قصة حب بين طلال وشيخة ... مو صج!!عجيــــــــــــبه... "قصة حقيقية"

[semaasem]

لوووووووووووووووووووووووووووووووووووووووووووووووووووووووووول


حدها تصير لي شيخة على هالطيحة

عاد تتسلط هالسوالف عروس وحالتها حالة تطيح

 

[Girlicious]

صياح الخيرات و الأنوار على احلى روووونا
يعطيييج العافية على البارتات الحلوة
قمت اضحك بروحي على طيييحت شيخة <<<<<<<<<ههههههههههههههههههه

 

[مشاعل بنت شعله]

لووووووووووووووووووووول

 

[aldana]

صباااااح الخير رونه و باجي البنات
انا حسبالى شيخه اغمى عليها من التعب .... ماتوقعت طاحت و تكرفست المسكينه
يالله رونه كملي .... بالانتظاااار

 

[rawona]

يوم العرس ..

اقعدت شيخه من النوم على الساعه 12 ونص الظهر .. كان موعدها في الصالون الساعه 2 ..

انزلت تتريق ومالق احد في البيت! دلال كانت رايحه ليلى غاليري علشان اتييب شبكتها (كانت بتصغر الخاتم والاسوار) .. وامها طالعه ورايحه للصاله علشان تتأكد من وضع الكوشه .. وكانت شيخه ناطره حنان بتمرها بعد اشوي ويروحون مع بعض الصالون .. عقب ما تريقت وخلصت راحت اتجيك على اغراضها .. وفجأة اخترعت!!!

بدلة العرس مو موجوده!! البدله كان يبيلها تصغير وقالتلها مدام ليلى اللي بالاسطوره انها ماراح اتخلص الا يوم الخميس وانهم راح يوصلونها لها للبيت!! خافت انهم يتأخرون عليها وما اييبونها بسرعه! اتصلت على دلال وقالتها عن البدله

دلال: لا تحاتين شيوخه .. الحين اكلمهم .. يالله انا راح اكون عندج بعد 10 دقايق .. لبسي علشان تروحين الصالون انا راح اقطج وحنان باتييلج اهناك..

شيخه: اوكي ..

رحت شيخه بدلت وانزلت .. وبنزلتها والا بدلة العرس توها واصله! ..

دلال: يالله جاهزه؟

شيخه: يالله ..

وراحت شيخه الصالون ويتلها حنان اهناك .. ودلال وام مشعل راحوا صالون ثاني ..

** ** ** **

بيت بو طلال

ام طلال وبناتها .. كانوا يعرفون وحده اتيي البيت اتحط ميك اب .. ووحده تسوي شعرهم فما راحوا الصالون وحطوا الميك اب في البيت .. ويابوا مصوره .. وصوروا واستانسوا .. وصور بوطلال واخوانه ..

بما ان بو طلال سوى لولده عشا للرياييل في يوم الملجه بديوان العايله .. ما سووا عرس للرياييل لانه ما يمديه يعزم الكل عليه .. فكان طلال قاعد ما عنده شغل طول اليوم .. راح العصر الحلاق ورد قعد في البيت! امه كانت مخلصه جنطته مالت الفندق ومزهبه كل شغله ..

صور اشوي مع امه وخواته واهو عادي بدشداشه البيت!! وقعد يطالع مباراة بدارة لين يا موعد زفته!!

** ** ** **

كانت شريفه مختبه ومعصبه على امل اللي اتحط ميك اب ..

شريفه: لا اموله كلش كلش مو عاجبني .. صاير اوفر!! خففي من الكحل اشوي بليز .. وكثري من الاي شدو .ز

وام وليد كانت قاعده اتسوي شعرها بالصالون وتقرا مجله!

فاطمه ما يت معاهم لانها قررت انها ما تحضر العرس!


** ** ** **

كانت بدريه قاعده تلبس طقمها الالماس وتلقي نظره نهائية على شكلها قبل لا تروح الفندق .. التفتت على دلال ..

بدريه: ها اشرايج؟؟

دلال: اتهبلين خالتي .. ولا جنج ام العروس..

تبتسم بدريه .. وتنزل اتعدل نفنوف ليونه الاوف وايت .. وتضبط الورده على شعرها ..

بدريه: ليونه يديده حلوه والا مو حلوه؟

ليان: حوه!

بدريه: وااي ياحلوج! عيل خلودي راح مع ابوه؟

دلال: لا مع ماريا في البيت .. ابوه قالي انه اول ما يتصلون عليهم علشان يزفون المعرس من بيته بيمر ياخذه ..

بدريه: اوكي .. يالله لا انتأخر..

