قررت اتطلق تكفون سمعو سالفتي وساعدوني

[ظبية بوظبي]

وبعدين بنات .. حريم.... ليش حسستوني انها زنت !
هي وصلتها للزنى بعد ؟ ولا مجرد خيانة

 

[Pink_Roses]

موضوع مقرف

 

[ماكواسم2]

حدج جريئة
شلون دخلتي شقته ماخفتي يغتصبج وتير فضيحة
ماخفتي احد يطيح عليكم
دام يبيج وهو اللي يعرفه عنج انج مطلقة ليش ماتقدم لج
تبينه تطلقي وتزوجيه لاتخربين سمعتج وسمعة بناتج
هذا اذا هو يبيج لانه ما اعتقد بيتزوج وحدة تخون زوجها واتيي عنده الشقة

:23_asmilies-com::23_asmilies-com::23_asmilies-com:


خالصين

 

[ظبية بوظبي]

:23_asmilies-com::23_asmilies-com::23_asmilies-com:


خالصين

يحليلنا والله احن بريئات البنات خخخخخ بكرا نتزوج ومخنا يخرب

 

[pupa_990]

عجبني كل كلامش في كل رد حطيتيه بس حابه اعرف كم عمرش

عمري 19 حبيبتي
ومشكوره :eh_s(7):

 

[ظبية بوظبي]

عمري 19 حبيبتي
ومشكوره :eh_s(7):

ما شاء الله
الله يحفظش

:rerrerek:

 

[pupa_990]

حبيبتي اجمعين:**

 

[أحلى البشر]

ماقول الا الله يهديج ويصلحج ويردج له ردا جميلا

اختي الفاضله أغلب الظن ان الرجل يلعب عليج لاتهدمين بيتج وعيالج وسمعتج على وهم
وبالنسبه لزوجج اصبري والله حرام عشرة عمر 12 سنه تضيعينها وفكري ببناتج سمعتهم واستقرارهم النفسي مع ابوهم
انتي مو مراهقه ولا ياهل تعوذي من ابليس واتركي عنج هالخرابيط عيب وحرام هاللي تسوينه

 

[باتشي99]

الله يستر عليك

 

[زييييينه]

بالعكس انا ايد اللي واجهها في غلطا اذا قلتو حرام وحرام البنت راح تمادا
انا مالي شغل بزوجها ولا عيالها انا كل اللي محيرني علاقتها مع ربها
لو صلحت يصلح كل شئ
مسكينه الشيطان لاعب عليها
طبيعي زوجها يخونها
لانها تخونه
ياربي سترك
وربي لو زوجي مايطالعني خير شر ولا يصرف علي
احتسب الاجر واصبر واربي بناتي احسن تربيه
بس في سؤال محيرني
معقوله في وقت تكلمين بساعات وتطلعين وتنظفين بيته وتدرسين بناتج
وقايمه بشغل بيتج وقايمه بزوجج
الله يعينج زين ماتشتتين
الله يرشدج للصواب يارب ويصحيج انتي بغفله انتبهي

 

[قلب سعد]

لاحول ولاقوه الابالله انتي عارفه ان اللي قاعد تسوينه غلط وحرام لكن تبررين لعمرج لانج محتاجه هالشخص اصحي انت قلتي كان متزوج وكانت علاقته مع زوجته نفس حياتج مع زوجج يعني هو شبيه لزوجج ظلم زوجته وارخصت عنده وهي ام عياله انت بتكونين اغلي يعني مثل ماطلقها وارخصت بعينها انت بعد كنت مجرد لعبه يتسلي فيها الي يبي وشاري مايرضي يكلمج ويشوه من سمعتج لانج مره متزوجه لكن هو ماهمه غير نفسه نصيحتي لج عيشي حياتج مع بناتج وادعي ربج يسخر لج زوجج

 

[shak!shoka]

الله يهديج و يصلح حالج ،، هذا ابتلاء لازم تكونين اقوا من جذي و حطي بناتج جدام عينج

و صدقيني والله العظيم من ترك شيئا لوجه الله عوضه الله بشي احسن منه

انا احس انه يجذب عليج و يمكن مو مطلق زوجته من الاساس !

مهما كانت نيته ،، قاومي الشيطان حبيبتي


الله يهديج و ينور لج بصيرتج

 

[كوكو شانيل.]

بنات اوك غلط الي تسويه لكن هم هي انسانه وضحيه


ليش الزوج من يلقا تقصير يخربط ويخون وهي مالها حق وتبي احد يحبها ويحسسها بوجودها ندري حرام لكن هم زوجها حرام عليه هو الي حدها وهو الي خلاها تحتد ادور بداله ليش تحطون كل شي عليها ترا زوجها السبب وانا مالومها كلش صج انه هالغلطه لو درا زوجج عنها ممكن يوديج بداهيه وصج تخرب حياتج ع اصول ديري بالج اهم شي وهذا الي تحبينه قولي له هالكلام كله الي قلتي لنا انا ماقولج بياخذج ويتزوجج يمكن يطلع يلعب فعلاً وهذا واقع اكثر الشباب وعسا ربي يكتب لج الي فيه الخير وانتي موصغيره فكري عدل في بناتج قبل كل شيء

معاااااج حق الريال سواءً المره مقصره معاه او لا لما يخون يطلعون له اعذااااار اما المره خط احمر
مع إن فالشرع الحكم واحد سواءً ريال او مره

مجتمعنا يقهر :eh_s(14):

 

[زوجة ضابط طيار]

امبيه اسلوبج بالنصيحه حده مو شي اسمحيلي ماتعرفين تنصحين

 

[اميره بكلمتي]

