكم لانه امي علبالها باجر بيوصل!

ام طلال: هاو! مو قال الاربعاء طيارته؟؟

بو طلال: اشفيج سعاد اتقولج البنيه الاربعاء بيطير وبيوصل الخميس بتوقيتنا!

ام طلال تقوم تركض: ويييييييي خلني اروح اقول حق شاجانوه قبل لا يطلع الايدام !

نوره وبوطلال يضحكون!


************************************ يتبع!

​

 

[esperanza]

ونااسه وصلت على أحلــــــى بارتآآآآآآآآآآت

تسلم الأيادييي ويعطيج العافيه

القصه روعه وحدها صارت وااااااااااو

كملي ناطرييينج حبيبتي

 

[rawona]

كما انتي دائما مبدعه مبدعه مبدعه ورائعه جداااااااااااااااااا
بانتظار المزيد .........

رووووووووووووووووووووعه بانتظار البقيه ...........
يسألوني ليه احبك <<<<<< اموت على هالاغنيه

مشكوره ما قصرتي

مشكورين حبيباتي ..


انشالله احاول اكتب الحين جم بارت بعد :33_1185028183:​

 

[rawona]

ونااسه وصلت على أحلــــــى بارتآآآآآآآآآآت

تسلم الأيادييي ويعطيج العافيه

القصه روعه وحدها صارت وااااااااااو

كملي ناطرييينج حبيبتي

والله عيونكم الاروع !!


يسلمووو على المتابعه والتشجيع.. وانشالله راح اكتب الحين بارتات يديده! :eh_s(17):
​

 

[esperanza]

لأ تأزمت لما قريت فاطمه

خلاص فاطمه إنتي ما تحبينه خليييييييييه

 

[aldana]

هلا اسبرانزا شخبارج من زمان ماشفتج بالقصه
واو شي عجييييييييييييييييييب يارونه انا متخيله كل الاحداث
اليوم ماكو لقافه ..........ماتوقعت شي لي الحين <<<<<<<<< thinking of comments

 

[ام سوسو]

وناسة

نبي بعد ..

 

[esperanza]

هلااا الدانه ..بخيرالله يسلمج.. إي والله توني قعدت أقرا اللي فاتني ..رووووعه وناطرين التكمله

إنتي شلووووونج ؟

 

[rawona]

لأ تأزمت لما قريت فاطمه

خلاص فاطمه إنتي ما تحبينه خليييييييييه

لا بالعكس .. فاطمه اتحبه .. بس ماتعرف تتصرف في المواقف .. وكلمه اتوديها وكلمه اتيبها .. واي شي تقوله امها اتسويه.. وهذا اللي خرب عليها ..
​

هلا اسبرانزا شخبارج من زمان ماشفتج بالقصه
واو شي عجييييييييييييييييييب يارونه انا متخيله كل الاحداث
اليوم ماكو لقافه ..........ماتوقعت شي لي الحين <<<<<<<<< thinking of comments

حسااااااااااااافه .. عاد احب اقرا توقعاتكم لوووول

يالله think of something


على ما اكتب البارتات :eh_s(8): ​

 

[مشاعل بنت شعله]

مجابله اللاب توب <<<<<<<<<<<<< تنطر لوووووول
<<<<< ما تنعطى ويه

 

[esperanza]

لاااااا رووونه لا تدافعين عنها .. أمبيه لا يكون تعرفينها لووول

لووو تحبه ما هان عليها ..ماتشوفينه مسكين يقول تخلت عني

 

[rawona]

امريكا- يوم العوده..

اقعدت شيخه من النوم على الساعه 11 الصبح .. حست انها مو شبعانه نوم لانها مانامت الا بعد صلاة الفير امس.. بس شتسوي طلال راح يمرها بعد اشوي ولازم اتكون جاهزه ..

خذت شاور وصلت .. واستشورت شعرها وارفعته فوق على شكل ذيل حصان .. شعرها وايد حلو وكثيف بس ولا مره خلته مبطل .. وعلى طول لامته ..

تأكدت من جوازها وتذكرتها .. وجيكت على ورقة الi-20 تأكدت من توقيع الجامعه عليها علشان بالرده ما تتوهق .. وحطتهم بجنطة ايدها الlv ... البست تريننغ ذرب من جوسي كوتر لونه اصفر محاحي ... ومطرز من على الظهر تطريز ناعم .. سكرت جنطتها وتأكدت من انها حطت كل الهدايا والصوايغ ومانست شي! ..