************************************* يتبع!


​

 

[Shima-Style]

واااي ونـــااااسه بس انا بعرف شغله عم طلال ابو فاطمه درا عن الملجه وفاطمه وامها درو واصاااار فيهم؟؟؟

 

[rawona]

لوووووووووووووووووووووووووووووووووووووووووووووووووووووووووول


حدها تصير لي شيخة على هالطيحة

عاد تتسلط هالسوالف عروس وحالتها حالة تطيح

صياح الخيرات و الأنوار على احلى روووونا
يعطيييج العافية على البارتات الحلوة
قمت اضحك بروحي على طيييحت شيخة <<<<<<<<<ههههههههههههههههههه

لووووووووووووووووووووول

صباااااح الخير رونه و باجي البنات
انا حسبالى شيخه اغمى عليها من التعب .... ماتوقعت طاحت و تكرفست المسكينه
يالله رونه كملي .... بالانتظاااار

لوووووووووووووووووول ..

صباح الانوار ياحلوين ..


المسكينه طاحت طيحه محترمه هيهيهيهي


يالله الحين اكمل الباجي..:eh_s(6):
​

 

[rawona]

واااي ونـــااااسه بس انا بعرف شغله عم طلال ابو فاطمه درا عن الملجه وفاطمه وامها درو واصاااار فيهم؟؟؟

اي دروا ... بس مايقدرون يقولون شي!

ام وليد وشريفه احضروا العرس .. وفاطمه ماراحت ... ​

 

[مشاعل بنت شعله]

روووعه كملي

 

[Shima-Style]

كــــمـــــلي :ggdw: كــــمـــــلي :ggdw: كــــمـــــلي :ggdw:
يعطيييج العااافيه .. وعساااج عالقــــوووه

 

[المـاسة]

أنا كنت متااابعه بصمت بس الحين بقولج كملي بسرعه شوقتيني مابقى شي:tomato2:


واللي يرحم والديج :yaaaaaarb:




روناااااااااااااااااااااا

:krkrkr:

لايوقف
لايوقف
لايوقف



بسرعه كملي:RoadRunner:


مابقى شي تكفين لاتحرين قلبي عالنهاااايه

 

[المـاسة]

والله عيشتيينااااااااا الأحدااااث :hjy5jewf:


وكرهت فاااطمه وامهااااااا النسره ويبيلهم :23_asmilies-com:

 

[rawona]

العرس ... قاعة الفندق ..


كانت ام مشعل ودلال .. وام طلال ويدته وعماته اول الواصلين للقاعه .. وتالي اوصلو اهل ام مشعل "امها وخالاتها " .. واوصلو بعد خالات طلال وحريم خواله .. وتالي اوصلوا البقيه (بنات الخالات والخوال .. وبنات العمات والاعمام والصديقات المقربات لام مشعل وام طلال .. وكان الحفل محفوف جدا ومقتصر بس على الاهل والاصدقاء المقربين)..

كانت الصاله مرتبة على شكل طاولات مدوره وبالنص مزينينها بورود وشموع ماشيه مع الكوشه ..

طاولة الاستقبال عليها مواعين ذهبيه فيها حلاو وسويت .. ومزينه بالشموع والورد ..

الكوشه كانت وايد سمبل وراقيه .. يغلب عليها اللون الاوف وايت .. الورود اوف وايت وداخله فيها جم ورده بنفسجيه ..

كانت حنان مسويه مفاجأة لشيخه .. وكانت يايبه شاشه كبيره وعارضه عليها صور لشيخه من يوم كانت بيبي لين ادخلت الجامعه لي اخر صوره لها بامريكا وخذت من ام طلال هم صور لطلال بنفس هالمراحل العمريه .. وسوت لهم مونتاج مع ميوزك راقيه وعرضتهم بالصاله على ما اييون باجي الضيوف وتبتدي الحفله..

بدا الدي جي يشتغل .. والبنات يرقصون وفرحانين .. وليونه تمشي ورا امها ماتدري شالطبخه! .. نوره وحصه افتتحوا الرقص .. وانضمت لهم شريفه عقب .. وتالي ابتدوا البنات بالعايله يرقصون ويستانسون .. وكانت اخر اغنيه قبل دخلة العروس

"سير علينا ياهوى ..سير علينا ..

مشتاق لعيونك تعال .. سير علينا..

سير وشوف اللي جرى.. في غيبتك حالي برا ..

النوووم من عيني سرى.. وانا انتظر منك الوصال ..

سير علـــينــــــــــا ياهوى ... ســـــــــير علـــــــينا!

كانت الليموزين اللي وصلت شيخه وحنان واقفه عند الباب .. انزلت شيخه وساعدتها حنان بفستانها .. كان قلبها يرقع .. واتحس بخوف وتوتر .. قرت عليها حنان وعطتها جم نصيحه على الطاير!

ابتسمي !

امشي خطوتين واوقفي!

لا اتنزلين راسج!

لا تمشين ابسرعه!

شيخه كانت تسمع كلام حنان وودها تصرخ بويها من كثر التوتر! سمت بالرحمن ودعت ربها انها ما تتفشل واطيح جدام الناس!


