قصة حب بين طلال وشيخة ... مو صج!!عجيــــــــــــبه... "قصة حقيقية"

[لولا المحبه]

واااااااااااي حلوه القصه

كملي كملي كملي اماااااااااااااااااااااانه

رووعه

 

[rawona]

اينن البارت

وسوري تعبناج معانا بس شنسوي حبيبنا القصة


Good Night

القصة اكثر من روعة !
تييننن
نبي بارت باجر بلييييز عشان قبل الميدتيرم
يعطييج الف عافية على مجهوودج

اهئ اهئ اهئ

ليش كل ماندمجت حييل يطلع البارت صغير

علي العموم يسلمووووووووووووووووووووووووووووووووووووو

ننطرررررررررررررررررررررر بشوووووووووووووق لنهاية القصه

البارتات رووووووووعه تسلم ادينج :hjy5jewf:


و الاغاني اهبلوون حدج ذووووووق


لا طولين علينا :eh_s(8):

اتهبل القصه ماشاء الله بس ابي اصلحلج كلمه تكتبينها بالغلط كلمة انشاء الله الصح تنكتب ان شاء الله ويالله احنا متابعينج لاتبطين علينا

حياتي مشكووووووره عالبارتات والله يعطيج العافيه واخذي راحتج متى ماقرتي نزلي

waiting
waiting
waiting
waiting
waiting
رااااااااااااااااااااااااااااااااااااااااااااااااائعه يارونه ....الى الامام ........ القصه تنفع مسلسل احسه راح يكون عجيب احسن من مسلسلات هلايام ..............GOOD LUCK

حيل حلو البارت بدت الاحداث تحلى
يعطيج العافيه
الصراحه جذبتينا صرت اقعد من النوم على طول ابطل اللاب اشوف في بارت جديد والا لا

يعطيج العافيه
بالانتظار

واييييييد مشكوره وانا وايد مستانسه بالاحداث وخصوصا الاماكن إلي بامريكا لانها كلها انا مريت فيها الجمعيه ......تاجير الديفيديات ....وأهم شي ريد لوبستر ....رجعتيني للأيام الحلوه ........وياحلو العيشه بأمريكا....بس هم الحنين
للكويت ...يظل ابداخلنا .......ز

وااااااااااااااااو


يعطيج العافيه ونوم العوافي

ومشكوره وماتقصريين

يهببببببببل البارت

وأإو
البأإرت حده رووعة
اتمنى انج ما تطويلن علينأإ
بانتظأإر البأإرت اليأإي .. \

ونااااااااااااااااااااااسة

وبعدين وبعدين شصار


حسستينا بالاثارة روونه

وااااي القصه عجييييييبه .. يعطيييج العافيه وصج حبيت شيخه وطلال يونسوووون

يلالا راوووووووووووووووونه ناطرينج على ناااااااااااااااااااااااااااار

بليز كملي يلا شصار ؟؟؟

وااااي بس خلاص تعبنا من وين انيب الصبر :eh_s(11)::krkrkr::eh_s(16)::yaaaaaarb::eh_s(2)::eh_s(2):

حدي اندمجت بالقصه اتينن
كملييييييييييييي

Thank yOu!


:33_1185028183:
​

 

[rawona]

الكويت: بيت بو وليد..

بو وليد: وهذي بنتج لي متى ناويه ترفض كل اللي يتقدمون لها؟

ام وليد: هااا .. اي ... مو اهي للحين متعلقه بطلال ولد اخوك.. و

بو وليد: ومدامها باغيته ليش ما رضت فيه يوم تقدم لها؟؟ الريال تقدم بدال المره اثنين واهي اللي ما بغته .. الحين اتقولين انها تبيه ومتعلقه فيه؟!

ام وليد: يابو وليد فطوم ما ارفضت طلال لانها ما تبيه.. اهي بس كانت اتحاتي دراستها وخافت انها بزواجها ما تقدر اتكمل .. والحين خلصت الحمدلله .. يعني اذا حبوا يتقدمون ماعندنا مانع!

