قالولج مرت حماج حلوه او حماتج حلوه بصراحه تغثج هالكلمه وايهي تغثج اكثر ؟؟؟

[سلمى الخير]

حياكم الله

ونتيجة الاستطلاع

مرت الحمى اخذ اصوات اعلى

بنسبة 8 اصوات

 

[om rayan]

انا ما عندي حموات عشان اجرب هههههههه بس ما اتوقع احتر مادري لانه مو موضع مقارنه معاي غير عن مرت الحما


ومرت حماي الوحيد الي متزوجه ماعندي غيرها غير عن باشياء وايد لا الاسلوب ولا الستايل ولا اي شي ما اغار منها ولا اهتم اذا مدحوها عادي ساعات يكون شي صج امدحها معاهم بس اذا شفت انه مبالغه اتجاهلهم وما اعلق


بس المعروف والي اشوفه الغيره بين حريم الحموان اكثر من الحما وهذا الحجي من زمان من ايام امهاتنا يحليلهم


ومشكورة ويعطيج العافيه موضوعج شيق

 

[الراسيـ؟ـه]

اكيد مرت حماي واااي احتر اذا مدحها زوجي

 

[روزالكويت]

تصدقين اتمنى عندي احساس الغيره هذا من حريم حمواني المشكله ان ولا وحده فيهم بعيني لووووووووووووول

 

[طيبة الكويتية]

اذا وحده فيهم تستاهل اني امدحها ليش لأ
ما يضرني اني امدح وحده حلوه, و شنو اللي يقهر يعني بالموضوع هذا؟

 

[أم كشة]

تدرين عادد انا وايد يزفني ريلي يقولي لا تتكلمين عن جمالهم لأن هذا حق رياييلهم بس
انا عن نفسي الحلوة اقولها حلوة لو اكرهها
يعني مرت حماي ملكة جمال
وقلتلها هالشي بصراحة بس الكل عارف اني قلتلها هم على طول عقب ما قلتلها انها ملكة انه دمها ثقيل ومحد مشتهيها فبيت اهله ههههههههه:krkrkr:
والله يا معودين الجمال الروح مو الشكل

 

[A7la-SmiLe]

بصــــــــــــرااحه صرت اكره مرت الحمى من قبل لااشووفها او اعرفهاا
ماعندي مرت حمى بس من السوالف والمواضيع الي اقراها قمت اكش واخااف !! يعني كلهم جذي
عمتي عندهاا 5 جناين وكلهم على قلب بعض سوالف طلعات حش وكل شي وصايرين ضد بنات عمتي(حمواتهم) يعني من جدامهم شي ومن وراهم شي ثااني .. اتوقعون صج يحبون ويعزون بعض والاتمثيل ؟
وبالنسبه لحمواتي مااغار منهم بالعكس اصلا مراات انا امدحهم عند اهلي و ريلي​

 

[كاتو_كويتيه]

اممممممم


لا مااغار من حماتي عاادي بالعكس ..

يمكن اغار من مرت حمااي ...

احب اكون احسن وحده ..

وثاانكس

 

[رعبوب وعيونها وساع]

انا ماعندي حريم حموان ماتزوجو الباجي وحموات ماعندي فمايندرى عني
لكن احس وايد بنات يقولون مانهتم وبالواقع شي ثاني انا موقصدي بس جد بنات قولو الصج عادي محد بيعرفكم هني والموضوع شيق نبي نتناقش.... (لحد يفهمني غلط ويزعل)

 

[مهناز]

تم التصويت

 

[brettey]

ما اهتم ماعندي مرت حمى بس عندي حمواتي الكبيره الحمدلله والشكر كلش مافيها جمال بياض على الفاضي والحمدلله الكل يقول ان انا احلى منها بوايد اقصد الي يصيرون حق ريلي حمولتي الي من صوب خالتي اهي حدها ماساه لاجمال شكل ولا اعندها اخلاق بالمره مكرووهه وتعتبر روحها ملكه جمال المشكله ماشفت احد يقول عنها حلوه حتى زوجي يعترف يقول اختي مو حلوه
وحماتي الصغيره ماشاء الله جميله تهبل وحبوبه وطيبه والمشكله مو مقتنعه بروحها انها حلوه مع ان الكل يشهد بجمالها
واذا صار عندي مرت حمى بالمستقبل ومدحوا بجمالها عليها بالعافيه سواء احلى مني او انا احلى منها بس اذا انا احلى منها وقالوا انها احلى مني اتقبل هالشي اذا الي ابدت رايها وحده حلوه اما اذا كانت مو حلوه هالي ابدت رايها اشكره اقول لها مايهمني رايج لا انتي ما توصلين مواصيلي واقل مني بالجمال لو حلوه اتقبلها بس انتي مو حلوه فلا تبدين رايج فيني -هذا اذا قارنوا بيني وبينها - اما اذا مدحوا جمالها من غير ما اييبون طاريي ما اهتم يمكن بغار شوي بس ما ابين هالشي ومافي احد مايغار ولو بشكل بسيط

