قدمت على بنك التسليف والادخار

[خذاني الشوق]

انشالله يقبلوني انا زوجي متردد بدوام خليطي بحاول واشووف

 

[كروانه]

شوفي الارشيف فيه مرة عوده بالسن معاها بنات ثنتين و موظف مصري يساعدهم بالتفييل

يعني الغالبيه فيه بنات بس اهم ماعندهم مانع يعينون شباب

عادي يعني توقعي الشباب و انا اتوقع اكبر لاظن يحطونج بالارشيف

 

[خذاني الشوق]

مشكوووره يالغلا والله يسعدج يارب واسمحيلي ازعجتج ..الله المستعان يالغلا

 

[NeloFaR]

كراونه ما عليج امر .. انا ماخذة دبلوم من التطبيقي ( دورات خاصة ) سنتين و نص .. يعتبرونه دبلوم و الا دورة سنتين عقب الثانوي .. هذا الشي اللي مخليني مترددة لا أقدم ..

و الوظيفة اللي طالبن تخصصي اهي مايكروفيلم معالجة وثائق .. عندج فكرة عنها ؟؟ لأن أنا ما احب الارشيف و الفايلنج او التفييل على قولتج

اتمنى تفيديني يالغالية لأني مترددة .. و مو عارفة شيي ؟؟

 

[مريوما الحلوه]

بليز كروانه وين مكانكم للتقديم ويقبلون ثانويه شهاده قديمه بس معدل عالي 3.9 وشهاده icdl عفيه قوليلي ومشكوره

 

[كروانه]

اي المايكروفيلم ما انصحج بقسمهم

فيهم بنات اعوذ بالله منهم يطفشون كل بنت يديده

شرانيات اذا بيحطونج بهالوظيفه ما انصحج فيهم كلللللللللش حبيبتي والله بتطلعين بأول اسبوع

 

[كروانه]

احنا مكانه بالديره مقابل قصر نايف و بجانب البلديه

والتقديم بالدور الخامس عند الشئون الاداريه

و تعالي قدمي مالج شغل عادي حبيبتي جربي حظج

 

[NeloFaR]

اي المايكروفيلم ما انصحج بقسمهم

فيهم بنات اعوذ بالله منهم يطفشون كل بنت يديده

شرانيات اذا بيحطونج بهالوظيفه ما انصحج فيهم كلللللللللش حبيبتي والله بتطلعين بأول اسبوع

بعد فوق الوظيفة مو شي هم البنات بعد ... ولييييه

على العموم مشكورة حبيبتي عالمعلومة

 

[حوراء الكويت]

السلام عليكم

الاخت كروانه ما عليج امر انا العام لما جيت بقدم عندكم لوظيفه منسق اداري معاملات ما خذوني مع ان عندي خبره سنه ونص كمنسق بس المشكله ان شهادتي علوم سياسيه مو اداره والاخت اللي شافت اوراقي قالت ان الاهم التخصص وعندي بعد دورات انجليزي وكمبيوتر فما عليج امر اذا تقدرين تسالين اذا النظام هاذا للحين ماشي عندكم ولا اقدر اقدم اوراقي وما يصير فيني نفس ما صار فيني العام ومشكوره ويعطيج العافيه

 

[meen_ana]

اعتقد حبوبه بس الواسطه فوق كل شي يقولون والله انا لحد الحين ماادري وايد متردده اليوم رحت مرة ثانيه سئلت وبشووف يوم الاحد القرار الاخير
يمكن يحطوني في قسم نظم المعلومات ادخال بيانات او مساعد مبرمبج ماايندري دعواتكم لي بالتوفيق بنات وتسهيل الامور ياري تتقولون جم معاشهم مع الكمبيوتر الانه يقولون لهم كادر

 

[meen_ana]

وين مكان التقديم حبوبه بليز ويقبلون شهاده ثانويه قديمه ولا لا

اعتقد عادي مكانهم يم البلديه

 

[dectora_87]

السلام عليكم بغيت اعرف جم معاشات بنك التسليف والادخار ؟
انا جامعية بكالوريوس محاسبة ؟؟ لو سمحتو ردو علي

 

[bambena]

دام طالبين ثانويه راح ياخذون بس ثانوي والتوظيف صعب يبيله واسطه

ومعاش الجامعي اكثر بوايد من 500
في كادر للحقوق ولاحصاء والمحاسبه
الدوام من 8 و 45 لي 1 ونص وجدا متشددين بالدوام والخروجيات والمرضيات واقل شي ماكو بونس

ولج حق تطلعين 12 ساعه بالشهر
15 يوم مرضيه بالسنه
4 عرضي بين كل واحد والثاني 3 شهور
التاخير 3 ساعات بالشهر تلقائي عقبه خصم من الراتب

 

[ce284]

بنات منو عندها فكرة مهندس كمبيوتر مبتدئ جم معاشه؟ وفي كادر؟
وتنصحون بالمكان ولا لأ؟

 

[fatma]

الاعلان شنو طالبين ؟؟؟ ويبون كل التخصصات الجامعية ولاشنو ؟؟ التقديم ليه متى

 

[احلا عجميه]

مشكوره ياقلبي

اعتقد لازم واسطه الله يعين

 

[زيييفا]

حبيبتي كروانة جم معاش القانوني عندكم

 

[مراسي الشوق]

اي والله كروانه انا و زيييفا خريجات حقوق واذا تقدرين اتفيدينا عن المعاش وهل عندنا كادر؟؟وهل مريتي صوب قسم القانونيين اشرايج فيه؟؟ومشكووره مقدما

 

[برشلونيـه]

كراونه حبيبتي انا شهادتي دبلوم ادارة تقديري جيد

يبون تخصصنا عندكم ؟؟

نقدم يعني ولا لازم التقدير جيد جدا ؟؟

 

[cadbury]

اي والله كروانه انا و زيييفا خريجات حقوق واذا تقدرين اتفيدينا عن المعاش وهل عندنا كادر؟؟وهل مريتي صوب قسم القانونيين اشرايج فيه؟؟ومشكووره مقدما

و انا بعد وياكم :eh_s(6):
نفس الاسئله؟