بو وليد ( معصب): صج والله؟؟ تبيني اروح اقول حق اخوي .. والله اذا ولدك للحين وده بالبنت ترى بنتنا ماعندها مانع تعالوا اخطبوها؟!! ليش اهم يمشون على كيف بنتج ومزاجها والا ناطرين بس الاشاره؟!!
ام وليد (تساحله): طول بالك حبيبي .. لا تستعيل .. انت خل الموضوع علي وانا راح احلها انشالله..

بو وليد: والله محد راح يضيع البنت الا انتي و افكارج!

** ** **

الهيئة العامة للتعليم التطبيقي- كلية الدراسات التجارية ..

غرفة الهيئة التدريسية..

كانت فاطمة قاعده تصحح اوراق الطالبات .. ولما خلصت تنهدت وسندت ظهرها على الكرسي وراها .. واقعدت اتفكر ..وبعد فتره التفتت على جهاز الكومبيوتر .. واشبكت على الانترنت .. افتحت ايميلها واختارت ترسل رسالة يديده ..

كتبت رسالتها .. وحطت العنوان .. ودزتها..! والحين بتنطر وبتشوف ..

****************************** يتبع!


​

 

[rawona]

ميلواكي ، ويسكونسن – امريكا

كانت شيخه لاهية مع امها بالمطبخ .. اتقصص اغراض السلطة .. وترتب صحن الفواكه .. وسوت كريم كراميل وحلو المانجا وحطتهم بالثلاجه ... وتالي سوت الحشو والدقوس .. وخلت الدياي والعيش على امها .. اللي كانت توها مخلصه من طبق المعكرونيا بالباشاميل (احتياط) للعشا .. وعقب ما خلصت من المطبخ اطلعت اتجيك على نظافة وترتيب البيت .. بس شافت عزوز اخوها قاعد ينظف زجاج البلكونه الارضيه بالصاله..

ابتسمت وقالت: يعطيك العافيه..

عبدالعزيز يبتسم: الله يعافيج .. ها شرايج بترتيب الصالة؟ كل شي اوكي؟

طالعت شيخه الصاله عدل وتفحصتها: اممممممممم مش بطاله! هيهيهي لا والله شغل عدل .. اول مره اشوف الطاولات تلمع جذي!

عبدالعزيز: اي يبه.. علشان تعرفون بس احنا شغلنا غير .. و نغلبكم يالحريم!

شيخه: keep dreaming (استمر باحلامك) هيهيهيهي .. الا شالطاري؟؟ غريبه يعني عمرك ما نظفت ولا رتبت شي من قبل! ودارك بالكويت "تشهد" !!

عزوز: والله مادري .. شفتكم بالمطبخ تشتغلون من الصبح .. كسرتوا خاطري قلت اساعدكم .. يالله الواحد لازم يتصدق من فتره والثانيه على اللي مثلكم! (يضحك)

شيخه: عشتوا! .. عموما يعطيك الف عافيه ومشكور على هالصدقه .. في ميزان أعمالك "انشاءالله" .. : )

شيخه: يالله انا رايحه اخذ شاور سريع والبس .. ماباجي شي ويوصلون .. الا وين ابوي؟

عزيز: مادري .. توه اهني .. وتالي طلع وقال اشوي وراد ..

شيخه: عيل اكيد راح يتمشى شوي.. اوكي .. يالله تشاو!

عزيز: حياج!

بعد دقيقتين .. يدخل بو مشعل الصاله ومعاه اغراض ..

بو مشعل: تعال عزيزان يبه .. ساعدني ..

ركض عزوز ناحية ابوه وشال عنه الاغراض : وين رحت يبه؟

بو مشعل: رحت السوبرماركت اللي يمنا .. شريت شوية شموع وبراويز .. وهالمزهريه الحلو علشان الورد اللي هذا (يأشر على باقة ورد شاريها) ..