************************************* يتبع!

​

 

[Shima-Style]

امبــــييييــه دمعت عيني لما شيخه انزلــــت من اليموزين >> احلى لحظــه
كملي بليززززززز

 

[المـاسة]

بعد عمري رونااا

ماتقصرين

لا طولين عليناا يالغالية

 

[مشاعل بنت شعله]

متابعه

 

[المـاسة]

رونا عفيه كملي قبل لا اطلع

والله العظيم اني قاعده عشاااانج

 

[rawona]

زفة العروس


كانت شيخه واقفه عند الباب .. ناطره الاشاره بالدخول .. كانت تسمع اغنيه "سير علينا" وقلبها يرقع! تنطر بس توقف الاغنيه علشان تدخل!

اوقفت الاغنيه .. وزاد توتر شيخه .. وحست انها راح اطيح من طولها.. بدت موسيقى هاديه اول شي .. كانت نوره وحصه متفقين انهم يلبسون مثل الرداء لونه اوف وايت .. ويمشون ينثرون ورد على موسيقى هاديه قبل لا تدخل شيخه ( يعني حركه) .. وكانت حركه نايس منهم ..

وابتدت بعدين موسيقى الزفه

اغنية مبروك عروستنا .. ليوسف العماني..

"مبروك .. مبروك .. مبروك .. عروستنا ..

يارب بارك .. عرسها .. مبروك .. عروستنا.. "

وادخلت شيخه بخطوات بطيئه وهاديه .. شافتها امها وادمعت عينها وقامت اتسمي وتقرا عليها ..

كان شكل شيخه حيل ناعم وستايل.. كانت لابسه نفنوف اوف وايت ناعم وذرب .. وطرحتها كانت ستايل اسباني مطرز بذهبي على الاطراف .. وكانت تسريحتها حيل كيوت والميك اب مالها ناعم .. بين جمال عيونها واخفى تعب اليومين اللي طافوا! .. كانت شبكتها حيل راقيه وذربه .. ومحد انتبه للسلسله اللي كانت لابستها ومخشوشه تحت الشبكه! كانت لابسه سلسلة طلال وماحبت تفصخها بهاليوم.. وكملت اللوك مالها بساعه شوبارد راقيه .. ومسكتها نعومه والوان الورد فيها الاوف وايت والبنفسجي << نفس الكوشه..

طولت شيخه اشوي بالمشي (باتفاق مع حنان) وما كملت ربع الطريج للكوشه الا تدخل اغنية الزفه الرئيسيه "هب السعد بصوت فطومه" وتستمر لين توصل للكوشه!


هب السعد هبايبه لرياحي
ويا شاريه لعباد وين صلاحي

ويا زينه ياعلج و السعد ذبالي
وهبوبي حيج من وليج يلعالي


هب السعد هبايبه لرياحي
ويا شاريه لعباد وين صلاحي

وشبهت الزينه و الصبا حين لين دنه
ولا القمر و اربعه واثناني

هب السعد هبايبه لرياحي
ويا شاريه لعباد وين صلاحي

يا مهرة (ن) عند الايواد
ربوها بيت (ن ) رفيع ومركز(ن) عالي

هب السعد هبايبه لرياحي
ويا شاريه لعباد وين صلاحي

حظي على اخوانج يا الزينه جمله
عوضتهم بالواحدين واحداني

هب السعد هبايبه لرياحي
ويا شاريه لعباد وين صلاحي

اوصلت شيخه اخيرا للكوشه .. واقعدت وصورت مع رفيجاتها وبنات خالاتها وعماتها ومع امها ودلال وحنان و حمولتها وام طلال وخواته واهلهم .. كانت شيخه اتحس بالارتباك من النظرات اللي اطالعها .. واتخزها .. وماكانت مرتاحه من الوضع كلش وودها اتشيل نفنوفها بيدها وتركض تنحاش!

كانت حنان وايد مستانسه وفرحانه لرفيجتها .. وكانت واقفه ابعيد اشوي يم الكوشه اتراقبها ومستعده للتدخل ومساعدتها اذا استدعت الحاجه! كانت حنان تسمع همسات من البعض .. وكانت تبتسم على التعليقات وتقرا على رفيجتها المعوذات..

من هالتعليقات اللي اسمعتها ..

" امصيبه شفتي اشحلاتها!"

"اي حبيبتي هذيل اللي قاعد حظهم مو انا وانتي!"

" اي والله صاجه.. شوفيها سافرت وارجعت ومعاها الريل!"

"شكلها اتعرفه!"

"انا سمعت انه خاطبها من الصيف!"

" والله يمكن مو طايفه علي شغله ان كل شي صار ابسرعه!"

طنشت حنان هالتعليقات السخيفه .. وراحت اوقفت يم رفيجتها!

******************************************* يتبع!
​

 

[المـاسة]

ايوه روناا ايوه رونا

:ggdw:



:ggdw:


وهذا التشجيع مني بقعد اصفقلج لين تخلصين

:ggdw:

لايوقف

:ggdw:

لايوقف

:ggdw:

لايوقف

:ggdw:



وهذي مني لج



:tek:

 

[بدوره 22]

الف الصلاة والسلام عليك يا حبيب الله محمد

كللللللووووووووووووووووش