قانون التأخير الصباحي , ياغافلين لنا الله ...

[!الجادل الصعب!]

والله ماعندنا ماعند جدتي
لا موظفات ولا اداريات المدارس الا من
رحم ربي ..!
في سكرتيره كانت ماسكه الدفتر
وماتخلي احد يحضر احد تقولين وحده ماشيه
سيده
غيرو الناظره وطقت صحبه معها ..!
والله تداوم 11 وتوقع حضور عااااادي
وحنا فالحات نتحلطم من وراها بس

 

[fofo28]

رد: رد : قانون التأخير الصباحي , ياغافلين لنا الله ...

اقول ابلعوا العافيه بس
ماراح تقدرون على شي الدفتر بينشال وطقي راسج بالطوفه احنا يوم المناوبه اذا تاخرنا عن 7 بالضبط يعني يتي سبع وخمس يصكونج تاخير
والوزاره اصلا تقول من حق الناظر التصرف بالمدرسه حتى لو مو على القوانين لما تقتضيه مصلحه العمل

وانا ما اشتغل بمدرسه او ثنتين باكثر وشفتج مختلف انواع الناظرات من الطيبه لي الشريه كلهم سيم سيم

انتوا اعتبروا نفسكم مثل اللي يدش بعصابه ويشتغل معاها ولما يبي ياخذ حقه او يرفع صوته يام تصفيته

انا كنت نفسكم اعافر وهاذا حقي وهاذا مو حقكم شنو اخذت غير تشويه السمعه ولاعة الجبد

اهمه عصابه الناظرات يعرفون بعض والموجهات بعد واذا حطوج ببالهم ودوج ورا الشمس

ف بلعوا العافيه واللي يعافيكم

انا معها في كل كلمه :eh_s(15):

 

[prim rose]

:rgewrg::rgewrg::rgewrg:

:eh_s(2)::eh_s(2)::eh_s(2)::nocommint:


موحرام ليش احس انهم يلعبون فينا
واحنا من انبل وارقى واشق المهن ((((((((((((((((( حلوة انبل

 

[اللاندكروز]

بالنسبه لنشرة ديوان الخدمه عن لائحه الاجازات والتاخير والاستئذان فيها نوعين من القرارات :
الأول يخص موظفين وزارة التربية" ديوان الوزارة نفسه والمنطقة التعليميه و... صبحان "
والثاني يخص مدارس وزارة التربية يعني فيه قرارات تستثني العاملين بالمدارس من المعلمين و الاداريين يابنات .

علم ؟

​

 

[ترف بابا]

والله توني ادري واكتب التاخير على 7و 36

و 7و37

حسبي الله عليهم

 

[om mariam]

الله يكون بالعون
انا امي ناظره فمايقدرون يحاججوني اي شي يقولون لي ادق على امي واقول لها ييبيلي النشره
اول كنت اسمع الكلام شفتهم تمردو قلت ما يبيله العناد معاهم

 

[Q8Buying]

مشكورة على التنبيه
ترا ضروري نقرا ونتثقف في قوانين واخلاقيات وظيفتنا
عشان نعرف اللي لنا واللي علينا

 

[miss lulu]

لوووووووول
انا مباشرة العمل كانت اخر الاسبوع قبل لا ينتهي الدوام وكنت جايه مع ابوي يعني ما ادل المدرسه عدل عدل
يوم الاحد رحت بروحي فطلعت من البيت مبجر و احوس واحوس تخيلو اشوفها بس مادري شلون ادش لانه الي مصمم اللفه عبقري!!
المهم دشيت 7 و29 بالضبط جان تقولي منو انتي قلت تعيين جديد قالت سجلي تأخير والناس تخزها عاد انا نوعيتي ما اسكت عن حقي بس امي موصيتني اول يوم بيضغطونج ومن هالكلام سكت بس فيني حره دقيت علي امي قلت ابي ارد البيت انا منبطه جبدي
يعاملوني جني اشتغل عندهم والحين شوي شوي تأقلمت