يضحك عزيز: انزين اشحقه كل هذا؟

بو مشعل: مادري احس شقة اختك صج حلوه بس ناقصها شي ..

عزيز: شاللي ناقصها؟

بو مشعل: ناقصها .. لمسات بو مشعل الخاصه .. هيهيهي

ضحك عزيز وقام يساعد ابوه بتصفيف الورد وتعديل المفارش على الطاولات .. وانثروا الشموع على كبر الشقه وشبوها علشان تنتشر ريحتها الحلو بالشقه عقب لوية الطباخ والبخور .. وحطوا صور لهم بالبراويز اليديده .. ووزعوها على الارفف والمكتبه .. وبعد نظره شامله للغرفه من بعد التعديل ..

بو مشعل: اي جذي يحس الواحد انه قاعد في بيته! : )



*************************************يتبع!

​

 

[rawona]

شيكاغو، الينوي – امريكا

قعد طلال الصبح ولقى امه لاهيه تسوي طبق علشان تاخذه معاها لبيت بو مشعل .. طلع وراح المول .. مر محل الكاكاو المشهور Godivia وشرى علبه كاكاو كبيره وذربة .. علشان ياخذها معاه حق شيخه!

رجع ولقى خواته محتلين الحمام وغرفة الملابس وعندهم حالة استنفار .. اللي قاعده تحط ميك اب و اللي قاعده تستشور شعرها .. وعفسه!

طلال: وييييييييييييه ... اشهاللويه؟ الحمدلله اني مو بنت! بتروحون عرس وانا مادري؟؟

حصه: طلال اسكت واللي عافيك مو وقته هالحجي .. ماتشوفنا لاهين؟ ترى اذا يانا ابوي الحين وما لقانا خالصين بيعفسنا!

طلال: وانا اشقلت الحين؟ انتوا اللي خابين نفسكم بهالعفسه! بعد اشحقه هاللويه .. جينز وبلوزه وخلصنا!! ما تسوى استشوار ومادري شنو ..

قربت نوره يم طلال : اقول طلال جنه امي اتناديك .. باي! (ودزته وسكرت الباب بويهه)!

طلال: الخبــــــــــــــــــــــال .. مشكله!! (يضحك)

قعد طلال على الانترنت اشوي .. على مايخلصون اهله .. بطل ايميله .. وقرا اهداء شيخه وابتسم .. راح على الان بوكس يسوي ديليت للايميلات الjunk .. وفجأة انصدم يوم شاف ايميل يايه من فاطمه!

قعد فتره واهو يخز الايميل وما بطله للحين .. فاطمه؟ .. معقوله؟ .. حس برقعه بقلبه .. وبطل الايميل .. وقراه ..

السلام ..

شلونك طلال؟ شخبارك؟ ..

ادري يمكن تستغرب اني دازه الايميل ..

بس بصراحه .. صارلك فتره تطري على بالي ..

وقلت اسأل عنك وعن أخبارك .. وأشوفك شمسوي بغربتك .. ودراستك..

فاطمه ..

ظل طلال فتره يقرا الايميل .. ويعيد قرايته .. وحس بحرقه بقلبه .. واخيرا سوي "ريبلاي" ودز لها ايميل..!


********************* يتبع!


​

 

[rawona]

رن التلفون في شقة شيخه ورد عزيز ..

عزيز: الو ..

بو طلال: الو السلام .. شلونك يبه؟

عزيز: هلا والله .. الحمدلله بخير ..

بو طلال: احنا اقراب منكم بس بغيت اعرف اسم الشارع .. ابوك عندك ؟

عزيز: اي لحظه اشوي ..

وكلم بو مشعل بو طلال .. وتالي كلم طلال علشان يوصف له المكان ..وسكر الخط ..

