قروب بنات التلقيح الصناعي .. حياكم هنا 2012

[خطف قلبي]

عند منو سويتوا التلقيح ؟؟
بنات جاوبوني فيدوني لو سمحتوا ؟؟
و جم كلفتهم ؟؟

 

[rachaaa]

محمد بكري باسلام
تكلفة بدون العلاج 50
العلاج اهو ( الابر وشذي يطلع حب نوع الابر)
والله يفرجها عليج وعلينا ياااااااااااااااااارب

 

[دلوعة ميشو]

خطف قلبي ,, آنآ سويته بالعرف عند دكتوره منتهى
مع تحاليل الهرمونات و السونارات و العلاجات تقريبا 200 و شيء

 

[ككوته]

انا سويته عند ليلى اشكناني وكلفني تقريبا ٢٥٠ مع العلاجات والمراجعات وكل شي

 

[عسل حدي]

محمد بكري باسلام
تكلفة بدون العلاج 50
العلاج اهو ( الابر وشذي يطلع حب نوع الابر)
والله يفرجها عليج وعلينا ياااااااااااااااااارب

وين 50 انا مسويه 4 مرات عند الدكتور محمد بكري ب150 وفشل التلقيح
غير الابر هذا ماكو شي ب50

 

[rachaaa]

حبيبتي التلقيح بروحه ب 50

 

[EL-bawarah]

عند دكتوره فوزية القطان العملية بس ١٥٠ دينار بدون العلاج و السونارات

 

[عسل حدي]

مستخيل العينه تعطينه المختبر ب٥٠ ويا التلقيح ١٥٠

 

[rachaaa]

والله ما ادري استغربت وايد عهذا الموضوع انا ادفع 50 اكيد انا كل شهر ادفعها ​

 

[عسل حدي]

غريبه حده لاني سويت ٤ مرات عموما الله يعوضنا

 

[misk]

كل عام وانتم بخير حبيباتي وعساكم من عواده

وربي يرزقكم الذريه الصالحه يارب باسرع وقت

 

[دلوعة ميشو]

مسك و آنتي بخيـر يآقلبي ينعآد علينا و عليج بصحه و سلامه
.. الله كريم يعوض تعبنا ..

 

[سمراء كويتية]

عيدكم مبارك

 

[عسل حدي]

عيدكم مبارك حبيباتي

 

[أنثى لاا تنسى]

مرحبا كويتيات وعيدكم مبارك
حبيباتي آنــــ į ąɱ ــآ سويت التلقيح الصناعي وتعبت منه حيل والم فظيع
بعرف انتو حسيتوا مثلي ولا عادي كان مَٓعٌاآگُمْـ؟
سؤال ثاني بَعَــ♡ـدْ التلقيح طلع مني افرازاع غريبه وسويت تحليل ومسحه
‏​مٍْْـٍْْ♡̷̴̬̩̃̊ـٍْْنٍْْ الرحم وطلع مَٓعٌاآيْ التهابات شديده مع اني ماعمري شكيت ‏​‏​منـِْهـ♡̨̐ـِْا
بَـßÊـسّ صارلي فتره احس بإحساس غريب ومن قبل لا اسوي التلقيح وانا
حاسه ان مَٓعٌاآيْ التهابات وحسبي اُلُـُ♡̨̐ـُلُـُ♡̨̐ـُهُ عليها الدكتوره تقولي عادي عادي
بَـßÊـسّ اشربي ماي وماعطتني شي لها كانت تكلمني وهي مستعجله بَـßÊـسّ
تبي تخلص بسرعه تقول مافيك شي ولا كلفت نفسها حتى انها تسويلي التحليل
تتأكد حتى كنت اخليها تعيد الكلام اكثر ‏​مٍْْـٍْْ♡̷̴̬̩̃̊ـٍْْنٍْْ مره عشان افهم شنـِْ♡̷̴̬̩̃̊ـِْۈۋۈ
تقول ‏​مٍْْـٍْْ♡̷̴̬̩̃̊ـٍْْنٍْْ كثر مو مستعجله وتبي تفتك والحمدالله عّلـْ♥̸̨̨͡ـَى اللي صار
سؤالي ممكن الالتهابات الحين تأتر عّلـْ♥̸̨̨͡ـَى نتيجة التلقيح او تمنع الحمل؟
لاني مااكتشفتها الا بَعَــ♡ـدْ يومين ‏​مٍْْـٍْْ♡̷̴̬̩̃̊ـٍْْنٍْْ التلقيح