 

[معكرونه أسبكتى يم يم]

زين فهمت

اولا يقول الرسول صلى الله عليه وسلم :لا يؤمن احدكم حتى يحب لأخيه ما يحب لنفسه....

انا طبعي احب المدح للكل ...... وجانج تبين الصج مانى فاضيه حق سوالف الحريم ..... انا مره وراى بيت ويهال وزوج وقبلهم وراى عبادتى للمولى سبحانه يعنى يروح اليوم مادريت عن فلانه وفلانه ....... والحمدلله من فضل ربي على حريم حموانى وحمواتى يموتون على ودايم يدورونى ...... لانى انسانه في حالى السانى حلو مع الكل الصغير قبل الكبير .....

وورد عنالنبي صلى الله عليه وسلم أنه قال عن الدنيا أنها بالنسبة للإنسان كراكب إستظل بظل شجرة لبعض الوقت ثم مضى فى طريقه مرة أخرى.........فدام الدنيا مثل الشجر بنقعد فيها جم ساعه وبنمشي شحقه انضيعها بسوالف كلها مداخل لشيطان وماوراها الا الغيره ودبلت الجبد.....

هذى حياتى وهذى قناعاتى .......

 

[عشق]

انا بالعكس انغث من حماتي صج اهي حلوه وما فيها شي بس اسلوووووبها خاااااااااااايس

ومرت حماي بالعكس تهببببببببل وعسسسسسسسسسسسل ومالها شغل بأحد

حتى سكنت عندها 4 شهور اكلي يوصل لعندي وما تخليني اسوي شي كلللللللش

 

[غلاي غير]

والله ما اهتم

اشوف الي تستاهل المدح تستاهله واذا البنت حلوه اناقشهم بالموضوع

 

[بطة رشيقة]

شحقه انغث او احتر بعد اذا حماتى او مرت حماى او خالتى حلوه وذربه وسنعه تسستاهل المدح ليش احتر اذا مدحوووها ... بالعكس هذا ما يزعل ...

 

[cute_angle]

الحمدلله ماعندي حموات بس عندي مرت حما وحده
الحمدلله جيكره انا احلى منها
بس اللي يقهرني انها كشخه بكل شي

 

[أمواج البحر]

والله عسل على قلبي

ماشاء الله حمواتي جميلات واستانس لما احد يقولي حمواتج حلوين تبارك الرحمن

وحتى مرت حماي ماشاء الله عليها ما تحطين عليها العيبه ... ودايما اشوفها على سنقة عشره .. والكل يتحجى عن سنعها

هالشي والله يونسني

ومشكورة على الموضوع

 

[mime]

انا اصلا مو متزوجة بس ما اعتقد انقث من هالكلام لاني واثقة من نفسي و الناس اذواق ناس اتشوف هذي احلا وناس اتشوف هذيج فأهم شي بالموضوع الثقة بالنفس

 

[أم أنور]

أعطيهم طااااااااااااااااااااااااااااااااااف لأني واااااااااااااااااثقه من نفسي والحمدالله

 

[سبائك]

الذكيه اذا انمدحت حماتها ولا مرت حماها تشوف الخصل الي انمدحت فيها وتحاول تسنع من عمرها ولا شبيفيدني القهر والحرات لا تودي ولا تييب

بعدين انا عندي قاعده ما اشوف الي مادحينها اشوف منو الي مدحت بالاصل يمكن انسانه ذوقها عادي وما يهمني رايها بشي يمكن حتى اذا مدحتني ما افرح لان ذوقها مو زود بالاصل