بو مشعل: يالله بدريه .. خلصتي؟ تراهم يايين بالطريج الحين ..

بدريه: حياهم الله .. كل شي خالص .. باروح اطل على شيوخه للحين ما خلصت؟

الباب يطق ..

شيخه: ادخل!

بدريه: ها يمه خلصتي؟ ترى الناس يايين الحين .. كاهم اقراب ..

شيخه: اي يمه خالصه .. اشوي واطلع..

اوصلوا بيت بو طلال لشقة شيخه.. وادخلو واقعدوا بالصاله .. وتبادلوا السلام والسواالف عن الطريج والدرب .. وان المسافه مو حيل بعيده والدرب حلو ومريح ..

ادخلت شيخه الصاله تسلم ..

رفع طلال راسه وشافها .. حس برقعه قويه بقلبه.. وفجأه حس انه مو قادر يشيل عينه عنها .. دخلت شيخه وكانت لابسه بنطرون ابيض .. وتوب شيفون بالوان الفوشيا والوردي .. وداخل فيها اللون الذهبي بقصة الحزام على الخصر .. هالمره كانت مسويه شعرها كيرلي ورافعته فوق ..

كانت شيخه مستحيه .. ما كان ودها تدخل عقب ما يقعدون بس اخرها شعرها شوي لانها بالغصب ثبته فوق مثل ما تبي ..

اقعدت بين البنات تسولف وتضحك معاهم .. وعقب ما اشربو العصير .. صار نفس اللي صار في بيت بو طلال .. الكل راح يتساعد على تحضير السفره .. وعقب الغدا .. اطلعوا كلهم البلكونه .. والطاوله كانت جاهزة عليها الجاي والقهوه والحلو ..

ام مشعل: شلونكم مع السوق امس؟ عجيب .. تنزيلاتهم اتينن ..

ام طلال: والله قالي طلال امشي يمه مسوين عروض بس والله مارحت .. قلت تو الناس على السوق ..

نوره: واحنا اللي صرنا الضحيه!

حصه: اي والله .. اتصدقون من يينا من الكويت ما رحنا السوق ! بس اول ما ينا مشانا طلال على السريع بالمول .. ما اشترينا شي!

ام طلال: عيارتكم .. منو اللي راد ب 4 اجياس من ميسيز ذاك اليوم؟؟

نوره: يمه هذي يسمونها مقبلات مو مشترى!

الكل يضحك..

ام مشعل: انزين ليش ما تخلين البنات يروحون المول الحين مع بعض ؟ شيسوون اهني احنا بنقعد ونسولف واهم بيضيق خلقهم .. خليهم يروحون مع شيخه المول يتمشون ويتشرون على راحتهم..

ام طلال: والله مادري .. اخاف ابوهم ما يرضى ..

حصه: امبلا بيرضى انشاءالله ..

حصه: يبه.. (وقالتله فكرة ام مشعل)

بو طلال: انا ما عندي مانع .. تبون تروحون كيفكم!

نوره: هيااااااا ..

عزيز و فهد: هيهيهيهي ...

طلال: يا حبكم للسوقه! : )

شيخه: اوكي عيل يالله نطلع الحين علشان يمدينا نرجع امبجر ..

حصه: يالله ..

ام مشعل: شيوخه ديربالكم يمه .. و لا تطولون ..

شيخه: انشاءالله ..

بو مشعل: شيوخه..

شيخه: هلا يبه!

بو مشعل: تعالي شوي ..

ارتبكت شيخه لان ابوها قاعد يمه طلال .. واهي للحين ما حطت عينها بعينه .. واستحت انها توقف يمه واهي اتكلم ابوها ..

قربت شوي ..

بو مشعل: تعالي اشفيج قربي .. باكلمج!

قربت شيخه و اوقفت يمه ..

طلع بو مشعل البوك من مخباته .. وطلع 1000 دولار وعطاهم لشيخه..