بعرف انتي ما فكرتي انه زوجج ممكن باي لحظه يطيح عليج وربج ماراح تعيشين يوم واحد وهذا أنتي برقبتج عيال وتقولين فراغ لا حبيبتي هذا مخليج تقزيره ولعب صدقيني انتي بوضعج أحسن من غيرج تقولين طلعات وروحات وحريه اكثر من بيت أهلي اكثر من جذي شنو تبين ؟! وزوجج خليه بوضعه كما هو عليه مرده بيعرف وانتي بطريقتج الخاصة وشطارتج تقدرون تردون مثل قبل وأحسن بعد وهذاك خيولي وتقدرين تغيرين خطج ، وتقدرين تشغلين وقتج بشغلات ثانيه اهم من الخرابيط

 

[اميره بكلمتي]

وترا مأكو مثل سالفتي العوجه ويمكن اخس منج تخيلي تعرفت على واحد وما أنكر أني حبيته ويمكن حبيته اكثر من أهلي ويعرف بيتنا وأهلي كلهم وأدق تفاصيل حياتي تميت ويأه حول السنه ونص ومواعدني بالزواج وآخر شي طلع نصاب بس الشي الوحيد اللي شفعله انه ستر علي وراح بحال سبيله بس أنا شنو ستفدت ع الأقل كان درس لي وتأكدي دشي بروفايلي أنا كاتبه موضوعي من 2012 وليلحين مآثره فيني وان شاء الله تستفيدين

 

[*E.B.D.A.3*]

واو برافو عليكم بناااات !!
هاا؟؟؟ تمصخرتوا؟؟ تريقتوا على البنت؟؟
طقطقتو عليها؟؟ استعرضتو مهاراتكم الفكاهية؟؟

تهبلووون!!

Whatever
-------------------


اختي صاحبة الموضوع ،، يمكن بكون انا الوحيدة الي راح افهم موقفج عدل بدون لا احكم عليج !
الحياة الزوجية لمه تنقلب الى حياة روتينية .. تصير تأدية واجب فقط ،، يموت الشعف فيها ..
وهالشي يخلق فراغ عاطفـي، وكل حرمـة لها طريقتها بالتكييف مع الوضع ..
والي صار معاج ، انج تعرفتي على واحد ...

انا مراح اشكك بالحب الي بينكم، انا ماعرفه ولا اعرفج ولا اعرف نوايا اي احد فيكم...
يمكن يبي يلعب ويمكن نيته صافيـة ويحبج فعلا، ويمكن .. همن اهوه عنده فراغ عاطفي يبي يمليـه ، نفس وضعج ،،

فأنا انا راح اصفط موضوعه اهوه على صوب، لان الشي الي ماعرفه ما احب افتي فيه !!
بس ابي اتكلم من ناحيتج انتي ،،

انتي راح تحطين حياتج على المحك لمجرد انج لقيتي " شغف" مراح اسميـه حب قد ماهوه شغف والدليل حماسج للموضوع لمه قلتي اطبخله و ارتبله الخ !
صار في شغف يديد في حياتج .. اخذ تفكيرج وتركيزج، وكل شي ثاني غيره اهوه ؟ ماله اهميـة .. او فقد اهميـته،،

طالعي لي جدام ..
لان مصير الشغف يمــوت صدقيني ! الشغف شي مؤقت،،
انتي بتحطين حياتج على المحك وبتضحين بأبو البنات عشان خاطر شي مؤقت؟
لنفرض تزوجتوا انتي وحبيبج ،، مرد الحياة بتكون روتينيــة .. ومردها تصير تأدية واجب ...

سميني ام التضحيات !! لول .. انا وحده ضحيت بحياتي بوايد اشياء، ذقت طعم الخسارة، وذقت طعم الفوز ،
بدراستي بوظيفتي بعلاقاتي الاجتماعيـة الخ ،،

انا اصغر منج ، بس بعطيج هالنصيحـة لان حياتي انا بكبرها عباره عن تضحيـة ..
لا تصكرين باب، عشان تفتحين باب مجهول ... وينقلب هالباب العن من الباب الي قبلـه !!
لا تدشين بـ " مقامرة" وقت الي "هالمقامرة" بتأثر على مصير غيرج ... تدرين ليش؟؟
لان اذا خسرتي، بتكون الخسارة كبيــرة ... وخط الرجعه راح يتصكر !!
انتي بتغامرين بحياتج وحياة بنــاتج !! انتي مو بروحج ...
وخسارتج ، اذا خسرتي، بتكون كبيـرة ومؤلمــة ويمكن تغير حياتج للابد ..

انتي ماتدرين شلون معاملته بتكون لبناتج ،، ماتدرين اصلا اذا بناتج راح يبلعونه من الاساس!
وهذا الي انا اقصده لمه قلتلج لا تفتحين باب مجهول !!!

لا تفتتين عايلتج ، بيتج المستقر ، والامان الي انتي فيـه ..
بسبب شغف ، مرده يموت .. مرده يتحول الى روتين ..

 

[Rabab JASSIM]

استغفر الله ربي واتوب اليه
الشكوا لغير الله مذله
ادعي ربك وستغفري دائما ولا في شي احلى من الحلال
الله يهديج ويهدينه تقبلي مروري​

 

[mona12]

خوات ما قصرو بس الشي الوحيد الي بقوله لج الله ستر عليج دنيا واخرا وتوبي وركزي كل اهتمامج على عيالج لانهم سندج دنيا واخرا وبس

 

[سيدة دبي]

معروفه النهايه

الي ما تصبر على عيب بسيط في زوجها ما بتقدر تصبر على اي ريال ثاني

وانتي قلتيلها انج عايشه حياتج يا ربعج وانتي بعد مقصره فالريال