رتبت الشقه على السريع "لانها مرتبتها امس" .. بخرتها وافصلت كل البلاكات من على الطوفه .. طالعت ساعتها 1 و10 دقايق .. اممم ما حبت تتصل وتستعجل طلال .. بطلت التلفزيون واقعدت اطالع البرامج .. رن التلفون بشقتها .. وحست بمغص فبطنها!! اكيد طلال ...

شيخه: الوو

صوت بو مشعل: هلا شيوخه!

شيخه: اهلين ..شلونك يبه؟ شخبارك؟

بومشعل: تمام .. امس امج اتقولين انج اتصلتي وماكنت موجود!

شيخه: اي والله بس بغيت اسلم عليك واقولكم على موعد طيارتي ..

بومشعل: اليوم بتطيرين عدل؟

شيخه: اي يبه وباجر انشاءالله اوصل الكويت ..

بومشعل: على خير انشاءالله.. متى بتروحين المطار؟

شيخه: اممم تو الناس على طيارتي .. ( قلبها يرقع شلون اتخش على ابوها انها بتروح مع طلال؟) .. يبه!

بو مشعل: هلا يبه..

شيخه: امس اتصل فيني طلال ولد سعاد رفيجة امي ..

بو مشعل: اي شخباره؟

شيخه: تمام .. وسألني منو بيوديني المطار "انا قلت لامي امس انه راجع معاي بنفس اليوم" ..

بومشعل: اي قالتلي امج .. انزين ؟

شيخه: مارضى اروح بتاكسي .. وقال بيمرني بعد اشوي ياخذني معاه المطار! (حدها متصرقعه وخايفه لا يعصب ابوها) ..

بو مشعل: اي ياحليله .. ماقصر .. خلاص يبه سلمي عليه .. وتشكري منه .. وديري بالج على نفسج .. يالله تامريني بشي؟

شيخه: سلامتك يبه..

بومشعل: مع السلامه ..

شيخه: مع السلامه!

سكرت شيخه سماعه التليفون واهي اتخزها مستغربه!! كانت خايفه ان ابوها يعصب ومايرضى تروح مع طلال المطار! وفكرت لو يدري انها بتروح معاه المول وبيتفطرون مع بعض شيبي يسوي!! وقررت شيخه اتصارح امها بالموضوع اذا ارجعت الكويت!


***************************** يتبع!
​

 

[مشاعل بنت شعله]

روووووونه عادي اتوقع ؟
لان توقعاتي صايره صوبين (اتجاهين )
مصدقه رووحها محلله قصصيه <<<<<<<< هههههههههههه

 

[rawona]

مجابله اللاب توب <<<<<<<<<<<<< تنطر لوووووول
<<<<< ما تنعطى ويه

:33_1185028183:
​

لاااااا رووونه لا تدافعين عنها .. أمبيه لا يكون تعرفينها لووول

لووو تحبه ما هان عليها ..ماتشوفينه مسكين يقول تخلت عني

انا اعرف كل ابطال القصه لووووووول .. بس لا اتخافين ماراح اقولها _shh_:​

 

[rawona]

روووووونه عادي اتوقع ؟
لان توقعاتي صايره صوبين (اتجاهين )
مصدقه رووحها محلله قصصيه <<<<<<<< هههههههههههه

اي عادي حبوبه توقعي .. يالله خل نسمع رايج :eh_s(3):
​

 

[z8rtia]

انا كاسر خاطري طلال فغيير @@

وفاطمه بااطه جببببدي @@

خل اقولكم شقاع اتخيل

اتخيل طلال وشيخه يطلعون مع بعض من بوابة المطار ويسولفوون ويضحكون مع بعض وفاطمه وامها يشوفونهم ويحترقوون

شريره انا ببط جبدهم :$!

يالله روون عفيه كمليي فكره توديني وفكره تييبني

ممتعه القصه بشكل مو طبيعييييييييي

حبييتهم !!

 

[إنسانه وأكثر]

واااااااااااااااااي روووووووووووووووووووووووووونه كملي امبيه بدت تحمىىىىىىىى الأحدااااااااااث

يلايلايلا يلا بلييييييييييييييييييييييييييييززززز

ترى جد كاشته بالشغل ومجابله الشاشه وكل شوي رفرش رفرش