شيخه: حق شنو هالفلوس يبه؟

بو مشعل: حقج .. تشترين فيهم ..

شيخه: خلهم هندك يبه .. عندي فلوس ..

بو مشعل: اي ادري عندج .. هاج هذي 500 دولار ازياده .. ويالله روحوا لا تتأخرون ..

باست شيخه ابوها على راسه .. وتشكرت منه .. وراحت السوق مع خوات طلال ..


************************************* يتبع!


​

 

[z8rtia]

امبيييه اتييييييينن شيووخه .. وييع فاطمه النسره شتبي مو ما تبيه وتخلت عنه .. قطيعه يايه الحين شحقه .. حسيت ودي اخنقها !!!

كملي عفيييه رواااان عاااشت الأنامل اللي قاع تكتب القصه

 

[rawona]

كان يوم "شوبينغ مميز للبنات" وايد استانسوا فيه مع بعض .. واضحكوا .. وخذوا راي بعض بالملابس والاكسسوارات .. والميك اب .. وكان صج مثل ما يقولون " غيرلز داي" ..

** ** **

بو طلال: بو مشعل شرايك؟ ... امس قعدت اسولف مع طلال عن الاماكن السياحيه اهني .. ومثل ما تدري الاماكن السياحيه اكثر في ولايات الثانيه .. مثل فلوريدا .. او واشنطن و نيويورك .. وهم بعد كاليفورنيا .. فمادري ودكم نروح كلنا جذي بسفره جماعيه مع بعض؟

بو مشعل: والله انا بالعكس ماعندي مانع .. على راحتكم والله .. احنا نحب اليمعه بس هم مانبي نخرب عليكم .. وتاخذون راحتكم اكثر بسفرتكم العائليه ..

طلال: لا عادي بو مشعل الوالد والوالده ودهم بسفره جماعيه معاكم فقلنا نشوفكم اذا تحبون تروحون وجذي علشان اسوي كل الترتيبات واحجز للرحله ..

بو مشعل: والله اذا علي انا ماعندي مانع !

عزيز: اي والله يبه خل نروح وناسه..

فهد: ودونا اورلاندو عفيه .. خل نروح ..

بو طلال: ها شرايكم؟ ام طلال؟ انتي وام مشعل .. عندكم مانع والا عادي ؟

ام مشعل: انا عادي .. : )

ام طلال: انا راضيه بس بشرط!

طلال: شنو..

ام طلال: اذا المسافه بعيده .. مابي اروح بسياره! كيفكم!

الكل: هيهيهيهي ..

طلال: اوكي صار .. تبونا انعزم على فلوريدا؟

بو مشعل: والله يا ولدي .. احنا ما نعرف شي .. ديرتك وانت كيفك شوف وين تبي اتودينا .. واحنا معاااك ..

طلال: خلاص انا اشوف الرحله واشوف اشكثر بتكلف واعطيكم خبر انشاءالله..

بو طلال: خوش .. وينهم البنات جنهم تأخروا؟

ام طلال: بعد تعرف بناتك .. شيطلعهم من السوق! : )

ام مشعل: يالله خل يستانسون .. شوراكم؟ تو الناس .. والا مليتوا؟

ام طلال: لا والله بالعكس .. قعدتكم ما تنمل .. بس تدرين ورانا طريج..

بو مشعل: كلها ساعه ونص .. عادي يبه قعدوا ما وراكم شي..

ام مشعل: شرايج انروح انتمشى بالممشى اللي يمنا؟

ام طلال: اي والله .. ملينا من القعده ..

بو مشعل: ها فيكم شده تلعبون جنجفه؟

طلال: يالله فوقه!

بو طلال: باكسر راسكم .. صبروا وبتشوفون ..

فهد: يبه كل مره اتقول جذي ويغلبك طلال!

بو طلال: ايا التعبان!
الكل: هيهيهيهي ..