 

[أنثى لاا تنسى]

دلوعة ميشو شصار عليك
سويتي تحليل؟

 

[al_kadee]

يالله ننطر بشارة حمل دلوعه ودلوعه أنا مثلج سويته بالعرف عند الدكتوره عزه. بغيت اسألج هي اللي جيتيها بعد ماسافرت الدكتورره منتهى لمن تقولين قالت لج هرمون الحليب مرتفع بس نسبه بسيطه لايكون هذي عزه لاني جيتها على وجهي محد مدحها لي وشكلها مو اختصاص تلقيح وهالأمور

 

[ككوته]

عيدكم مبارك بنات وعساكم من العايدين والفايزين وتبشرونا بحملكم يارب
حبيبتي احساس انثى انا اول يوم بس حسيت بالم لمن خلصت والضاهر كان الم الاخصاب
اما على الالتهابات يعتمد على حسب نوعها لازم تسوين تحاليل تعرفين نوعها عشان تعطيج الدكتوره العلاج المناسب وان شاء الله ماتضر بالتلقيح وتحملين يارب بس انتي نطري لمن تتاكدين اذا صار حمل ولا لا وشربي ماي وااايد وااايد وااايد
عسى ربي يشفيج ويشفيني من الالتهابات ويرزكم الحمل قرييب يارب

 

[دلوعة ميشو]

صبآح الورد بنآت و كل عام و آنتو بخير ..
الحمدلله على كل حال
سويت التحليل باليوم 14 من التلقيح و النتيجه سلبي
مافي حمل
و اليوم لي 18 من بعد التلقيح و لا نزلت الدوره
حتى اعراضها اختفت بس الم بسيط بظهري
و نغزات تحت السر


متى تنزل الدوره اذا مافي حمل ؟؟؟
اليوم كملت شهر بالضبط من آخر دوره
لأنها جتني 4 من رمضان
و كانت منتظمه اخر الشهور


عسى ربي يعوضنا خير

​

هلا حبيبتي كآدي .. آن شاء الله آبشرج و تبشريني قريب
آيه اللي بالعرف كانت عزه و هي مو تخصص تلقيح
بس نساء و ولاده و حسيتها ماتفهم صراحه






ودي آقنع نفسي خلاص آن مافي حمل
لأن عقب ماطولت الدوره بديت آوسوس
و في وحده بمنتدى كاتبه انه مابين معاها الا عقب 3 اسابيع
الله كريم

 

[أنثى لاا تنسى]

عّلـْ♥̸̨̨͡ـَى كل اللي مرينا فيه والتعب والابر والالم
اصعب شي هي فترة الانتظار فترة هالاسبوعين
هذي واحنا ننطر النتيجه ونلاحظ اي شي يتغير
بجسمنا ونتعلق ونبني امال عّلـْ♥̸̨̨͡ـَى كل شي غريب يصير لنا
وحتى يمْـڱڼ بَعَــ♡ـدْ نتخيل ونتوهم اشياء ماصارت
ونعيش جو ونعيش ازواجنا معانا بهالجو وبلذة الوهم
ولم يصير الوقت گـِْ♡̨̐ـِْلِْ شي يتحطم ويخدعنا جسمنا
ونكتشف ان گـِْ♡̨̐ـِْلِْ شي سراب
لحًظات صعبه نعيشها گـِْ♡̨̐ـِْلِْ شهر اذا اخذنا علاج او
بدون علاج اذا سوينا تلقيح او بدونه يارب تواجرنا
وتريحنا ‏​مٍْْـٍْْ♡̷̴̬̩̃̊ـٍْْنٍْْ هالعذاب النفسي الحلو والمر بنفس الوقت

(اللهم اني احتسب الاجر لديك فيما اعيشه واعانيه)