بو مشعل: يعني الحين تحدي بيني وبين طلال .. ماعرفتوني .. يسموني "العمده" بهاللعبه..

بو طلال: طلال .. وزع بس وزع .. الحين باعلمكم اصول اللعب ..

طلال: يالله .. نشوف .. شورانا! : )



****************************** يتبع!


​

 

[rawona]

امبيييه اتييييييينن شيووخه .. وييع فاطمه النسره شتبي مو ما تبيه وتخلت عنه .. قطيعه يايه الحين شحقه .. حسيت ودي اخنقها !!!

كملي عفيييه رواااان عاااشت الأنامل اللي قاع تكتب القصه

اييييييييي والله لزقه!!



يالله انشالله تعجبكم البارتات .. ونفذت كلامكم ونزلت بارت طويل ..


يالله فـــــــــــــــــــــــــــاصل .. ونــــــــــــــــــــــــــــواصل ..


Lunch Time


:botetoo:

​

 

[z8rtia]

ايييييننووون البرتاات بعد عفيييه روااان بعد حطييييي .. تيت ترى انا ناطرتج هني .. فيني فضووول شرد عليها طلال بالايميل .. وامها النسره شناويه علييه .. احس في مغامراات بالسفره .. قاعده واخمن وافكر

 

[~*~الملكة~*~]

ونااااسه

بس اشتبي فطووم قطيعه

عفيه قوليلي طلال ماراح يتزوج فطووم عدل!!!

 

[^^نور الكويت^^]

القصه رووووووووووووووعه واليوم انا خلصت كل البارتات يالله بليييييييز لا اطولين علينا اندمجت بالقصه والأحداث اليايه شكلهااا عجيبه :eh_s(15): بشووف اهوااا ليلحين يحب فاطمه ولا خلاص نساها بعد ما شاف شيووخه :fun: وشكووره حبيبتي على القصه والله يعطيج العافيه :eh_s(9):

 

[الغاليه ام احمد]

عفيه روااااان كملي ما فيني صبر

 

[حمره بنفسجيه]

يفوق الوصف حبى لك يفوق الوصف شوقى لك يفوق الوصف يفارق حيل عن غيرك صطا فى قلبى تاثريك وكل ماجيت اعبرلك تغلبنى تعابيرك اذا فكرت افكر فيك واذا سولفت اسولف فيك كان الدنيا بس انت كلام الحب بس طاريك ياشهد العشق وميزانه وكل الورد والوانه لو انه للغلا عنوان ياعمرى انت عنوانه

 

[It'S Me]

waaaaaaaaaaaay wanasa 7aady 3esht eljaw weyahoom

tara walla ams 7alamt feehom

amoot o a3areef 6alal shgal 7ag fa6ooom

waaay wanasa a7ees romanceya 3ala bra2a y3ny so cute

kamlay plz

 

[ghalya]

رووونه عجيبه قصتج حدي اندمجت ... أنا ما أدخل صوب القصص والروايات بس كله من نجدية قريت عنوان قصتها و شدني و عقبها قريت قصتج ...... أنا توني والده وبالنفاس و النفسية الله لا يراويييييج يعني لا تأخرين علينا ترا انتي اللي مونستني ....

 

[P!NKia]

يسلموووووو على البااارت الروووووعه
لاطووليييييييييين علينا

 

[احساس طفلهـ]

واااااااااااااااااااااااااااااو يسلمو خوش باااااااااااااااااارات روووووووعه


وبنتظااااااااااااااااااار المزيد

 

[مشاعل بنت شعله]

روووووووووووووعه
ناطره البقيه

 

[]دنيا الوله]

رووووعه ماشاء الله القصه اتهبل حدها عجييييييييييييييييييييبه يالله كملي انا متابعتج
وبصراحه كتابتج وايد تشوق والله خلتني اندمج وقعدت ابجي مع شيوخه بعد جبدي